شجون العاشقين

تكمله للحلقه الثامنه وعشرون

كواكب ..بت العار سميه صايره هانم براس بنات اختي وعايفه الشغل عليهن لا مستحه لا عيب الله لايوفقج  ..

واباوع هاي بس،تبجي،لاردت لاكالت اتمنيت ارد بس،استحيت بهالهوسه كلها دخل طارق ويه احمد ..

طارق شكووووو يابيت الطيور صريخكم واصل ديره وراجع ركض ....

كواكب ..ماكو شي بعدين نتفاهم منه خطار ..

مينا ..مرخصتكم اني اتاخرت على اهلي ارخصوني ..
حنان اخذت ازل وطلعتني لباب الهول خليت ورجعت لبيتنه ماادري بس،انقهرت عل شجون ذله والله  ...

في بيت ابو كرم ..

شجون ..ودمعتها بعينها تجاوب  كدامها لان اجتمعوا باامطبخ ..والله ما ادري بيها تكصص ولاكالت اني طلعت الدجاج للعشه كلته  العصر،اسوي واجت مينا طلعت اسلم .

طارق . خويه ام ازل عليمن هالبجي،   سويتها بتحشيش ..وشقه ادري بنين هو انتي عوبه ماادبريها بعد ضروري تمثلين دور منال العالم . دستري على رويحتج واستقري،همزين ماااطك الطباخ وانتحر هههه شاف وجه غريب غير،وجه شجون ..

حنان ههههه هو الطباخ من يشوف وجهي يطفى لوحده اني توقعت من يشوف وجه بنين ينفجر ..

بنين .. من ورة خشمها تقلد اني مو يم الطباخ ايدي انكصت ..

طارق ..شنو خلص دمج هو جرح شكته ابره ساطور ضاربج كومي كومي مسويلتي فلم هندي كارينا كابور ....يله بويه كلمن على داره وسوك السمج عزل كش، يا به حول  ...ههههههههههههه ..

شجون ضحكت على كلام طارق بنص،المواقف الصعبه يضحك الواحد الكل طلع كمت رتبت المطبخ وغسلت الدجاج وسويته وكالعاده مشى اليوم مثل لقبله ..واستمرت حقاره بنين وحنين يوميه. سالفه وخالتهن وياهن .  ووسخات قذراه مو طبيعيه عود حنين شوويه ها والشغل براسي تعبت بتعب .بس،لخاطر كرم وحبه صابره وهو كله ماشافني تعبانه وكال ..

مابقى شي وابيع بيتي القديم اشتريلج بيت قريب منه ....وازوله تكبر وتدلع على ابوها هو خالص الدنيا بيها سلطانتي يسميها ويدلعها وتشاقي .ايامي مشت عادي بين مشكله ويه كواكب وبنات اختها وبين رومانسيته وحب كررم الي، و ما شاء الله هبه سكنت البيت ...صادف يوم جمعه شهر ١١.العصرر سلعه خمسه تقريبا عفت كرم فوك على المةبايل ونزلت كاعده  اسوي لاازل  سريلاك بالمطبخ لابسه داشدشه شويه بيها عرض، لان بالبيت طارق واحمد   لونها عنابي وشال بيجي وامكيجه ولابسه محبس،وحلقتي واسورات ذهب ناعمات مكعده ازل بحضني على الكرسي واوكلها ..مااحس غير من باب المطبخ جفتت عليه هبه بجنطتها وتباوع باشمئزاز ..كمت من باب الواجب اهلا وسهلا ..

هيه ..باوعت من فوك ليجوه وكان ماعاجبها وردت بغرور هلا وين خالتي وخواتي لو البيت بيدج ضال ..

شجون ..بسم الله ابتدت لحمه(رحمه) الله  حواتج(خواتج ) بغفهن (لغرفهن )وام احمد يم عمو بالهول عتفزيون ...