زهرة البنفسج ❤

زهرة البنفسج ❤ 9

زهره البنفسج ❤ 9
لا حول ولا قوة إلا بالله العلى العظيم
سبحان الله وبحمده وسبحان الله العظيم
أعوذ بكلمات الله التامات من شر ما خلق
💗💗💗💗💙💙💙💙💙💚💚💚💚💚
سميحه بابتسامه جميله على وشها متشوقه لسماع باقى قصة حبيبها لبست بجامه رقيقه جدا وحاطه فى شعرها توكه على شكل ورده .. وهو كمان غير وقعد وخدها فى حضنه .. قبل ما يتكلم
سميحه : ثانيه بس عايزا اسئل على حاجه كدا .. انت ليه فى كلامك قولت على الفنانين والمصورين انهم بيشهرو نفسهم وبيستغلو الناس دى مش أكتر وكان موقفك عدائى ضدهم
خالد : بصى يا سميحه انا عمرى ما بقتنع ابدا بمنظه او فنان او .. او .. او ... يروح مكان والاقى بعد فتره هى .. هى نفس المعناه فى المكان دا ازاى فهمينى لو قصدهم يساعدو على الاقل ابسط الامور ها تلاقى تطور من اى نوع فى حياة الناس دى انما انتى مش شايفه اى نتيجه .. قولى لو انا غلطان .. انتى شوفتى اى نتيجه
سميحه : الصراحه انا مش متابعه فا معرفش ممكن يكون فى نتيجه انت ما شوفتهاش
خالد : كل شئ ممكن بس الا عايز افهمهولك بردو مجرد دخول فنان عالمى له شعبيه جارفه مكان زى دا بتلاقى معجبينه والمهوسين بيه عندهم استعداد يعملو اى حاجه ويساندو فكرته ويدعموه بقوتهم .. بس دا الا اعرفه ودا تفكيرى
سميحه ؛ طيب نشوف بقى انت اتصرفت ازاى وعملت ايه
خالد : عملنا كلنا مش عملت لوحدى  ورجع بألة الزمن  الموجوده فى ذاكرته لزمن وسنين فاتت كانت صعبه جدا عليهم واصعب ما فيها التأقلم على وضع جديد وناس بوشوش مختلفه ولهجه وعيشه مختلفه ياترى ها يبقى فى همزة وصل بينهم تعالوو  نشوووف
فلااااش باااك
***********
خالد قاعد على جمب زى عادته وهموم الدنيا فوق راسه معقول خلاص ها يتحرم من حياته واهله وسميحه الا ملحقش يفرح بيها خلاص هما فى نظرهم ها يبقى ميت وبيدور على جثته بين الاسمااااك
الحوار مترجم
كاااتو : كابتن خالد اراك منذ الصباح تتهرب من اعين الكل
خالد : انت شايف انى ممكن اقدر اوجه كل دول كل واحد عنده الف سؤال .. تفتكر ها اقدر اقولهم انتو لازم تنسو اهلكم وها تعيشو هنا غصب عنكم مسجونين مدى الحياه
كاتوو : بكرا يتعودو خالد لا تشغل تفكيرك وترهقه كثيرا .. من الواضح انك انسان حساس جدا
خالد ضحك من قلبه وبص لكاتو الا ضحك على ضحكته : انت كدا بتكلم سميحه مراتى مش انا
كاتو : انت متزوج
خالد : لسا عريس .. او محسوب على العرسان
كاتو : لماذا تقول هذا .. بمعنى
خالد : يعنى لسا عريس وبيرفع ايده وينزلها ما بتفهمش عربى يا كاتو ومستحملينك وبنكلمك انجليزى كمان مش فاهم يعنى ايه عريس هوزلت بقى
كاتووو فضل يضحك وقت كبيررر   وبعدين اتكلم : انا كمان كنت عريس اتجوزت وعندى بيبى لم اعرف اسمه بعد
خالد : يا صلاة النبى .. يعنى انت عريس وخلفت ولسا متخيل انك لسا عريس عليكو حاجات غريبه يا جدع .. لا انا لسا عريس ما دخلتش دنيا اصلا 😂😂😂
كاتوو : لا تقول هذا معقول انت لم تلحق التزوج ووقعت هنا .. خلاص على رايكم انتم .. خيرها فى غيرها
