دخلت إلى إحدى غرف الاداره بمصنع والدها فجأة دون استئذان لتجد زوجها يجلس يعمل على الحاسب الخاص به ليبتسم لها وينهض من على مقعده ويتجه اليها مرحبا بها ويقبلها على إحدى خديها
لتقول له لاقيت نفسى زهقانه قولت اتمشى لاقيتنى هنا
ليقول بخبث يعنى إنت جايه من بيت أهلك لهنا مشى
لترد بنفي لأ طبعا دا مجازا يعنى
ليقول بتريقه مجازا يعنى ايه انت مش مدرسة فلسفه ولا غيرتى الماده وبقيتى بدرسى لغه عربيه
لترد بمرح انا كنت واخده تقدير امتياز وكنت الرابعة على الدفعه فبتالى أنا مؤهله انى ادرس أي ماده وبعدين الفلسفه دى داخله فى كل حاجه فى الحياه
لتقول وبعدين أنا مش جايه علشان الفلسفه
ليقول بسؤال وكنتى جايه ليه
لتقول كنت جايه أشوفك يمكن تكون عايز حد يساعدك
ليضحك على اعترافها ويقول
تعرفى إنى بحبك اكتر وانت بتكذبى
لتنظر له بتصعب وتقول ببراءة انا عمرى ما كذبت عليك
ليقول بخبث يعنى انت مش جايه النهاردة علشان تطبى عليا وتشوف اذا كنت قاعد وسط العمال ولا لأ
علشان البنات إلى بتشتغل فى المصنع ليكمل ويقول بس أحب اطمنك إن عنيا مش شايفه غير واحده ملكت قلبى بمحضر كاذب
لتبتسم له وتقول وإنت ملكت قلبى من قبل المحضر الكاذب
ليقول نادر وبعدين سليم فين
لتقول لمياء مع ماما انت عارف انه هادى ورقيق زيى كده زى النسمة
ليرد نادر ويقول بتعقيب هو سليم هادى ورقيق وزى النسمة بس اكيد مش زيك
لتنظر بغيظ وتقول قصدك أيه
ليقول بتمثيل الخوف أنا قصدي إنك أهدى وارق منه
لتقول بغرور طبعا مش ابنى
لتقول له بسؤال إلا قولى إنت عجبك قوى الشغل فى المصنع أنا حاسه إنك بقيت بتحبه اكتر من الشرطه
ليقول لها فى الأول كنت مضايق بسبب إنى طول عمرى كنت بحب شغل الشرطه بس الاصابه كانت هى السبب وبعدين أما بدأت أتعامل مع العمال والعملاء حبيت الشغل فى المصنع بكفاية أنى هنا بتعامل مع عملاء محترمين وعمال طيبين مش زى القسم كنت بتعامل مع مجرمين وسفاحين
وكمان بمساعدة سلمى كانت هى إلى بتوجهنى من بره لحد ما تعلمت أصول الاداره والتسويق
لتقول لمياء سلمى شاطره فى الادارة والتسويق بسبب دراستها للاقتصاد
ليقول نادر دى هى إلى كانت بتشتغل على التسويق من المانيا وكمان قدرنا أننا نتوسع فى المصنع بالإضافة أننا كمان نعتبر سددنا دين المصنع إلى كان لعابد ما فضلش غير شيك واحد ومعانا قيمته تقريبا
💥💨💥💨💥💨💥💨💥💨💫
وقف مع الطبيب ليطمئن بعد أن قام بالكشف عليها ليخبره الطبيب أن حالتها الصحيه جيده وان ما تعانى منه هو مجرد إغماء ربما سبب التعرض للضغط الشديد التى لم تتحمله
ليقول له طيب والنحافة إلى هى عليها وكمان الارهاق الى على وشها سببهم أيه
ليرد الطبيب بعملية ممكن تكون بتعمل حميه غذائية وبعدين هى مش نحيفه على غير المعقول
أنا اديتلها إبره منومه هتنام كام ساعه وأنشأ الله هتصحى كويسة بس ياريت تبعدها عن الضغط
لينصرف الطبيب بعد شكر عابد له
بعد أن قام بتوصيل الطبيب إلى باب الفيلا عاد إليها مره أخرى واطمئن أنها بخير
ليجلس بجوارها على مقعد بالغرفة
19🌷حبه لها هو من سينتصر
Start from the beginning
