شيخ وزوجتي بنت شيخ

البارت الاول

شيخ اسر:رحنة للذكر وكملنه الذكر قبل منطلع ذكرتة لبابا
شيخ سعد:تعال اسر انشوف الشيخ محمود خوش ناس يجوز عندة بنية او نخطبهة منة
شيخ اسر:رحنة للشيخ محمود السلام عليكم شيخي
الشيخ محمود:وعليكم السلام شلونك احوالك شلون الاهل
شيخ سعد:الحمدلله كلهم بخير انت شلونك شلون الاهل
شيخ محمود: الحمدلله بخير احمد ومحمد والله حيل متعبيني ميقبلون يدرسون والله البنات شهد ثاني متوسط حيل شاطرة بس بطلتهة لان اخاف عليهة وشذى هم شاطرة وشيرين بعدهة صغيرة
شيخ سعد: الله يساعدك لعد اذا بنتك شهد متدرس زوجهة
شيخ محمود:لا بعدهة صغيرة
شيخ سعد:ابو احمد اني اريد اخطب شهد لابني الشيخ اسر
شيخ محمود:ان شاء الله يصير خير وكل شي قسمة ونصيب
شيخ سعد: ان شاء الله ابو احمد ردنة خبر حتى يجون الاهل او يشوفوهة
شيخ محمود :ان شاء الله يصير خير احجي وية البنية ورد الخبر بس خلي يشوفوهة بالاول
شيخ سعد:لعد باجر ان شاء الله يجون
شيخ محمود:هلة بيكم يله ابو اسر من رخصتك
شهد:حيل احب المدرسة حيل شاطرة جنت قبل سنة اتزوج عمي عبد القادر سوة حفله بالقاعة لبست فستان قصير ماروني مستور فتحت شعري او سرحتة اصلا هوة سرح حيل او طويل طبعا مكياج ممنوع بابا يتخبل منة ماحطيت او اصلا ميحتاج لان اني بيضة ورسومي حلوة او عندي غمازتين وصلنه للقاعة ركصنه الما تعبنه واحنة بالقاعة 3نسوان خطبوني او ماما كلتهلم بعدهة صغيرة ومن هل الحجي  ورة سبع ايام من العرس اندك الباب طلعو خطابة رفضوهم اهلي اربع خطابة للبيت يجون او بابا ميقبل طبعا ماعدا الي حجو وية ماما اصلا ماكالت البابا ورة شهر من العرس بابا رادني رحتله
شيخ محمود:شهد بعد ماكو روحة لا لبيت جدج اهل امج ولا بيت اهلي ولا تروحوين لبيت صديق ولا الحفله ما الج طلعة خارج البيت يعني متواجهين احد من ولد عمتج (بعصبية وصياح)
شهد: حاضر بابا(انقهرت حيل اصلا اني ما اروح بس لبيت جدو اهل بابا او اهل ماما او منعني اروحلهم او حفلات اكرهن والاصدقاء من يروحون ما روح وياهم)
عمر:اني جنت طالع جان اشوف بنية سبحان الخالقهة ملكة مال جمال ضليت ادحك عليهة وهي ولا رفعت راسهة بس مدنكة طالعة من المدرسة ضليت امشي وراهة لحد مادخلت البيت سألت عليهم كالو خوش ناس دزيت اهلي يخطبوهة بس من رجعو كالو ما قبلو لان صغيرة
شهد:جمي علينه خطابة كالو شايفني من دارجع من المدرسة
الشيخ محمود:من اتصلت علية ام احمد كالت جايين خطابة انوب شايفهة من جانت بالمدرسة فرت فور من رجعت للبيت صحت شهد
شهد:ها بابا تفضل
الشيخ محمود:اذا شفتج طالعة باب البيت تنكسر رجلج بعد ماكو مدرسة
شهد:بابا كال هيج بكلامة حكم علية بالموت ضليت ابجي للصبح مانمت ولا اكلت صارت الساعة بالسبعة نضفت سويت الغدا كعدتهم بالعشرة ونص سويت ريوك كملو غسلت المواعين رجع بابا من الدوام با1:00صبيت غدا او صعدت للغرفة اني ما اكلت من الغدا البارحة او ما نايمة نزل ضغطي تخربطت بعد ما احس بشي ضليت تقريبا ساعة متخربطة ولا واحد انتبه علية بس من خلصو اكل اتذكروني لان ماسويتلهم جاي و ما غسلت المواعين ورة 3ساعات كعدة لكيت نفسي بالمستشفى
الشيخ محمود:رجعت للبيت ضايج شفت شهد صبت غدا و صعدت ما حجيت وياها سألت ام احمد ليش ما جتي تاكل
ام احمد:تريكت متشتهي كملنه غدا ورة ساعة الاكل بالكاع ماسوت جاي اصلا مانزلت دزيت شذى تصيحهة ورة شوية منسمع الة صوت شذى تصيح بابا الحك شهد متخربطة حاولنه انكعدهة بس ما كعدت شالهة احمد اخذناهة للمستشفى كالت الدكتورة فقر دم حاد و جفاف و نازل ضغطهة حيل و السكر هم نازل حطولهة مغذي وكانونة و أبر كعدت
