البارت 21
قضيه ابن مستشار
اغتصبني ابن مستشار الجزء الاول لمنه محمد....
...بالليل نور قلقت ع حمزه بعد اتصالت كتير رد حمزه اخيرا
حمزه بسرعه: معلش ياروحي انا قاعد مع ناس عشان فيه قضيه مهمه واول ما اخلص هعزمك ع العشا
نور ابتسمت: طيب مفيش مشكله اول ما تخلص كلمني
حمزه: حاضر ياقلبي هنجزها ع طول وخالي بالك من نفسك والاولاد
نور : حاضر من عيوني وقفل بسرعه نور استغربت ونفس اللحظه رن موبيلها وردت بسرعه : الو ايوه ياخالو ايه حنان بتولد انشاء الله تقوم بالف سلامه اوك هتصل بحمزه وابلغه ومسَافه السكه اكون عندك وقفلت وراحت تلبس وتتصل بحمزه تبلغه
.........
في المستشفي سمير شايل ابنه وعمال يلف بيه فرحان
حنان بألم: سمير هاته شويه ماينفعش طول الوقت في حضنك
سميرحط صُبعه في ايد ابنه وابتسم: شبهي
حنان: طيب هاته انا عاوزاه
سمير ضحك: طيب منا كمان عاوزه!!! بس طمنيني انتي كويسه؟؟!!
حنان: الولاده صعبه اوي يا سمير
سمير طبطب عليها : معلش ياحياتي استحملي بقي هنعمل ايه لو كان ينفع اشيل عنك كنت شلت والله
حنان: سميت الولد زي ما اتفقنا؟؟
سمير: ايوه ياروحي انا
حنان بصت لابنها شويه من بعيد: تصور شبهك فعلا
سمير ضحك: ياحنان حرام عليك انا عاوزه يطلع شبهك انتي عشان يمشي في الشارع وكل البنات تجري وراه الباب خبط دخلت نور ببتسامه: حمد لله بلسلامه ياقمر وبصت لخالها مبروك ياخالو
سمير رفع راسه وبصلها بفرحه: الله يبارك فيك
نور: اه ياحنان كنت هتجنن ونفسي ادخلك وانتي بتولدي وساره مش راضيه ابدا الوحشه
حنان ضحكت بألم: ساره دي ربنا يكرمها تعبت اوي معايا وحضرت معايا الولاده كلها
نور: طبعا مش انتي اختها
سمير: ربنا يكرمها يارب
حنان: والله طول الولاده وانا بدعلها من قلبي
نور ابتسمت: يسمع منك ربنا ويستجيب ساره تستاهل كل خير
نور تلفونها رن كان حمزه: الو ايوه ياحمزه
حمزه:حبيبتي فينكم
نور: احنا في الدور التاني متتأخرش سلام
نور قفلت وراحت اخدت البيبي من ايد خالها : تعالي حبيب خالتو نور وقعدت علي الكرسي وضمته لحضنها : سبحان الله كله جدي الله يرحمه
سمير راح أأعد جنب نور:فعلا تصوري هاتيه يانور شويه اصله وحشني
نور برخامه: لا خاليه في حضني شويه
حنان زعقت فيهم وفضلها شويه وتعيط: وانا ماليش نفس اشيله شويه هاته ابني يا ناس حرام عليكم والله
الشريف دخل وضحك ع بنته:الف مبروك ياسمير يتربي في عزك
سمير: الله يبارك فيك ياعمي يتربي في عزكم
الشريف قرب وباس راس بنته: الف مبروك ياحون وطلع علبه مخمليه فيها خاتم دهب شيك جدا
حنان بأعجاب: الله حلو اوي يا بابي ربنا يخليك
