انا قبل كل شي 🥀 ( روايات ليبية )

حلقة 3🔥

عُلا :الو صباح الورد نوستي
انا :صباحك جوري حبيبتي
عُلا :نوستي نبيك تطلعي معايا للمحلات بعد المحاظره نبي ناخذ حاجات ونبي رايك😍 بيش تعطي علم لاهلك❤
انا :حااظر
عُلا : اوكي نتلاقوا يا قلبي
انا :تم يالحب 😘
وبعدها فطرت وجهزت نفسي ،نزلت لماما
انا :مامي يسعدلي صباح ياحلو
ماما :صباح النور ابنيتي
انا :حبيبي طالعه بعد المحاظره مع لولي للمحلات اوكي؟
ماما :من بيشيلكن؟؟
انا :اكيد باتها
ماما :اوكي بس اعطي العلم لباتك
ع خشت بابا
بابا :ها بنيتي واتيه ؟
انا جيت حبيت ع خده : يسعدلي صباحك يا احسن واحد في الكون كله😍
بابا :ربي يرضى عنك
انا :امين يارب ويرضيك عني انت وست الحبايب❤
بابا :هيا السياره سخنت
انا :هي بس يا بابا في المرواح مااتجينيش بنعدي مع عُلا للمحلات 🙊🙈
بابا :باه بس ردي بالك من روحك
انا :من عيوني يااعيوني
وتوكلنا ع ربي وطلعنا
بعد المحاظره
عُلا: خذيت من بابا امس مبلغ نبي ناخذ كم حاجه ونبيك معايا
انا :تم بس فكينا من الاوڤر 😒
عُلا :ههههههههههه حاظر
وطلعنا للمحلات وخذينا كم لبسه حلوه وهاديه وغيرنا الستايل لستايل طويل وبشتاات
وملابس حوش بنوتيات ومنتجات عنايه بالبشره وكم كتاب وشموع معطره واطارات وروحنا لحوش عُلا غيرنا مكان السرير و حطينا كتاب ع طاوله جنب السرير وشمعه معطره وزيت ورد وزبدة كاكاو بالدم الغزال وبرمنا ع الدولاب وحولنا كل الملابس اللي ماتمشيش مع طبيعتها ك بنت وعطرت الدار ودارت فنجانين قهوه وقعدنا نحكوا وفجأه يرن فون عُلا 😒
عُلا : 😳😳😳
انا: كنك؟؟
عُلا : هظا شن يبي توا؟؟
أنا :ايمن؟
عُلا :من غيره 😒
أنا سكتت وقعدت انبحت فيها انراجي في ردة فعلها 😶
عُلا :اوووف صكر 😁
أنا بنختبرها :ليش مارديتيش؟؟
عُلا :خليه يرن لين يبطل رايقه ومانبيش انعكر جوي وانتعب نفسيتي  عشان عقاب عيل😒
انا :تغيرتي ياعُلا 😍
عُلا: لولي اللي قبل ماتت انا توا انسانه غير 💁‍♀اهم شي عندي رضى ربي وماما وبابا ونفسي ثم نفسي ثم نفسي ثم انا ومش حنقدم حد عليها✋
انا :ياحلوتك ياجمالك 😍
هكي نبيك ديما 😘
عُلا :حااااظر 🙊🙈عُلا :حااااظر 🙊🙈
أنا :خلاص توا انرن ع بابا ايجي ايروح بيا وبكرا ننتقلوا لاخر مراحلنا *لغة العيون ولغة الجسد وطريقة الكلام والصوت ❤* وبهكي  كملنا ولما تتمكني منهن اتكوني نجحتي في مشوارك للتغيير 😉
عُلا :اشعر بالحماس 😍😍
ماترنيش ع باباكي مافيه ماتعب حنكلم بابا انوصلوك
ـــــــ
في حوشنا
ماما :انا البنت هذي تعبتني وراها كلما يجيها حد ترفض لعند امتى هكي😔
نونا :ياأمي ليش دايره موضوع انتي نوسه وعارفتها مستحيل اتوافق ع حد مالقتش فيه الصفات اللي تبيها....
