فصليه حبيبي

Part 3

شمس:فتت للكراج شفت ابو الكراج شكد يباوع عينه زاخيه (مالحه اني اصيحلهه)
رحت طبكت السياره وشوفته اجازت  السوق وطيته 3 الف مال ليله ورحت حسيته ديلحكني اشو نداريت شفته هوه وصاحبه لكاعد يمه وشايل سجينه واني مادري صار بيه كبل ركضت جان اشوف بيت جبير باب مفتوحه طبيت بي اول شي بلكراج شكبره وبعدين بله وصلت لباب لبيت وادك الباب مثل المخبله واعاين عليهم ديجون جان تنفتح الباب وطخيت بواحد صرت يم صدره جان هوه راسن يسد الباب واني ابجي واكفاه يمه عبالك شخص اعرفه وابجي واني لازمته من جتفه وايدي الخ يم صدره ماحس عله روحي واكعه بلكع من الهبطه الاكلتهه كعدت عله واحد ديذب مي بوجهي بس شون رجال اويلي من خلقه من بياض من عيون من لحيه ولابس لبس مال شيوخ اني راسا فزيت كتله اته منو
هسه اجه الوكت اعرفكم عله خالد....

خالد: اني خالد عمري 30سنه طويل يوصل طولي 170 مواصفاتي ابيض عله حنطاوي عيني جوزي عله عسلي مادري واني شيخ عشيره تقريبن هاذه شبيهي

اليوم اهلي طالعين لكربلاء طبعا احنه من العماره بس عايشين بغداد ادري بيهم رايحين اني جنت بديوان ماسمع اله واحد يدك الباب دكه مال مخابيل اني ركض رحت فتحت الباب جان اشوف بنيه دايره وجهه تباوع ليوره طخت بيه ردت اوكع وهيه بس تبجي مشفت وجهه جان توكع بس لزمتهه لان هيه جانت كامشه جتفي ودشداشه من صدري شلتهه بعد موكعت رحت ركض وديتهه للمطبخ وادير عله وجهه مي كامت اتفتح بعينهه بس شنو من جمال العيون الحلك البياض من جمال شايلته.راسا فزت كلتلي انته منو كتلهه انتي منو

شمس:اسفه لان ازعجتك بس جانو اثنين ديلحكوني واحد شايل سجينه ولاخ يركض ورايه بيتي شويه ابعد من بيتك بس كلت اخاف مالحك فشفت باب بيتك مفتوحه فدخلت اسفه ولله موقصدي ازعجك

خالد:هيه تحجي وتبجي عصرته الكلبي عليهه كومتهه كعدت علكرسي وهيه تسولفلي كمت جبتلهه كلاص مي خطيه احسهه مخنوكه كتلهه اتي اول مره اشوفج اهنا

شمس:مو اني اجيت زياره الخالي اهنا كاعد بيته اشويه ابعد من بيتكم

خالد:كتلهه ها شسمج اشكد عمرج شسمه لخالج شكد عمر ايجوز اعرفه

شمس:اسمي شمس عمري 19 سنه وخالي علي عمره مادري يطلع 30 او35 يشتغل تكسي

خالد:اي اعرفه كلش حباب اذاتريدين امشي اوديج للبيت

شمس:لاء اخاف واكفين اخاف يصيرلك شي او يصيرلي شي

خالد:اشو هاي ماعرفهه اتكلي خاف يصيرلك شي لعد لوتعرفني

شمس:لاء (بصياح) حباب ولله كلبي ديوجعني عادي اسئلك سؤال بلازحمه

خالد:اوكي سئلي

شمس:اته شيخ

خالد:اي

شمس:عايش وحدك

خالد:لاء اهلي ويايه طالعين لكربلاء

شمس:مزوج

خالد:ليش الاسئله اني ممزوج

شمس:هيج حبيت ادردش وياك

خالد:جوعانه

شمس:اي

خالد:اسوي عشه

شمس:لاعيب

خالد:وين العيب هياته الاكل بس احمي مو امي سوته كلتلي بس احمي

شمس:هسه اني اكوم احمي

خالد:علوى لان هستوني راجع من العماره

شمس:عله الاقل اردلك جميلك بلاكل

خالد:يمعوده صدك جذب لازم واحد يساعد الاخ

شمس:هسه احمي الاكل واجي

خالد:ماشي اروح اسبح واجي

شمس:اخذ راحتك رحت لثلاجه لكيت برياني ودجاج فرن وبيبسي طلعت البرياني حميته ودجاج هم فرغت البيبسي وحطيتله ثلج رتبت البرياني بلماعين ودجاج كذالك