دخل حمزه مبتسم: الف مبروك ياحنان اخيرآ بقيتي ام يارب تعقلي (وبص لسمير)مبروك يا سمير وشال البيبي) تصور شبهي خالص
سمير:لا والله انت هتتلزق في ابني كل الي شافه قال جميل شبهي
فوزيه دخلت: الف مبروك ياحنان يتربي في عزك يارب
حنان: تسلمي ياطنط بس ربنا يخليك عاوزه اشوف ابني مش راضين يدهولي
فوزيه ضحكت عليها وراحت تسلم علي الموجودين
سمير لنور: الله امال فين حمزه
نور: طلع جاله تلفون هطلع اشوفه وطلعت لقيته بيتكلم حمزه بصلها وقفل الموبيل: نور سوري لازم امشي حالا ورايا قضيه مستعجله سبتها وجيت نتقابل كمان ساعه نروح مع بعض تمام
نور هزت له راسها: اوك بس متتاخرش عليا
حمزه ابتسم: لا من عيوني لما اوصل تحت المستشفي هرن عليك تكوني جاهزه وسبها ومشي ونور بتلف بعيونها لمحت حسنيه أأعده مهمومه ولابسه اسود وبتعيط ودموعها نازله ع خدودها بصمت راحت عليها نور وجعها قلبها من منظرها وقالت لها بصوت حنون دافي: حسنيه
حسنيه بصتلها وقامت من علي الارض وضمتها وكلبشت فيها: حسنيه ليه بتعيطي كدا ولابسه اسود علي مين؟؟
عيطت حسنيه عياط بمرار يقطع القلوب : اسماء
نور برقت عيونها: مالها اسماء
حسنيه: واحد ابن حرام اغتصبها ورافضه تقولنا مين وهي هنا في المستشفي لانها حاولت تنتحر
نوربتوهان: اسماء بنتك ازاي وامتي؟؟
حسنيه بصتلها وبكت بحرقه وقهر وألم وحكتلها بقلب ام محروق علي ضناها
نور عيطت بقلب محروق افتكرت اسماء الطفله الي كانت بتيجي مع حسنيه ووشها البريئ وكلامها الحلو والجميل والمؤدب كل الي في القصر كانو بيحبوها ونور كانت بتحبها جدا شويه وبصت لحسنيه استشفت ان فيه حاجه عاوزه تقولها
نور: مالك عايزه تاخدي رأي في حاجه انا بحبك ياحسنيه وحاسه بيك اتكلمي واطلبي متتحرجيش
حسنيه: انتي فاضيه عاوزه اتكلم معاك
نور بسعه صدر: فاضيه ولو مش فاضيه افضي نفسي
حسنيه حكت كل حاجه لنور الي كانت مصدومه ومقدرتش تمسك اعصابها خصوصا انها مرت بنفس تجربه اسماء وبنفعال عالي: رابح ده المفروض يتعدم في ميدان عام علشان يكون عبره لغيره
حسنيه بمرار: وهثبت ازاي الحقيقه يانور هانم؟؟
نوربحماس: احنا نثبت
حسنيه بخوف:انا خايفه اقول لحد انه هو يقتل بنتي؟؟
نور بطمنها: لا متخافيش كل الي علينا دلوقت اسماء تتكلم وتقول ونرفع قضيه هتك عرض والله المستعان
حسنيه مسحت دموعها: تفتكري هنقدر انا خايفه عليك انتي كمان
نور بشجاعه: تفتكري هقدر اسامح نفسي لو مساعدتش اسماء
حسنيه فرحت وكأنها لقت قشايه تنجد بنتها ونور سابتها ع وعد تتقابل مع اسماء وتقنع حمزه يمسك القضيه
...........منه محمد................
