قصه أرواح بريئه

بارت ٩

حسين. سمعت فاطمه تصرخ احس گلبي طلع من مكانه. رگضت عليها اريد اعرف ليش صرخت باوعت شفت جثه والچلب جاي ياكل بيهه.

من اتقربت يمها رگضت علي وختلت وراي لزمتني قميصي بقوه   وهي تناشغ.وتأشر بيدها مثل المجنونه

فاطمه بخوف وصوت يرجف. ججج. ث ه. جثه.
جثه

ظلت تصرخ بكل حيلها بصوت رجع الگاع رج خفت لايصير بيها شي.

حسين.  اشششش كافي  لاتخافين انه يمج خلينا نروح
اتكلم وياها بس هي فاقده ع الأخر ولاجنها تسمعني

حاولت أهديها بس ماگدرت.  ظلت تصرخ لحدما تعبت وأغمي عليها. ووكعت بالگاع

حسين ; بصوت عالي. فااااااطمه.
فطوم
فطومه.
أگعدي يول. لاتشلعين گلبي عليچ.

حسين. لمن شفت فاطمه واگعه بالگاع مادري شصار بيه. حسيت روحي طلعت من جسمي. ظليت اضرب على خدها ضربات خفيفه بلگت تگعد بس ماكعدت. طلعت بطل الماي من الجنطه وخليت بيدي شوي ونكته على وجهه فزت ورجعت تبجي بصوت مبحوح.
حسين ' خلينا نروح منا قبل لايلزمونه الدواعش گومي بسرعه فدوه.

فاطمه. هزيت راسي بمعنى لا. لأن ماكدر امشي احس جسمي مشلول.

حسين. لبست الجنطه وشلت فاطمه بديه الثنين لان جانت تعبانه كلش. مشيت بعيد عن القريه. وصلت بنص الصحراء وانه شايلها وولاواحد يمي.

فاطمه. اغمي علي بعدما شفت منضر الناس شلون مقتوله والجثث تارسه الگاع. بس اكثرشي رعبني منظر الجثه وشلون الچلب ياكل بيها. ضليت احجي وي روحي وأكول معقوله حياه البشر بالعراق رخيصه لهاي الدرجه. رخيصه لدرجه حتى الي يموت محد يدفنه.

شفت نضرات احسين ألي شلون بيها خوف حاول يهديني بأي طريقه بس ماگدر. لحدما اضطر يشيلني ويبعدني عن القريه.

شگد چنت خايفه بس حسيت بالأمان وهو شايلني.
راسي صار  على صدره بجهه اليسار. سمعت دكات گلبه شلون سريعه. وگأنه يريد يضمني بروحه.

كلها تخلت عني. امي تركتني وتوفت. وابوي واخواني تركوني بكل سهوله وماسألو منو الي من بعدهم. حتى الوطن الي عايشه بي صار مصدر خوفي وهلاكي.

بس حسين. هو الوحيد الي ساعدني او وگف وياي. بس جنت خايفه لايتغير علي بأي لحضه ويتركني لوحدي بنص الطريق.

ودايمآ جنت اشكك بنيته تجاهي وأگول خاف يسوي كل هذه الشي حتى يستغلني. ويخدعني. لان هوه مطلوب للدواعش وشارد منهم،،،

حسين. مشيت مسافه طويله. لگيت علوه زغيره. نزلت فاطمه من ادي وسندت ضهرها على العلوه شربتها ماي وخليت راسها على الجنطه. وظليت گاعد يمها للصبح ...

حسين. وبعد هذه الحادث فاطمه ظلت ماتترك أيدي.

مشينه يومين ونص تقريبآ واحنه بنفس الطريق واحنه لااكل ولاشرب وتعبانين حيل وبگدما تعبانين چنه حتى مشي مانگدر نمشي بس رغم كلشي چنه متأملين نلگه قريه قريبه وبلكت نلگانه احد.
چنا نخلي روسنا على الجنط لمن انام بالچوله.  ولمن نسمع اصوات رمي وقصف واحدنا چان يختل بصف الثاني من كثر الخوف والتعب