عشق ... فتحت الفون وكان اشوف شي صدمني شفت شخص دزلي نفسه الشعر لسمعته من الشخص الشفته الصبح ظليت مصدمه عزززه ياربي معقوله هو نفسه الشخص الشفته الصبح جسمي كام يرجف وتوترت زين شمعرفه برقمي ياربي سترك والله مااناقصني ....
حسيت على احد صعد راسن انطيت بلوك لرقم ومسحت الرساله ...
كمت ارجفواحسه اطرافي خدرن لان هذا الشي مو سهل لو قاسم لو احد يدري احد غريب دزلي هيج حجي يمكن يذبحني .....
اني طبعا عندي بس فايبر نزلته علمود صديقاتي بالمعهد اتراسل وياهن علمود موعد المحاظرات ...
هو دزلي من الفايبر هذي الرساله ..
ظليت كاعده افكر واكل بااظافري دائما اسوي هذا الشي من اتوتر عادة سيئه المهم....
كان اسمع موبايلي اجتي اله رساله راسن شفته وكان اشوف رساله على الرقم ( على الرصيد ) من شخص غريب كاتب بيها ...
مو عيب تحضريني ومانتعرف ؟💬
والله ذيج الحظه حسيت بخوف مااحاسته من قبل قلبي كام يدك سريع وايديه يرجفن حتى مااكدرت الزم الفون كل ساعه واكعد مني ...
لزمته وهم انطيته بلوك ظليت كاعده بغرفتي وخايفه طول اليوم خفت خوف مو طبيعي يعني شخص فوك الاسبوع يركض ورايه وبعدين اشوف رساله من شخص غريب ....
زين يمكن مقلب من احد اقربائي يمكن يريدون يختبروني لو يلزمون عليه شي ..
اي اكيد اصلا هم اغلبهم يكرهوني ودائما اسمعهم يطعنون بشرفي لان الى هذا اليوم ماازوجت وكل ماايجي شخص يخطبني ارفض عبالهم محمد اخذ شرفي وتوفى هذا تفكيرهم طول هذني السنوات عني لذالك اغلب السنوات ظليت بغرفتي بدون مااشوف احد ولا احد يشوفني ...
اي يمكن ...
ظلت هذي السالفه تاكل وياي وتشرب طول اليوم حتى مااكدرت انام لصبح ولا كدرت اسولف لاحد حتى غرام وكولش خفت ...
كعدت الصبح جسمي متكسر وراسي يوجعني لان ماانمت اليل كوله ..
كمت غسلت شفت غرام نايمه مااردت ازعجها بدلت على السريع واخذت كتبي وطلعت...
مثل العادة صبحت على ماما وطلعت بس هذي المرة كنت خايفه خوف مو طبيعي كل ساعه امشي والتفت ورايه الحمدالله وصلت لمعهد بعد مااقلبي وكف من الخوف مااعفت ايه مااقريتها منا لمن وصلت مر اليوم عادي ونسيت كولشي وياه صديقاتي على ضحك وسوالف كولش حبابات ....
رجعت لبيت والحمدالله مااشفت السيارة طبيت لبيت تقريبا الساعه بال١٢ كان هدوء طبيت لمطبخ لكيت الاكل جاهز مالت مطعم استغرب مو من العادة نجيب من المطعم ...
طبيت لغرفه ماما شفته كاعده هي ونور ودك سوالف طبعا ماما اتغيرت نفسيتها هواي من اجتي نور كامت تحجي وتضحك حتى من كانت نور مسافرة كانت كل يوم تتصل على ماما لو ماما تتصل عليها ...
سلمت عليهن نور كطعت الحجي يمكن كانوا يحجون بشي خاص اني هم انزعجت لان حسيت من نظراتها ما ترحب بيه هم اخذت غراضي وصعدت طبيت لغرفه شفت غرام كاعده على التلفزيون الموجود بغرفتي شمرت الها علاكه بيها حلويات اشتريتها من المعهد ...
كتلها شلون صرتي ..
كالت الحمدالله كل ماتوجعني ايدي اشرب من هذا العلاج راسن يروح الوجع
كتلها زين الحمدالله
باوعتلي بستغراب وكالت شبيج ؟
كتلها مابيه بس راسي يوجعني
كالت شفتج البارحه كاعده ليش مانمتي خما مضايقه مني لان جاي انام يمج ...