فوزيه دخلت مكتب ساره وهي مندمجه في تقارير قدامها
فوزيه: ساره
ساره اتخضت:يمه مالك فجعتيني حصل حاجه لحنان؟؟
فوزيه: يالا معايا
ساره عقدت حواجبها: ع فين؟؟
فوزيه: هتحللي حالا
ساره اتنهدت: ماما انا كويسه انتم ليه بتتوهمو
فوزيه: لا المره دي مش هسيبك نور قالت لي ان بيغمي عليك كتير وبترجعي وده شئ مش طبيعي مش يمكن عندك فيرس ولا حاجه لما نحلل هنعرف مش هنخسر حاجه
ساره: يا ماما انا دكتوره مش جاهله ياحبيبتي
فوزيه باصراروسحبتها ببطئ:متحاوليش احنا كدا كدا في المستشفي اهو وانا مش متحركه من هنا خطوه واحده غير لما تحللي دم كامل نطمن ونخلص ومش هقبل اي اعتراض يالا اتحركي
ساره: انتي قلقانه عليا يافوز
فوزيه: طبعا لازم اقلق عليك منا مش هيفضل عقلي يروح ويجي من القلق عليك وبعدين دماغك ناشفه حجر يالا اتحركي قدامي من غير اي اعتراض
ساره اتحركت معاها: اللهم لا اعتراض خلاص حاضر ماشيه اهو
وبالفعل راحت ساره هي وامها معمل التحاليل ودكتوره زميله لساره سّحبت العينه
الدكتوره: خلاص سحبت العينه وهيتم اجراء لو فيه فيرس هيبان لان حيكون تحليل دم شامل
فوزيه: هياخد وقت يا بنتي
الدكتوره: لا شويه وقت بس مش طويل الف سلامه ياساره
ساره ببتسامه: شكرا يا بسمه
فوزيه: ها شوفتي سَهله وبسيطه مكنش فيه داعي تتذمري من الاول وطلعت من شنطتها علبه عصير..خدي اشربي ده يعوض الدم الي فقدتيه
ساره: ايه ده يافوز
فوزيه: عصير طماطم ماله حلو والله يالا اشربي
ساره: ماشي بس امسكيه ماشي هرد ع الفون
فوزيه بصتلها ساره ضحكت: هشربه ارد الله
وثواني راحو المعمل ياخدو النتيجه
فوزيه أأعده علي اعصابها ساره بصتلها: ماما مالك اهدي شويه وانشاء الله مش هيطلع فيرس وهو مجرد ارهاق مش اكتر
فوزيه بلوم وعتاب: والله لو طلع عندك حاجه لاقدر الله ياويلك مني بسبب اهمالك في صحتك انا بقولك اهو!!!
شويه ودخلت الدكتوره
فوزيه بسرعه: ها طمنيني يا بنتي
الدكتوره ببتسامه: اطمني النتيجه ظهرت
فوزيه برجاء وقامت علي حيلها: مفيش حاجه مش كدا
الدكتوره: اتفضلي أأعدي
ساره: ماما اهدي!!
الدكتوره: يادكتوره ساره مفيش اي فيرس الحمد لله في جسمك ومفيش اي حاجه تستدعي الخوف انتي صحتك كويسه جدا بس فيه وضع مختلف اظن معندكيش علم بيه يمكن لانه جديد عليك
فوزيه بتوتر وخوف: يابنتي اتكلمي علي طول وقعتي قلبي
الدكتوره ببتسامه كبيره: اطمني هو في العموم وضع جيد جدا جدا
ساره بقلق: ايه هو يا بسمه؟؟
الدكتوره فجرت الخبر: انتي طالبتي تحليل شامل بس انا دققت في تحاليلك بدقه منتهيه ودلوقت اقدر اهنيك لانك حامل مبروك
ساره تنحت وفوزيه أأعدت مذبهله من وقوع الخبر
فوزيه فزت من مكانها: حامل حامل اه اه حامل ياساره الف حد وشكر ليك يارب ياه اخير يارب اخيرا
ساره مره واحده استوعبت الخبر وعيطت وضمت امها: ياااااه يا امي اول مره اتنفس بعد وقت طويل
فوزيه ضمتها بفرحه وتمسح ع ضهرها بحنان وهي تردد:ربنا عوضك الحمد لله
ساره:دي بركه دعائك انتي وبابا
فوزيه: الصبر جميل اوي يابنتي
الدكتوره عيونها دمعت معاهم:انا هكتبلك شويه مقويات ولازم تاخديهم عشان يثبت الحمل اخدو الوصفه وخرجو من المستشفي بكل فرحه علي الصيدليه
......................
