#اجزاء_نهاية_موسم3
سلات لامار شطييحها خلاتهم كلهم حالين فمهم ماسخاوش بقاو عليها زيدي .. تاقالت ليهم حاملة ماباغاش تفورصي على راسها عاد سكتو ... وبداو المساعدات تاني كيدوزو العصير والحلوى ... دوزو كلسة من داكشي ...طلات نعيمة من سرجم لقات ضلاااااام الحال ... وناضو هزو ماطيريالهم .. اما حياة ورتاج طلعو لفوق يبدلو .. حيت غايسافرو ... ولامار ورقية وعيشة كيودعو فلباااب الناااس مشااووو كول واحد ديمارا وزاد ... والمساعدات كيجمعو داكشي ...وعيشة ورقية وطامو دخلو لواحد لبيت يصليو المغرب والعشا لي كيودن ... واريج طلعات تاهي تبدل ولامار كلسات فصالون كاتصوني على اسد لي كان فطموبيل صايك ودار الكيت
اسد : على سلاااامة آمادام تفكرتي عندك واحد الراجل واحد البينتة تاهي ... سميتها قسم الى نسيتي
لامار : هههههه والله ماحسييينا بالووووقت كيف داااز تالقينا ضلام الحال
اسد : مممم واااانوغمال ماتحسييش .... ساليتو !!!
لامار : وووي ... قسم شكادير
اسد : خليك ليااا ... تفكرتيها
لامار : وماتزيدش فيه عارفاااها غير مع باباها وراك سيفطتي ليا تصاورها قبيلة فابحر علاش غانبقا نبرزطك ...
اسد : بغيتي تقولي علاش غاتبرزطي راسك نتي ....
لامار : دابا علاش كتراوووغ مااافهمتش ... ففففف عرفتي عيانة ديال بصح
اسد : مممم ... كنتي كتخرجي الحزب بسيف تعياي ... هانا جاااي لمك هانا جاي
لامار : هاد هانا جاي ماعرفتش علاش ماعجبتنيش هههه ... فين لوخرين ( قطع عليها قبل مايجاوب )
لامار بقات غير كااتنهد مكيخليها تاتكمل هضرتها ....وطلعات لفوق تاهي تبدل حوايجها...
سفيان رجع لدارو يبدل حوايجو ويهز ليفاليز .... ويونس مشا ياخد لي كادو لصاحبهم فكندا حيت غايرجعو ...وعدنان مشا لدارو يجمع ليزافيغ ديالو مسافرين هاد ليلة تاهوما .... واسد راجع لدار و قسم ناعسة فكرسيها لور ...
رقية وعيشة وطامو وخواتات حياة ودعو لامار والبنات ... ومشاو وصلهم شيفور بحكم مبارك بقا بوحدو وخوت لامار بوحدهم فدار ...وحياة ورتاج كلبسو حوايجهم لان قالولهم لقاوكم واجدين راهم معطلين رتاج كتر ... اما اريج شهاتها رتاج بالمباتة فاايخت و لسقات يووونس يباتو فيييه هاد ليييلة ..وهو ماشي نوع لي يرفض ليها شي طلب دغيا وافق .... لامار نصلات حوايجها ودوشااات وجمعات شعرها لفوووق ديل حصان ... ولبسات كسيوة طويييلة كحلة كتشد بحال شي بينوار نص كم وعنقها v مع صندال بلا كحلة ...باقا فدريسينغ سمعات الباب تحلات .. وخرجات غير راسها كطل عليه ..كان داخل وهاز قسم فييديه ناعسة داها لكونة وضور عندها رااااسو شافها ... وهي تضحك وخرجات لعندو ... تعلات على صبعانها باستو ففمو ...وضحيكة عرييييضة على فمها وهو غير كيشوف ماباين عليه لا معصب لا رااااضي ....هادشي شافها غير كتشطح ....كون زيد شوية لكاميرا لقدام وشاف اشنو كانو كيقولو موحال يرجع ...ساعة حفظها الله شاف غير شطيحها ... ومشات تحنات على قسسم باااستها كتشم فريحتها توحشاتها ... ورجعات عند اسد تعلقات فيه شاداه مت عتقو واقفة على صبعانها يلاه تقاد معاه
لامار : تووووحشتكم ..
