بقلم اوتار حزينه
١_____٢
ﺃّﻧِﺄّ ﻭِﺫّﺃّﺕّ ﺃّﻟَﺨَﻤَﺄّﺭَ
ﺑِﻘِﻠَﻢَ ﺃّﻭِﺗّﺄّﺭ ﺣٌﺰِّﻳِّﻨِﻪِ
ﺃّﻟَﺠِﺰِّﺀ ﺃّﻟَﺄّﻭِﻝَ
ﻗﺪ ﻳﺮﺳﻞ ﺍﻟﻠﻪ ﻟﻨﺎ ﺍﺭﻭﺡ ﺗﻌﺎﻧﻖ
ﺍﺭﻭﺣﻨﺎ ﺍﻟﻤﻌﺬﺑﻪ
ﻭﺗﻨﻘﺬﻧﺎ ﻣﻦ ﺣﺎﻟﻪ ﺍﻟﻀﻴﺎﻉ ﺍﻟﺘﻲ ﻧﻌﻴﺸﻬﺎ
ﻭﻗﺪ ﻳﺮﺳﻢ ﻟﻨﺎ ﻃﺮﻳﻘﺎ ﻛﻠﻪ ﺯﻫﻮﺭ ﺑﻌﺪ ﻣﺎﻛﺎﻥ
ﻣﻤﻠﺆ ﺷﻮﻛﺎ ﻭﺍﻟﻢ
ﻭﻗﺪ ﺗﻮﻟﺪ ﻣﻦ ﺭﺣﻢ ﺍﻟﻤﻌﺎﻧﺎﻩ ﺯﻫﺮﻩ ﺗﻔﺘﺢ
ﻭﺗﺰﻫﺮ ﺣﺐ ﺟﻤﻴﻞ
ﺣﺐ ﺑﺪﺃ ﺑﺼﺪﻓﻪ ﻋﻨﺪﻣﺎ ﺍﻟﺘﻘﺖ ﺍﻟﻌﻴﻴﻮﻥ ﻭﺍﺗﺤﺪﺕ ﺍﻻﺭﻭﺍﺡ ﻭﺗﺴﺎﻭﺕ
ﻧﺒﻀﺎﺕ ﺍﻟﻘﻠﺐ
ﻭﺍﻋﻠﻨﺖ ﻋﻦ ﺑﺪﺍﻳﻪ ﺣﺐ ﺟﻤﻴﻞ
،،،،،،،،،،،
ﻋﻮﻓﻬﺎ ﻭﻟﻚ ﺷﻨﻮﻭﻭ ﺍﻧﺘﻪ ﻣﻦ ﺑﺸﺮ ﻣﻜﺪﺍﺭﻙ ﻋﻠﻰ ﻫﺎﻱ ﺍﻟﻴﺘﻴﻤﻪ
ﻣﻌﻠﻴﺞ ﺍﻧﺘﻴﻴﻲ
ﻭﻭﺧﺮﻱ ﺧﻠﻴﻨﻲ ﺍﺭﺑﻴﻬﺎ ﻟﻬﺎﻱ ﺍﻟﺴﺎﻕ،،،،،،،،،
ﺣﺠﻪ ﺳﻴﻴﻒ ﻫﻴﺞ ﻭﺩﻓﺮﻫﺎ ﻟﻔﺮﺡ
ﺑﺼﻔﺤﺘﻬﺎ ﺍﻻ ﻃﺎﺭﺕ ﺭﻭﺣﻬﺎ
ﻭﻟﺰﻣﻬﺎ ﻣﻦ ﺷﻌﺮﻫﺎ ﻭﻟﻔﻪ ﻋﻠﻰ ﺍﻳﺪﻩ ﻭﻫﻮ ﻳﺤﺠﻲ ﻳﻢ ﻭﺟﻬﺎ ﺍﻟﻲ ﺩﺍﺭﺗﻪ ﻣﻦ ﻭﺭﻩ ﺍﻧﻔﺎﺳﻪ
ﺍﻟﻜﺮﻳﻬﻪ
ﻭﻟﺞ ﻭﺍﻟﻠﻪ ﺍﺫﺍ ﺷﻔﺘﺞ ﺑﻌﺪ ﺑﺎﻟﺒﺎﺏ ﺍﻛﺴﺮ
ﺭﺟﻠﻴﺞ
ﻳﺎ ﺩﺍﻱ،،،،،،،،
ﻭﺧﺮ ﻣﻨﻬﺎ ﺍﻧﻌﻞ ﺍﺑﻮﻙ ﻻﺑﻮ ﺍﻟﺠﺎﺑﻚ
ﻋﻤﻪ ﺍﻧﺘﺼﺎﺭ ﺟﺮﺗﻨﻲ ﻣﻦ ﺍﻳﺪﻩ ﻟﺴﻴﻒ
ﻭﻃﺒﺒﺘﻨﻲ
ﺑﻐﺮﻓﺘﻲ ﺍﻧﻲ ﻭﻳﺎﻫﺎ ﻭﻗﻔﻠﺖ ﺍﻟﺒﺎﺏ ﻭﺭﺍﻫﺎ
ﺍﻧﻲ ﻛﻌﺪﺕ ﻭﺍﺭﺗﺎﺟﻴﺖ . ﻋﻠﻰ ﺍﻟﺤﺎﻳﻂ
ﻭﺍﻧﻲ ﻻﺯﻣﻪ ﺻﻔﺤﺘﻲ ﻣﻦ ﺍﻟﻮﺟﻊ
ﻭﺩﻣﻮﻋﻲ
ﻣﺜﻞ ﻛﻞ ﻳﻮﻭﻡ ﻋﻠﻰ ﺧﺪﻱ
ﺻﻔﻨﺖ ﻋﻠﻰ ﺣﺎﻟﻲ ﻭﻭﻛﻤﺖ ﺍﺳﺄﻝ
ﺑﺮﻭﻭﺣﻲ
ﺍﺩﺭﻱ ﺍﻧﻲ
ﺷﺴﻮﻳﻴﺖ ﺑﻬﺎﻱ ﺍﻟﺪﻧﻴﺎ ﻭﻫﻴﺞ ﺷﻤﺮﺗﻨﻲ ﻋﻠﻰ
ﻫﻴﺞ ﻋﻢ ﻭﺍﺑﻦ ﻋﻢ ﻇﺎﻟﻢ
ﺍﻳﺪﻫﻢ ﻭﺍﻟﻀﺮﺏ،،،،،، ﻋﺘﺒﺖ ﻭﺣﺎﻟﻲ
ﻳﺒﺠﻲ ﺍﻟﺼﺨﺮ
ﻳﺪﻧﻴﺎ ﻟﻴﺶ ﻫﻴﺞ
ﻇﻠﻤﺘﻨﻲ ﻣﺮﺗﻴﻴﻦ ﻣﻦ ﺍﺧﺬﺗﻲ ﺍﻣﻲ ﻭﺍﺑﻮﻳﻪ ﺑﻨﻔﺲ ﺍﻟﻴﻮﻭﻡ ﻭﺧﻠﻴﺘﻨﻲ
ﺑﺄﻳﺪ ﻫﻴﺞ ﺑﺸﺮﺭﺭ
ﻳﺴﻤﻮﻭﻥ ﺍﻫﻞ
ﻭﺣﺸﺎ ﻫﺎﻱ ﺍﻟﻜﻠﻤﻪ ﻣﻨﻬﻢ ﺍﻻ ﺍﻟﻮﺣﺶ
ﺍﺭﺣﻢ ﻣﻨﻬﻢ
،،،،،،،،،،،،،،،،،،،،،،،
ﺍﻧﻴﻴﻲ ﻓﺮﺡ ﻋﻤﺮﻱ 20 ﺳﻨﻪ ﻭﺍﻟﺒﻨﻴﻪ
ﺍﻟﻮﺣﻴﺪﻩ ﻻﻫﻠﻲ ﺟﻴﻴﺖ ﺑﻌﺪ ﺳﻨﻴﻴﻦ
ﻃﻮﻳﻠﻪ ﻭﺑﺎﺑﺎ ﻣﻦ ﻓﺮﺣﺘﻪ ﺳﻤﺎﻧﻲ
ﻓﺮﺡ
ﺟﻨﺖ ﺑﺨﻴﻴﺮ ﻭﻋﺰ ﻭﺩﻻﻝ ﺑﺲ ﺭﺍﺡ،،،،،، ﻣﻦ
ﺗﻮﻓﻮﺍ ﺍﻫﻠﻲ ﺑﺤﺎﺩﺙ ﺳﻴﺎﺭﻩ
ﻳﻮﻭﻭﻡ ﺍﺳﻮﺩ،،،،،ﺳﻮﺍﺩ ﻗﻠﺐ ﻋﻤﻲ ﺍﻟﻲ
ﺷﻮﻓﻨﻲ ﺍﻟﻮﻳﻞ ﻣﻦ ﻃﺒﻴﻴﺖ ﻟﺒﻴﺘﻪ ﻭﻟﺤﺪ ﻫﺴﻪ
ﺟﻨﺖ ﻣﺎﺃﻋﺮﻑ ﻟﻴﻴﺶ ﻫﺬﺍ ﺍﻟﻈﻠﻢ ﻭﺍﻟﻜﺮﻩ
ﺑﺲ ﺑﻌﺪﻳﻦ ﻋﺮﻓﺖ
ﻋﻘﺪﺗﻪ ﻭﻳﺎﻳﻪ ﻭﻛﺮﻩ ﺍﻟﻲ ﺳﺒﺒﻪ ﺑﻌﺪ ﻣﺎ
ﻟﺤﻴﺖ ﻋﻠﻰ ﻋﻤﻪ ﺍﻧﺘﺼﺎﺭ ﺍﻛﺜﺮ
ﻣﻦ ﻣﺮﻩ
ﺣﺠﺖ ﻭﻏﺼﺘﻬﺎ ﻭﺩﻣﻌﺘﻬﺎ ﺳﻮﻩ
ﻋﻠﻰ ﺍﺑﻮﻳﻪ
ﻋﻤﺞ ﺯﻫﻴﺮ ﻳﻜﺮﻫﺞ ﻋﻠﻰ ﻛﺮﻩ ﺍﺑﻮﻭﺝ
ﻻﻥ ﻋﻤﺞ ﺟﺎﻥ ﻳﺤﺐ ﺍﻣﺞ ﻭﻣﺎﺕ
ﻋﻠﻴﻬﺎ ﺑﺲ ﻫﻲ ﻓﻀﻠﺖ ﺍﺑﻮﺝ ﻋﻠﻲ
ﻭﺗﺰﻭﺟﺘﻪ ﻭﻣﻦ ﺫﺍﻙ ﺍﻟﻴﻮﻡ ﻭﻋﻤﺞ
ﻳﻜﺮﻩ ﺍﺑﻮﺝ ﻛﺮﻩ ﺍﻟﻌﻤﻰ
ﺻﺪﻣﻪ ﻭﺍﻧﻀﺎﻓﺖ ﻟﺼﺪﻣﺎﺗﻲ ﺑﻌﻤﻲ ﺍﻟﻲ
ﺍﺣﺴﻪ ﻣﻮ ﺑﺸﺮﺭ ﺑﺤﻘﺪﻩ ﻋﻠﻲ
