السلام عليكم ورحمه الله وبركاته 💮🌹
وضعت رأسها علي عجلة القيادة وتذكرت كيف فقدت أخيها في إحدى العمليات
«فلاش باك»
في مكتب اللواء : شهيدة ومحمد و وليد هيهجموا من الباب الخلفي ومنتصر وحسام وليل...
قاطعه حسام بسرعة : يا فندم أزاي التلاتة يبقوا مع بعض لازم حد فيهم يبقي معانا حضرتك عارف ان منتصر لسة خارج من إصابة صعبة حد فيهم على الاقل يبقي معانا
نظرت له شهيدة بهدوء : ليل هيكون معاكم
تجهم وجه وليد بشدة : هو ليل دا جالنا من انهي مصيبة ...حسام انت قدها ومنتصر كويس اهو ومينفعش احنا التلاتة نتوزع عشان
نطق هذه المرة محمد : حسام بيتكلم صح احنا التلاتة مع بعض غلط احنا لازم نتوزع شهيدة تبقي مع حسام وليل ومنتصر و وليد يبقي معانا
اللواء : هاااا خلصتوا اقتراحات ...اللي قولته هيتنفذ محمد وشهيدة و وليد مع بعض من الجهة الخلفية وحسام ومنتصر وليل مع بعض
الاوامر تتنفذ
الجميع : تمام يا فندم
خرج الجميع متجهم الوجه بسبب ما قاله اللواء وهو بكل تأكيد خطأ لان توزيع الفريق هكذا سيودي بحياة الكثير ... ولكن هيهات لن يجدي معه النقاش فائدة
********
في مكتب الفريق
وليد بتهكم : فين سي ليل بقي من كل دا
محمد بصرامة : وليد ابلع ريقك شوية انت مالك كدا من ناحية ليل .... ليل جزء مش ممكن يتجزأ مننا ودا أثبته في وقت قليل جدا وانت عارف
وليد بغضب: يعني احنا بقالنا سنين في أم الشغلانة ومخدناش نص صيت زفت ليل دا
هو ايه اللي عمله مش فاهم عشان ياخد الحجم دا
محمد بنفس الغضب : أجتهد واشتغل ومفشلش في اي عملية دخلها عرفت بقي عمل إيه
حسام ملطفاً الجو: ليل علي وصول يا جماعة وجايب معاه أكل 😂
شهيدة بضحك : طفس من يومك يا حس
ثار وليد مرة أخري : شهيدة فيه ايه اسمه حسام لو مش فاكرة انتي مش بتكلمي ابن اختك
نظرت له شهيدة نظرة قوية : صوتك دا ميعلاش عليا وانا عارفة حدودي واظن اخويا قاعد اهو انت اللي تلزم حدودك
صدمة احتلت وجه الجميع من رد شهيدة علي وليد فهو بمثابة محمد أخيها ولا يوجد تفرقة
بينهما.
وليد بكل ما أوتي من غضب مكبوت وغل : تمام أوي وخرج من المكتب وقابل ليل في الممر ....وهو سبع البرمبة وصل
ليل بهدوء : ازيك يا وليد...يلا تعالي كل
نظر له وليد نظرة كره عميق : اطفحه انت ...وذهب من أمامه وهو يكاد يشتعل من فرط غيظه
ليل بتعجب : ايه شغل الحريم دا
*********
في اليوم التالي
ليل : شهيدة انتي هتروحي من الجهة الخلفية بعد ما وليد وحسام يدخلوا يعني بعد بكام دقيقة تدخلي
