شديد الاحساس لايستطيع السيطرة على مشاعره ...
لكن انت بإمكانك ان تسيطر على طريقة تعاملك معه ..
الي يشوف خطأ في الاملاء فانا اسفه انزل بدون مراجعه
/////////////
بالليل (٨ )
دخل وهو معصب شافها جالسه عند التلفزيون وتدهن رجولها بكريم: ترف
انتفضت وناظرت ليث الي جاي لها : ي ياهلا والله باخوي
ليث وهو يقول بحده : انتي ناشره اغنيتي
ترف بلبكه : شوف انا بس حبيت اخرفن بنات عمي وعماتي على صورتك حسيتهم خفيفات وبعد اقولك صراحه حاقده عليهم مرره .... وتعرف المثل الي يقول وقت المصالح تجيك الكلاب تنابح
ليث ناظرها وعيونه طايره : يعني كل الاغاني خلصو مابقاء الا اغنيتي ؟ ..... ذلحين تحذفيها سرعه قدامي احذفيها
ترف تاففت : اوك لاتاكلني افففف
اخذت جوالها وشافت الي شافوها وابتسمت لما شافت بنات عمها وعماتها مسحت القصه ونزلت قصه بس باغنيه ثانيه قديمه لليث ناظرت ليث ورفعت حاجبها : هااه ارتحت
ابتسم ليث : شافوها ؟.. قالو شي ؟
طارت عيون ترف : اه ياذا الوصخ ...
اخذت علبة المنديل وحذفتها بقوه بجهته هو يضحك وطارت العلبه بجنبه
ليث بسخريه : حولا انتي
ترف بحقد : مو احول منك
نوف وهي تحط مناكير لهبه : ليث بالله طلعنا قسم انخنقت من الجلسه هنا
ترف بغيض اخذت جوالها : افففف قسم هالعطله اسوء عطله مرت علي
فجر وهي تاكل فصفص : اشتقت لتبوك حيييل
ليث جلس بجنب نوف : المناكير الي استعمله افضل من ذا ... ترا ماركه وبعدين ترا هالنوعيه خايسه ببتقشر وبتخرب اظافرك وتخليها ضعيفه
نوف ناظرته بطرف عين : لا وش رايك تقلب بنت بعد
ليث قلب عيونه بملل : ترا عالاشياء مو بس للبنات
هبه ضحكت : ماعليك منه متعود على عرض الازياء ... المهم طلعنا مطعم ولك مني الي تبي ؟
ليث وهو يتمدد : قسم مالي حييييل احسني متكسر افففف ابحجز جلست مساج
ترف برجاء : اكسب فيني اجر وحجزني معك
ليث ابتسم واشر لعيونه : من عيوني
ترف اعطته بوسه بالهواء : احبك
نوف قلبت عيونها بملل : وععع
نزلت من الدرج وتفكيرها بمكان ثاني تنهدت وناظرتهم : امي وابوي مارجعو من ثامر
ليث رجع شعره لورا : انا دوبي جاي من المستشفى وقالو بيرجعو الساعه تسع
اثير جلست على الكنبه : كيف ثامر
ليث تذكر حال ثامر : مو متقبل الي صار له
انفتح الباب ودخل ابو سعد وام سعد وسامر الي عيونه محمره وقفت هبه وركضت لسامر حضنته بقوه وهي تقول بشوق : سامر حبيبي
ابتسم سامر بخفه : خنقتيني
بعدت هبه عنه وهو تتمالك دموعها : خوفتنا عليك
جلسو وقعدو يسولفون وبعدين طلع سامر لغرفته مع ام سعد
قربت ترف بدموع لابوها : يبه ذلحين سامر وثامر ماراح نشوفهم
ابو سعد بابتسامه حنونه مسح دمعه ترف : لا يابنتي بيضلون عندنا
فرح بقلق ناظرت ابوها : يبه وثامر شصار عليه ؟.. متى يطلع ؟
نزل سعد نظراته للارض بعدها رفعه بهدوء : ثامر راح مع عمك زياد عشان يتعالج برا