ﺣﺐ ﺑﺎﺑﺎ ﻭﻣﺎﻣﺎ ﺯﺭﻉ ﺣﻘﺪ ﻭﻛﺮﻩ ﺑﻘﻠﺐ
ﻋﻤﻲ ﺍﻧﻲ ﺟﻨﻴﺘﻪ ﻋﺬﺍﺏ ﻭﻗﻬﺮ
ﻭﺩﻣﻮﻉ ﺍﺳﺘﻤﺮﺕ ﻭﻳﺎﻱ ﺍﻳﺎﻡ ﻭﺷﻬﻮﺭ
ﻣﺮﺕ ﻋﻠﻴﻪ ﻭﺍﻧﻲ ﺑﺴﺠﻦ
ﻭﺍﻫﺎﻧﻪ ﻭﻛﺘﻞ ﻻ ﺗﻔﻪ ﺍﻻﺳﺒﺎﺏ
ﻭﺟﺎﻥ ﺍﻟﻲ ﻣﺼﺒﺮﻧﻲ ﻋﻠﻲ ﻫﺬﺍ ﺍﻟﻀﻴﻢ
ﻋﻤﻪ ﺍﻧﺘﺼﺎﺭ ﺍﻟﻲ ﺟﺎﻧﺖ ﺗﺤﺒﻨﻲ
ﻭﺗﻤﻮﻭﺕ ﻋﻠﻴﻪ ﻻﻥ
ﺍﻧﻲ ﻣﻦ ﺭﻳﺤﻪ ﺍﺑﻮﻳﻪ ﺍﻟﻲ ﺗﺤﺒﻪ
ﻭﺗﻌﺰﻩ ﻭﺑﺠﺖ ﺩﻡ ﻋﻠﻴﻪ ﻣﻦ ﻣﺎﺕ
ﻋﻤﻪ ﺍﻧﺘﺼﺎﺭ ﻣﺜﻞ ﺍﻟﻨﺴﻤﻪ ﺍﻟﻬﺎﺩﺋﻪ ﻭﻣﺎﻟﻬﺎ
ﺣﺲ ﺑﺎﻟﺒﻴﺖ
ﻫﻲ ﻫﻢ ﻣﺜﻠﻲ ﺍﻟﻮﻛﺖ ﻛﺴﺮﻫﺎ ﻭﺷﻤﺮﻫﺎ
ﻋﻠﻰ ﻋﻤﻲ ﺑﻌﺪ ﻭﻓﺎﻩ ﺯﻭﺟﻬﺎ ﻭﻫﻲ ﺷﺎﺑﻪ
ﺷﻜﺪ ﺍﺟﻮﻫﺎ ﺧﻄﺎﺑﻪ ﺑﺲ ﻫﻲ ﺟﺎﻧﺖ
ﺗﺮﻓﻀﻬﻢ ﻭﻇﻠﺖ ﺑﺎﻗﻴﻪ ﻋﻠﻰ ﺫﻛﺮﻯ
ﺯﻭﺟﻬﺎ
ﺍﻟﺤﺐ ﻭﻣﻌﻨﻰ ﺍﻟﻮﻓﺎﺀ ﻋﺮﻓﺘﻪ
ﻣﻦ ﺗﻜﻌﺪ ﻋﻤﻪ ﺍﻧﺘﺼﺎﺭ ﻭﺗﺤﺠﻲ ﺫﻛﺮﻳﺎﺗﻬﺎ
ﺑﺤﺐ ﻭﻋﺸﮓ ﻋﻦ ﻋﻤﻮ ﻋﺪﻧﺎﻥ
ﺣﺐ ﺗﻌﺪﻩ ﺳﻨﻴﻴﻦ ﻭﻋﻤﺮﺭ ﻭﻫﻲ ﺑﻌﺪﻫﺎ
ﻭﻓﻴﻪ ﺍﻟﻪ
ﻋﻤﻪ ﺍﻧﺘﺼﺎﺭﺭ ﺟﺎﻧﺖ ﺍﻟﺴﻨﺪ ﺍﻟﻮﺣﻴﺪ ﺍﻟﻲ
ﺑﻬﻞ ﺍﻟﺪﻧﻴﺎ
ﻭﺟﻨﺖ ﺍﺧﺎﻑ ﻟﻮ ﺭﺍﺣﺖ ﺷﻴﺼﻴﺮ ﺑﻲ
ﺑﺲ ﺭﺑﻜﻢ ﻣﺎﻳﻜﻄﻊ ﻭﺩﺯﻟﻲ ﺍﻟﻲ
ﺻﺎﺭ ﺍﻟﻲ
ﺳﻨﺪ ﺑﻬﻞ ﺍﻟﺪﻧﻴﺎ ﺍﻟﻤﺎ ﺗﺮﺣﻢ
ﺟﻨﺖ ﻣﻮ ﺭﺍﺿﻴﻪ ﻋﻠﻰ ﻭﺿﻌﻲ
ﺑﺒﻴﺖ ﻋﻤﻲ
ﻭﺭﺍﻓﻀﻪ ﺍﻟﻌﻴﺸﻪ ﺑﻲ ﻭﻛﺎﺭﻫﺘﻪ ﻣﻦ ﻭﺭﻩ
ﺍﻫﺎﻧﻪ ﺳﻴﻒ ﺍﻟﻲ ﻭﺿﺮﺑﻪ ﺍﻟﻲ
ﻭﻳﺎﺭﻳﺖ ﻇﻞ ﻋﻠﻰ ﻫﺬﺍ ﺍﻟﺤﺎﻝ
ﺍﻻ ﺗﻐﻴﻴﺮ ﺷﻲ
ﻭﺧﻼﻧﻲ ﻛﻤﺖ ﺍﺧﺎﻑ ﻣﻦ ﻇﻠﻪ ﻟﺴﻴﻒ
ﻳﻮﻡ ﻋﻠﻲ ﻳﻮﻡ ﻛﻤﺖ ﺍﺷﻮﻑ ﻧﻈﺮﺍﺕ ﻣﻨﻪ
ﺩﺧﻠﺘﻨﻲ ﺑﺮﻋﺐ ﻭﺧﻮﻭﻑ
ﻭﺧﻠﺘﻨﻲ ﺍﻟﺰﻙ ﺑﻌﻤﺘﻲ . ﻭﻳﻦ ﻣﺎﺗﺮﻭﺡ
ﻭﻣﺎ ﺃﻇﻞ ﻭﺣﺪﻱ ﺑﻤﻜﺎﻥ ﻫﻮ ﺑﻲ
ﻭﻣﺎﺃﺭﺗﺎﺡ ﺍﻻ
ﻳﺮﻭﺡ ﻟﺪﻭﺍﻣﻪ
ﺳﻴﻒ ﻃﻮﻟﻪ ﻣﺘﻮﺳﻂ ﻭﺻﺎﺣﺐ ﻋﻀﻼﺕ
ﻭﺷﻜﻠﻪ ﺣﻠﻮ ﻭﺿﺎﺑﻂ ﺑﺲ ﻣﻊ ﺍﻻﺳﻒ
ﻣﺎﻋﻨﺪﻩ ﺍﺧﻼﻕ ﻭﻣﺴﻘﻂ ﻟﻠﺘﺎﻟﻲ ﻭﺩﻭﻣﻪ
ﻳﺸﺮﺏ ﻭﻳﺪﻭﺭ ﻋﻼﻗﺎﺕ ﻭﻧﺴﻮﺍﻥ
ﺍﻛﺜﺮ ﺍﻟﻤﺮﺍﺕ ﺍﺳﻤﻌﻪ ﻳﺘﻮﺍﻋﺪ ﻭﻱ ﺑﻨﺎﺕ
ﺑﺸﻘﻪ ﻣﺄﺟﺮﻫﺎ ﻫﻮ ﻭﺟﻢ ﻭﺍﺣﺪ ﻣﻦ ﺍﺷﻜﺎﻟﻪ
ﻭﻛﻞ ﻫﺬﺍ ﻭﻳﺠﻲ ﻳﺒﻴﻊ ﺍﺧﻼﻕ ﺑﺮﺍﺳﻲ
ﻭﺧﻼﻧﻲ ﺍﻟﺒﺲ ﺧﻤﺎﺭ ﻭﻋﺒﺎﻳﻪ
ﺑﺤﺠﻪ ﺍﻧﺘﻲ ﺣﻠﻮﻩ
ﻭﺗﺠﺬﺑﻴﻦ ﺍﻟﻨﻈﺮ
ﺍﻭﺍﻣﺮ ﺟﻨﺖ ﺍﻧﻔﺬﻫﺎ ﻭﺍﻧﻲ ﺳﺎﻛﺘﻪ
ﻻﻥ ﺍﻋﺮﻑ ﺍﺫﺍ ﺍﻋﺘﺮﺿﺖ ﻳﺄﺫﻳﻨﻲ ﻛﻠﺶ
،،،،،،،،،،،
ﺟﻨﺖ ﺍﻓﺘﺮﺭ ﺑﺎﻟﻤﻄﺒﺦ ﻣﺜﻞ ﻛﻞ ﻳﻮﻭﻡ
ﻭﺍﺣﺠﻲ ﻭﻱ ﻋﻤﻪ ﺍﻧﺘﺼﺎﺭ
ﻋﻤﻪ ﺍﻟﻴﻮﻭﻡ ﺷﻨﺴﻮﻱ ﻏﺪﻩ
ﻭﺍﻟﻠﻪ ﻣﺎﺃﺩﺭﻱ ﻳﺎﻓﺮﺡ ﻳﻤﻜﻦ ﻧﺴﻮﻱ ﺗﺒﺴﻲ
ﺍﻱ ﺧﻠﻴﻨﻪ ﻧﺴﻮﻱ ﺻﺎﺭﻟﻨﺎ ﻓﺘﺮﻩ ﻣﻤﺴﻮﻱ
ﺩﻳﻠﻪ ﻃﻠﻌﻲ ﺍﻟﺒﻴﺘﺠﺎﻥ ﻣﻦ ﺍﻟﺜﻼﺟﻪ
ﺧﻠﻲ ﺍﺣﻀﺮﻩ ﺍﻟﺞ
ﻭﺍﻏﺴﻠﻲ ﺗﻤﻦ ﻗﻠﻴﻞ ﻻﻥ ﻋﻤﺞ
ﻣﺎﻳﺠﻲ ﺍﻟﻴﻮﻭﻡ ﻳﻢ ﺍﻡ ﺿﻴﺎﺀ ﻣﺮﺗﻪ ﺍﻟﺜﺎﻧﻴﻪ
ﻭﺳﻴﻒ ﺑﺎﻟﺪﻭﺍﻡ
ﻋﻤﻲ ﺯﻫﻴﺮ ﺍﺗﺰﻭﺝ ﺭﺃﺳﻦ ﻣﻦ ﺗﻮﻓﺖ
ﺍﻣﻪ ﻟﺴﻴﻒ ﺍﻟﻲ ﺳﻮﻩ ﻣﺸﻜﻠﻪ ﺟﺒﻴﺮﻩ ﻣﻦ
ﻭﺭﻩ ﻫﺬﺍ ﺍﻟﺸﻲ ﺑﺲ ﻋﻤﻲ ﻣﺎﺩﺍﺭ ﺑﺎﻝ
ﺍﻟﻪ ﻭﺭﺍﺩ ﻳﺼﻴﺮ ﻋﻨﺪﻩ ﺑﻌﺪ ﺍﻃﻔﺎﻝ
ﻻﻥ ﻫﻮ ﻣﺜﻞ ﺍﺑﻮﻱ ﺻﺎﺭ ﻋﻨﺪﻩ ﺑﺲ ﺳﻴﻒ
ﻭﺻﺪﻙ ﺻﺎﺭ ﻋﻨﺪﻩ ﻭﻟﺪ ﻭﺑﻨﻴﻪ
