مرحبا اشلونكم اول بارت بعد بارت التعريف اتمنى تعجبكم
فاطمه: مثل كل يوم اكعد ويه الاذان الفجر علمود اصلي وخلص شغلي واسوي اريوك واروح للمدرسه هذا جان قانون بابا اني هسه بصف السادس علمي وحلمي اطلع طب بدلت ملابس مدرسه واجه السايق رحت للمدسه التقيت بصديقات بعدين ادروس وخلص اليوم رجعت للبيت
فاطمه: سلام عليكم
ابوها: وعليكم السلام.. اشلونج بابا اشلون المدرسه المواد خو مو صعبه
فاطمه: زينه الحمدلله اشويه صعبه بس اتهون على مودكم
ابوها: عفيه بنتي الشطوره يله شدي حيلج علمود اطلعين من هذا الضيم
فاطمه: انشالله... رحت بدلت ملابس وساعدت ماما ومرت اخوي بالغده كاعده اثرم زلاطه وماما اسمعه ادكول اليوم انروح نخطب العلي اني كبل اتغير لوني لان اني احبه ومعجبه بيه ضجت كلش كملت الزلاطه وصبيته واتغدينه والحمدلله سويت جاي ومرت اخوي غسلت الماعين دخلت للغرفه انام.....
هسه انروح للبطل 😊
علي: كعدت الصبح صليت وكعدت اقره قران اشويه واشتم ريحه الجاي الامهيل نزلت صبحت على الاهل بست راس ابوي وايد امي وبست حبوبتي بيدها وبراسها وكعدت اتريك
علي: يله اني اكوم اطلع اشوف الكيعان والفلاليح وصلت الباب المطبخ ورجعت صحت على امي
علي:يمه
ام علي: هاا يبعد امك امرني شنو اتريد
علي:يمه كعدي البنات لا اتخلينهن نايمات للضهر ضبي شمس وراها زواج و عيال شنو ايكولون عليه بت الشيخ علي خايسه
ام علي: يمه بعد كلبي هسه اكعدهن اتوكل انته
علي: الله وياج يمه وطلعت اني و حسنين نفتر على الكيعان والبساتين و وزعت الرواتب عليهم العمال بعدين رحنه اني وحسنين للمول اشترينه ملابس وغراض ورجعنه للبيت
علي: السلام عليكم ورحمة
الجميع: وعليكم السلام تعال اتغده بعدنه باولها
علي: لا ما اريد توني اتغديت اني و حسنين ب المطعم اروح اصعد اسبح وانام
ام علي: يمه شلك اباكل المطاعم مزين بداعتي بعد لا تاكل من المطاعم الا اذا ماتلحك اخاف عليك يمه
علي: بست راس امي وكتله
ادللي يماي اعيوني وكلبي انتي
ابو علي:ولك ليش تتغزل بجمارتي ما اسمحلك
علي:جاا هيه امي واني عزيزه والغالي مالتها
ابو علي: ولك انجب لا تتغزل امرتي
علي: جا بيمن اتغزل اذا ما اتغزل بامي
ابو علي: ازوج وتغزل امرتك
ام علي: اي يمه فدوه اروحلك خلي اخطبلك اريد اشوف افريخاتك قبل ما اموت
علي: اسم الله عليج يمه يومي قبل يومج التشوفين بيه خير سويه
ام علي: من كد ما فرحان انشالله يمه اليوم انروح اني و مرت عمك نخطبلك
علي: بيأس انشالله خير
يله اني اكوم اسبح انام كمت طبيت سبحت واني النفس ضايك بصدري لان احب فاطمه بت عمي
ام علي: اتخابر و ام محمد﴿ام فاطمه﴾.. خيه ام محمد انشالله اليوم الساعه ب ٣ انروح نخطب العلي
ام محمد: انشالله خيه.. بس منو ياخذنه
ام علي: طارق ياخذنه ويانه زهره هيه تعرف ذوق علي
ام محمد: انشالله خيه يله الله وياج
ام علي: الله وياج خيه
