و مر يوم .....
و الثاني ....
و الثالث
و في اليوم هذا طلعت جوري و امها دبشهن لسيارة زمزم و مشن شور الشقة يلي واخذها هيثم
كانت بعيده اشوي عن حوش زمزم بس قريبه من حوش عزو و من الثانوية يلي حتقرا فيها جوري
نزلت جوري و امها و خالتها و صفاء يدخلن في الدبش للحوش كان عبارة عن دارين و صالة صغيره و مطبخ و حمام داخلي و حمام خارجي (يكرم القارئ)
نظمن و رتبن الشقة و روحو لحوش زمزم و اليوم يلي بعده كملو ترتيب و جا معاهم عزو يوم خبراته زمزم بالموضوع و زمزم وقفت مع اختها و شرتلها فرش للشقة لانها مش مفرشه كلها
صفاء: ترفع في الصندوق
عزو:قدم خذاه منها ... هاتي ثقيل عليك يا طشة
صفاء؛ خزو .. و خشت وراه
زمزم: شافتلهم و خطرت في بالها انها تزوج صفاء لعزو بس زعما حيوافقو ولا
ملاحظة : (الاحتكاك بين عزو و عيلة غادة بسبب انه عزو يتيم و انه اهل المرحومه غادة ولدهم يلي هو علي ديما مسافر بسبب دراسته برا يعني الشي هذا انجبرو عليه بسبب الظروف فقط في النهاية غلط تحتكي بزوج اختك ولا بنت خالتك اكثر من اللازم ..... و لازم العلاقة يكون ليها حدود بينكم تجنبا لأف حاجة و حاجة " الكاتبة رواسي بحرالدين " ) .......... نكملو الروايه ✨
_________________
عزو: خلاص يا خالتي انا مروح تبي شي
زمزم: سلامتك ياولدي صحيت
عزو: سلمك وانتي يا خالتي ماجده بالك تبي شي
ماجده: والله ياولدي نبي سلامتك بس بارك الله فيك
عزو: ولو ياخالتي مادرت إلا يلي عليا تسلمي ❤ ،.... و ركب في سيارته وطلع
ماجده: والله ولد حلال غير الله غالب بخته عطيب 😔
زمزم: صدقتي .... تعرفي مفكرة ندورله بنت حلال و نزوجه
ماجده: زين مافكرتي
زمزم: غدوا حنفتح معاه الموضوع و نشوفله بنت كويسة ... انتي يا صفاء شن رايك
صفاء؛ ديري رايك ونا شن دخلني يام
زمزم: نسال فيك يابنتي
صفاء: عزو ولد ناس و كويسة يستاهل يتزوج مرة ثاني بس غادة ماليها حتي 6 شهور متوفيه مش حيوافق
جوري: حتي نا نقول هكي ماضني يوافق يتزوج مزال بدري
زمزم: ااااه ربي يصبرني و يصبره 😪😪
ماجده: نشاءالله و الله ما تستاهلو يلي صار
زمزم: ربي كريم يا وخيتي و حيفرجها من عنده
ماجده: نشاءالله يارب❤
زمزم: هي نستاذنك المغرب حياذن تبي شي
ماجده: سلامة قلبك
زمزم : تسلمي هي تصبحي ع خير
ماجده:تلاقي الخير
و طلعت زمزم هي و صفاء و في بالها تبي تريح عزو و تزوجه و تبي تعرض الموضوع ع صفاء لانها اكثر وحده واثقه فيها انها حدير بالها عليه و واثقة من عزو انه حيحط صفاء بين عيونه❤
و مرن ايام .....و ايام ...
