.................
نروحو عند مريم ، بعدما هدرت معاه راحت لشمبرة ليالين لقاتها راح تخرج للصالون
ليالين : وين قعدتي هادا ، ولا ماحبش يطلقك ^_•
مريم حمارت : بلعي زعما نتي لعروس راكي تهدري هكدا
ليالين : ههههههه و انا واش دخلني
مريم : آية -أخت ليالين - أدي عليا الموصيبة هادي تروح تتعذب شوي و تنعتلهم تصديرتها
ليالين : عمبالك بديت نندم كي ماشريتش باسكيت درك نقعد ندور بالطالون هادا على الغاشي اوكل
مريم : شششه بسك ماتاخذيش الرأي ، لاه انا كي درتها في عرسي ماجيتش مليحة جيت بوبية
أية : واااااو متواضعة بزاااف ههههههه
راحت ليالين و اختها و مريم نحات عبايتها حطتها في لفاليز تاعها سقمت روحها و هبطت توالهم كي لحقت لليالين كيلتها و صفرت : واش زين مخطوب ولا يستنى في المكتوب
مريم : نظن ماكيش حابة تتبهدلي نهار عرسك
ليالين : يابنتي ماكيش تباني متزوجة طول
مريم : ....
جات راح تهدر حتى تجي مرت عم ليالين سلمت عليهم : بنتي جيتي تهبلي الله يبارك ربي يهنئك و يفرحك
ليالين : ربي يخليك طاطا لعقوبة لولادك
نطقت مرت عمها : هههه ان شاء الله راهم عطاوني لاوكي باه نحوسلهم و واقيلا راني لقيت وحدة
قالتها وهي تدنق في مريم لي عينيها كانو على الطابلة لي يشربو عليها القهوة - حاطين فيها القاطو والقهوة الحليب و الجي و شيكولا و الحلوى و المعجون - هههه يااس جاعت بسك ماتغداتش ، تبسمتلهم و ناضت وجهتها طاولة كنوز المعركة قصدي طابلة الماكلة هي لحقتلها و تدخل امها و جوري ( عرضوهم ) راحت تجري سلمت عليهم
امال : هههههه بالعقل يابنتي ماتنسايش روحك + راكي بالطالون
جوري.: ههههه كنت راح نقول توحشتينا مي البارح و نتي معانا
مريم : بلعي توحشت ماما
هوما واقفين جات ام ليالين رحبت بيهم و داتهم يشربو قهوة و مريم هجمت بشكل لائق على القاطو و الحليب
كي خلصو راحو حطو حوائجهم في غرفة الخراب - شمبرة لي فيها لي فاليز بكل الأنواع و الألوان و الأشكال - و مبعدا للصالون كي دخلو لقاو مرت عم ليالين خارجة مريم كملت توال ليالين لي قعدت تدنق فيها و تضحك
مريم : خير شفتي كلون في وجهي ، اييي ماتقوليليش فزد الماكياج ولا طلع شعري
ليالين : هههههه لالا راكي تسخفي لدرجة يخطبوك
مريم : هاهاها تضحكي
ليالين : ممممم ولد عمي راهو بوقوص
YOU ARE READING
الحكيمة المجنونة
Paranormalحياة مرحة بسيطة في وسط عائلة عادية و لكن ككل الناس ههههه مخطئون على الرغم من بساطتها لكنها مميزة. مختلفة برأيها بمنطقها باسلوب حياتها و وجهة نظرها و لكن ياترى فيمن سيتمثل توأم روحها قصة من وحي الخيال ^+^
The eeeeeeeend
Start from the beginning