ماما :صفات شنو اللي تحكو بيهن؟؟؟يكفي يكون راجل اكويس ومحترم
نونا :ههههههههههه ياماما نصيبها حيجيها في الوقت اللي ربي كاتبه انتي بس ادعيلها ربي يرزقها بزوج كيف ماتتمنى💙
انا خشيت عليهن وهن يحكن :ايييييييوه ادعيلها يرزقها ربي بزوج بالمواصفات اللي تتمناها 😘
ماما :ياقعادي ونا ندعي واميرك معش جا 💔يابنتي الناس يحسابوا ما حد يدق بابك وفي من مشمت فيك
انا :ايش دخلني بالناس انا؟؟وانتي عارفتني من امتى انعدل عليهم ولاانعبر فيهم؟؟ولعلمك لا واحد لااثنين يجوني في جامعه يبوا يخطبوا ودكاترة ومهندسين اخرا مش سناكيح وانا انرد فيهم وبعدين لو كانوا هما كل همهم ان بناتهم يجوزن عشان مايقولوا عليهن عنزن انا لأ✋انا نبي رااااااجل وراجل بالمواصفات اللي انا نبيها لاني انا اللي حنعيش معاه مش الناس ومش حنتنازل فأريحلك صكري علي هالموضوع لعند ما ربي يسخره
ماما :ومن وين بنجيبوه لك انتي تبيه امفصل تفصيل😒
أنا :انا طلبته من ربي ماطلبتاش من حد😘😉بنركب نرقد تصبحوا ع خير....وعطيتها بوسه وركبت ...
ونا راكبه خطر عليا محمد وفي عقلي قلت هو جا بس انتوا رفضتوه 💔وركبت درت روتيني المعتاد ورقدت
ــــــــــ
ثاني يوم في الجامعه بعد المحاظره
انا :وصلنا لاخر مشوار شوفي يالولي لغة العيون لها تأثير كبير عليك وعلي حواليك لانها اتعبر عن شخصيتك وثقتك بنفسك وكذالك تحكي اللي في عقلك وقلبك وتعطيك جاذبيه كبيره ❤وعشان اتاثري ع الطرف الاخر لازم تتمكني من لغة العيون...واول شي اتدريه هو انك لازم اتركزي بعيونك ع عيون الشخص الاخر مايقعدنش يتلاعبن يمين ويسار يعني كأنك اتخاطبي عقله وهو لااراديا حيركز ويتفاعل معاك 😉
*نظرة الفرح والاهتمام* مثلا لو حد قالك شي يفرح وسعي عيونك اشوي مع ابتسامه خفيفه ع شفايفك ❤
*نظرة الانزعاج* لو انزعجتي من حد ضيقي عيونك اشوي واعقدي حواجبك اشويتين وضمي شفايفك مع بعضهن وركزي في عيون الطرف الاخر نص دقيقه وغيري نظرك لمكان اخر 💁‍♀وهنا ركزي مش تبرمي وجك بس غيري نظرك لمكان ثاني اما وجك وجسمك يبقن جهة هالشخص 👌
*نظرة التفكير* لو حد سألك سؤال او بياخذ رايك في حاجه *بحتي اعلي جهة اليمين وقولي اممم وبعدين بحتي مباشرة في عيونه وابتسمي وجاوبي هظا في حال سألك عن شي ف الحاظر او المستقبل ولو سألك عن شي في الماضي بحتي اعلى جهة اليسار وبنفس الطريقه😊
*نظره الخجل* 🙈🙊لو حد مدحك او قالك كلام حلو بحتى في عيونه ثلاث ثواني وابتسمي ابتسامه خجل ونزلي نظرك الارض
*نظرة الاستحياء* لو درتي شي وحد عاتبك عليه خليه يكمل كل كلامه ماتتكلميش بكل وبعد يكمل بحتي في عيونه وذبلي عيونك واعتذري
