رفل: يله خدامتنه كومي سويلي
فاطمه: من كال هيج وماخله الي احترام كمت بقيت ابجي سويت العصير وخليته ومشيت دخلت للمخزن الي هسه بالاساس غرفتي بقيت ابجي بعدين كمت نضفت الغرفه و سويتها تتلامع وعطرتها صطرت غراضي بالخانه ﴿الغرفه طبعن بيه كنتور و جربايه بس هكه امسويها مخزن ايخلون بيها افراشاتهم﴾
جبت بطانيه و دوشك من عمتي انطتنيهن كملت سويت عشه كملت خليته الهم خليت جاي على النار كملو صبيت الهم جاي البنات كالن روحي ارتاحي انتي
مشيت للغرفه ذبيت نفسي من التعب كمت اخذت ملابس علمود اروح اسبح سبحت وكملت مشطت شعري لبست دشداشه قصيره لون ابيض و مشطت شعري و عفته مفتوح و خليت كحله و ايلاينر و حمره لو وردي مات واستحي اروح للغرفه مالته هسه ايكول اشكد رخيصه
علي: بعد ما اتغدينه نمت كعدت العصر نزلت اكلنه كيك و عصير رفل كالت اريد عصير برتقال فاطمه ماقبلت زمخت عليها كامت بس البجيه بعيونها سوته رجعت للغرفه مالتها لليل طلعت سوت عشه ما اتعشت بقت بالمطبخ اليوم ما طلعت بقيت كاعد بالبيت صارت الساعه ب ١٠ و فاطمه ما اجت نزلت دخلت للغرفه مالتها لكيته كاعده لابسه دشداشه قصيره لون ابيض وجنن كاعده على الجربايه دخلت كتلها
علي: ليش ما اجيتي هاا شنو كتلج
فاطمه: هااا استحي اخاف كول عني رخيصه.. و كلت ايجوز كاعد بغرفه مرته
علي: هههه تستحي انتي لو تستحين جان ما اتخابرين ولد غربه و انتي اسوين روحج حبيبتي و مرتي كومي اصعدي للغرفه
فاطمه: بقيت ابجي كتله والله العظيم مو اني ولله العظيم ما خابرت غيرك ولا حجيت غيرك ولله العظيم
علي: امشي يله خلي ايولن سوالفج
فاطمه: ماشي مسحت ادموعي و صعدت فوك اجه وراي اتقرب مني بس كلش اذاني كمت سبحت اريد ارجع انام يمه كالي خير وين نايمه كتله لعد وين انام
علي: عزيزتي اطلعي بره ابغرفتج نامي
فاطمه: علي ولله مشاقتلك بس صدكني مره وحده
علي: ليش اصدكج هااا
فاطمه: علي اشبيك ولله مظلومه اني اكلك اشلون
علي: امم كولي
فاطمه:بس اصدكني و اصير وياي
علي: اذا قنعت
فاطمه: اتذكر من خابرتك علمود المديره رادت تفصلني
علي: اي
فاطمه: اكو بنات بصفي كاعدات سمعني من اخبرك وهنه ايصيران صديقات حوراء و وحده منهن اعرفها اتقلد اصوات ايجوز هيه مقلده صوتي و سجلت حوراء وجابته الكم
علي: اممم ما ادري ايجوز
فاطمه: عاي حباب ساعدني اطلع من هاي السالفه
♕part8♕
Start from the beginning