ﻭﻣﺮﺗﻪ ﺍﺑﺪ ﻣﺎﺗﺠﻲ ﻋﻠﻴﻨﺎ ﻣﻦ ﻭﺭﻩ ﺳﻴﻒ
ﺍﻟﻲ ﻳﻜﺮﻫﺎ ﻛﻠﺶ
ﻭﺣﺎﻟﻒ ﻣﻄﺐ ﺑﻴﺘﻬﻢ
ﻭﺣﺘﻰ ﺍﺣﻨﺎ ﺷﻜﺪ ﻋﺰﻣﺘﻨﺎ ﺑﺲ ﻫﻮﻭ ﺟﺎﻥ ﻳﺮﻓﺾ ﺍﻧﺮﻭﺡ ﻋﻠﻴﻬﺎ
ﻭﺍﻛﺜﺮ ﻣﻦ ﻣﺮﻩ ﻳﺴﻮﻱ ﻣﺸﻜﻠﻪ
ﻭﻳﺎﻧﺎ ﻋﻠﻤﻮﺩ ﻣﻨﺮﻭﺡ
،،،،،،،،،،،،،،،،،
ﻇﻠﻴﻨﺎ ﺍﻧﻲ ﻭﻋﻤﻪ ﺑﺎﻟﻤﻄﺒﺦ ﻧﺸﺘﻐﻞ
ﻭﻧﺴﻮﻟﻒ ﺍﻟﻤﺎ ﻛﻤﻠﻨﺎ ﺷﻐﻠﻨﺎ ﺍﻟﻲ ﻫﻮﻭﻭ
ﺭﻭﺗﻴﻦ ﻳﻮﻣﻲ ﻭﻣﺎﻳﺨﻠﺺ
ﻋﻤﻪ ﻛﻤﻠﺖ ﺷﻐﻞ ﺭﺍﻳﺤﻪ ﻟﺤﻤﺎﻡ ﺍﺳﺒﺢ
ﺍﻱ ﺭﻭﺣﻲ ﻋﻠﻤﻮﺩ ﺍﻧﻲ ﻫﻢ ﺍﻃﺐ ﻭﺭﺍﺝ
ﻣﻦ ﺗﻜﻤﻠﻴﻦ
ﺍﻧﻲ ﻣﺘﻌﻠﻤﻪ ﺍﻧﻲ ﻭﻋﻤﺘﻲ ﻧﺴﺒﺢ ﻭﻧﻜﻌﺪ
ﻧﺼﻠﻲ ﺍﻟﻔﺮﺽ
ﻭﺑﻌﺪﻳﻦ ﺍﻧﻜﻮﻡ ﻧﺼﺐ ﻏﺪﻩ
ﻃﺒﻴﺖ ﺑﺎﻟﺤﻤﺎﻡ ﻭﻣﺎ ﻃﻮﻟﺖ ﻣﻦ ﻃﻠﻌﺖ
ﺻﺎﺭﺭ ﺑﻮﺟﻬﻲ ﺳﻴﻒ ﺍﻟﻲ ﻭﻛﻒ ﻛﺪﺍﻣﻲ
ﻭﻫﻮ ﻳﺒﺎﻭﻉ ﻋﻠﻴﻪ ﺑﻨﻈﺮﺍﺗﻪ ﺍﻟﻮﺻﺨﻪ
ﺍﻧﻲ ﺩﻧﻜﺖ ﺑﺨﻮﻭﻑ
ﻭﻓﺘﺖ ﻣﻦ . ﻳﻤﻪ ﺑﺴﺮﻋﻪ ﻭﻃﺒﻴﺖ ﻟﻐﺮﻓﺘﻲ
ﺍﻧﺪﺍﺭﻳﺖ ﺍﺭﻳﺪ ﺍﺳﺪ ﺍﻟﺒﺎﺏ
ﻣﺎﺣﺴﻴﺖ ﺍﻻ ﺑﺮﺟﻞ ﺳﻴﻒ ﺍﻟﻲ ﺧﻼﻫﺎ
ﻭﻃﺐ ﻭﺭﺍﻱ
ﻭﺳﺪ ﻭﺭﻩ ﺍﻟﺒﺎﺏ ﻭﺟﺮﻧﻲ ﻋﻠﻲ
ﺍﻧﻲ ﺷﻬﻜﺖ ﻭﻓﻜﻴﺖ ﻋﻴﻮﻧﻲ ﺑﺨﻮﻭﻑ
ﻣﻦ ﺳﻮﻩ
ﻫﻴﺞ ﻭﺣﺠﻴﺖ ﺑﺼﻮﺕ ﻳﺮﺟﻒ ﻭﺍﻳﺪﻱ
ﺗﺪﻓﻊ ﺑﻲ
ﺳﻴﻒ ﺷﺪﺳﻮﻱ ﻋﻮﻓﻨﻲ
ﻧﻈﺮﺍﺗﻪ ﺍﻟﻲ ﻭﺍﻧﻔﺎﺳﻪ ﺍﻟﻜﺮﻳﻬﻪ ﺧﻠﺘﻨﻲ
ﺍﻋﺮﻑ
ﺑﻲ ﺷﺎﺭﺏ ﻭﺍﻳﺪﻩ ﺍﻟﻲ ﻟﺰﻣﺖ ﺧﺼﺮﻱ
ﺑﻘﻮﻭﻩ ﺧﻠﺘﻨﻲ
ﺍﺩﻓﻌﻪ ﻣﻦ ﺻﺪﺭﻩ ﺑﻜﻞ ﻗﻮﺗﻲ ﻭﺍﺣﺠﻲ
ﺑﺼﻮﺕ ﻋﺎﻟﻲ
ﻋﻮﻭﻓﻨﻲ ﺳﻴﻒ
ﺍﺷﺸﺶ ﻣﺎﺃﺳﻮﻱ ﺷﻲ ﺑﺲ ﺍﺭﻳﺪ
ﺍﺷﻢ ﺭﻳﺤﺘﺞ
ﻣﻦ ﺣﻂ ﺭﺍﺳﻪ ﻳﻢ ﺭﻛﺒﺘﻲ ﻭﺭﻓﻌﻬﺎ
ﻟﺸﻌﺮﻱ ﻭﻫﻮ ﻳﺸﻢ ﺑﻲ ﺑﻘﻮﻩ
ﺟﺴﻤﻲ ﺭﺟﻒ ﻭﺗﻘﺰﺯﺕ ﻣﻨﻪ
ﻋﻔﻴﻪ ﺳﻴﻒ ﺑﺮﻭﺡ ﺍﻣﻚ ﻋﻮﻓﻨﻲ
ﻣﻦ ﺣﺠﻴﻴﺖ ﻫﻴﺞ ﻭﺧﺮ ﻣﻨﻲ ﻭﻋﻴﻮﻧﻪ
ﺣﻤﺮ
ﻭﻳﺘﻨﻔﺲ ﺳﺮﻳﻊ
ﺍﻧﻲ ﻣﻦ ﺷﻔﺘﻪ ﻫﻴﺞ ﻭﻋﻴﻮﻧﻪ ﺭﻛﺰﺕ ﻋﻠﻰ ﺷﻔﺎﻳﻔﻲ
ﺭﻓﻌﺖ ﺍﻳﺪﻱ ﻟﺤﻠﻜﻲ
ﻣﻦ ﺧﻮﻓﻲ ﻭﺍﻧﻲ ﺧﺎﻧﻜﻪ ﺍﻟﺒﺠﻴﻪ
ﻣﻦ ﺍﻳﺪﻩ ﻟﺰﻣﺖ ﺧﺼﺮﻱ ﻭﺟﺮﻧﻲ ﻋﻠﻲ
ﺑﻘﻮﻩ ﻭﺭﺍﺩ ﻳﺒﻮﺳﻨﻲ
ﻋﻄﺖ
ﻋﻴﻄﻪ ﻗﻮﻳﻪ ﻭﺍﻧﻲ ﺍﺩﻓﻊ ﺑﻲ
ﻋﻮﻭﻭﻭﻓﻨﻴﻲ
ﺍﻟﺒﺎﺏ ﺍﻧﻔﺘﺢ ﺑﺜﻮﺍﻧﻲ ﻭﻃﺒﺖ ﻋﻤﺘﻲ
ﺍﻟﻲ ﻣﻦ ﺷﺎﻓﺘﻪ ﻗﺮﻳﺐ ﻋﻠﻴﻪ
ﺍﺟﺘﻲ ﺭﻛﻀﺎ ﻭﻭﺧﺮﺗﻪ ﻣﻨﻲ ﻭﻫﻲ ﺗﻐﻠﻂ ﻋﻠﻴﻪ ﻭﺗﺴﺐ ﺑﻲ
ﺍﻧﻲ ﻛﻤﺖ ﺍﺭﺟﻒ ﻭﺣﻀﻨﺘﻬﺎ ﺣﻴﻞ
ﻣﻦ ﺧﻮﻭﻓﻲ
ﻭﻟﻚ ﺍﻧﺘﻪ ﻣﺎﺗﺴﺘﺤﻲ ﻟﻚ ﻫﺎﻱ ﺑﻨﺖ ﻋﻤﻚ
ﻳﻌﻨﻲ ﻋﺮﺿﻚ ﻭﺷﺮﻓﻚ ﺷﻠﻮﻭﻥ
ﻫﻴﺞ ﺗﺴﻮﻱ ﺑﻴﻬﺎ
ﻋﻤﻪ ﺍﻧﺘﺼﺎﺭ ﺟﺎﻧﺖ ﺗﺪﻓﻊ ﺑﻲ ﻭﻫﻲ
ﺗﻐﻠﻂ ﻋﻠﻴﻪ
ﺑﺲ ﻫﻮﻭﻭ ﻭﻻ ﻋﺒﺎﻟﻚ
ﻭﻛﻒ ﻭﺣﺠﻪ ﻭﻫﻮ ﻳﺒﺎﻭﻉ ﻟﻔﺮﺡ ﺍﻟﻲ
ﻭﺍﻛﻔﻪ ﺑﻤﻜﺎﻧﻬﺎ ﻭﻫﻲ ﺗﺮﺟﻒ ﻭﺗﺒﺠﻲ
ﻣﻦ ﺍﻟﺼﺎﺭﺭﻻﺗﻜﺒﺮﻳﻬﺎ ﻋﻤﻪ ﻫﻲ ﺍﻭﻝ ﻭﺗﺎﻟﻲ
ﺗﺼﻴﻴﺮ ﺍﻟﻲ
ﺳﻴﻒ ﻣﻦ ﺣﺠﻪ ﻫﻴﺞ ﻓﻜﻴﺒﺖ ﻋﻴﻮﻧﻲ ﻭﺍﻧﻲ ﺩﺍﻳﺨﻪ
ﺷﻨﻮﻭﻭ ﺍﺻﻴﺮ ﺍﻟﻚ
ﻫﻮ ﺗﻘﺪﻡ ﻋﻠﻴﻪ ﻭﺣﺠﻪ ﻛﻼﻡ ﻣﻮﺗﻨﻲ
ﺑﻜﺎﻋﻲ
ﻳﻌﻨﻲ ﻳﺎﺣﻠﻮﻩ ﺗﺼﻴﺮﻳﻦ ﻣﺮﺗﻲ ﻭﻣﻠﻜﻲ ﺍﻟﻲ ﻭﺣﺪﻱ
ﺍﻧﻲ ﺗﻬﺴﺘﺮﺕ ﻭﺗﺨﺒﻠﺖ ﻭﻣﺎﺗﻘﺒﻠﺖ ﻓﻜﺮﻩ
ﺍﺻﻴﻴﺮ ﺯﻭﺟﻪ ﺍﻟﻪ ﻭﻟﻮ ﺑﺎﻟﺤﻠﻢ
