Sabhi dost itne bhyankar ville se dre hue the ki itne mein Meera boli, chlo, main tum sabko Maharani aur Maharaja ka kamra dikhayun. Rishi ne dri hui aawaz mein poocha, tumhe kaise pta hai unke kamre ke baare mein. Itne mein Meera boli "mujhe sab maloom hai".
Soumya itna darr gyi thi ke chilla-chilla ke poochne lgi ke pehle hme tum yeh btao, tumhe sab kaise pta hai, kon ho tum, sabhi ko darte hue dekh Meera zor zor se hasne aur rone lgi, kabhi hasti thi kabhi roti thi aur fir boli....
"Main Maharani Chandravali hun, meri aatma Meera ke shareer mein hai, maine hi Meera dwara tum sab logon ko yhan bulaya hai, itna hi nhi, aaj tak jitne bhi log yhan aaye wo bhi mere karn hi. Jab bhi koi iss villa mein aane ki zidd karta hai, jaise Meera ne ki to main uske shareer mein chle jaati hun aur use yhan laakr hi rehti hun. Aisa hi hua Meera ke saath bhi.
Main aur Maharaja 120 saalon se yhan band hain aur hme mukti chahiye. Maharaj ne ek baar INDU naam ki daasi ka blaatkar krke use maar diya aur use iss villa ke ek bagiche mein dafna diya. Yeh usi ki aatma ki shakti hai jisne hmari aur iss villa ki yeh dasha ki. Wo ek peedit aatma hai jo hum sab se zyada shaktishaali hai. Uski shakti ke karn hum aatmayen kuch bhi nhi kar sakti.
Ab tum logon ko bagiche mein dafnaye hue uske shareer ko jalana hoga tabhi tum bhi yhan se zinda jaa paoge aur hme bhi mukti milegi. Nhi toh baaki logon ki trah tumhari bhi aatma yhan saalon saal bhatakti rahegi. Aisa karna bahut mushkil toh hai kyuki wo tumhe uss tak pahunchne nhi degi aur tumhe rokne ki poori koshish kregi, tumhe jaan se bhi maar sakti hai. Bahut log yhan pehle bhi aa chuke hain, aur koi bhi yhan se zinda laut kar nhi gya, unki bhi aatma yhan bhatak rhi hain. Ek aur baar Indu ki aatma shaam ke 4 se 5 bje k bheech thodi kamzor ho jati hai iss se tumhe fayda ho sakta hai".
Ab aatma ne Meera ka shareer chhod diya. Bechari Meera ko toh kuch pta hi nhi tha ke uske saath kya hua. Use toh bss itna hi yaad tha ke usne villa mein jaane ke liye apne doston se zidd ki thi, uske baad kya hua use kuch pta hi nhi. Meera ko kuch samajh nhi aa rha tha ke wo aur uske dost villa mein kaise aaye. Rohit ne use sab kuch btaya. Itna sab jaankr toh jaise Meera ke hosh udd gye, itna sab kuch ho gya, aur use kuch pta hi nhi kyuki, aatma ne use bahut buri tarah se jakad rakha tha.
YOU ARE READING
HAUNTED VILLA
HorrorYeh kahani, ek sadharan si pyaari si ladki MEERA ki hai jisne kabhi apne maa-baap ko nhi dekha. Bachpan se hi Bihar ke chhote se gaon mein anath-aashram mein pli-bdi thi. Lekin uski aur uske doston ki zindagi mein kuch aisa bhyanak hadsa hua jo kab...
