قصه أرواح بريئه

بارت ١٧

مجوده. ماصار شهر من طلعنا تهريب من المنطقه اللي يم كركوك اني وزلمتي واهلي
قبل عشره ايام گالو نريد خدامات لبيت الشيخ واجيت هنا حتى اساعدهم لان عدهم عزيمه چبيره.

حسين. لعد راح تبقين هنا تخدمين فاطمه وبس.

مجوده. اي صار من عيوني.

فاطمه. مجوده حبيبتي ماشفتي احد من اهلي مامريتي على منطقتي ماسمعتي اخبار على ابويه واخواني...

احچي واني متلهفه اسمع اي خبر عنهم واباوع الكل مستغرب شلون احجي بلهفه وع سرعه.

اباوع ل مجوده. سكتت ونزلت راسها للگاع.

فاطمه. شبيج ليش سكتي. داسألج.

مجوده. والله ماعرف شگلج منين أبدي

فاطمه. احجي شصاير موراح يوگف گلبي.

مجوده. والله الي سمعته قبل فتره ذبحوو عمي رضا وقيصر ونعمان.

فاطمه. شنووووو انتي شتگولين منو الي نذبح. ههههه لالا صدگ ماجاي استوعب. يعني كلهم ماتوو اخواني التلاثه

مجوده. والله العظيم حسبالي تدرين.

فاطمه انتي متأكده. لالا موصحيح جذب جذب

مجوده. ياريت جذب. بس هالخبره اكيد

- حسيت الگاع تهتز بدون وعي وماظليت اشوف أيشي.

سكتت سكتت. حتى الشهگه ماتطلع. أخرشي صحت بصوت عااااالي. رج الدنيا

يماااااااااااااا. يمااااااااااااا

ألحگيلللللللللليييييييي أخوتي راحوووو يمه أخوووتي راحووو يمه راحوو راحووو

واملخ بنفسي واحس اخدودي يجرن دم كل الگاعدين يردون يلزموني بس محد گدر يسيطر علي مثل المذبوح وجاي تطلع روحه

حسين من گالت الحرمه على ذبح رضا وقيصر ونعمان فاطمه ضلت تصرخ بكل قوتها وحيلها. حسيت بروحها تطلع من جسمها. نرعبت ونهارت. حاولت اسيطر عليها وأهديها بس ماگدرت رغم ماجان جسمهه زغير.

ظلت شيل بروحها وتدگها للگاع وهي تصيح يمه اخوتي.

اجت ام امير وياي نريد نلزمها وهم ماگدرنه عليها. مثل السمچه الطلعت من الماي ولايجه روحها.

فاطمه يمه اخوتي رااحوو اباوع على حسين شالني بكل حيله وانه اگله حسين راحوو اخوتي راح امووت حسين لحگلي راح امووت.
يمه اخواني شلون ذبحوكم يابه شلون حالك من شفتهم متذبحين. قيصير ياروحي يابعد أختك شلون ذبحوك رضااا ياخوي يبن امي وابووي شلون گدرو يذبحوك بلايه رحمه شلووون. نعمان يمه نعمان يمه عليمن ابچي جاوبيني.

ابجي على واحد لوعلى ثنين يمه دمع التلاثه يعمي العين.

صاحب. اسد. ثائر نبيل مقداد فهد زياد جليل سامر صگر عمر. أدم. عبدالله شجاع. يمه شحالكم هسه. اخوتي شجره عليكم وشتت شملكم.