ﻋﻄﺖ ﺑﻲ ﻭﺍﻧﻲ ﺍﺭﺟﻒ
ﺗﺤﻠﻢ ﻭﺍﻟﻠﻪ ﺗﺤﻠﻢ ﺍﺻﻴﺮ ﻟﻚ ﻳﺎﺳﻜﻴﻴﺮ
ﻣﻦ ﺣﺠﻴﺖ ﻫﻴﺞ ﺗﻐﻴﻴﺮﺕ ﻣﻼﻣﺤﻪ ﻭﺻﺎﺭ
ﺷﻜﻠﻪ ﻳﺨﻮﻑ
ﻭﻟﻠﻠﺞ ﻣﻨﻮ ﺳﻜﻴﻴﻴﺮ ﺍﻧﻲ ﺍﻋﻠﻤﺞ ﺑﻨﺖ ﺍﻟﻜﻠﺐ
ﺣﺠﻪ ﻫﻴﺞ ﻭﺗﻘﺪﻡ ﻋﻠﻴﻪ ﺑﺴﺮﻋﻪ
ﺍﻧﻲ ﻣﻦ ﺧﻮﻭﻓﻲ ﻋﻄﺖ
ﻋﻤﻪ ﺍﻟﺤﻜﻴﻨﻲ ﻋﺮﻓﺘﻪ ﺣﻴﻀﺮﺑﻨﻲ
ﺷﻜﺪ ﺣﺎﻭﻟﺖ ﻋﻤﻪ ﺍﻧﺘﺼﺎﺭ ﺗﺤﻤﻴﻴﻨﻲ ﺑﺲ
ﻣﺎﻛﺪﺭﺕ ﻭﺍﺫﺍﻧﻲ ﺣﻴﻞ
ﺟﺴﻤﻲ ﺯﻭﺭﻛﻪ ﻣﻦ ﺿﺮﺑﻪ ﻭﺩﻓﺮﺍﺗﻪ
ﻭﻣﺎﻋﺎﻓﻨﻲ ﺍﻻ ﻋﻤﻪ ﺟﺮﺗﻪ ﻭﻃﻠﻌﺘﻪ ﺑﺮﻩ ﻭﻫﻲ ﺗﻐﻠﻂ ﻭﺗﺪﻋﻲ ﻋﻠﻲ
،،،،،،،،،،،،
ﺗﻤﺪﺩﺕ ﺑﻤﻜﺎﻧﻲ ﻭﺍﻧﻲ ﺍﺑﺠﻲ ﻭﺍﻭﻥ
ﻭﺭﺍﺳﻲ ﻣﺒﻨﺞ ﻣﻦ ﺍﻟﻀﺮﺏ ﻭﺟﺴﻤﻲ
ﻣﻜﺴﺮ ﺗﻜﺴﻴﺮ
ﺍﻟﻢ ﺟﺴﻤﻲ ﻭﺍﻟﻢ ﺭﻭﺣﻲ ﺧﻠﻮﻧﻲ ﺍﻛﺮﻩ
ﺍﻫﻠﻲ ﺍﻟﻲ ﻣﺎﺗﻮﻭ ﻭﻋﺎﻓﻮﻧﻲ
ﻟﻬﺬﺍ ﺍﻟﻀﻴﻢ
ﺑﺠﻴﺖ ﻭﻋﺎﺗﺒﺘﻬﻢ ﻻﻥ ﻣﺎﺃﺧﺬﻭﻧﻲ ﻭﻳﺎﻫﻢ
ﺟﺎﻥ ﻫﺴﻪ ﺍﻧﻲ ﻣﺮﺗﺎﺣﻪ ﻣﻦ ﻫﺬﺍ ﺍﻟﻌﺬﺍﺏ
ﻋﺬﺍﺏ ﺟﺎﻥ ﺍﺳﺘﻤﺮ ﻃﻮﻝ ﺣﻴﺎﺗﻲ
ﺑﺲ ﺷﻌﺎﻉ ﻧﻮﺭ ﻇﻬﺮ
ﻭﻧﻮﺭ ﻃﺮﻳﻘﻲ ﺍﻟﻲ ﻛﻠﻪ ﻇﻼﻡ
ﺩﺭﺑﻲ ﺍﻟﻤﺸﻴﺖ ﺑﻲ ﻭﻛﻞ ﺷﻮﮒ ﺗﻐﻴﺮ
ﻭﺻﺎﺭ ﻛﻠﻪ ﻭﺭﻭﺩ
،،،،،،،،،،،،،،،،،،،،،،،،،،،،،
ﺷﻬﺮ ﻭﺭﺍﺳﻲ ﻳﻮﺟﻌﻨﻲ ﻣﻦ
ﺍﻟﻀﺮﺏ ﺍﻟﻲ ﺍﻛﻠﺘﻪ
ﻣﻦ ﺳﻴﻴﻒ ﺍﻟﻨﺬﻝ . ،،،،،،،،، ﻭﺟﻌﻪ
ﺯﺍﺩ ﻭﺧﺒﻠﻨﻲ ﻭﻣﺎﻓﺎﺩﻩ ﺍﻱ ﺩﻭﻩ ﻭﺍﻟﻲ ﺯﻳﺪ
ﻭﺟﻌﻪ ﻫﻮ ﺳﻴﻒ
ﺍﻟﻲ ﻣﺎﺟﺎﺯ ﻣﻦ ﺗﺼﺮﻓﺎﺗﻪ ﻭﻳﺎﻱ ﻭﻟﻮﻣﺎ
ﻋﻤﻪ ﺟﺎﻥ ﺍﻟﻠﻪ ﺍﻟﻴﺪﺭﻱ ﺷﻴﺼﻴﺮ
ﺣﺎﻟﺘﻲ ﺍﻟﻨﻔﺴﻴﻪ ﺍﺩﻣﺮﺕ ﻣﻦ ﺳﻤﻌﺖ ﻋﻤﻮ
ﺯﻫﻴﺮ ﻳﺨﻄﻂ ﻟﺰﻭﺍﺟﻲ ﻣﻦ ﺳﻴﻴﻒ
ﺣﺘﻰ ﻳﺤﺼﺮﻭﻥ ﺍﻟﻮﺭﺙ ﻣﺎﻟﺘﻲ ﺑﺄﻳﺪﻫﻢ
ﺑﺎﺑﺎ ﻣﻦ ﻣﺎﺕ ﺗﺮﻙ ﺑﺄﺳﻤﻲ
ﺑﻴﺘﻴﻦ ﻭﻋﻤﺎﺭﻩ ﺑﻤﻮﻗﻊ ﺗﺠﺎﺭﻱ ﻣﻬﻢ ﻭﺭﺻﻴﻴﺪ ﺑﺎﻟﺒﻨﻚ
ﻃﻤﻊ ﻭﺟﺸﻊ ﺑﻘﻠﻮﺑﻬﻢ ﺧﻼﻫﻢ
ﻳﻘﺮﺭﻭﻥ ﻫﺬﺍ ﺍﻟﻘﺮﺍﺭ ﺣﺘﻰ ﺑﺪﻭﻥ ﻣﺎﻳﺴﺄﻟﻮﻧﻲ
ﻋﻦ ﺭﺃﻱ
ﺭﻓﻀﺖ ﺍﻛﺜﺮﺭ ﻣﻦ ﻣﺮﻩ ﻭﻭﻳﺎﻱ ﻋﻤﺘﻲ
ﻭﺑﻜﻞ ﻣﺮﻩ ﻇﺮﺏ ﻭﺍﻫﺎﻧﻪ ﺍﻟﻤﺎ
ﺍﻭﻛﻊ ﺑﺎﻟﻔﺮﺍﺵ ﻣﺮﻳﻀﻪ
ﺣﻜﻢ ﻭﻇﻠﻢ ﺳﻜﺘﺖ ﻋﻨﻪ ﻣﻦ ﺷﻔﺖ
ﻋﻤﻮﻭ ﺯﻫﻴﺮ ﺑﻴﻮﻡ ﻣﺪ ﺍﻳﺪﻩ ﻋﻠﻰ
ﻋﻤﻪ ﺍﻧﺘﺼﺎﺭ ﻣﻦ ﻭﺭﺍﻱ
،،،،،،،،،،،،،،،،،،،،،،،،،،،،،،،،،،،،،،،،،
ﺯﻫﻴﻴﺮ ﺧﺎﻑ ﺍﻟﻠﻪ ﻫﺎﻱ ﺑﻨﺖ ﺍﺧﻮﻙ ﻭﻳﺘﻴﻤﻪ ﺷﻠﻮﻭﻥ ﺗﻈﻠﻤﻬﺎ ﻭﺗﻜﺴﺮ ﺧﺎﻃﺮﻫﺎ
ﺍﻧﺘﻲ ﺍﺳﻜﺘﻲ ﻭﻣﻌﻠﻴﺞ ﻭﻛﺎﻓﻲ
ﺗﺤﺸﻴﻦ ﺑﺮﺍﺳﻬﺎ
ﺍﻱ ﺍﺣﺶ ﺑﺮﺍﺳﻬﺎ . ﻭﺍﺧﻠﻴﻬﺎ ﻣﺎﺗﻘﺒﻞ
ﻟﻴﺶ ﺍﺑﻨﻚ ﺁﺩﻣﻲ
ﻋﻠﻤﻮﺩ ﺍﺧﻠﻴﻬﺎ ﺗﺰﻭﺟﻪ ﺩﺷﻮﻓﻪ
ﻭﺷﻮﻑ ﺍﺧﻼﻗﻪ
ﺍﻟﻲ ﻣﺎﻳﻨﻄﻠﻊ ﺑﻴﻬﺎ ﻟﺒﺎﺏ ﺍﻟﺒﻴﺖ
ﻋﻤﻮ ﺯﻫﻴﺮ ﻛﺎﻡ ﻭﻫﻮ ﻳﻬﺪﺩ ﺑﻌﻤﻪ ﺍﻟﻲ
ﻣﺎﺳﻜﺘﺖ
ﺍﻧﺘﺼﺎﺭﺭ ﻻﺧﺮ ﻣﺮﻩ ﻣﻌﻠﻴﻴﺞ
ﺑﻬﺬﺍ ﺍﻟﻤﻮﺿﻮﻉ ﻭﻛﻠﻤﺘﻲ ﻣﺎﺗﺼﻴﻴﺮ ﺍﺛﻨﻴﻴﻦ
ﻭﻓﺮﺡ ﺗﺼﻴﻴﺮ ﻟﺴﻴﻒ ﻭﺍﻧﻬﻲ ﺍﻟﻜﻼﻡ
ﺍﻧﺘﺼﺎﺭ ﺻﺎﺣﺖ ﺑﺄﺧﻮﻫﺎ ﻭﻫﻲ
ﻋﺼﺒﻴﻪ ﻛﻠﺶ
ﻻ ﻭﺍﻟﻠﻪ ﻣﺎﺗﺼﻴﻴﺮ ﻟﻮ ﺍﻋﺮﻑ ﺍﺷﺘﻜﻲ
ﻋﻠﻴﻜﻢ ﻋﺒﺎﻟﻚ ﻣﺎﺃﻋﺮﻑ ﻟﻴﺶ
ﻫﻴﺞ ﺩﺳﻮﻱ ﻛﻠﻪ ﻣﻦ ﻭﺭﻩ ﺍﻟﻔﻠﻮﺱ
ﺍﻟﺨﺒﻠﺘﻜﻢ