خالد : 😂😂😂 لا ما تحاولش مفيش غيرها ومش ها ينفع يكون فى غيرها اه لو سمعتك كانت روحك طلعت فى ايدها يا كاتو ووقعتك ها تبقى سوده
كاتووو بيهز راسه : نعم اعرف ان النساء شريرات .. ويغيرون كثيرا
خالد : يا راجل نص كلامك حلووو والنص التانى شرير .. هو احنا ممكن نتمشى هنا والا ممنوع
كاتو : طبعا فى ايطار هذه المنطه تقدر
خالد : طيب قوم عرفنى على المنطقه واحكيلى ظروف الناس دى ايه وممكن نتعامل معاهم ازاى
كاتووو قام هو وخالد وبدئو يتمشووو فى المنطه كبيره جدا فيها اشجار عاليه وشكلها غريب ولاحظ وجود النحل فى كل مكان ... مكان شكله عجيب وغريب جدا .. وفجأه
خالد بإستغراب : ايه الا جاب معدات الحفر دى هنا
كاتووو : لما بدئت اندمج معاهم .. حكولى ان كان فى نااااس من الاهما بيسموهم العالم الاخر  اتو بهذه المعدات وتم تصوير المكان معاهم ووعدوهم انهم ها يساعدوهم وحسو بأمل وفرحو كثيرا لان الا كان بيجى قبلهم بيوعدو وبيخلفو وعودهم وكمان هما محتاجين للميه جدا لانهم بيخزنو مية الامطار على طريقتهم هما وبيشربو منها وطبعا مش بتكفيهم طول العام .. وبيرو عطشهم من ثمرة جوز الهند الموجوده هنا والموجوده فى كل مكان حواليهم والا انتو شربتو منها كلكم 
خالد : يعنى هما كانو ها يفحرو لهم ابيار ميه بالمعدات دى
كاتو : ايوا وفعلا بدئو حفر بس للاسف مره وحده بدئو يفكو فى المعدات ولسا ها ياخدوها ويمشو اهل البلد هنا اتهجمو عليهم وهربو وسابو كل حاجه .. ومن ساعتها مش بيثقو فى اى حد واى طائره حظها انها تقع هنا مش بيسمحو لاهلها بالرجوع كا نوع من الانتقام وكمان عشان الناس تهتم بيهم وتساعدهم .. بس للاسف مفيش امل
خالد : طيب ليه هما مكملوش حفر الابيار واشتغلو على نفسهم
كاتو : ماعندهم اى فكره ممكن المعدات دى تشتغل ازاى وحاولو معانا بصراحه بس محدش عنده فكره
خالد : بيتهئ ليا ان شاء الله موجود معانا هنا مهندس كبير جدا صحيح مش عارف دا شغله والا لاء   بس ها نقترح عليه ونساعده كلنا
كاتووو بفرحه كبيره : حقا كابتن وحضنه وباسه انت انسان جميل حدا
خالد ضحك  : يابنى اهدى انا مش متاكد بس ها احاول وكمان المعدات دى بتحتاح وقود بردو ها نجيبه منين لو الطياره كانت على الشط كنا خدنا منها الوقود اللازم لانه فيها كميه كبيره جدا تكفينا شهور هنا
كاتووو : نحنا فى المكان هذا باتجاه التيار الذى يسحب الطائرات وغيرها .. ومن حسن حظنا فى هذا المكان ان الطائرات وكل شئ يطرد من المياه وبيشاور بايده هنااااك فى هذا المكان البعيد بعض الشئ .. لان طائراتنا هناك ايضا انا احب ان اقضى وقت عندها وبداخلها
خالد بيضربه على صدره : وساكت دا كله .. يعنى اكيد نقدر نجيب هدومنا وحاجتنا وكل شئ يخصنا
كاتو : انت وحظك يا كابتن لا اعرف .. طائراتنا كانت فاضيه تماما
خالد : يعنى البحر طمع فى الحاجه وساب الطياره حتى البحر طلع اغرب منكو
كاتووو : تاتى معى لترى الطائره