في بيت ساره رامز عندها
رامز: الف مبروك ياسوسو واخير هبقي خالو
ساره: الله يبارك فيك ياحبيبي
رامز: سوسو ليه حسّك مش فرحانه
ساره كانت سرحانه رامز : سوسو (علا صوته ) ساره
ساره اتخضت : امم ايه ؟
رامز باستغراب : ليه حسك مش فرحانه
ساره: افرح ازاي يا رامز ورؤف متغير معايا
رامز: ده وقته يا سوسو انتي حاليا مش لازم تزعلي ابدا من هنا ورايح تفرحي وبس
ساره بدموع: مزعلش ازاي بقولك بيحب واحده تانيه ويمكن يكون عندها دلوقت
رامزبتأكيد: لا هو سابها وانا متأكد انه مسافر دلوقت والغايب حجته معاه يالا اتصلي وفرحيه
ساره بصتله بتردد: ليه السعاده صعبه اوي كدا
رامز: بصراحه معرفش بس كل الي اعرفه بس لو سهله مكناش ندور عليها وكنا ناخدها بكل سهوله
ساره : الحب بيوجع القلب اوي وبعنف
رامزبسؤال مستنيه إجابته : تقدري تدوسي ع قلبك
ساره نزلت دموعها: لا لان كفايه حبيبك يكون جنبك وحُسه معاك عارفه تفكيري غبي بس مش بأيدي
رامز اتك اتصال وسابها وخرج ساره بسرعه لغت الاتصال
ساره عقلها: لا مش هتصل شايف يارؤف وصلت حالتي لاي حاله عجن قلبي زي الصلصال وبعدين زهق ورماه
قلبها:ليكون جراله حاجه لا انا هتصل لاني مبقوقه وعاوزه اتكلم
عقلها: لا مش هتصل كسر قلبي
.........اغتصبني ابن مستشار الجزء الأول منه محمد...............
في يخت
رؤف أأعد حزين ومهموم وبيفكر دخل عليه حسام: ليه الكابتن حزين ايه الموجه كسرت اليخت؟؟!!
رؤف نفخ: ده وقت هزارك الرخم انا مش ناقصك
حسام رفع حاجب: والله خطر ع بالي اهزر مع اني ولا مره اخدت حزنك ماده للهزار ياراجل تروح تحكي كل الي عندك لمراتك والله برافو عليك
رؤف سند ظهره:انا مضايق ومفيش اي حاجه ممكن تخليني ارجع افرح
حسام قام وقدملو كوكتيل عصير رؤف بصله اوي حسام ضحك: ايه بحب اخدم الحبايب بأيدي ليه مكشر كدا اعوذ بالله افردها مش حلو وانت كدا
رؤف: ازاي وانا مش مرتاح
حسام: صدقني يارؤف انا جيت اقف جنبك واخفف عنك بس عاوزك تعرف حاجه وتحط تحتها كميه خطوط عريضه لو نور عرفت او حست انك لسه بتحبها تفتكر هتحترمك دي بنت عمها ومستحيل تخونها ابدآآ اصحي من الحلم بقي وخليك مع الحقيقه والواقع
رؤف: انا انتهيت ياحسام انا بوظت كل حاجه وخسرت كل حاجه ومش عارف اعمل ايه؟؟
حسام: كل حاجه بتحصل وتلفونه رن قطع كلامه شاف الاسم وقاله لو فعلا عاوز تبدء ابدء من هنا ساره بتتصل بيك وعاوزك تعرف حاجه العشق بطبيعته شئ غامض،، غامض زي مضمون الانسان المه كتير وتضحياته كبيره دول كلهم مكونات الحب والعشق ياصاحبي حط ده في بالك وانا مستنيك برا
......
.................