ﻣﻦ ﺣﺠﺖ ﻋﻤﻪ ﻫﻴﺞ ﻋﻤﻮ ﺯﻫﻴﻴﺮ ﺿﺮﺑﻬﺎ ﺭﺍﺟﺪﻱ ﻭﻫﻮ ﻳﻐﻠﻂ ﻋﻠﻴﻬﺎ ﻭﻳﻔﺸﺮﺭ
ﻭﻟﺞ ﺳﺎ،،،،، ﺩﺍ،،،،،
ﺍﺗﻌﻠﻴﻴﻦ ﺻﻮﺗﺞ ﻋﻠﻴﻪ ﻭﺗﻬﺪﺩﻳﻦ ﻭﺍﻟﻠﻪ ﺍﺫﺍ ﻣﺎﺳﻜﺘﻲ ﺍﻻ ﺍﺫﺑﺤﺞ ﺑﺄﻳﺪﻱ ﻫﺎﻱ
ﺑﺬﺍﻙ
ﺍﻟﻴﻮﻡ ﺷﻔﺖ ﺑﻌﻴﻮﻧﻲ
ﺍﻧﻜﺴﺎﺭﻫﺎ ﻟﻌﻤﻪ ﺍﻧﺘﺼﺎﺭ
ﻭﻗﻬﺮﻫﺎ ﻣﻦ ﺳﻮﻩ ﻋﻤﻮ ﺯﻫﻴﺮﺭ ﺑﻴﻬﺎ
ﻫﻴﺞ
ﺍﻧﻲ ﺭﺣﺖ ﻋﻠﻴﻪ ﻭﻛﻤﺖ ﺍﺑﻮﺱ ﺑﺄﻳﺪﻩ
ﻭﺩﻣﻮﻋﻲ ﻭﺗﻮﺳﻠﻲ ﺳﻮ
ﻋﻤﻮ ﻋﻔﻴﻪ ﻋﻮﻓﻬﺎ ﻻﺗﻀﺮﺑﻬﺎ ﻟﻌﻤﻪ
ﺩﻣﻮﻉ ﺍﺧﺘﻠﻄﺖ ﺑﺄﻟﻢ ﻭﻛﺴﺮﻩ ﺧﺎﻃﺮ
ﻭﺭﻭﺡ ﺣﺴﻴﺘﻬﺎ ﺻﺎﺭﺕ ﺑﻴﻨﺎ ﺍﻧﻲ ﻭﻋﻤﺘﻲ
ﻣﻦ ﻭﺭﻩ ﻋﻤﻮ ﺯﻫﻴﺮﺭ ﺍﻟﻲ ﻟﺰﻣﻨﻲ
ﻣﻦ ﺷﻌﺮﻱ ﻭﺣﺠﻪ ﺑﺼﻴﺎﺡ
ﺍﻳﺎﺝ ﺛﻢ ﺍﻳﺎﺝ ﺍﺳﻤﻊ ﻣﻨﺞ ﺣﺠﺎﻳﻪ ﺑﻌﺪ
ﺗﺎﺧﺬﻳﻦ ﺳﻴﻒ ﻭﺗﺨﻠﻴﻦ ﻗﻦ،،،،،
ﺑﺤﻠﻜﺞ
ﺑﻨﺖ ﺍﻟﻜﻠﺐ ﻣﻮ ﺯﻳﻦ ﻗﺒﻠﺖ ﺗﻜﻌﺪﻳﻦ ﺑﺒﻴﺘﻲ
ﻭﺍﻧﻲ ﺣﺘﻰ ﺷﻮﻓﺘﺞ ﻛﺎﺭﻫﺎ
ﺣﺠﻪ ﻫﻴﺞ ﻭﺩﻓﻌﻨﻲ ﺍﻻ ﻭﻛﻌﻨﻲ ﺑﺎﻟﻜﺎﻉ
،،،،،
ﺑﺠﻴﺖ ﺑﺬﻳﺞ ﺍﻟﻠﻴﻞ ﺩﻡ ﻭﺗﻤﻨﻴﻴﺖ ﺍﻟﻤﻮﺕ
ﺑﺲ ﻭﻳﻨﻪ ﺍﺟﻪ ﻭﺍﺧﺬ ﺑﺲ ﺍﻟﻌﺰﺍﺯ
ﻭﺧﻼﻧﻲ ﺑﺎﻳﺪ ﺍﻟﻤﺎﻳﺮﺣﻤﻮﻥ
ﺑﺬﻳﺞ ﺍﻟﺴﺎﻋﻪ ﺑﺠﻴﺖ ﻋﻠﻰ ﺍﺑﻮﻱ ﻭﺍﻣﻲ
ﺍﻟﻤﺎ ﻋﻤﻦ ﻋﻴﻮﻧﻲ ﻭﻋﻠﻰ ﻋﻤﻪ
ﺍﻧﺘﺼﺎﺭﺭ ﺍﻟﻲ ﺫﺑﺤﺖ ﺭﻭﺣﻬﺎ ﺫﺑﺢ
ﻭﻫﻲ ﺗﺒﺠﻲ
ﺍﺛﻨﻴﻨﻪ ﻣﺎﻧﻤﻨﺎ ﻟﻮﺟﻪ ﺍﻟﺼﺒﺢ ﻣﻦ ﺍﻟﻮﺟﻊ
ﺍﻟﻲ ﻣﻠﻪ ﻗﻠﻮﺑﻨﺎ
ﻭﺍﻟﻘﻬﺮ ﺍﻟﻲ ﺯﺭﻋﻪ ﻋﻤﻲ ﻭﺍﺑﻨﻪ ﺑﻴﻨﺎ ﻭﺧﻼﻧﺎ
ﻧﻜﺮﻫﻢ
ﻛﺮﻩ ﺍﻟﻤﻮﻭﺕ ﺟﻨﺖ ﺍﺗﻤﻨﻰ ﺍﺭﻭﺡ ﻭﺍﺳﻜﻦ
ﺑﺒﻴﺖ ﻣﻦ ﺑﻴﻮﺗﻲ
ﺣﺘﻰ ﺍﺭﺗﺎﺡ ﻣﻨﻬﻢ ﻭﻣﻦ ﻋﺬﺍﺑﻬﻢ
ﺑﺲ ﺍﻋﺮﻓﻬﻢ ﻣﺎﻳﺨﻠﻮﻧﻲ
ﻭﻳﺄﺫﻭﻧﻲ ﺍﺫﺍ ﺳﻮﻳﺖ ﻫﻴﺞ
ﻭﺻﻠﺖ ﻟﻠﺒﻴﺖ ﻭﻧﺰﻟﺖ ﻣﻦ ﺳﻴﺎﺭﺗﻲ
ﻭﻭﻛﻔﺖ ﻭﺍﻧﻪ ﺍﺷﻢ ﻫﻮﻩ ﺩﻳﺮﺗﻨﺎ ﺑﻘﻮﻩ
ﺗﺮﺳﺖ ﺻﺪﺭﻱ ﻣﻨﻪ ﻭﺣﺠﻴﺖ
ﻫﺴﻪ ﻳﻠﻪ ﺭﺩﺕ ﺭﻭﺣﻲ ﻣﻦ ﻃﺒﻴﺖ
ﻟﺪﻳﺮﺗﻲ
ﺍﻧﺪﺍﺭﻳﺖ ﻋﻠﻰ ﺍﺧﻮﺗﻲ ﻭﺿﺎﺡ ﻭﺷﺎﻫﻴﻴﻦ
ﺍﻟﻲ ﻧﺰﻟﻮ ﻭﺭﺍﻱ
ﻳﻠﻪ ﻳﺎﻭﻟﺪ ﻫﺴﻪ ﺍﻟﺤﺠﻴﻪ ﺗﻨﺘﻀﺮﻧﺎ
ﺍﻳﻲ ﻭﺍﻟﻠﻪ ﻭﺍﻧﻲ ﺷﻠﻮﻭﻥ ﻣﺸﺘﺎﻕ ﺍﻟﻬﺎ
ﻭﻻﻛﻠﻬﺎ
ﺣﺠﻪ ﻭﺿﺎﺡ ﻭﻣﺸﻪ ﻛﺪﺍﻣﻨﺎ ﺑﺴﺮﻋﻪ
ﺷﺎﻫﻴﻦ ﺑﺎﻭﻉ ﻟﺼﮕﺮ ﻭﺣﺠﻪ
ﺍﺑﻴﻲ ﻣﺸﺘﺎﻕ ﻻﻛﻞ ﺍﻟﺤﺠﻴﻪ
ﻻ ﺑﺤﻈﻲ ﺭﺍﺡ ﮔﺒﻞ ﻟﻤﺮﻭﻩ
ﻋﻮﻭﻭﻓﻮ ﺷﺎﻫﻴﻴﻦ ﻣﺮﺗﻮ ﻭﻣﺸﺘﺎﻗﻠﻬﺎ
ﺍﺍﺍﻱ ﻭﺍﺣﻨﺎ ﻣﻨﻮ ﺍﻟﻨﺎ
ﻫﺎ ﻳﺎﺧﻮﻭﻱ ﺗﺮﻳﺪ ﺗﺰﻭﺝ ﻛﻮﻝ
ﻭﺍﻧﻲ ﺣﺎﺿﺮﺭ
ﺑﻌﺪ ﺍﺑﻮ ﺷﺠﺎﻉ ﻣﺎﻟﻜﻴﺖ ﺍﻟﻴﻬﻮﺍﻫﺎ ﺍﻟﻘﻠﺐ
ﺧﻼﻳﻨﻲ ﻫﻴﺞ ﻃﻴﺮ ﻭﻃﺎﻳﺮ ﻭﻛﻞ ﺳﺎﻉ
ﻣﻮﺟﺮ ﻋﻠﻰ ﻭﺣﺪﻩ
ﺍﻳﻴﻲ ﻫﺎﻱ ﺳﻮﺍﻟﻔﻚ ﺍﻟﻤﺎﺗﺒﻄﻠﻬﺎ
ﺍﺳﻜﺖ ﻭﻃﺐ ﻻ ﻳﺴﻤﻌﻚ ﺟﺪﻱ
ﻫﻬﻬﻬﻪ ﺍﻱ ﻭﺍﻟﻠﻪ ﺗﺮﺍﻫﺎ ﻣﻦ ﺗﺼﻴﺮ ﺑﺤﻠﻜﻪ
ﺑﻌﺪ ﺷﻴﺨﻠﺼﻨﻲ ﻣﻨﻮ
ﻃﺒﻴﻨﺎ ﻟﻠﺒﻴﺖ ﻭﺗﻠﻜﺘﻨﺎ ﺍﻣﻲ ﻭﻫﻲ
ﻓﺎﺗﺤﻪ ﺍﻳﺪﻫﺎ
ﻫﻼ ﻳﻤﻪ ﻫﻼ ﺗﻮﻩ ﻧﻮﺭ ﺍﻟﺒﻴﺖ
ﺣﺒﻴﺖ ﺭﺍﺳﻬﺎ ﻻﻣﻲ ﻭﺑﻮﺳﺖ ﺍﻳﺪﻫﺎ
ﺑﻨﻮﺭﺝ ﻳﻤﻪ ﺷﺨﺒﺎﺭﺝ ﻋﺪﻟﻪ ﺍﻥ ﺷﺎﺀ ﺍﻟﻠﻪ
ﺍﻱ ﻳﻤﻪ ﻋﺪﻟﻪ ﻣﻦ ﺷﻔﺘﻜﻢ ﺳﺎﻟﻤﻴﻴﻦ
ﻛﻌﺪﺕ ﺍﺭﻳﺪ ﺍﺭﻳﺢ ﺷﻮﻳﻪ ﻭﻋﻴﻮﻧﻲ ﺍﺩﻭﺭ
ﻋﻠﻰ ﺍﺑﻨﻲ ﻭﻋﺒﺎﻟﻚ ﺍﻣﻲ ﺣﺴﺖ ﺑﻲ