خالد : طبعا ياله قدامى .. ومشيووو مسافه طويله وكببره جدا واهل القريه سابوهم لانهم بيثقو فى كاتو جدا .. وصلو عند الطائره بعد تعب كبير جدا قعدو عندها وخالد بيبص عليها وطبعا بحكم شغله عرف الطياره ونوعها والحادثه دى الا هزت العالم كله لانها كانت طياره فى الوقت دا من احداث الانواع واكبرها على الاطلاق وفرق البحث قلبو عليها المحيط ومقدروش يعثرو عليها ابدا
كاتو : اراك مصدوم
خالد : هى الطياره جت فى المكان دا بعد كام يوم
كاتووو : يومان فقد كنت احاول الهرب ولكنى رايت وصدمت بوجود الطائره هنا وتراجعت عن الفكره ولا اعرف لماذا شعرت بأن المكان مخيف جدا وامنى وسط هؤلاء الناس
خالد : فعلا حاجه غريبه جدا .. جدا .. العطل المفاجئ للطياره ونزولها الميه اسرع مما تخيلت وكمان انت قولتلى على المسافه فرق شاسع جدا بين مكان طايراتنا .. وطايراتكو وتظهر وتطلع للشط بعد يومين والمفروض انها تكون فى قاااع المحيط سبحان الله تدابير ربنا لا يعلمها الا هو
كاتووو : حقا سبحان الله .. والاتنين برقووو عيونهم وقلبهم وانفاسهم اتخطفت لما شافو الطياره التانيه بتاعت خالد بتظهر على وش الميه وحده .. وحده  .. وكأن حاجه بتسحبها فى اتجاه الشط .. فى شئ غريب ومخيف جدا وخالد بيرجع لورا وهما بدئو ينهجو ويعرقو جااامد وقعو على الارض وعيونهم مرطبته بخروج الطياره المفاجئ فى نفس المكان
كاتو : انى خائف جدا
خالد وعيونه مش قادر يرفعها ولا قادر يصدق ولا مستوعب : لايمكن الا بيحصل دا لايمكن .. وفضل يقول لا إله إلا الله ويرددها على لسانه حتى يستوعب عقله قدرة الله عز وجل التى ليس لها حدود .. فلا اى شئ يمكنه ان يتغلب على الطبيعه المهوله .. بقدرتها ابتلاع الارض ومن عليها وبقدرتها طرد ما فى باطنها بدون اى تدخل للانسان او مساعده منه  .. وتذكر الايه الكريمه ( إِنَّ اللَّهَ يَعْلَمُ غَيْبَ السَّمَاوَاتِ وَالْأَرْضِ ۚ وَاللَّهُ بَصِيرٌ بِمَا تَعْمَلُونَ (18) حقا هناك ما زال هناك  غيب لانعلمه فى كل شئ فى حياتنا ما زال هناك الكثير والكثير على وجه الارض 
كاتو : لابد ان نتحرك ونغادر هذا المكان الان الم ترى اقتراب الطائره
خالد وعيونه ما زالت على الطائره : لا انا مش ها أمشى عايز تروح انت روح
كاتو : لا لن اتركك
خالد : ها تقعد وقت اد ايه تتحرك لحد ما تقف
كاتو : لا اعرف
وبعد وقت كبير هما مش عارفين اد ايه رجعو تانى القريه  وفضلو وقت كبير مصدومين ومش بيتكلمو مع حد ابدا 
روفيدا : مالك يا كابتن انت اختفيت ورجعت ساكت مش بتتكلم
نرمين : انا تعبانه يا كابتن
خالد انتبه لنرمين وبص على دراعها : ها تتحملى تتعلاجى بطريقتهم هنا
نرمين : ايوا انا مش قادره  اتحمل الوجع
خالد : ها نكوى الجرح عشان ما يتلوثش ويقفل
نرمين : مش مهم المهم اخلص .. وخالد خدها وراح لكاتو الا دلهم على المعالج بتاع القبيله وراح معاهم وعالج دراعها بطريقه غريبه وقديمه جدا وما زالت تعبانه بس هو قال لها فى ظرف يومين ها تتحسن وادها طبق فخارى فيه حاجه شبه العجينه وقال لها تحط على دراعها منها ولما تنشف تشلها وتحط غيرها وتغطى الطبق باوراق شجر اخضر .. وسمعت الكلام وراحت مكانها
محى : اتصرف انت الا وقعتنا فى المكان الزفت دا وانت الا تطلعنا منه