ها شهد شلون صرتي
شهد:الحمدلله المهم رجعنة للبيت ضليت نايمة بعدين كتلهم صرت زينة ورة شهر طبعا اني ضعفت حيل و تمرضت نفسيتي تعبت صارت مشاكلي اني وماما تكثر لان اني بابا ميقبل اطلع و ماما تريد تطلع بس يكوللهة شهد وين تروح لهذا متطلع صرت مثل الجبل على اهلي بحيث ميتحملوني كرهت نفسي تمنيت الموت طلبت من ربي لو اموت لو اتزوج حتى اخلص من هل العيشة تمنيت ازوج واحد يصوني يحميني يحبني يحسسني بوجودي يسأل عني عدلة ميته بد ما تركت دراستي كمت ما احجي شفت بعيني تفرقت اهلي بيني وبين اخواني وخواتي وحبهم الهم من يطلعون يشترون بس لشذى وشيرين و للولد ماعدا طلبات شذى كلهة يسوهة بيوم من الايام جانت شذى مريضة اهلي حارو شيسون ضلو مينامون الليل والاكل يجي ليمهة ولان هي مريضة او احنه انام بغرفة وحدة نعديت منهة من طابت بس اني جانت اقوى كعدت الصبح  راسي ماكدر ارفعة من الفراش و حس بعضامي متكسرات لان اني عندي فقر دم او اكل ما اكل رحت للماما كتلهة ماما اني حيل مريضة ماكو علاج اخذة ردتلي
ام احمد:منو كايلج مديرين بالج على نفسج قابل انتي طفلة روحي نضفي البيت وسوي غدة قبل ميجي ابوج
شهد:جانت مثل طلقة او ضربتيني بيهة لان اني بنتهم مو بنت الجيران ليش يعاملوني هيج مع العلم اني ممقصرة وية احد سحلت نفسي سحل حتى اطبخ وانضف الحمدلله كملت اجة بابا من الدوام صبيت الغدا ما تغديت لان ما اشتهي ولا تريكت كملو غسلت المواعين صعدت نمت طبعا ضليت سبوعين مريضة جانو يشوفوني كدامهم شلون مريضة بس محد يهتم صرت زينه كم يوم سمعت ماما تحجي وية خالتي
ام احمد:ام يسرى ما اكدر اجي لان شهد وين تروح والله بزعتنه مثل الجبل علينة
مخبلتنه اربع وعشرين ساعة لو مريضة لو على التلفون بس تسوي مشاكل وية اخوانهة
شهد:سمعت ماما هيج تحجي انصدمت ضليت ابجي و اكول ليش هيج تحجي اني صرت مثل الجبل اني بنتكم غير تحبوني مثل متحبوهم ماما سمعتني احجي وابجي كتلتني كتله الة كسرتني كتلهة ليش متحبوني شنو السويته اني مو بنتكم
ام احمد:ما احبج. ان شاء الله اتموتين الله يخلصني منج اي مو بنتي
شهد:كتلهة ما اذاني بكد ما حجيهة اذاني جان يكسر الكلب نويت بس يجيني خطابة اقبل حتى ارتاح و اريحهم لان ما اكدر انتحر حرام مرت سنة كاملة من بطلت اليوم خميس بابا اجة من الذكر صاحني
الشيخ محمود:شهد  باجر. بيت صديقي شيخ سعد ابنه شيخ اسمة اسر عمرة 35 سنة جايين يشوفوج بس اني ماموافق بس امج قنعتني وهسة انتي شنو تكولين حتى نردلهم خبر
ام احمد:كال ابو احمد جايين خطابة على شهد ضليت اقنع بي حتى يوافق لان بعد ما اتحمل بزعتني
شهد:بابا انت سألت عليه حتى توافق
الشيخ محمود:لا ماسألت ميحتاج خوش ولد او شيخ و دكتور او حالتهم المادية حيل زينه
شهد:الي تشوفه بابا اذا انت موافق ماعندي اعتراض على كلامك (طبعا اني احجي وبالخارج حيل مقهورة بس بداخلي اكول واخيرا  راح اخلص من هل العيشة)
الشيخ محمود:لعد راح اتصل على الشيخ اردله خبر لو ورة ميجون النسوان يشوفوج يلة نرد الخبر
شهد:بابا خليهة ورة ميجون النسوان يجوز ما اعجبهم
الشيخ محمود:لعد هاهية ورة ميجون
شهد:كعدت من الصبح نضفت البيت خليته يلمع ركبت الغدا ماما كالتلي سوي كيك وحلويات اني اسوي كيك مثل الجاهز واطيب و اعرف اسوي حلويات سويتهن و كملت شغلي اجة بابا صبيت غدا تغدينة غسلت المواعين كملت شغلي صعدت غسلت ولبست فستان نيلي طويل ومخصر على الجسم بي فتحة من يم الرجل سويت شعري ضفيرة طلعت حلوة بال 4:00 جمي استقبلتهم ماما