المستشفى عند اسماء رفعت راسها لانها سمعت الباب انفتح ووشها كله دموع لقته مصطفي وعلت شهقاتها اسماء : خير يا مصطفي
مصطفي بهدوء : جاي اخدك لان الدكتور سمح لك تطلعي
اسماء بكت وصرخت فيه : بس انا مش عاوزه اروح معاك
ابوها دخل بغضب: انتي يابت بتزعقي في الراجل ليه
اسماء: لانه لازم يطلقني
ابوها ضربها وشدها من شعرها: ليه ياروح امك عاوزه تطلقي ده بدل ما تشكري الراجل انه لمك وسترك
اسماء: حرام هو ذنبه ايه هو اضطر يعمل كدا عشان انت اتخليت عني لما البنت تلاقي الشخص الي المفروض امانها وسندها يجي يخذلها ويرميها ع غيره وقتها هتحس بالخوف والضعف وان ظهرها انكسر
ابوها: غوري من وشي يا بنت الكلب ياعارهتقفي تسمعيلي خطبه
مصطفي شده بعيد عنها وبنفعال: بنتك مش عار ياعمي
ابوها: والعار الي اتحط فوق راسنا ده ايه
مصطفي: الفرخه لما بتندبح وهي متكتفه ميبقاش عليها لوم ياعمي
ابوها بص لحسنيه:كله منك انت
حسنيه:انا ذنبي ايه بس
ابوها: انتي تنكتمي خالص
مصطفي بنفعال: اهدي بقي ياعمي بنتك ضحيه والمجرم الي عمل فيها كدا مسيرنا نعرفه وحنحسبه عن الي عملو بس دلوقت نفكر في اسماء ونخرجها من الي هي فيه
ابوها بتهديد:من الساعه دي انسي ان ليك اهل انتي متي ودفنتك وسابهم وخرج مصطفي اتنهد ودق الجرس للممرضه الي جات طلعت السيروم وسمحت لها بالخروج مصطفي : يالا خلينا نروح بكت اسماء ورضت بالامر الواقع قامت بتعب وفتحت الدولاب الموجود واخدت عبايتها اللي أمها مـن يومين جابتهالها ودخلت الحمام بعد ما لبست بصت لنفسها بالمرايه ليه كدا يامصطفي ليه مسحت دموعها وطلعت معاه برا المستشفى وهي جاهله مصيرها
....................
خالد واقف مع رامز صاحب عمره
رامزبعصبيه :الكلب الخسيس دي تاني مره يتعرضلها
خالد لف وانتبه لرامز:ليه انت تعرف حاجه قبل كدا
رامز اتوتر خايف ع صاحبه: ايوه مره شوفته بيضربها في الشارع والموضوع كبر ووصل للقسم
خالد اول ما سمع كدا حَس انه ممكن تجيلو سكته قلبية علطول
وخلاص اتعصب قام بعيد عن رامز عاوز يروح يضربه بس رامز لحقه وفضل يهدي فيه ان الامور ماتتخدش قفش بس خالد صمم علي موقفه
دخل خالد ورامز المول وشاف رابح قاعد ع المكتب والبودي جارد حواليه بصلو بحتقار و شوي بيروح ياكلة
رابح قام:انت عاوز ايه؟
خالد بحده:مش لازم تفهم بس لو شوفتك قربت تاني من شروق حنسيك اسمك ومن دلوقت بحذرك ملكش دعوه بيها ولو حاولت تقرب منها حفرجك الي عمرك ما شفته
رابح قام وراحله: ايوه برضو مين إنت ( و ضربة علي صدرة بالخفيف
خالد ضربه جامد في كتفه: بتستظرف دمك علي العموم انا عاوزك تبعد عن خطبتي نهائي فاهم ياجرثومه انت
رامز بقسوه وانفعال: عيب قوي عليك الي بتعمله بتتحامي في منصب ابوك ومبهدل بنات الناس معاك
رابح بصلو من فوق لتحت: اخرس يا ابن الكلب
رامز بعصبيه: لو أهلك ما عرفوش يربوك بس أنا حربيك يا ميكي ماوس فاهم
رابح بغضب: كلمه زيادة بفرمك بجزمتي
خالد شده جامد من تي شيرته: انا راي نحل الموضوع برا لاني مش عاوز اهد المكان ع دماغ اهلك لاني هشلفط خلقتك قدام الي انت مشغلهم
رابح زقه من ضهره: يالا ياخويا تعالي وريني يا سبع
اسلام شده وبهمس: رابح هدي اعصابك صدقني حنحطه في موقف صعب بس مش هنا
رابح تجاهل كلام اسلام تماما: دقيقه واحده تعالي نتفاهم نفسك نتخانق ولا لأ القرار في ايدك
خالد بوعيد: اسمعني كويس خليك بعيد عن شروق والا هتندم يا بن مدكور واحترم نفسك وابعد عن سكتي
رابح بغرور وتكبر : لا بجد خوفتني انت مجرد جرثومه افعصها وباشاره من رابح مدكور تختفي من الوجود نهائي واتبادلو النظرات للحظه ورابح شوي و بيموت من الغيظ وخالد بينفجر وقال وهو بيحاول يكتم غيظة : و أنا خالد تاج الدين والايام بينا وخرج هو ورامز من المكان
رابح بشر اسود:مش هرتاح غير لما ادي الحقير خالد درس مستحيل ينساه وطلع بشر اسود لبيت مصطفي يفرغ شحنه غضبه فيهم
..................