خالد : وقعتك ازاى يعنى نصيبك ونصيبنا كلنا .. وممكن تهدى لانى مش قادر اناهد معاك وفعلا مفيش فى ايدى الا اقدمه ارجوك اهدى .. وبيعلى صوته انا سمعت ان فى مهندس معانا
شاب رفع ايده : انا المهندس عبدالله
خالد ابتسم : معقول انت .. انا تخيلت انك اكبر من كدا على كل الحاجات الا سمعتها عنك ممكن تيجى معايا 
عبدالله قام واتحرك مع خالد بإستسلام .. وقعد قدامه وكاتو معاهم وكبير القبيله الا خالد طلب انه يكون موجود
خالد : فهم كبير القبيله يا كاتو انتا ها نساعدهم بس بشرط
كاتو كلم كبير القبيله وقاله .. وكبير القبيله طلب يعرف شرطه ايه
خالد : اولا مفيش لا بنات ولا ستات وناس كبيره مننا ها تشتغل هنا .. ثانيا بقى ودا الاهم انتو ها تشتغلو معانا واكتر مننا ولازم تتعلمو وتعتمدو على نفسكم وتطورو من فكركم .. ثالثا ودا الا هم لو ادينا المهمه بتاعتنا اى فرصه ممكن نخرج بيها من هنا لازم نخرج لاننا عندنا عائلات وحياه خاصه ومختلفه عنكو وكاتو وكل الا كانو معاه ها يرجع معانا
كاتو فهم كبير القبيله كل شئ زى ما خالد قاله وفرح جدا ان خالد فكر فيه وكبير القبيله برغم تمسكه بكاتو والا معاه الا انه وافق بشرط يقدرو يعيشو زى البشر ..
عبدالله : انا ايه المطلوب منى وها تلاقينى بساعدك بس انا مش معمارى انا مهندس ميكانيكه بفهم فى المعدات والالات
خالد : ودا المطلوب يا بشمهندس وبدء يحكيلو على كل حاجه حصلت معاه وصولا للطياره  .. بس دا كل الا حصل ها نقدر نشغل معدات الحفر هنا تانى ونعمل كذا بير للميه
عبدالله : طبعا بس اروح اشوف المعدات واشوف فيها عطل والا لاء ومعاها معدات التصليح والا ها اقدر عليه ها اعمله بس لازم مساعده من الكل وممكن ناخد الوقود اللازم من الطياره  ربنا بعتها فى الوقت المناسب
خالد : تمام وانا اتاكدت بنفسى ان حاجتنا كلها الحمد لله موجوده فى الطياره يعنى الناس ها تلاقى كل متعلقاتها الشخصيه ودا ها يساعدهم شويه يتحملو الوضع  واتحول الوضع من احباط لهمه ونشاط عند البعض واعتراض عند البعض
**********
باااك
سميحه : ايه كمل
خالد : كفايه يا سميحه انا فعلا مش قادر
سميحه خدت نفس : انا قلبى اتخطف وانت بتحكى عن ظهور الطياره معقول يا خالد
خالد : مش معقول ليه ما شوفتيش مثلث برمودا والا بيحصل فيه .. لما تختفى سفينه عليه وتفضل سنين وبعدين تخرج تانى وتقب على وش الميه ولما سفينه تانى تشوفها ويتاكدو من السفينه واتنين تقريبا لانى مش متذكر العدد يطلعو عليها و السفينه تختفى تانى بيهم وتظهر من غيرهم وبعدين تختفى وما تظهرش تانى دا تفسريه بإيه
سميحه شهقت : انت بتتكلم بجد يعنى السفينه ظهرت واول ما اللتنين طلعو عليها تختفى بيهم وتظهر من غيرهم دا ايه دا
خالد : ايوا جد بشهادة  كل الا شافوها والاتنين الا طلعو عليها واختفو الله اعلم ايه بيحصل وممكن يكون فى ايه فى المكان دا .. إلا العالم كله احتار فيه
سميحه هزت راسها : انت خوفتنى من البحر انا مش ها انزل فيه تانى
خالد ضحك : عشان جبانه انتى اصلا بتخافى من خيالك
سميحه : انت بتقول فيها وبعد الا انت قولته دا لايمكن ها انزل الميه