كتلها لا يمعوده اصلا متونسه عليج نايمه يمي بس...
كالت بس شنو شبيج منو مضوجج احسج متوترة وخايفه احجي ولج .....
( حسبت حجيه راسن ماادري خفت اكول الها على الرسائل لو على هذا الرجال يتبعني خفت لا تكول لامي لو لقاسم ) كتلها لا يمعوده ماكو شي بس ضجت من نور اول ماادخلت الغرفه ماما سكتت عبالك ماتريد تحجي شي كدامي وطبعا ملاحظتها كل مااطب الغرفه هيج اسوي ...
كالت يمعوده عوفيها هسه من خير بسوالفها المهم امي متونسه عليه هسه شهر وجيب واحد يخطبها وهسه تكولين غرام كالت
اني ضحكت وكتلها كولي يالله يمعوده بعد زوجها مانشف قبره تروح تزوج
هي هزت ايدها وكالت باع هذي البطرانه عبالج مثلج حبيبتي هذي ذكيه مو مثلج اضيع عمرها وشبابها وبعد هو اتوفى خما توكف بنقطه وماتتحرك لا حبي هذي تفكر بعقلها حتى من ازوجت هذا الشايب اخذته علمود فلوسه ...
اني ضجت من حجيها وكتلها ليش قابل احنا ناقصنا فلوس ولا تنسين هي دكتورة
هي باوعتلي بستهزء وكالت بابا شبيج انتي غبيه مو بس علمود غلوس هم علمود حريتها مااشفتي شلون قنعته وخلته يسافر وياها وعاف الدنيا كلها وسافر وراها نور انسانه ذكيه تفكر بعقلها قبل قلبها انتي تدرين لو مو صاير بنتها هذا الشي كان هسه كاعده هناك ولا رجعت...
كتلها معلينا بيها انتي تعرفين نور طول عمرها لتريده يصير عوفيها خطيه امي فرحانه بوجودها وهذا الشي كولش كافي
كالت اي صح اكولج شمسوين غده لان اليوم كعدت بال١٠ هذا الدواء خلاني مااحسه على نفسي على ماتريكت وشفت الجهال شنو محتاجين وهم رجعت نمت احسه نفسي دايخه ...
كتلها هم احسن الج رتاحي شويه اصلا شفت اكل مالت مطاعم ...
كالت اي عيني لعد الست نور اتعب نفسها قابل
ضحكت وكتلها غرام وعوفها شبيج لزكتي عليها من اجيت لهسه ...
كالت ضايجه شسوي ومامتعوده ابقى بالفراش لذاك جاي احجي على اي واحد ...
سمعت بابا الغرفه يندك ...
راحت فتحته شفت سمر باوعتلي وكالت خاله امي تكول خلي ينزلن حتى نتغدى لان الجهال اجوي ...
كتلها ميخالف حبيبتي هسه ابدل وانزل ...
هي راحت نزلت واني هم بدلت وغسلت واخذت شالي باوعت لغرام لكيتها صافه على الفيلم وجاي تاكل من الغراض الجبتهن ...
كتلها يله كومي تحتاجين عزيمه
كالت شو واي ماانزل وبعدين جاي اكل
كتلها حبي من انكسرت ايدج لهسه كل مااشوفين قاسم نختلين يعني عبالج ماارح يشوفج يعني اظلين هيج طول عمرج واصلا شفته البارحه اخذ جنطة مالت سفر وكال لماما عنده شغل باايران وراح .....
باوعتلي وكالت ليش غبيه مااكتلي من البارحه زين شكد يطول يله يرجع
كتلها ماادري اصلا مااكال شي
باوعتلي بحيرة وكالت اكولج خاف راح يزوج عليه
اني ضحكت وكتلها اي بلكت يخلص من خبالج
أنت تقرأ
ترك بصماته على جسدي
Romanceعوفني تعبت من وراك الى متى هاا .. الى متى تبقى بظلمك هذا الى متى تبقى بجبروتك شوفي ربي شلون راح يكسرك على كل مرة لمستني على كل مرة جرحتني ... انت ماتخاف الله شوف جسمي شنو سويت بي شلون .... روايه حقيقيه