في فيلا نونا طلبت منها تروح المول تشتري لزوم الحفله وطلعت ملقتش السواق بس لقت حسام واقف
نوال: بذره معلش ممكن توصلني لان السواق تعب فجأه
حسام: ع فين العزم؟؟
نوال: مشوار حشتري حاجات ومش هأخرك وبعدين ترجعني ممكن
حسام عوج طقيته : بس كدا من عيوني
نوال ابتسمت له : يعني موافق توصلني
حسام غمزها: ابقي مجنون لو رفضت
نوال سرعت خطواتها للعربيه وحسام مشي وراها وركب وأعد مكان القياده : ها تحبي تسمعي ايه؟؟
نوال كشرت: افندم انت هتهرج معايا
حسام بصلها في المرايا: طيب بلاش انتي رايحه انهي مول؟؟!!
نوال: امشي طوالي واول ما نوصل حقولك
حسام: طيب انتي عارفه يا ست نوال ان التاريخ اثبت ان في مصر 100 هرم و120 خوف
نوال ضحكت
حسام صقف بأيده: ضحكت والله ضحكت
نوال: بذره ممكن لما نوصل تدخل معايا
حسام: ادخل مفيش مشكله
بعد ماخلصه
حسام: ايه رايك يا ست نوال نئعد في حته قبل ما نروح
نوال بهجوم بشراسه: نئعد في حته ازاي انت اتجننت؟؟!!
حسام بسرعه: انا اسف ولا كأني قلت حاجه
نوال رخت ملامحها: قصدك نئعد في مكان عام صح
حسام: ينفع
نوال هزت راسها: عادي ينفع
حسام شخط فيها: امال عامله فتوه وانتي يمامه
نوال بعدم فهم: افندم
حسام ركن ع جنب ونزلو وقعدو
حسام بسؤال: انسه نوال انت ليه كدا
نوال عقدت حواجبها: كدا ازاي
حسام: يعني واخده الدنيا قفش وعايزه تاخديها وتجري
نوال: عشان مفيش حد هيعمل غير ده بدالي لازم تساعد نفسك بنفسك
حسام بغزل صريح: صح بس انتي عسل وحلوه وصغيره وقدامك فرصه تتجوزي واحد يشيل عنك الليله دي
نوال: صح بس اعمل ايه الي بيعجبني بيطلع ممعهوش والي معاه ميعجبنيش وانا لا عايزه ابقي صايعه ولا واحد يشتريني عارف نفسي اتجوز واحد امور كدا وراجل
حسام: اه شبه مين شبهي مثلا
نوال بحيره: مش عارفه
حسام: يعني لو لقيت عريس شبهي اقولك
نوال ضحكت من اسلوبه: طبعا ارجوك
حسام: يخربيت كدا كأني جيت هنا عشان اتكلم مع احلي انسانه في الدنيا
بعد ما ااعدو ووصلها نوال نزلت: معلش تعبتك معايا وعذبتك
حسام: تعب الحبايب راحه
نوال: يالا امشي مالك كدا تنحت
حسام رقص حواجبه: بتملا من وش الحلو قبل ما يفارقني
نوال:تعرف ان انت بكاش اوي
حسام ضحك:لا ده انا غلبان اوي ده انا حتي دمعتي بعيده
نوال:تصور لو مكنتش قالتلي مكنتش هعرف ياحضره الظابط
حسام اذبهل وتنح😳
.......