نزلت ملاك ومي من الدرج وملاك كانت شاحبه وتعبانه من يوسف وكلامه الغريب الصبح
- سببتي لي الوجع بتركك لي وقلت ليش ماتذوقي مثله -
سلمو وجلسو ملاك ناظرت ابوها وشافته يصد عنها استغربت كان دايم لما يشوفها يرحب فيها فكرت ان باله مشغول بسالفه ثامر لذا ماتكلمت
بعد ثواني قام ابو سعد وقال بهدوء ونبره غريبه حسو فيها عياله : لاتسهرو كثير .... ملاك تعالي ابغاك بالمكتب
ملاك رفعت نظراتها له بقلق ووقفت : اوك
مشى ابو سعد والكل ساكت حاس ان فيه شي بيصير وملاك دعت بقلبها ان الامور تمشي على خير بس كل ماتفكر بابوها تتذكر كلام يوسف ، اكيد فيه شي توجهت للمكتب ودخلت له ناظرت ابوها الي يحرك اصابعه على جبينه وباين تعبان كانت بتتكلم بس قاطعها نبرته الحاده والجاده : قفلي الباب وجلسي
بلعت ريقها وقفلت الباب حطت يدها على عنقها تدور سلسالها وتذكرت انه ضاع منها بسوق كان السلسال ذا من ابوها عطاها بحفله تخرجها ، جلست ويدها ترجف : ا امر يبه
ابو سعد رفع راسه لملاك الي توسعت عيونها وهيه تشوف دمعت ابوها الي مسحها بسرعه قالت بخوف وهي ترجف من داخل تكره تكره دمعت ابوها او دمعت امها او دمعت احد تعزها شعور يكسر بداخلها الف شي وشي : يبه و وش فيك ؟.. ثامر فيه شي ؟. ليش تبكي ؟
قال ابو سعد بالم بال بنبره انكسار : انا وش مقصر فيه عشان تسوين كذا ليش تكسرين ظهري
تجمدت مكانها عرفت انها السبب بدمعه ابوها مسكت يد ابوها ودموعها صارت تنزل : ي يبه عسني اموت اذا كسرتك عشاني احترق بس يبه انا ماسويت شي والل
قاطعها بنبره حاده وهو ينفض يده من يدها : لاتحلفين !!...قابلت يوسف الصبح بالمستشفى ذلني وكسرني وراني حقيقه غافل عنها وراني غبائي لاني وثقت فيك انتي معطيه يوسف صورك ؟
نزلت دموعها وبدت شهقاتها ترتفع اول مره ابوها يعاملها كذا : اقسم بالله عسا ارقبتي القص والله مااعطيته هو الي ه هكر جوالي وسرق الصور منه والله يايبه اني ماكذب
حرك يده وهو يحس بغصه غطى وجهه مو قادر يصدق حد مو قادر : اطلعي برا
ارتجف جسمها وهي تشوف جسم الوها ينتفض من القهر بدون ماتحس وقفت وطلعت بصمت مربك اتجهت لغرفتها وفتحت الباب بملامح خاليه من المشاعر لبست عباتها واخذت جوالها ارسلت رساله ليوسف " قابلني بالمكان ال####"
فتحت دولابها واخذت السكين الطويل الي مخبيته عندها حطتهم بالشنطه وطلعت مع الباب الخلفي بعد مااستاجرت اوبر لمحت اخوها ليث ودانيل واقف مع واحد ويضحك معاه تخبت وراء الشجره ولما دخلو البيت ركبت الاوبر وخلته يمشي ولكن الشخص الي كان واقف مع دانيل وليث شافها وعرفها عقد حواجبه بستغراب : هذي مو الي كانت تصيح بالسوق ؟. الا والله هي
دخل سيارته ولحق الاوبر فتح درج السياره وطلع القلاده الذهبيه حضنها بقبضته وهو يبتسم بخفه "اخيرا لقيتك .. طلعت بنت عمي عبدالله .. بس وش مطلعها بالوقت ذا "
