اظهرت لي برائتي

بارت 10

لمار . اهوو اي اي فهمنه .. عفتهه ونزلت صدك حتى اني جعت واني انزل على الدرج سمعت صوت بالمطبخ بس الضوه مطفي البيت اضلم ويخوف صاير خفت كلت بس لا حرامي 😯 صحت م مم منو ؟ محد جاوبني كلت اجوز اتخيل نزلت اول ما دخلت للمطبخ ما احس الا واحد لزمني من زندي قوووي وشمرني على الكاع صرت نايمه على بطني واجه صار فوكاي ولزم اديه ليورا اني ما بقه بيه عقل ردت اصرخ اشو هالشخص حط أيده على حلكي وكال بهمس

يزن . ششش تحجي منو انت لو اموتك هنا وشتريد ؟ انت اكيد تريد لمار مووووو ههههه هالبنت اللي ظلمتوها تردون ترجعون تاخذوها مستحيل

لمار . من حجه هيج ارتاحيت كلللش لعدة أسباب منها انو هذا يزن ومنها انو يزن يفكر بيه ومنها انو يزن راح يحميني ارتاحيت كلش بس متأذيه لانو هو ذب روحه عليه وهو ضخم واني ناعمه كلش تاذيت ضليت اكول مممم مممم

يزن . استغربت انو هالحرامي ناعم مدري شنو سالفته معقوله طفل كامز علينه 😶بعدين ما احس الا يكول مممم ممم من جواي صوته مال بنيه عجيب اتخيل لو هاي بنيه صدك كمت شويه عنهه بس بقيت فوكاها بس شويه حرفت جسمي عنها كلت لا تطلع بنيه عيب اني جسمي لازك بيهه لزك كلتله بهمس

راح اوخر أيدي بس اذا صرخت تموت بس كلي اسمك

وخرت أيدي ع كيف وانصدمت لما كال

لمار . لمار لمار اني لمار يزن فدوه اختنكت حموت وخر وضليت اكح . .. عحه عحه عحه 😭

يزن . بس سمعتهه كالت هيج بسرعه طفرت من فوكاهه وشعلت الضوه لكيتهه متمدده بكاع المطبخ من فتحت الضوه كامت وهيه تلهث ولازمه حنجرتهه خطيه خايفه وترجف كلتلهه

لللل لل ل لتخافين ه هذا اني يزن

لمار . اهه 😭😭 اهه ليش هيج خوفتني وخنكتني والله ردت اموت إلا شويه 😢

يزن . لا لا فدوه اروحلج لتبجين ارجوج والله اسف عذريني بس جنت افكر بسالفتج وتوقعت انو أحد من اهلج يندلج ويجي ياخذج

صدك انتي شعدج نازله بهالليل😦 وي ما كلت هيج اجت نور نزلت تركض شافتنه اني ولمار بالمطبخ ضلت صافنه كالت ها يزن اني كلتلهه تجيب النه شي نأكله لان جعت

يزن . هاااا اي اخذن راحتجن اني صاعد انام واسفه مره ثانيه خليتهن جوه وصعدت وطول ما اني بالغرفه الوم نفسي شكد عيب نمت فوكاها وهيه بنيه انوب مو نومه عاديه لا تذكرت شلون لازم اديهه ليورا وهيه ترجف واني ذاب كل حيلي عليهه ولازك جسمي وي جسمهه غميت روحي ونمت 😪😴

نور . وج شصار

لمار . وقز القرط زماله اشوف يا جلبه بعد تسمع كلامج يلا ولي خل نام

صعدنه ونمت وياها بجربايتهه هيه غفت بس اني ضليت افكر مو بيزن لا .. بقدري خايفه من اهلي يا ترى راح ارجع اشوفهم وبيا عين بعد ما شردت منهم وما حسيت الا واني غافيه وما حسيت بشي

في مكان آخر

ابو لمار . بويه شنو ما لكيت هذا الولد اللي جان وي لمار

جعفر. لا والله يا ابوي كأنو الكاع انشكت وبلعته هو وهالكلبه

امي . استغفرك ربي و اتوب اليك يربي رجعهه إليه سالمه

جعفر . سالمه 😒 سالمه مووو كولي الله ياخذ روحها

&&&&&&&&&&&&&&&&&&&&&

لمار . كعدت الصبح على صوت نور وهيه تكعدني

نور . وج زر.. كومي موتيني ما شبعتي نوم اهوووو ولج لماااااااار

لمار . وسم ومرض منو مات

نور . دهوك احتركت وانتي نايمه

لمار . كعدت على حيلي .. ولج شكو شصاير

نور . امداج كلشي متدري ولج جا غير اليوم صارت عركه وكام يزن بصط رفل

لمار . يح رفل اختج ودكيت على صدري

نور . ولج ايي جا امي

لمار . وليش .. بس لا بسببي 😨😨

نور . مو بسببج بفضلج

لمار يختي انجبي واحجي سميتيلي بدني يلاااا

نور . اليوم كعدنه عالريوك سناء ما اجت يزن كال الرفل ليش سناء ما اجت كالتله من ورا بنت الليل كاللهه شنو يا بنت ليل ولج كالتله شبيك من ورا الساقطه مالتك وكامالهه لزمهه موتهه تموت وطلع للشغل مدري للجامعه انوب كامتلهه امي وهم ما قصرت رزااايل

لمار . هسه اني شسويتلهن ليش.. قبل لا اكمل قاطعتني

نور . جبي جبي كومي اني ما تريكت انتظرتج يلا

لمار . اوكي كمت غسلت وجهي ولبست تراك جويتي اموت على هاللون تراك حلو بس بجامته بيهه فتحات كبار منا ومنا يوصلن جوه فخذي يعني عضلتي طالعه كالتلي نور عادي معدنه زلم عمي من الصبح سافر عده شغل بالبصره بس يزن ومو هسه يجي وعادي ما محجبه انتي

كلت هم صدك والله نزلنه اني وياهه لكينه رفل وسناء وام يزن وام سناء كاعدات

لمار . صباح الخير 😊

يتبع .....