حنين من الماضي

الجزء الخامس والاخير

رحت للغرفة جان ورة الباب

فزيت !!!! كتله ولك انت اهنا كلي غير اختنكت جنت بكنتورج اشم عطرج من هدومج ومن سمعتهم ينامون ختلت ورة الباب

وفاجئتج

كتله يلا روح لبيتكم

كلي هه مجنونه انتي حضري روحج باجر نجي اني واهلي

طرت من الفرح كلتله صدك تحجي ؟؟

كلي طبعا بعد مااصبر فراكج عني يلا راح اروح

باجر حتكونين احلى جنه بالدنيا 🥰

خجلت وطرت فرح ،، اول مرة احب واول مرة احس بسعادة غير عن اي سعادة

كلي يمه فديت الخجلان

من راح حسيت اخذ كلبي مني وراح

..

حسين : رجعت وكلي فرح بداخلي مااصبر افاتح اهلي بالموضوع واخابر ابوها ونتزوج اويلي 😍

رجعت فاتحت امي بالموضوع كتلها يمه دكتوره تخبل اريدها اعشقها مجنون بيها

كالت صلاوات ع محمد منو ياابني؟؟

كتلها حنين بنت فادي

عصبت امي وكالت تدري هي مو بنته وجابها من الشارع ويجوز بنت حرام ولقيطه وهو عطف عليها واخذها رباها والله اعلم كم واحد تعرف من الشارع

بدون وعاتي عيطت ع امي وكتلها خافي ربج انتي ام وعندج بنات تحجين هيج هي صارت تعيط وتريد تاكلني قبل لا اتعشه بيها ومتنطي مجال ومخلت اي احترام الي ولمت كل البيت تكول ياخذ اللقيطه

كتلها اخذها ورجلكم فوك راسكم وطلعت ضربت الباب قوي وكلبي معصور شلون يحجون هيج ع حبيبة قلبي هاي اشرف بنت بالكون

رحت ع صديقي كتله هسه تحضر عمامك اني معندي اهل واتكلت ع عمامك نخطب كلي اوك خابرت ابو حنين كتله عمو جاين نشرب جاي عدكم كال هلا بيكم

اجيت للبيت اني وصديقي وعمامه شيوخ ومحترمين ومثقفين وصاحبين كلام راقي شفت حنين من بعيد تخبل كاشخه وجايبه الجاي من بعيد مبتسمه وتريد تطير اني كلبي اهنا دك واخذت الجاي بسرعه والكل ضحكوا وكالوا متلبك الولد واحنه جاين ع سنة الله ورسوله ونريد بنتكم

فادي كال هاي اعز من نظرعيني اذا موافقه مااكدر ارفض وحنين اتخبلت وكبل كالت موافقه والكل ضحك الشيخ كال شوفوا العرسان ممصدكين وطايرين

فادي سأل حسين بصوت ناصي كال وين اهلك ابني

كله عمو ابوس ايدك معندي اهل وحنين كل اهلي واني تركت الكل وجيتها

فادي : مكدرت احجي بس شعجب حنين ضمت عليه ومحجت يمكن السبب مني هملتها بعد زواجي وصرت مااتقرب منها واعرفها
اسف حبيبتي يكول بكلبه  ،، وشافها فرحانه

..
حنين : حسيت نفسي ملكه وراح اعيش حياتي مع الملك مالتي وفارس احلامي

..

من راحوا خابرت حسين كتله اهلك كلي اش لتخليني اغلط ع اهلي تعرفيهم وحضري روحج من نتزوج منبقى بالعراق

حسيت انقهرت وفرحت انقهرت لان راح اترك بابا اللي نطاني كل عمره وفرحت حكون ويه حبيبي
..

جهزت وكملنا وخطوبه وحفله كلها بشهر واحد لان حسين ميتحمل بعد كل يوم يخابرني يريد يطفر من التلفون واني اضحك

بعد الزفه بجيت وحضنت بابا ونزلت لرجله بستها وهو كعد بالكاع يبجي ويحضني يكلي انتي احلى شي بحياتي روحي ربي يسعدج كتله مااعوفك كل مااشتاقلك اجيك ركض بالطيارة ورحنه بنفس اليوم ركبنه طياره ورحنه لسويد

عشت بسعادة وحب ، جان ميزعلني ابد

والحمدلله عشنه احلى سنين

بابا وزينب صار عدهم (بسمه وحلا وماجد)
حيل جيش كامل هههههه اكيد بيبي مرتاحه بكبرها لان عشنا بسعادة وصار عدها جيش مو احفاد هههه تشوفهم بالجنه ان شاءالله

واني جبت ولد ثنين توم (زين وعبدالله) يخبلون ع ابوهم وعشت ايامي بحلاوتها ومرتها وبكل المر
جان وياي حسين متركني ابد

ادعولي ربي يوفقني وشكرا لحسن الاستماع تحياتي حنونه 😙😙

..

النهاية 💞

الكاتبة ayoo md