ﻫﺎ ﻳﻤﻪ ﺍﺩﻭﺭ ﻋﻠﻰ ﻭﻋﺪ
ﺍﻳﻴﻲ ﻭﻳﻨﻮ ﻣﻦ ﺩﺧﻠﻨﺎ ﻣﺎﺷﻔﺘﻮﻭ
ﻣﺪﺭﻱ ﻳﻤﻜﻦ ﻛﺎﻋﺪ ﻳﻢ ﺳﺮﻯ ﻭﻣﻠﺘﻬﻲ
ﻭﻳﺎﻫﺎ
ﺑﻬﺬﺍ ﺍﻟﻤﺎﻋﺮﻑ ﺷﺴﻤﻮ
ﻭﺍﺑﻮﻳﻪ ﻭﺟﺪﻱ
ﻛﺎﻋﺪﻳﻴﻦ ﺑﺎﻟﺮﺑﻌﻪ ﻳﻢ ﺍﻟﺮﺑﻊ ﻭﻋﻤﺎﻣﻚ
ﻳﺎﻟﻠﻪ
ﻭﻳﻦ ﻳﻤﻪ
ﺍﺭﻭﺡ ﺍﺳﻠﻢ ﻋﻠﻴﻬﻢ ﻭﺍﺭﺩ ﺍﻟﺞ
ﺧﺬﻧﻲ ﻭﻳﺎﻙ ﻳﺎﺧﻮﻱ
ﻣﺸﻴﺖ ﻟﻠﺮﺑﻌﻪ ﺍﻧﻲ ﻭﺷﺎﻫﻴﻦ ﻭﺩﺧﻠﻨﺎ ﻋﻠﻰ ﺍﺑﻮﻳﻪ ﺍﻟﺸﻴﺦ ﺳﻠﻄﺎﻥ ﻭﺟﺪﻱ
ﺍﻟﺸﻴﺦ ﻣﺘﻌﺐ ﻭﺣﺒﻴﻨﺎ ﺭﺍﺳﻬﻢ
ﻫﻼ ﻫﻼ ﺑﺎﻟﺬﻳﺎﺑﻪ ﻫﻼ ﻳﺒﻌﺪ ﺟﺪﻛﻢ
ﺷﻠﻮﻭﻧﻜﻢ ﻭﺷﻠﻮﻥ ﺳﻔﺮﺗﻜﻢ ﻋﺴﺎﻫﺎ ﻃﻴﺒﻪ
ﻛﻌﺪﺕ ﺑﺼﻒ ﺟﺪﻱ ﻭﻟﺰﻣﺖ ﻳﺪﻭ ﻭﺣﺒﻴﺘﻬﺎ
ﺍﻟﺤﻤﺪ ﻟﻠﻪ ﻳﺎﺷﻴﺦ
ﻛﻤﻠﻨﺎ ﺷﻐﻠﻨﺎ ﻭﺗﻮﻛﺪﻧﺎ ﻣﻦ
ﺍﻟﺒﻀﺎﻋﻪ ﻭﺻﻠﺖ ﻟﻠﺸﺤﻦ ﻳﻠﻪ ﺭﺟﻌﻨﺎ
ﻋﻔﻴﻪ ﺑﻴﻚ ﻳﺒﻮ ﺷﺠﺎﻉ ﺍﻋﺮﻓﻚ ﺫﻳﺐ
ﻭﻣﻴﻨﺨﺎﻑ ﻋﻠﻴﻚ
ﺷﻴﺦ ﻣﺘﻌﺐ ﻳﺤﺠﻲ ﻭﻳﻀﺮﺏ
ﻋﻠﻲ ﺍﻳﺪﻭ ﻟﺼﮕﺮ ﺑﻘﻮﻩ ﻭﻫﻮ ﻳﺒﺎﻭﻉ ﺍﻟﻪ ﺑﻨﻈﺮﻩ ﻓﺨﺮ
،،،،،،،،،،،،،
ﺍﻧﻲ ﺻﮕﺮ . ﻋﻤﺮﺭﻱ 32 ﺳﻨﻪ
ﺍﺑﻦ ﺍﻟﺸﻴﺦ ﺳﻠﻄﺎﻥ ﺍﺑﻦ ﺍﻟﺸﻴﺦ ﻣﺘﻌﺐ ﺷﻴﺦ ﻣﻦ ﺷﻴﻮﺥ ﺍﻻﻧﺒﺎﺭ ﺍﻟﻲ
ﺍﻟﻪ ﻭﺯﻧﻪ ﻭﻛﻠﻤﺘﻪ ﻋﻠﻰ ﻗﺒﻴﻠﻪ ﺟﺒﻴﺮﻩ
ﺣﻨﺎ
ﺩﻭﻟﻪ ﻭﻋﻠﻢ ﺑﺪﻳﺮﺗﻨﺎ ﻭﻣﺤﺪ ﻳﻜﺪﺭ
ﻳﺤﺠﻲ ﻭﻳﺎﻧﺎ ﺑﻜﻠﻤﻪ ﻭﺟﺪﻱ ﻭﺍﺑﻮﻱ ﻋﺪﻫﻢ
ﻫﻮﺍﻳﻪ ﺍﺻﺪﻗﺎﺀ ﻭﺍﺻﻠﻴﻴﻦ ﻭﻳﻌﺰﻭﻫﻢ
ﻭﻳﺘﻤﻨﻮﻥ ﻭﺩﻫﻢ
ﺍﻟﻌﺰﻩ ﻭﺻﻼﺑﻪ ﺍﻟﺮﺍﻱ ﻭﺍﻟﻘﺴﻮﻩ
ﻭﺍﻟﺸﺠﺎﻋﻪ ﻭﺭﺛﺘﻬﺎ ﻣﻨﻬﻢ ﻭﻛﻤﺖ ﻣﺎﺃﺧﺎﻑ
ﺣﺘﻰ ﻣﻦ ﺍﻟﻤﻮﻭﺕ
ﺍﺑﻮﻱ ﻣﺘﺰﻭﺝ ﺍﺛﻨﻴﻦ ﺍﻣﻲ ﺍﻟﺜﺎﻧﻴﻪ
ﻭﻣﺮﺗﻮ ﺍﻻﻭﻟﻰ ﺍﻟﻲ ﻫﻢ ﻧﺼﻴﺤﻠﻬﺎ ﻳﻤﻪ
ﻣﺎﺻﺎﺭ ﻋﻨﺪﻫﺎ ﺟﻬﺎﻝ ﻭﻋﺎﻳﺸﻪ ﻭﻳﺎﻧﺎ
ﻭﻧﺤﺒﻬﺎ ﻭﻧﻌﺰﻫﺎ ﻣﺜﻞ ﺍﻣﻨﺎ
ﺍﻧﻲ ﺍﻟﺠﺒﻴﺮ ﻭﻭﻭﺭﺍﻱ ﺧﻠﻮﺩ . ﺍﻟﻲ ﻣﺰﻭﺟﻪ ﺍﺑﻦ ﻋﻤﻨﺎ ﻭﺑﻌﺪﻳﻦ ﻭﺿﺎﺡ ﻭﺷﺎﻫﻴﻦ
ﻭﻳﺴﺮﻯ ﻫﺎﻱ ﻣﺰﻭﺟﻪ ﺍﺑﻦ ﺧﺎﻟﻲ
ﻭﺳﺮﻯ ﺍﻟﺼﻐﻴﺮﻩ ﺑﻌﺪﻫﺎ ﻣﺎﻣﺰﻭﺟﻪ
ﻭﺿﺎﺡ ﻣﺰﻭﺝ ﺑﻨﺖ ﻋﻤﻨﺎ ﻣﺮﻭﻩ ﻭﻋﻨﺪﻭ ﻭﻟﺪ ﻭﺑﻨﺖ
ﻭﺍﻧﻪ ﺟﻨﺖ ﻣﺘﺰﻭﺝ ﺍﺧﺖ ﻣﺮﻭﻩ ﻭﺧﻠﻔﺖ
ﻣﻨﻬﺎ ﻭﻋﺪ ﺍﻟﻲ ﺍﺟﻪ ﻟﻠﺪﻧﻴﺎ ﻭﻫﻮ ﻣﻨﻐﻮﻟﻲ
ﺟﺎﻧﺖ ﺻﺪﻣﻪ ﺍﻟﻨﺎ ﻛﻠﻨﺎ ﺑﺲ ﺍﻧﻲ ﺗﻘﺒﻠﺘﻬﺎ
ﻭﺣﻤﺪﺕ ﺍﻟﻠﻪ ﻭﺷﻜﺮﺗﻪ ﺑﺴﺴﺲ ﺍﻟﻲ
ﺻﺎﺭﺭ ﻭﺭﺍﻫﺎ
ﺍﻣﻮ ﻣﺎﺗﺤﻤﻠﺖ ﻭﺿﻌﻮ ﻭﻻ ﺷﻜﻠﻮ ﻭﻛﺎﻣﺖ
ﺗﺴﻮﻱ ﻣﺸﺎﻛﻞ ﻭﻳﺎﻱ ﻭﻭﻱ ﺍﻫﻠﻲ
ﻭﻫﻤﻠﺖ ﻭﻋﺪ ﺍﻟﻲ ﺟﺎﻥ ﻣﺤﺘﺎﺟﻬﺎ
ﻭﺍﻧﻲ ﻫﻢ ﺟﻨﺖ ﻣﺤﺘﺎﺝ ﻛﻠﻤﻪ ﻣﻨﻬﺎ
ﺗﺼﺒﺮﻧﻲ ﻋﻠﻰ ﻫﺎﻱ ﺍﻟﺼﺪﻣﻪ ﺑﺲ ﺍﻟﺼﺎﺭ
ﻋﻜﺲ ﻫﺬﺍ
ﺑﻴﻮﻡ ﻃﻠﻌﺖ ﻭﻋﺎﻓﺖ ﺑﻴﺘﻬﺎ
ﻭﺍﺑﻨﻬﺎ ﻭﺭﺍﺣﺖ ﻻﻫﻠﻬﺎ
ﺍﻣﺮ ﺍﻟﻠﻪ ﺍﻋﺘﺮﺿﺖ ﻋﻠﻴﻪ ﻭﻋﺎﻓﺖ ﺍﺑﻨﻬﺎ ﻭﺧﻠﺘﻨﻲ ﺍﻛﺮﻫﺎ ﻭﻣﺎﺃﻃﻴﻖ ﺷﻮﻓﺘﻬﺎ
ﻭﺟﺎﻥ ﺍﻟﻄﻼﻙ ﻣﻨﻬﺎ ﺭﺍﺣﻪ ﺍﻟﻲ
ﻭﺍﻟﻈﺎﻫﺮ ﻫﻢ ﺍﻟﻬﺎ ﻻﻥ ﺗﺰﻭﺟﺖ ﻭﺭﻩ ﻓﺘﺮﻩ
ﺍﻧﻲ ﻣﺎﻫﻤﺘﻨﻲ ﻭﻻ ﺍﻧﻘﻬﺮﺕ ﻋﻠﻴﻬﺎ
ﻭﻣﻮ ﺻﮕﺮ ﺍﻟﻲ ﺗﻬﻤﻪ ﻣﺮﻩ
ﻻ ﺍﺑﻨﻲ ﺍﻟﻲ ﻗﻬﺮﻧﻲ ﻭﻭﺿﻌﻪ
ﺍﻟﺨﺎﺹ ﺍﻟﻲ ﺧﻠﻪ ﺣﺴﺮﻩ ﺑﻘﻠﺒﻲ ﺑﺲ
ﺍﻟﻠﻪ ﻳﺪﺭﻱ ﺑﻴﻬﺎ
ﺑﺲ ﺍﻟﻲ ﺟﺎﻥ ﻣﻬﻮﻥ ﻋﻠﻴﻪ ﻫﺬﺍ ﺍﻟﺸﻲ