في حوش زمزم :-
صفاء: نزلت من الدروج صباح الخير ماما
زمزم: صباح النور بنتي تعالي افطري
صفاء: حنتاخر الحافلة توا موعدها ... خذت طاسة عصير شربتها
زمزم: بشوي توا تشرقي و متاكده الحافة بتجيك؟
صفاء؛ حطت الطاسة ... اي متاكده علي اتصل بيا و خبرني و هي سلام حسه يبيب
طلعت صفاء و فتحت الباب ركبت و هي مستغربة لانه مش حسام يلي فيها
صفاء: معليش يا استاذ بس عمي "حسام "وين ؟
"زياد": انا خوه يا اختي و حسام مسافر الاسبوع الجاي حيجي
صفاء: اها تمام
___________
في حوش ماجده :-
جوري: حطت الفطور و جت لامها .... ماما ماما هي نوضي
ماجده: صباح الخير يابنتي
جوري: صباح الورد ... وتيت الفطور في المطبخ و ماتنسى تاخذي دواك
ماجده: صحيتي بنيتي ربي يوفقك ماك مقصره معايا
جوري: هذا اشويه في حقك هي طالعه للثانوية
ماجده: بيضة نشاءالله ... بس راجي نمشي لحوش عزو
جوري : ايييي نسيت 🤦🏻♀🤦🏻♀ خليك توا نمشي نا
ماجده: تمشي بروحك😯😯😕 ؟
جوري: اكيده نلقى خالتي قدامي و عزو ماينوضش الوقت هذا س 7:15 راه
ماجده: لالا مايصير تمشي بروحك يابنتي راجي نحطي عبايتي
جوري: يام انتي امس تعبانه و طولتي في الليل مارقدتي توا نمشي ع السريع نحطله الفطور و نطلع
نشيله من هنا
ماجده: تمام يابنتي ديري بالك ع روحك ... و سامحيني بنت صغيره هذا كله عليك 😔😔
جوري: هذا واجبي يام خيرك ... و باستها ع خدها و طلعت ... كانت الثانوية قريبة واجد في الشارع يلي قدامهم اما حوش عزو قبلهم بشارعين
______________
زمزم: لمت السفرة و ركبت في سيارتها و طلعت لحوش ماجده
دق دق دق
ماجده: منو
زمزم؛ انا زمزم
ماجده: فتحت الباب صباح الخير
زمزم: صباح النور وين جوري واتيه
ماجده: طلعت ع رجليها قبل اشوي
زمزم: هذا اول يوم ليها في الثانوية كنت نبي نشيلها بروحي ..
ماجده: صحيتي وخيتي بس هي طلعت و شالت حتي الفطور لعزو
زمزم؛ كيف خليتيها تمشي بروحها !!!!
ماجده: قالت مش واعي توا تحط الفطور و تطلع
زمزم: تمام بروحي ماشية نشوفه هي توصي ع شي
ماجده: سلامتك
زمزم؛ تسلمي و مشت للسيارة
ماجده: عاودت لفراشها 😴😴😴 بس كانت مشغوله ع هيثم شن صار معاه و مع ولده😣😣
______________
جوري: خشت للسور طلعت المفتاح فتحت و خشت بشوي كانت اول مرة تجي بروحها لحوش عزو
حطت الفطور ع الطاولة و جت بتطلع
عزو: جوري
جوري :.... يتبع
هل غلطت جوري لانها جت لحوش لعزو بروحها ؟ ولا نيتها حتنفعها ؟؟ و صفاء حترضي تتزوج راجل اختها ؟ و علي طلع جوري من راسه ولا مزال يبي يتزوجها ؟ و هيثم و ماجده زواجهم يلي دام سنوات حيعطوه فرصة ثانية او حينتهي بطلاق ؟
انتظرو في الحلقات الجاية ✨❤
❤😘😘🙈
BẠN ĐANG ĐỌC
راجل بنت خالتي ( روايات ليبية )
Lãng mạnضاهرة ( زنة المحارم ) و الأعياد بالله و تاتيرها في العائلات الليبية قصة حب محرمة 🔥 فما مصيرها ؟ للكاتبة : رواسي بحر الدين
حلقة 13🔥
Bắt đầu từ đầu
