يمه شلون كلمه والهه معنه وأحله منهه لا لا ما سمعنــــه معناهه حظن دافي ويلمنــه ومعناهه الحنان اللي غمرنــه الكلمة يمه مشتـــاق أصيحنهه أمن العماق ولو باخر الدنيه تسمعينــــي وترد الروح حين تسألينــــــــي
أشوف الشيب البراسج يلالي مثل نور البدر نص الليالـــــي وعليهن شيلتج لخذت خيالــي الدللول الولد والدمع هالــــــي وأتذكر دمعتـــــــج مثل ليلو أعله خدج وبيدي أمسحهه ياشمعة سنيني وترد الروح حين تسألينــــــي
سعيد العنده أم يسأل عليهه وكل صبح ومسه يقبل أديهــــه وبيهه يصبح أمنالصبح بيهه ولو صله بصلاته يدعي ليهـه يمدله الله بعمرهــه ويضاعف أجرهــه وفدوه يكلهه الج أنه وبنيني وترد الروح حين تسألينـــــي
كمت أعشك واحب يحبيبتي النوم حته أغفه وأشوفج أنه كل يوم تزيح أبشوفتج يالطيبه لهموم يالوجهج بدر وبجفني مرسوم أيتلاشه الكلب همـــه لو جيتيني يمــــــــــه بحلامي واكحل بيج عيني وترد الروح حين التسألينـــــي
أفزمن نومي والكه الدمعه عالخد وحته دموعي لجلج لبسن أسود ونار البالكلب ما ترضه تخمــــد يمج ريت يا يمـــه أتوســـــــــد طول بطول يمـــــج أنام وحيل أشمــــــج مو هزني الج شوكي حنينـــي وترد الروح حين تسألينـــــي
عشتي يمه العمر كله انتي حصار وشافج بعينه تخبزين العصر يعني ماهمج حصار ولاحروب وللوكت مامره تحنين الضهر وألكمر صح بالسمه وماله مثيل ويمه علكاع انتي احلى من الكمر
الأم
أفرح بالحلم لمن تجينــــي وترد الروح حين التسألينــــي يمه شبيك ما بيــــــــك وحبيبي شنهي مــاذيك
امي (ღ˘⌣˘ღ) انتي مــو أم لابشر انتي ملاك انتي من الله الج هيبه وقدر أنتي الله مفضل عليج بنعيم يعني قدرج عالي وأعلى من الكمر تحت اقدامج الجنه يكـــــــول جنه وشلون أرد أوصفها بسطر يانهر يابير زمـــــــــزم والحياة أنت أعجب من عصا ألشطرت بحر ألله حط كل الصفات بقالبج وكدر يجمع ماي وي كومت جمر
شعندي غير امي وصﻻتي البيهن اكشخ من امر ابالهم ادري ما عندي عدو بس جم صديق هواي يتمنوني اطيح اكبالهم