ﺍﻣﻲ ﺍﻟﻲ ﺍﺑﺪ ﻣﺎﻗﺼﺮﺕ ﻭﻳﺎ
ﻃﻮﻝ 8 ﺳﻨﻮﺍﺕ
ﺍﻳﺎﻡ ﻭﺳﻨﻴﻴﻦ ﻛﻀﻴﺘﻬﺎ ﻭﺍﻧﺎ ﻟﻮﺣﺪﻱ ﻭﻣﻦ
ﺳﻔﺮ ﻟﺴﻔﺮ
ﺣﻨﺎ ﺗﺠﺎﺭ ﻣﻮﺍﺩ ﻏﺬﺍﺋﻴﻪ ﻧﺴﺘﻮﺭﺩ ﻭﻧﺒﻴﻊ
ﻭﺷﻐﻠﻨﺎ . ﺧﻴﻴﺮ ﻣﻦ ﺍﻟﻠﻪ
ﻣﺎﻋﺪﺍ ﺍﻟﻜﻴﻌﺎﻥ ﺍﻟﻤﺰﺭﻭﻋﻪ ﺣﻨﻄﻪ
ﻭﺣﻼﻟﻨﺎ ﺍﻟﻤﺎ ﻳﻨﻌﺪ
ﻫﺬﺍ ﺍﻟﺨﻴﺮﺭ ﻛﻠﻮ ﺟﺎﻥ ﺍﻟﻤﻔﺮﻭﺽ ﻳﺨﻠﻴﻨﻲ ﻣﺮﺗﺎﺡ ﺑﺲ ﺟﻨﺖ ﺍﺣﺲ ﺍﻛﻮﻭ ﻓﺮﺍﻍ ﺑﻘﻠﺒﻲ
ﻛﻠﺶ ﺟﺒﻴﺮ
ﻓﺮﺍﻍ ﺍﻧﺘﺮﺱ ﺑﻴﻮﻭﻡ ﻣﻦ ﺷﻔﺖ
ﻋﻴﻮﻥ ﺍﻟﺨﺸﻒ ﺍﻟﻲ ﺧﺬﺕ ﺍﻟﻌﻘﻞ ﻭﺍﻟﺮﺍﻱ
،،،،،،،،،،،،
،،،،،،،،،،،،،،،،،،،،،،،،،،،،
ﻛﺎﻋﺪ ﻳﻢ ﺍﻟﺤﺠﻴﻪ ﺑﻠﻴﻞ ﻧﺘﻌﻠﻞ
ﻭﻧﺴﻮﻟﻒ ﻋﻦ ﺳﻔﺮﺗﻨﺎ
ﺍﻧﺘﺒﻬﺖ ﻋﻠﻰ
ﻭﻋﺪ ﺷﻠﻮﻥ ﻓﺎﻙ ﺣﻠﻜﻪ ﻭﺻﺎﻓﻦ ﻋﻠﻰ
ﺣﺠﻴﻨﺎ ﻭﻫﻮ ﺳﺎﻛﺖ
ﺗﻌﺎﻝ ﻭﻋﺪ ﺗﻜﻠﻂ ﻋﻠﻴﻪ
ﺻﺤﺖ ﻭﻋﺪ ﻭﺍﺟﻪ ﻳﻤﻲ ﻭﻫﻮ ﻳﻀﺤﻚ
ﺑﻮﺟﻬﻲ
ﺗﻌﺎﻝ ﻳﺒﻌﺪ ﺍﺑﻮﻙ ﻭﺷﻮﻑ ﺷﺠﺒﺘﻠﻚ
ﻭﻋﺪ ﺍﺧﺮﺱ ﻣﺎﻳﺤﺠﻲ ﺑﺲ ﻳﻔﺘﻬﻢ
ﻣﻦ ﻭﺍﺣﺪ ﻳﺤﺠﻲ ﻭﻳﺎ
ﺍﺷﺮﻟﻲ ﺑﺮﺍﺳﻮ ﺷﻨﻮﻭ
ﻃﻠﻌﺖ ﺍﻳﺒﺎﺩ ﻭﺍﻧﻄﻴﺘﻮ ﺍﻟﻪ
ﺷﻔﺖ ﺍﻟﻔﺮﺣﻪ ﺑﻌﻴﻮﻧﻮ ﻭﻛﺎﻡ ﻳﺒﻮﺱ ﺑﻲ
ﺍﻧﻲ
ﺑﺴﺘﻮ ﻣﻦ ﺭﺍﺳﻮ ﻭﻛﺘﻠﻪ ﺭﻭﺡ ﻟﺴﺮﻯ ﻭﺧﻠﻬﺎ ﺗﺴﻮﻱ ﺍﻟﻚ
ﻫﻮ ﺿﺤﻚ ﺍﻟﻲ ﻭﺭﺍﺡ ﻟﺴﺮﻯ ﺍﻟﻲ ﺗﺒﺎﻭﻉ
ﻋﻠﻴﻪ ﺑﻨﻈﺮﺍﺕ ﺯﻋﻞ
ﺍﺷﺮﺗﻠﻬﺎ ﻭﺍﻧﻲ ﺍﺿﺤﻚ
ﺗﻌﺎﻟﻲ ﻳﻮﻟﻲ ﺍﻧﺘﻲ ﻫﻢ ﻭﺍﺧﺬﻱ ﻫﺪﻳﺘﺞ
ﺍﻳﻴﻲ ﻭﻛﻤﺰﺕ ﻣﺜﻞ ﺍﻟﺠﻬﺎﻝ
ﻋﺎﻃﺖ ﺑﻴﻬﺎ ﺍﻣﻬﺎ ﻭﻫﻲ ﺗﺄﺷﺮ ﻋﻠﻰ
ﻏﺮﻓﻪ ﺟﺪﻱ ﺍﻟﻘﺮﻳﺒﻪ ﻋﻠﻴﻨﺎ
ﻭﺟﻊ ﻋﻠﻰ ﻛﻴﻔﻚ ﺟﺪﺝ ﻧﺎﻳﻢ
ﺍﻳﻴﻴﻲ ﺳﻜﺘﻨﺎ ﻣﺘﺨﻠﻮﻥ ﺍﻟﻮﺍﺣﺪ ﻳﻔﺮﺣﻠﻮ ﺷﻮﻱ
ﺍﻣﺸﻲ ﻭﻟﺞ ﻭﺍﺛﻜﻠﻲ ﺍﻟﻲ ﺑﻜﺪﺝ
ﺗﺰﻭﺟﻦ ﻭﺧﻠﻔﻦ
ﺍﻫﻮﻭ ﻣﺎﻧﺨﻠﺺ ﻣﻦ ﻫﺎﻱ ﺍﻟﺴﺎﻟﻔﻪ ﻫﺴﻪ
ﺷﻜﺪ ﻋﻤﺮﻱ ﺍﻧﻲ ﻫﻮﻭ 17
ﺍﻱ ﺍﻧﻲ ﺑﻜﺪﺝ ﻋﻨﺪﻱ ﺻﮕﺮ ﻭﺣﺎﻣﻞ ﺑﻮﺿﺎﺡ
ﺍﻳﻲ ﺳﻤﻌﺘﻬﺎ ﺍﻟﻒ ﻧﻮﺑﻪ
ﺗﻌﺎﻟﻲ ﻳﺤﺒﻴﺒﻪ ﻭﻣﻌﺎﻟﻴﺞ ﺑﻴﻬﺎ ﻟﻠﺤﺠﻴﻪ
ﻛﻌﺪﺕ ﺳﺮﻯ ﺑﺼﻒ ﺻﮕﺮ ﻭﻟﺰﻛﺖ
ﺑﻲ ﻭﻫﻲ ﺗﺤﺠﻲ ﻭﺗﻀﺤﻚ
ﺷﺠﺒﺘﻠﻲ ﺑﻌﺪ ﻋﻴﻮﻧﻲ ﻭﺧﺸﻤﻲ
ﻫﻬﻬﻬﻬﻬﻪ ﻭﻟﺞ ﺍﺥ ﻣﻨﺞ ﻭﻣﻦ ﺳﻮﻟﻔﺞ
ﻫﺎﺝ ﺷﻮﻓﻴﻲ
ﺳﺮﻯ ﻣﻦ ﺷﺎﻓﺖ ﺍﻳﺒﺎﺩ ﺍﺧﺮ ﺍﺻﺪﺍﺭ
ﺗﺨﺒﻠﺖ ﻭﻛﺎﻣﺖ ﺗﻜﻤﺰ ﺑﻤﻜﺎﻧﻬﺎ
ﻭﻟﺞ ﺍﻫﺠﻌﻲ ﻭﺍﺛﻜﻠﻲ
ﺳﺮﻯ ﺑﺎﺳﺖ ﺻﮕﺮ ﻭﺍﻣﻬﺎ ﺍﻟﻲ ﺗﺤﺠﻲ ﻋﻠﻴﻬﺎ
ﻭﺭﺍﺣﺖ ﺭﻛﻀﺎ ﻟﻐﺮﻓﺘﻬﺎ ﻭﻭﺭﺍﻫﺎ ﻭﻋﺪ
ﺧﺒﺎﻝ ﻭﻳﻜﻮﻭﻥ ﻟﻴﻔﺞ
ﻋﻮﻓﻴﻬﺎ ﻳﻤﻪ ﺣﺠﻪ ﺻﮕﺮ ﻭﻫﻮ ﻳﻀﺤﻚ ﻋﻠﻰ ﺳﻮﺍﻟﻒ ﺍﺧﺘﻮ
ﻭﻛﺎﻡ ﻋﻠﻰ ﺍﻣﻪ ﻭﻛﻌﺪ ﻳﻤﻬﺎ ﻭﺳﻜﺖ ﺷﻮﻳﻪ ﻭﺭﺍﻫﺎ ﺣﺠﻪ
ﺍﻛﻮﻝ ﻳﻤﻪ
ﻫﺎﻱ ﻳﻤﻪ ﻛﻮﻭﻝ
ﺍﺷﻮﻑ ﺍﻣﻲ ﻓﻠﻴﺤﻪ ﻣﻮ ﻋﻠﻰ ﺑﻌﻀﻬﺎ
ﺍﻱ ﻳﻤﻪ ﺗﻌﺒﺎﻧﻪ ﻣﻦ ﻭﺭﻩ ﺍﻟﻀﻐﻂ ﻭﻣﺎﺗﻜﺪﺭ ﺗﻜﻮﻭﻡ ﻣﻦ ﻭﺭﻩ ﺍﻟﺪﻭﺧﻪ
ﻫﺎ ﻫﻴﺞ ﻋﺠﻞ ﻭﺍﻧﻲ ﺍﻛﻮﻭﻝ ﺷﺒﻴﻬﺎ
ﺯﻳﻦ ﻣﺎﻭﺩﻳﺘﻮﻫﺎ ﻟﻄﺒﻴﺐ
ﻭﺍﻟﻠﻪ ﻳﻤﻪ ﻭﺩﻳﻨﻬﺎ ﺑﺲ ﻣﺎﺻﺎﺭﺕ ﺯﻳﻨﻪ
ﺻﮕﺮ ﺳﻜﺖ ﻭﺑﻌﺪﻳﻦ ﺣﺠﺖ ﺍﻣﻮ
ﻭﺍﻟﻠﻪ ﻳﺎﺃﺑﻨﻲ ﻫﻲ ﺩﻛﺘﻮﺭﻫﺎ ﺑﺒﻐﺪﺍﺩ ﻭﻣﺎﺗﺼﻴﺮ ﺯﻳﻨﻪ ﺍﻻ ﻋﻠﻴﻪ
