ابتعاد

البارت الاول

معاش نعلم على شيء غير ان الحوش كله نحرق، بابا ماما ختفوا في النار و الحوش رح أسود و صوت شاب عمر ممكن 20 سنه يقولي تعالي وبعده اغمى عليا.........

هلا انا اسمي ماريا عمري 21 نقرا محامى ليا سنتين توا ، قصتي هي لما كان عمري11 سنه ولعت النار في حوشنا بسبب دفايه و ماتوا اهلي كلهم في الحريقه ،ماما كنت حامل في الشهر الثامن ، وانا بس عشيت بفضل شخص انقذني ، لما نضيت لقيت روحي في المستشفى و جنبي الشاب بس للأسف مشبحتش وجها لاني بصري اختفي ، قعد عايشه معه ومع أهله لمدة سنتين تكفل بكل مصاريفي و علمني حاجات هلبا من ضمنهم قراية العمياء ، اتعلقت فيه هلبا كان كل يوم يحكلي قصه قبل النوم و يغنيلي مرات و أمه تعامل فيا كأني بنتها و بوه كذالك و أهله كلهم ، كان اسمه سامي ، بعد شهور جاني وقالي ان لازم نديرولك عمليا علي عيونك عشان يرد بصري وانا وافقت المهم رفعني لبرطانيا ويوم العمليه وقبل لندخل قالي كلمات لتوا في وذني يترددو ، قالي مهما صار متنسنيش ره و متلومنيش ارجوك  والله الشيء الي بصير مش مني نحبك ماري ، ومن بعده معاش شفته لاهو ولا أهل لان عمي خداني من المستشفى و بصري رد و تعافية الحمد لله ، مر على الحادث 10 سنين ومر علي فراقي أنا  و سامي 8 سنين وانا كبرت قرايتي كلها كملتها في برطانيا ، عمي اصغر من بابا و خو الوحيد اسمه محمد حالته المادية كويسه مرته قبل سنه ماتت بسرطان الثدي عنده توأم سندي و سناء اصغر مني بسنه بس ، كان اتربي فينا مربية في برطانيا اسمها جاسمن ربتنا احسن تربية و قرر عمي يتزوجها بس بناته موافقوش لانها مسيحيه ومع ذلك بعد اسبوع بيتزوجها لما اتخش الإسلام انا قررت نروح لبلادي و عمي موافق رح نقعد مع خالتي هذي اخت امي في رضاعه انا معنديش خوال، المهم حضرت العرس و بعده بيوم روحت للبلاد استقبلتني خالتي و سجلتني في كليه المحامى اليوم أول يوم فيها،
نضيت نشيطه لبست و صليت و فطرت خالتي وصلتني... في الجامعه محبيتش نخالط حد كنت بعيده عليهم نحضر محاضراتي و نروح طول. ، سبب مرواحتي هو سامي طول السنين الي فاتوا مبطلتش تفكير فيه مع ان منعلمش عليه غير اسمه ولقبه و المدينه الي هو عايش فيه بس ، في يوم من الأيام دكتور خالد الي يقري فيا قررو يستبدلو بواحد ثاني و خش الاستاذ الثاني يعرف على روحي..
"السلام عليكم اسمي غيث شاهين انا استاذكم الجديد بدل الأستاذ خالد إن شاء الله تفهمو مني الماده زي الأستاذ خالد وتوا هي نبدو"
كنت نشبحله و مستغربه في صوته لان كأنه مألوف عليا بس مدورتش و قعدت منتبها ليه كيف يشرح كنت نسأل فيه و ندون الإجابات ، بعد مكملت المحاضرة وانا جايه منطلع نداني بإسمي بس بطريقه غريبه ، طريقه تشبه ل طريقه سامي قعدت سارحه و شوي نسمع فيه صوته ينادي من جديد ...
" ماري ماري انتي معايا هووي وين سرحتي "

شبحتله وقلته " معاك اتفضل يا استاذ"

"ماري بكرى نبيك تكتبي الي دونتي كله مبكري لأن لاحظت انك منتبها معايا "

"تمام توا بكرى نجيبه ليك..وتوا عن إذنك"

مشيت بس في شيء في داخلي يمنعني فقررت ان نلحق الدكتور لان حسيت ان هو سامي بس هذا اسمه غيث لكن حنجرب نلحقة بلكي نلقى دليل، قعدة نلحق فيه لين وصل لحي في حيشان عرم فتحتله عزوز و خش قررت ان ندق الباب بحجة نعطي الي دونته مبكري ، دقيت الباب فتحتي العزوز و أول ما شافتني حضنتني و قعدت اتنادي فيا بإسمي انا أستغرب بس بعده قعدت اتنادي على أستاذ غيث ، هو جاء وقعد يشبحلي وانا مصدومه
" غيث ماريا رجعت يا غيث ماريا والله الي هي "
قعدة مصدومه لين قرب مني و حضني وقالي رح نشرحلك الموضوع خشيت معاه و قتله فهمني كيف اسمك غيث و انا نعرفك سامي و كيف لقبك شاهين و انا نعرفك شاهر كيف قعد يشرحلي ...

" لما كنت نهتم بيك حبيتك هلبا و تمنيتك اتكوني ليا لكن بعد فترة جاء عمك يدور فيك وانا كنت نقوله مش عندي لكن في النهاية عرف انك عندي ، و هددني إن لو ماعطتكش ليه بيمشي ل الشرطه و بيقول ان سبب الحريق وان انا خاطفك"

" ليش عمي يدير هكي وليش انت ماعطتنيش ليه من الاول"

" عمك يبي فلوسك والي يصرف بيه كله هذا فلوسك يا ماري انا سلمتك بس خليته يوقع على ورقه إن يعالجك و يعلمك احسن تعليم و ميعذبكش "

" فعلا هو مشي بالوصيه ، بس تقصد ان عمي كل السنين هذوما يعامل فيا عشان فلوسي الي عنده "
قعدت نبكي بالعبره لان توجع هلبا ، مسكلي يديا وقال" انا نحبك يا ماري ونبي نتزوجك انتي تقبلي ، اناطول السنين الي فاتوا مبطلتش تدوير عليك لين علمت من صاحبي انك حجزتتذكرة للبلاد هنا و تبي اتكملي قرايتك كمحامية هنا فقررت نبدا شغل بس متوقعتش تعرفي حقيقتي من اول يوم "

" حتى انا مبطلتش تفكير ولا تدوير فيك بس نبي نعرف حاجه انت كيف اسمك غيث شاهين وانا نعرفك سامي شاهر "

"انا عندي اسمين بوي يبي سامي وامي تبي غيث و كل واحد ينادي فيا شكل لكن بوي توفى من انا عمري سنه وامي اتزوجت فتغيرت كنتي من شاهر الي شاهين ، قعد اسمي سامي فترة بس بعد عديتي غيرته ل غيث "