الباب اندكت واني اسمع صوت بجي نمر ابتعدت منه: غضب عفية كوم هذا نمر جوعان
غضب: خرررب وابو هم جوعان شلون بله
عشق: يلة غضبي يلة حبيبي
كام وهوة يتأفأف سرى شايلة نمر
سرى: ديبجي شسويلة
غضب: جيبي جيبي
اخذة منها وسد الباب يباوعله ويحجي ويا: هااا بابا خيرك بعدنه بالبداية ناوي تاخذها مني شحالي يصير لو كبرت
عشق: ههههه يله ابو نمر مو انته ردته
غضب : شمدريني راح ياخذج مني هاج
حطيته بحضني وارضعة وغضب حط راسة على جتفي ويباوع علية درت راسي وبسته من راسة باس جتفي
غضب: شوفي شفايفة تشبه شفايفج بارزات
عشق: ههههه انته كل همك الشفايف اصلا كله على بعضة يشبهك
غضب: والله شنو الي يشبهة بيه
عشق: باوع عقجت حواجبه ومشعر مثلك باوع كصته من اول يوم هلكد شع ااااخ اااخ
غضب: شبيج حبيبي
عشق: ونذل هم طالع عليك
سحبت صدري منه
غضب: ليش عشقي جوعان
عشق: أذاني الحقير
غضب: يلة عادي حبيبي رضعي خطية
رجعت رضعته وغضب كل شوية يبوس بركبتي
غضب: واخيرا نام جيبي
عشق: لتودي للكاروك خلي يمي
غضب: حبيبي شنو هل حجي اني يمج مشتاقلج عوفي شوية
عشق: وياك اني والله بس لتبعدة عني صار ٨ اشهر انتضرة
شالة وحطه ورا ضهرة فتح ايدي وانام بحضني وحاضني نام ايدي الي جوة راسة لعبت بشعر نمر وايدي الثانية العب بشعر غضب ثنينهم شعر ثخين وخشن
دالعب بشعرهم وغضب حضني بقوة وهوة نايم شاغت روحي من الالم احس السيم تحرك غمضت عيوني بألم وبعدت ايدة رجع حضني اقوة
عشق: ااااخ غضب وخر غضب شوية
فتح تك عين وباوعلي: هاا حبيبي
عشق بألم: غضب ايدك وخرها من بطني توجعني
غضب كعد على حيلة : اوووه والله نسيت شلون بيه نسيت والله خوما تأذيتي
عشق: وخر داروح للحمام اشوف شبي
نزلت من الجرباية بكوة امشي دخلت للحمام هوة وراي اريد ارفع الدشداشة اجه ساعدني رفعها
غضب: شسوي هسه
عشق: ساعدني افتح البلاستر ابدلة وهم اشوف شبيه منا ديجكني
كرفص كدامي فتحه على كيفة واني بطني توجعني
غضب: اوووووكفي لتتحركين مفتوحة منا دتنزفين انتضري لتتحركين لتتحركين ماشي
عشق: ماشي
طلع يركض واسمعة يصيح يممممة يممممة عممممه وينجن قدسسسس ام زينب
واني واكفة اباوع الكاع دتنكط دم واني واكفة سمعت صوت نمر يبجي باوعتله ديتحرك ويا حافة السرير راح يوكع لزمت بطني ومشيت بصعوبة والجرح ينكط داطلع من باب الحمام دخل غضب وامي
غضب: وينن مو كلت لت
قاطعته من صحت: ننننننممممر راح يوك
ركض غضب لزمة وحطه بالكاروك امي وكفت يمي وتباوع لجرحي زاد النزف يمكن انفتح بالزايد
ام عشق: هااي شلون هيج صار
عشق: ماما يوجعني
غضب اجه يمي : شسوي ناخذها للطبيب عمه العباية من وراج
دخلت عمتي شافتني : عززززة عمليتها مفتوحة ع السريع للدكتورة
قدس: الساعة بل ١ ماكو دكتورة هسه
عشق: فدوة سرى نمر ديبجي شيلي
قدس: سدو البلاستر حتى يوكف النزف
سدو البلاستر واني الالم موتني غضب عنده رقم العيادة خابر جاوبت السكرتيرة طلب رقم الدكتورة وكاللها عدها عملية وانفتح الجرح السكرتيرة مقبلت تنطي الرقم بس سوت مكالمة جماعية غضب كاللها دكتورة انفتح الجرح شلون كالتله ع السريع وديها للمستشفى اني جاية صدك والله ع السريع غضب شالني رغم ألمي نزلني للسيارة طلعوني ع السريع خلال عشر دقايق وصلنه دخلوني للطوارئ الدكتورة واصلة قبلي لان بيتها بصف المستشفى شافت العملية
الدكتورة: هاااي شلون هيج صاير سيمين طاكات
عشق: دكتورة ألم موتني
الدكتورة : راح ارجع اخيطج
هزيت راسي بمعنى اي لبست جفوف وكامو يعقمون كدام النسوان الي بالردهة كلهن باوعت الباب مفتوحة شوية غضب يفتر يروح ويجي ويفرك راسة بقوة الدكتورة اشرت للممرضة تسد الباب
الدكتورة: راح يأذيج شوية اوك
عشق: اوك
عضيت عباتي ولازمة ايد عمتي بقوة هيه الابرة دخلت بجلدي لو روحي طلعت عضيت العباية بقوة رجعت جكتها صرخت بقوة وسمعت الباب تندك بقوة غضب يسأل من ورا الباب شكو عمتي كالتله ماكو شي بس تعالجها
لحد ماخلصت متت شدتلي بلاستر ووكفت يمي
الدكتورة: شلون انفتح جرحج
عشق: هوة انفتح
الدكتورة: عشششق الخياط مضبوط لوما احد طاخ بي مينفتح
عشق: غضب لزم
قاطعتني: عشق اني شكتلج قبل لتطلعين مو كلت تبتعدين عنه لحد ماتشيلين السيم
عشق: والله ما اقترب بس حضني
الدكتورة: حتى حضن ماكو الرجال يتحرك وايدة ثكيلة وانتي عمليتج بعدها خضرة ميصير يا