قاعدين في نص الليل بعد عتاب طويل وكله ارهاق وألم ووجع ،،سمعو صوت فرامل عربيه وقفت بعنف لدرجه حَكت الارض بصوت كالزلزال
مصطفي راح فتح الباب هي ووراه لف لها وبأمر:ادخلي واقفلي الباب عليك
مصطفي شاف رابح نازل من العربيه وعيونه بطق شرار استشف الغدر منه
مصطفي بصوت عالي:غور من هنا يالا انت والي معاك وجري عليه بس رابح شاور بعينه للبودي جارد يمسكوه وكتفوه هو فضل يضرب فيهم بصريخ بس هما قيدوه وربطوه ع الشجره
اسماء خافت وراحت قفلت الباب عليها من جوه بأحكام وجسّمها بيترعش من الخوف
مصطفي معاهم بيحاول يبعدهم برجوله وبيعافر لكن الأغلبية غلبت الشّجاعه
رابح هجم ع الباب يفتحه بكتفه وبعد محولات فاشله طلع المسَدس وضرب منه طلقه انفتح الباب بُعنف دخل وهجم عليها وبكل قوته ضربها قلم:فوقي لنفسك الي زيك حتفضل طول عمرها خدامه تحت رجلي بس نعمل ايه ، واحمدي ربنا انك لسّه عايشه اصل البرنامج بينا لسه طويل قوي انا لسه هوريك حبيب القلب الجَربّوع وانا بخليه رجالتي برا يقطعو من لحمه بالحته وهفرجك يادكر البتاع بتاعك ده وانا برمي جتته للكلاب تنهش في لحمه هخليكي تتمني الموت ولا تطوليه
اسماء بكل قوتها وبعلو حسَها:غور من هنا وتفت عليه
رابح مسكها لوي دراعها وري ظهرها:لو حاولتي تهوبي ناحيه بيتي تاني انت والكلب الي برا ده بقتلك انت وكل اهلك بنفيكم من الدنيا سامعه عشان كدا اعقلي احسن لك وصوتك انتي والكلب الي برا يختفي لتشوفي الوش التاني والجنان ع اصوله هوريك الويل والعذاب هدوقهولك جرعات جرعات وزقها بعنف ووقعت ع الارض وطلع وامر رجالته يسيبه مصطفي بعد ما شَبعوه ضرب بفتراه
اسماء طلعت فكت وثاق مصطفي وبكت بوجع كبير: تعالي نروح للمستشفي ليكون فيه كسَر ولا حاجه
مصطفي بوجع السنين وبيتنفس بصعوبه: لا انا كويس هاخد مُسكن
اسماء: طيب روح نام ع السرير وانا هجبلك الدواء
مصطفي: لاتعالي هروح معاك مينفعش اسيبك لوحدك الباب مكسور
اسماء: طيب روح علي الاقل غير هدومك ع بال ما ادورلك ع مرهم للجروح
رجعت اسماء وشافت نظرات الغضب والحقد جوه عيونه بس بسرعه اتحولت لنظرات حب وحنيه ع حالها المسكين دهنت له المرهم وراحت تنام وكأنها جثه سَلبت منها الحياه والامان حضنت نفسها ودموعها جريت ع خدها قرب منها وغطاها باحكام
واتكلم بألم:اه يا اسماء وجعك محسَسنَي بوجع في صدري وسابها واتعكز علي الحيطان وراح للحمام ...اسماء دفنت وشها في المخده وغرقتها بالدموع
.......
بالليل نور قاعده جنب حنان الي نايمه علي السّرير من التعب ونور بتغير الحفاضه للبيبي رن موبيلها ردت بكل هدوء : الو
الصوت:حبيبتي انا بعتذرلك لانك جيتي البيت ومكنتش موجوده؟؟
نور بعدم فهم: جتلك مين معايا؟؟
الصوت: بجد مش عرفاني ع العموم حمزه كان هنا معايا بيطمن ع ابنه ع العموم لو حابه انتي كمان تطمني ع البيبي اتفضلي تعالي
نور بنفعال: انتي بتقولي ايه انتي بني ادمه حقيره وزباله
الصوت: بلاش قله ادب ده انا حتي هبقي ضُرتك عيَب
..... منه محمد
ونكمل بكره الحرب العالميه الرابعه بين حمزه ونور بارت لحمزه ونور وساره ورؤف معلش عندي ضيوف والله لو قصير
