#إعاده_تاهيل
بارت ١٢.
👑 أستغفر الله العظيم واتوب إليه👑
اسما فتحت تليفونها وايديها بتترعش من الخوف. مش عارفه ماما امينه راحت فين . اما ادم فعقله وقف عند لحظه موت امه واخته مش عارف ليه افتكرهم في اللحظه دي يمكن عشان هو بيعتبر ان امينه زي مامته بالظبط .
اسما مسحت دموعها وبصوت مخنوق. : دعاء
ادم انتبه وقام وقف بسرعه ومسك التليفون كانت دعاء بعتلها رساله بتقولها انها خدت ماما امينه عندها البيت
ادم مسك دماغه و رمي نفسه علي الكرسي. بتعب
اما اسما فانهارت في العياط. الضغط عليها كان جامد.
ادم قام وحضنها. لانه حس انها محتاجه لحضنه وهي اما صدقت فتحت اكتر في العياط. دموعه هربت من عينه.
مسح دموعه. و قعد واسما قعده جنبه وراسها علي كتفه وبتكمل عياط.
بعد وقت
ادم : لمي هدومك عشان هتيجي تقعدي في البيت عندي
اسما بكل الغضب والغيظ اللي فيها: انت فاكر نفسك ايه . ها. قولتلك ميت مره انا مش لعبه في ايدك تحركها وتحطها مكان ما تحب. اوعي تكون فاكر عشان اتجوزتني اني هخضع ليك. واكون المطيعه وجو الست امينه وسي سيد ده. تبق غلطان. انا اصلا كنت مستغربه ليه اتجوزتني في الوقت ده وقولت انت بتشفق عليا وصعبانه عليك. بس عرفت انك اتجوزتني عشان انت السبب في اللي انا فيه.
ادم بيسمعها وساكت كالعاده مستني اما تخلص خناقتها
اسما : مراتك هي السبب . هي اللي عملت كل ده . عشان تنتقم منك . وله يمكن اكون غلطانه وانت اللي عامل الفيلم ده عشان تكسر عيني وتخليني اتجوزك .وبعدين تطلع انت البطل الشهم ...
ادم ابتسم بحزن . اسما مستنيه انه يتكلم . بس هو ساكت
اسما بتصرخ في وشه : طلقني وابعد عني
ادم : هطلقك
قام وقف عشان يخرج اصلا معندوش كلام يتقال ومش هيدافع علي نفسه قدم واحده شايفه بالقذاره دي.
اسما وقفت قدامه وبتضربه في صدره وهي بتصرخ
اسما : طلقني حالا . طلقني
ادم بيحاول يتحكم في اعصابه. بس هي بصريخها واللي بتعمله مش بتساعده .
مسك ايديها الاتنين بقوه. وهبدها في الحيطه . وهي اتوجعت حاسه ان ضهرها اتقسم نصين
ادم : انتي ايه. مش بتحسي وله بتفهمي دي الحيطه ممكن تكون بتحس عنك . ليه كل الكره ده . عملتلك ايه .
عشان الهبل بتاع حب المرهقه . هو انا اصلا كنت عشمتك بحاجه . ولو يارا هي السبب فانتي كنتي معايا وانا ببلغ عنها .
انا هضيع مستقبلي . واتجوزك بعد اما شهرت بيكي. لدرجه دي انا و** في نظرك