*نظرة الجرح والزعل* :لو حد زعلك او جرحك بكلام ارخي شفايفك وبحتي فيه واستجمعي كل دموعك بس رد باااااالك تبكي ✋خلي دموعك اتبان ف عيونك لكن تبكيش عشان مايسترخصش ادموعك وحيحس انك كتلة رقة وانوثه وحيعتذر حتي وانتي غلطانه 😂😂😂😂
عُلا :هذي النظرة الوحيده اللي نعرف انديرها😂😂😂😂💔
انا :😂😂😂عارفتك حساسه و دموعك شلالات الصلاة ع النبي🤭
خلينا انكملوا
* نظرة الطلب* لما بتطلبي شي من حد اختاري الوقت المناسب واقعدي معاه بهدوء وامدحيه وقوليله كلام حلو
عُلا :قصدك ننفخه 😳😂😂😂
انا :اييييوه😂😂😂😁
عُلا :شوري هذي 😂😂😂😂تمام وبعدها ؟؟
انا :بعدها بحتي في عيونه واستجمعي كل الانوثه اللي عندك في العين وقوليله *عندي طلب صغيرون وماعنديش غيرك يلبيه ليا *🙊🙈
*نظرة الغضب *نفس نظره الانزعاج بس بدون تضييق العين عطيه نظره جديه وغيري نظرك عنه وامشي ببطئ👌
*نظره الحب* لما بتعطي حد نظره حب بحتيله من الاسفل يعني راسك مايل لتحت اشوي وعيونك مرفوعه فيه واتركزي ع عيونه عشان تتوسع حدقة عينك وتتأكدي انك تستدعي كل مشاعر الحب فيك عشان اتساعدك ع توسيع حدقة العين وهالنظره ابتكريلها ابتسامه خاصه بيك 😉
عُلا بصوت زعلان:امممممم  صعبه هالمرحله 😔
انا :انننننلا كل نظرة حتدربي عليها اسبوع قدام المرايا واتراقبي اخطائك واتصحيحيهن لعند تتمكني منها وتقدري تستخدميها لكن نظرة الطلب ماتستخدميهاش بكثرة عشان ماتفقدش مفعولها وعودي نفسك ان النظرات اتكون ردة فعل عندك يعني كل وحده تكون في وقتها المناسب ومع الوقت حتتعاملي بيها مع الناس عادي جدا وتبقى طبع فيك واتحسي انهم بدون يتعلموها منك ويقلدوك فيها😁
عُلا :😔تمام حنحاول 💔
انا :تي ليش زعلانه تعلمتي واجد وحتقدري تتعلميهن انتي قدها يالولي انتي عيونك سمحات ولما تتمكني من لغة العيون حتسحريهم😍
عُلا : حنبدا نتعلمهن اليوم🙈🙊
انا :نتعلموا اشويه في لغة الجسد؟؟
عُلا :لالا خلينا لعند نتمكن من لغة العيون وانخشوا ع اللي بعدو
انا :تمام
ـــــــ
في المستشفى
الممرضات
ندى :عبييييير اهوه جا الدكتور اللي حكيتلك عليه
عبير :اهاااا هظا دكتور محمد
ندى:ناعلياااا ايجنن شكل وشخصيه وكاريزما ومغرور ياويلي انا 😍بنطيحه 😍بس الواضح انه صعب مايطيحش بالساهل
عبير تضحك بصوت عالي : كان غيرك اشطر حاولت قبلك ما صار شي هظا امكبد ع طالبه من طالبات الامتياز 😒
ندي :شن شكلها هذي؟؟
عبير: على مااعتقد اسمها ياسمين بنوته طشه وحليوه مش فاتنه الجمال لكن جذابه بكل
ندى : 😒والله ؟؟
عبير :هك قالوا😕
ندى :حتى ولو مش حنسيبه يا انا ياهو 😏
عبير :هبله انتي؟؟
ندى :حنشوفوا من الهبل 😁
شوفيلي شكلي تمام؟؟
عبير :تمام اها
ندى عدت شور محمد تتميع وبرمت غمزت لعبير انجربوا ليش لا😉
ندى بصوت دلع وتصنع :دكتور محمد 😊
محمد :نعم
ندى :...........
#يتبع