شجون العاشقين

الحلقه الثلاثون

ليش مامقرضتها وساخه ذني يمرضنها ..

شجون ..والله اجيت اسوينها وشلعت كلبي ..بتك عنوديه ..

كرم..هههه  ادري بيها غير،اميره ابوها تدلع بكيفها .
.مشيتي جاي من ايدج ..مهيل ..

كمت للمطبخ اسوي كملت ومانحس غير،نربد الباب ربد   سمعت صوت كرم ..

شجون تعايه اخذي ازوله ودخلي للمطبخ اجيت ركض اخذتها هو طلع اباوع من شباك المطبخ بتوتر واشوف فتح الباب  . دخل ساري   يلهث. ومبين متوتر ومزورك وبقميصه زيتوني وبنطلون جينز ومبين متعارك.   مافهمت شحجى لكرم وكرم اتراجف غضب ودخله. اسمع صوتهم ..دخل للاستقبال الباب مفتوح من الخوف من لشفته بقيت متصنمه ولازمه ازوله شبيه ماايد اوحي الوحلهم  رحت لغرفتي بساع لبست عبايه اسلاميه فوك ملابسي وشال .لحد ماصاح كرم واني فزيت فزه من الخوف عبالك شبح بنصاص الليالي طلعلي ..ها حبيبي ..

عاط بصوت جيبي شاي وديتلهم بساع. وانطيت لاعابه ومصاص لازله وكعدتها واسنط على حجيهم منه ساري صوته عالي وكرم ..واسمع يكله ..

كرم .فهمني شالقصه شصاير تخبلت متعارك ويه ابن عمك ..

ساري الك هااسكط الكلب ابن الكلبه اخت كواكب. يبيع مراجل براسنه اح والك هذا ال..طوط ..يحجي على طارق ..

كرم .كافي بشار الحجي مثل الوادام حتى انروح لبوك ونفهم شاصرف ..

ساري ..السالفه خويه بلشت من مرت احمد حبلت كواكب بقت تلح على مرت طارق اخذج للمستشفى افحصج ومن هاي اسوالفها التعبانه ذيج ما ترضى تكلهه مابيه شي .. لحد مابالاخير ..لزمتها كواكب. وكلتلها غصبا عليج ترحين اريد اوكع لعلتج لا موكفه لاشي ..كامت هاي الصلفه ..وكايله لكواكب ..
طارق مو رجال وله اليوم مالازمني عاد كواكب وسمعت هيج  محاجيه طارق وهذا يشيل روحه ويركعها يكول شهالطركاعه لشمرتها عليه هسه بنين عد اهلها ...اايوم

كرم..دقيقه شهالطراكيع هالمصايب والك شبيهن تخبلنه فرد مرة  مال الزمها امعصها هي وخالتها العار
الك احنه  يطلع هالحجي علينه من يمته ليش ماخبرتني ..

ساري ..هالطركاهه حجتها البارحه . وولت لاهلها وماخابرتك خفت تجي باليل والوضع يخوف  كلت ترجع بس، غير ابوك حجى وكللهم يا به ناخذها نفحصها مو تكول بنيه اليوم خذيت كواكب ورحت لبيت عنك تطلع الجلب بن عمك لمايدري بطراكيع خوات يكلي والله ماتنفحص اخوك من كاع مو رجال واني صعدت براسي دكيت للكاع وتكامشنه وهالجيتك لو تلكى حل لو تلكاني ذابحه هو واخته العار ...والك اخوي عضيدي اني يطلع هال حجي علي ومنين من ولد عمي ليصيرون حزامنه من خرب بهيج ولد عم ...*.طوط .خواتهم .

كرم ..غصب عنهم تروح تتنفحص وراسها فوك رجليها لعد حضرتهل تذبلها تهمه وتطلع منها امشي هسه لبيت عمي ام ازل ..