خالد : انتى عارفه انا واخد كام بطوله فى السباحه والنفس الطويل تحت الميه
سميحه ابتسمت : عرفت كتير ما تعدش .. مش عيب عليك تاخد واحده فاشله فى السباحه وبتخاف من خيالها
خالد : توء مش معايا .. ها اعلمك وها اخليكى تنافسينى انا شخصيا
سميحه : بس قولى انت صحيح خسيت بس بقى كلك عضلات وناشف كدا وايدك قويه
خالد ضربها بهزار : انا ناشف من زمان .. يا بنتى .. انتى اتخليتى عن كل الرفاهيه فى حياتك واعتمدى على نفسك فى كل حاجه وقوتك البدنيه الا بتزيد يوم عن يوم وقوة تحملك بتزيد وتقوى اكتر هى دى حياتهم غير العسل النحل الطبيعى كله كوم ودا كوم لوحده .. وبيقرصها .. وقرص النحل فيكى الا كان بيجرى كل ركاب الطياره من مكانهم علمهم الجرى لمسافات طويله وتسلق الاشجار وضحك عليهم القبيله كلهت
سميحه ضحكت وفضلت تضحك : مش قادره متخيله المنظر وانتو بتجرو  .. مسخره
خالد ضحك : دا فى الاول بس بعد كدا بقو بياكلو النحل نفسه
سميحه : انت بتتكلم بجد
خالد : بتريق طبعا .. بس بعد كدا بقى عادى ومش بيخافو منه 
سميحه : البت زهره وزيزو وحشونى قوى
خالد : زهره دى ها تجنن تامر
سميحه : لسا ها تجننه هو اتجنن اصلا خلاص عليه العوض فيه
خالد شدها : وانتى مش ها تجننى والا ها تفضلى خايبه كدا
سميحه ضربته : اه يا قليل الادب هو دا تفكيرك
خالد ضحك وشدها فى حضنه : لا والله دا تفكيرك انتى تعالى بقى اخد حقى
****************
تامر نايم وزهره قاعده جمبه
زهره : ما انت ها تقوم تقعد معايا .. بقت رخم يا تامر
تامر سحبها عليه وحط دراعه على وسطها : هشششش نامى جمبى واسكتى
زهره : بصووويت خلت تامر اتنفض من مكانه .. بقولك قوم اقعد معايا تقولى نامى وضربته على ضهره انت ايه يا اخى جننتنى
تامر اتعدل : انتى تجننى بلد يا زهره يا بت عايز انام شويه
زهره بتمد شافيفها زى الاطفال : مليش دعوه قوووم معايا وقومته غصب عنه .. وراحت شقتها ودخلو قعدو فى البلكونه مع بعض  وعملتلو قهوه وهى شاى وقعدت قدامه
تامر : بيشرب القهوه وبيبص لزهره وساكت
زهره : مالك بتبصلى كدا ليه
خالد قرب : عشان بحبك اكتر من نفسى
زهره بفرحه خدت الكرسى وراحت جمبه ومسكت دراعه : بجد يا تامر .. انا كمان بموووت فيك وكمان بحبك لدرجه تخوف اه وربنا
تامر ضحك بصوت عالى جدا : انا فعلا بدأت اخاف من حبك المدمره ايلات قاعده جمبى
زهره :😂😂😂 فهمتنى غلط بس مش مشكله 
تامر : طيب قومى البسى عشان المفاجأه
زهره رافعت ايدها لفوق : يا فرج الله اخيرا بقى عنده دم وها يورينى المفاحأه
تامر : يخربيت لسانك .. وربنا عايز يتقطع
زهره بتجرى وبتضحك وضحكت تامر : مش مهم .. المهم اعيش .. وتامر قام لبس هو كمان واستأذن مامته ونزل هو وهى وايديهم متشبكه فى بعض راح فى اتجاه الورشه بتاعته وفتحها فتح النور وشدها من ايدها دخلها جوا واتفاجئت بعربيتها الا اتحولت لتحفه فنيه حقيقه من اشكال لرسومات زهور البنفسج الا معموله بطريقه جميله ورقيقه جدا ..  ركبتها بفرحه وهو واقف يتفرج عليها واكتشفت ان كل حاجه فيها بقت اتوميتك .. نزلت وجريت عليه وحضنته جاااامد .. وفضلت تبوس فى وشه كتيررر ... ونسيت نفسها وقربت من شافيفه واندمجو الاتنين ومره واحده بعد عنها
