ومَنْ له حاجة يدعو الله بيقين :
"اللهم أرني عجائب قدرتك و لُطفك في تحقيق ما أتمنى"💚
▷◉──────── 00:00♪ 💕
تاني يوم صحيت بي صوت تلفوني وكان في رقم غريب متصل علي والساعة كانت 7:25 صباحاً... اول ما فتحت الخط جاني صوت ولد
الولد:يا مجتبى ياخ انت وين انا لي ساعة منتظرك ما ممكن ياااخ😡
طبعاً بقيت بضحك ليهو في الخط وهو بقا هايج زيادة😂
الولد :انت بتلعب ولا شنو انا خليت النوم وجيتك جاري وانت بتضحك😡😡😡😡
وانا لسسسسة بضحك😂🐸وهو شكلو يادوب لاحظ انو دي ضحكة بت ما ولد(والمشكله لو سمعتو ضحكتي في الحقيقة تحلف تقول ولد بسسس😹😭)
الولد :مجتبى ؟
انا :لا معلش الرقم غلط
الولد :اااا خلاص اسف
انا :ولا يهمك ومع السلامه
الولد :الله يسلمك
قفلت منو وبعد شوية انتبهت انو صوتو زي صوت ايمن لكن ما ركزت شديد لانو الرقم كان سوداني وايمن في ماليزيا... ورجعت نمت تاني🐸...
في مكان تاني بعيد كل البعد...
كان قاعد في غرفتو المطليه باللون الاسود والاثاثها برضو اسود ماسك الجيتار حقو وبيعزف في مقطوعة حلوة بس قطع العزف لمن الباب دقا... مشا فتحو ولقاها امو...
- كيفك يا ست الكل ❤️وباسها في راسها♡
=في نعمه والله يا ولدي✨تعال اشرب معانا الشاي قبل ما تمرق
-حاضر يا جميييل انت😉🧡
=يا ولد عيب انا امك😹
-واحلى ام فيك يا دنيا 🤤
=😹😹 بطل بكش وارح عشان ما تتاخر على الجامعه
- ارح♡(مسكها من يدها وطلعو) ♥️♥️♥️
نرررجع 💁🏽♀️...
بعد 25 دقيقة امي صحتني عشان اقفل الباب لانو هي مارقة (تتذكرو اني قلت ليكم انها شغالة يلا الفترة الفاتت كان عندهم اجازه ما عارفه ليه🌚)
المهم قمت قفلت الباب وطبعاً النوم طار لي بعد ده والبيت فاضي مافيهو زول غيري🐸طواااالي مشيت فكيت شعري وسرحتو بي طريقة حلوة وقشرررت وشغلت اغاني بي اعلى صوت وبديت جلسة التصوير😹♥️غايتو اتصورت لمن ربنا غفر لي واتهابلت هباله 😹لمن تعبت وجعت دخلت المطبخ وطبعا انا فاشله في الطبيخ وما كان في حاجه اكلها 💔🌚طوالي شلت لي قروش من دولاب ابوي ومشيت الدكان 🌚جبت اندومي وكولا وشِبس🤤❤️وقعدت ضربتهم زيييين😂🤤♡وبعدين مشيت فتحت التلفزيون لقيت في فلم حلو اسمو Morgan كان بادي حضرتو... والمهم اليوم عدا🌚وجات الساعة 7:25 وديل لسسة ما رجعو وهم المفروض يرجعو من 5💔وبتصل عليهم ما بيردو💔يعني بجد قلقو بي شدييييييييد 😭
ما عرفت اعمل شنو بقيت قاعدة وبدعي بس انهم يكونو كويسين... بعد فترة تلفوني رن وكان رقم غريب ولمن ركزت لقيتو نفس الرقم الاتصل علي الصباح قمت رديت
انا :الو
(بس المرة دي ما جاني صوت الولد حق قبيل... جاني صوت ابوي ........) :وتين عايني افتحي دولابي سريع حتلقي مفتاح الخزنة شيلي منا 150 مليون وبعد 10 دقايق بالظبط نزليهم تحت في واحد لابس بدلة سوداء حيستلمها منك
انا :دقيقة انتو وي....
قطع لي كلامي صوت الولد داك :سمعتي ابوك قال شنو صح يلا اتحركي سريع لانو باقي 9 دقايق وطبعا ما محتاج اوريك حيحصل شنو لو اتاخرتي (سمعت صوت رصاصة وهو طوالي قفل الخط بعدها)💔
وطبعاً انا لسة بحاول استوعب المكالمة دي يعني امي وابوي مخطوفين والخاطف عايز 150 مليون عشان يفكهم والا.... 💔💔💔قمت سريع سريع طلعت القروش ولبست لي عباية وطرحه ونزلت
كان باقي دقيقه وحدة وفعلاً مع انتهاء الدقيقه دي في عربية سوداء مظللة جات وقفت قدامي ونزل منها راجل لابس بدله سوداء وشال مني القروش
بعدين نزل واحد لابس بدله برضو بس لونها كحلي وكان لابس قناع في وشو ولمن نزل امي وابوي نزلو وراهو وكانو مربطين ليهم يدينهم وعيونهم
طبعا انا لمن شفتهم بي شكلهم ده طوالي دموعي نزلت والولد داك اول ما شافني ببكي طلع القناع وكانت الصدمة لمن شفت وشو لانو كان.......
(
بمووووت في التشويق😹😹💔)
يتبع...