ﺍﺫﺍ ﻫﻴﺞ ﺍﻟﺤﺠﻲ ﺍﻭﺩﻳﻬﺎ ﻋﻠﻲ
ﺑﻌﺪ ﻛﻢ ﻳﻮﻭﻡ
ﻋﻔﻴﻪ ﺑﻴﻚ ﻭﻟﻴﺪﻱ ﻭﺩﻳﻬﺎ ﺧﻄﻴﻪ
ﺍﻱ ﻳﺎﻟﻐﺎﻟﻴﻪ ﺗﺄﻣﺮﻳﻦ ﺍﻣﺮ ﺍﻧﺘﻲ ﻭﻳﺎﻫﺎ
ﺻﮕﺮ ﺣﺠﻪ ﻫﻴﺞ ﻭﻃﻠﻊ
ﻋﻠﺒﻪ ﻭﺍﻧﻄﺎﻫﺎ ﻻﻣﻮ
ﻫﺎﻱ ﺍﻟﻲ ﻳﻤﻪ ﻟﻴﺶ ﻣﻜﻠﻒ ﻧﻔﺴﻚ ﻳﺒﻌﺪ
ﻋﻴﻮﻧﻲ
ﺻﮕﺮ ﺣﺒﻬﺎ ﻻﻣﻮ ﻣﻦ ﺭﺍﺳﻬﺎ ﻭﻛﺎﻝ
ﺍﺫﺍ ﻟﻐﺎﻟﻴﻪ ﻣﺎﺃﺟﻴﺐ ﺍﻟﻤﻦ ﺍﺟﻴﺐ ﻋﺠﻞ
ﺍﻓﺘﺤﻴﻬﺎ ﻭﺷﻮﻓﻴﻬﺎ ﻳﻤﻪ
ﺍﻣﻮ ﻓﺘﺤﺘﻬﺎ ﻭﺷﺎﻓﺖ ﺑﺘﻮﺕ ﺳﺘﻪ ﺗﺨﺒﻞ
ﻣﻦ ﺣﻼﺗﻬﺎ
ﺍﻟﻠﻪ ﻳﻤﻪ ﺣﻠﻮﺍﺕ ﺗﺴﻠﻢ ﻳﺎﻟﻐﺎﻟﻲ
ﻋﺴﺎﻙ ﻃﻴﺐ ﻭﺗﻔﺮﺣﻨﺎ ﻛﻠﻨﺎ
ﺣﺠﺖ ﻫﻴﺞ ﻭﺑﺎﺳﺘﻪ ﻣﻦ ﺭﺍﺳﻮ
ﺑﺎﻟﻌﺎﻓﻴﻪ ﻋﻠﻴﺞ ﻳﺎﻟﻐﺎﻟﻴﻪ
ﺍﻣﻮ ﻟﺼﮕﺮ ﺳﻜﺘﺖ ﻭﺑﻌﺪﻳﻦ ﺳﺎﻟﺖ
ﺍﻟﺴﺆﺍﻝ ﺍﻟﻲ ﻣﺎﺗﻤﻞ ﻣﻨﻪ
ﻳﻤﻪ ﺍﺭﻳﺪ ﺍﺣﺠﻲ ﻭﻳﺎﻙ ﺑﺲ ﻻﺗﺰﻋﻞ
ﻛﻮﻟﻲ ﻳﻤﻪ
ﻳﻤﻪ ﺷﻮﻛﺖ ﺗﺰﻭﺝ ﻣﻮ ﺍﻟﻌﻤﺮ ﺩﻳﻤﺸﻲ ﺑﻴﻚ ﻭﺍﻧﺘﻪ ﻣﺎﺗﺪﺭﻱ
ﺫﺑﻴﺖ ﺣﺴﺮﻩ ﺑﻜﻠﺒﻲ ﻭﺣﺠﻴﺖ
ﻳﻤﻪ ﻫﺬﺍ ﺳﺪﻱ ﺍﻟﻤﻮﺿﻮﻉ ﻭﻻﺗﻔﺘﺤﻲ ﺑﻌﺪ
ﻟﻴﺶ ﻳﻤﻪ ﺍﻧﺘﻪ ﻣﻮ ﺻﻐﻴﺮ ﻭﺍﻟﻲ ﺑﻌﻤﺮﻙ
ﻋﺪﻫﻢ ﺍﺭﺑﻌﻪ ﻭﺧﻤﺴﻪ
ﻳﻤﻪ ﺗﺰﻭﺝ ﺍﺭﻳﺪ ﺍﺷﻮﻑ ﻭﻟﺪﻙ ﻭﺍﻓﺮﺡ ﺑﻴﻬﻢ
ﺳﻜﺘﺖ ﻭﻛﻤﺖ ﻣﻦ ﻣﻜﺎﻧﻲ ﻭﺭﺟﻌﺖ ﻟﻠﻤﺎﺿﻲ ﻭﺷﻠﻮﻥ ﺑﻨﺖ ﻋﻤﻲ ﻛﺮﻫﺘﻨﻲ ﺑﺸﻲ
ﺍﺳﻤﻪ ﻣﺮﻩ ﻭﺧﻠﻔﻪ
ﻭﻋﺒﺎﻟﻚ ﺍﻣﻲ ﺣﺴﺖ ﺑﻲ
ﻳﻤﻪ ﻣﻮ ﻛﻞ ﺍﻟﻨﺴﻮﺍﻥ ﻣﺜﻞ ﺍﻡ ﻭﻋﺪ
ﺍﻧﻲ ﻣﻦ ﺟﺎﺑﺖ ﺳﻴﺮﺗﻬﺎ ﻭﺳﻤﺘﻬﺎ ﺑﺄﺳﻢ ﻭﻋﺪ
ﺻﺮﺕ ﻋﺼﺒﻲ ﻭﻛﻤﺖ ﻣﻦ ﻣﻜﺎﻧﻲ
ﻭﺍﻧﻲ ﺍﺣﺠﻲ ﺑﺼﻮﻭﺕ ﻋﺎﻟﻲ
ﻳﻤﻪ ﻻﺗﺴﻤﻴﻬﺎ ﻟﻬﺎﻱ ﺑﺄﺳﻢ
ﻭﻋﺪ ﻫﺎﻱ ﻣﻮ ﺍﻣﻮ ﻭﺣﺮﺍﻡ ﺗﺼﻴﺮ ﺍﻡ
ﻳﻤﻪ ﺷﺒﻴﻚ ﺍﻧﺖ 8 ﺳﻨﻴﻴﻦ ﻭﻣﺎﻧﺴﻴﺖ
ﻻ ﻳﻤﻪ ﻣﺎﻧﺴﻴﺖ ﻭﻻ ﻋﻤﺮﻱ ﺣﻨﺴﻪ ﻭﺳﺪﻱ ﺍﻟﻤﻮﺿﻮﻉ ﺭﺣﻤﻪ ﻟﺠﺪﻱ
ﺣﺠﻴﺖ ﻫﻴﺞ ﻭﻃﻠﻌﺖ ﻟﻠﺤﺪﻳﻘﻪ ﺍﻟﺒﺮﻩ
ﻭﻭﻛﻔﺖ ﻭﺟﺮﻳﺖ ﻧﻔﺲ ﻭﺫﺑﻴﺘﻪ ﻧﺎﺭ
ﻣﻦ ﺻﺪﺭﻱ
ﺍﻟﺬﻛﺮﻳﺎﺕ ﺭﺟﻌﺖ ﻭﺭﺟﻊ ﻭﻳﺎﻫﺎ ﻭﺟﻌﻲ
ﻣﻦ ﻣﻴﺴﺎﺀ ﺍﻟﻲ
ﺩﺍﺭﺕ ﻭﺟﻬﺎ ﻻﺑﻨﻬﺎ ﻭﻋﺎﻓﺘﻪ ﺑﺪﻭﻭﻥ
ﻣﺎﻳﻮﺟﻌﻬﺎ ﻗﻠﺒﻬﺎ ﻋﻠﻲ
ﺍﻳﺎﻡ ﻣﺮﺕ ﻋﻠﻲ ﺗﻔﺘﺖ ﺣﺘﻰ ﺍﻟﺼﺨﺮ ﺑﻘﺴﻮﺗﻪ
ﻣﻦ ﺍﻟﻮﺟﻊ ﺍﻟﺼﺎﺭ ﺑﻲ
ﻭﻭﺿﻌﻪ ﺍﻟﻲ ﻣﻦ ﺍﺷﻮﻓﻪ ﺍﺣﺲ ﻋﺒﺎﻟﻚ
ﻭﺍﺣﺪ ﻳﻌﺼﺮ ﻗﻠﺒﻲ ﺑﻘﻮﻩ ﻭﻳﻜﻄﻊ
ﺣﺘﻰ ﺍﻟﻨﻔﺲ ﻋﻠﻴﻪ
ﻗﻬﺮ ﻭﺣﺮﻛﻪ ﻗﻠﺐ ﺟﺎﻧﺖ ﺑﻲ ﺑﺲ ﺳﻜﺘﺖ
ﻭﺗﻈﺎﻫﺮﺕ ﺑﺎﻟﻘﻮﻩ ﻛﺪﺍﻡ ﺍﻫﻠﻲ
ﻭﺩﺳﺖ ﻋﻠﻰ ﺭﻭﺣﻲ ﻟﺨﺎﻃﺮﻫﻢ ﻛﻠﻬﻢ
ﺍﻟﻲ ﻣﻌﺘﻤﺪﻳﻦ ﻋﻠﻴﻪ ﺑﻜﻞ ﺷﻲ
ﺫﻛﺮﻳﺎﺕ ﺭﻓﺾ ﻋﻘﻠﻲ ﻳﺬﻛﺮﺭﻫﺎ ﻣﺜﻞ ﻛﻞ
ﻣﺮﻩ
ﻭﻧﻔﻀﺘﻬﺎ ﻣﻦ ﺭﺍﺳﻲ ﻭﺗﻤﺸﻴﺖ ﺑﻬﺪﺅ
ﻟﻤﻜﺎﻧﻲ ﺍﻟﻤﻔﻀﻞ
ﺍﻟﻲ ﻣﺴﻮﻱ ﻋﻠﻲ ﺍﻳﺪﻱ ﻣﺸﺘﻤﻞ ﺻﻐﻴﺮ
ﺑﺼﻒ ﺑﻴﺘﻨﺎ ﺑﻤﺴﺎﻓﻪ
ﻣﺤﺪ ﻳﻄﺐ ﺑﻴﻪ ﺑﺲ ﺍﻧﻲ ﻫﺬﺍ ﺧﻠﻮﺗﻲ ﻭﺭﺍﺣﺘﻲ ﻣﻦ ﻳﻀﻴﺞ ﺍﻟﻮﻛﺖ ﺑﻲ ﻭﺍﻋﺼﺎﺑﻲ ﺗﻔﻠﺖ ﻣﻨﻲ
ﺍﻋﺰﻝ ﺭﻭﺣﻲ ﺑﻲ
ﺟﻨﺖ ﺍﻇﻞ ﺑﻲ ﻭﺍﻧﺎﻡ ﺍﻛﺜﺮ ﺍﻟﻤﺮﺍﺕ ﻫﻨﺎﻙ
ﻭﻣﺤﺪ ﻣﻦ ﺍﻻﻫﻞ ﻳﺰﻋﺠﻨﻲ ﻻﻥ ﻳﻌﺮﻓﻮﻭﻥ
ﻃﺒﻌﻲ ﺍﻟﺠﺎﻑ ﻭﺍﻟﻘﺎﺳﻲ ﺣﺘﻰ ﻭﻱ ﺍﻋﺰ
ﺍﻟﻨﺎﺱ ﻋﻠﻰ ﻗﻠﺒﻲ
ﺃّﻧِﺄّ ﻭِﺫّﺃّﺕّ