تامر : حضنها من ضهرها وبهمس جمب ودنها يا مجنونتى احنا فى الورشه
زهره : مفيش حد شافنا ولفت له وبنظرات كلها حب واضح .. انا بحبك قوووى
تامر : طيب مش ها تجربى العربيه وتعزمينى على حاجه وبيقرب عليها وبيقلدها .. والا هو نصب والا ايه
زهره ضحكت : وانا الا كنت فاكراك حرامى .. بس الحمد لله طلعت بتحبنى بجد وسرقت قلبى وعقلى وحياتى بس عربيتى لاء
تامر : انتحر بعد الكلمتين دول .. قدامى يا زهره مفيش منك أمل .. وهى طلعت بالعربيه وهو قفل الورشه وركب جمبها .. فضلو يلفو كتيررر وزهره طايره بيها من على الارض عزمته على العشا بس هو الا دفع .. وكوكتيل وبردو هو الا دفع 😂😂😂 وروحت وهى مبسوطه جدا
تامر : حلوه العزومات الكتير الا ادفعت حقها كلها دى .. يا بنتى راحه جايه خيلتينى
زهره : لحد ياخد العربيه انا خايفه عليها قوووى دا ها يحسدوها يا تامر
تامر : 😂😂 .. ها نربطها ونعمل لها تعويذه والا ايه
زهره : انت بتهزر .. بس بجد مفاجأه جميله قوووى مش عارفه انا ها احب فيك ايه تانى
تامر : حبى اى حاجه المهم تبطلى زن وسبينى انام بقى
زهره : ايه دا زيزو صحى وشرفنا كمان .. تعالى .. تعالى وشالته ونامت جمب تامر وبترخم عليه وبترفع صوتها .. اصحى يا بابا يا كسول .. انا عايز اقعد معاك وانت مش هنا على طول
تامر : بيبص لها بنص عين انتى فظيعه انا عارف انى مش ها انام
زهره : طب قوم اقعد مع زياد والا اقولك اكيد سوسو صاحيه تعالى نقعد معاها برا وخرجو لقو سعاد نامت قعدو جمب بعض
تامر بتردد : ممكن اسألك سؤال والا ها تزعلى
زهره : لا مش ها ازعل
تامر اتعدل لها وعيونه فى عيونها : انتى لسا فعلا بتحبى حسام او حتى عندك شعور من ناحيته
زهره : مسكت ايده وقربت منه هو وزياد الا قاعد على رجله .. انا بحبك انت ولايمكن ها افكر فى حد غيرك انا نسيت كل حاجه ومش فاكره غيرك انت وبتلمس خد زياد وابنى حبيبى والله يا تامر كانى اعرفكم من سنين
تامر : طيب ليه رفضتى اننا نشيل صور مراتى من اوضة زياد رغم انى انا  الا كنت معترض فى الاول ومقرر انى مش ها اشيلها بس حسيت انى ها اجرحك وبعمل فروقات بينك وبين زياد وبقولك دا مش ابنك او انتى ها تفسرى كدا ... اعتبر دا ايه
زهره : مش من حقى احرم طفل حتى من صورة امه الا انا جيت خته وخدت ابوه وحياتها كلها وبقول انا ها اكمل بدالك مش ها امحى وجودك .. دا حقها الله يرحمها وحرام نيجى على حق بعض .. واوعى تفكر بينك وبين نفسك ان ممكن يبقى فى حاحز بينى وبين زياد او بينك ابدا .. زى ما قبلتنى بحياتى القديمه انا كمان قبلتك زى ما انت وحابه أكمل مش عايزا اعكر صفو حياتى 
تامر ضمها هى وزياد ومبتسم وكل يوم بيطمن لها أكتر وأكتر  وبيفكرو فى بكرا يا ترى ها يفضلو كدا والا ها يتغيرو .. والا ممكن تامر يحن للخلفه او هى تغلبها الفكره من تانى وتقلب حياتها جحيم .. يا ترى ها تحافظ بيتها والا لاء ؟
💗💗💗💙💙💚💚💚
بقلم : لبنى طارق
💗💗💙💙💚💚