اسد : كيف داز نهاركم صافا !
لامار : وواااااااعر ... ههههه واله تااااااطوب ..... لحت الطاقة السلبية كاملة ...
اسد : نتي را لحتي كووولشي باليا
لامار : هههه كفاش ??? هههه ...
خلاها ودخل يدوووش .... وهي بقات غير كضور راسها عارفاه مقلق يمكن حيت ماسولاتش فيه بزاف وتشغلاات ... وخرجات من جناح مشات عند لبنات .... لقات اريج لابسة سوال دجين و طوب فاابيض هابط على لكتاف واااسع على الكرش والكويرة ديالها محطوطة حداها وهي متكية على سير كتشوف فتصاور لي دارو .. ورتاج فدوش ..وحياة لابسة سروال كحل قصير شوية من تحت ومطوي .. وشوميييز غوز بيبي بصدااايف كوحل طويلة شوية من لور مع صبادرين غوز بيبي ... وشالها مقاد كحل ...والحنينة حممرة فيديها .... ورتاج عاد خرجات من دوش كتلوي شعرها كعكعة لابسة جليلبة واااسعة سبوووررر جبلية فالرمادي قصيييررررة وسباادرين بيضة .. خصها تبقا اليز فطيااارة ...
لامار : ساااليييتو ... هبطو نكلسو شوية قبل ماتمشييييووو غنتوووحشكم ....
حياة : (جات عنقاتها ) غير تلتيام وهنا معاك هههه
رتاج : ياك قاليك اسد سيمانة جايا غاتجيو عندنا باش نمشيو اعند اسبرو كلنا ...
لامار : وووي راه داكشي لي دايرين ونتي امتى ماشية ... اااارييييج .. وازمررررر
اريج اششششنو ... (حطات تيليفون ) مكيكلس معاكم بنادم تادقيقة فخاطرو شكااااين
لامار : على مسعووورة كيدايرة ....امتى ماشية
اريج : غداااا ...
لامار : غاتخويييو عليا تاني
رتاج : وتانتي يهديك الله ها قسسم ها ماماك حداك ها سااارة ... وحياة را غير تلتيام وغاترجع
لاماى : ويلاه يلاه هبطو نديرو شي كافي على ما يجيو عصابتكم ..
حياة : خويااا اسد جا !
لامار : ااااه را فالبيت
حياة : وماشي داك الرااجل عندك شوية سمحتي فيه !!!!!.. نهار كامل وهو برا مجريا عليه من دارو كاع ... ودابا ا مخلياه وباغانا نهبطو ...وهو !?
لامار : واش غاندير ليه انا ??? وزايدون نتوما غاتمشيو دابا بغيت نشبع منكم اما هو راني معاه على دور العام .... زييييييدو باركا من الهضرة
اريج : والله كون كان راجلي فيه لاسسسمحتت هههه ... نتي راك مكتسوايش ههههه...
لامار : اهااااا ?? دابا رديتوها ليا ???سسري نيييت حيت بغا نكلس معاكم اوجوووه الززززلط ...مانتوما غي ديااال نشد عليا معاااااه مانشوفش كمارتكم ونخليبيييكم بوحدكم كالسيييين
رتاج : ( مشات عنقاتهاا ) خلييلي زين ديالي .... راهم غير شاديييين فيك .... يلاه يلاه نشربو كاافي (كتمعني ليهم ) ولي مابغاااااش ....وبقا فيه اسد لي كالس بوحدو .... يمشي يگلس معاه هووووو نييييت
