شخبارجن بنات مشتاقتلجن هواية اسفة 😍
ع الغيبة الطويلة بس صارت سالفة وخنجر حذف البرنامج
من جهازي حاليا هوة طالع فستغليت الفرصة حتى احجي
وياجن بموضوع اني راح اترك البرنامج لان خنجر نهاني من
هذا البرنامج والسبب بنت مع الاسف عليها ابد ماتوقعت
توصل لهذا المستوى اني من دخلت هنا ب الف ياعلي وكوة
قنعتة والحمد الله تعرفت على بنات طيبات مثلجن
تدرن اني مارد خاص وتعرفن السبب بس اقرأ رسايلكم التوصلني
قبل فترة راسلتي بنت سلمت وگالت نور ادري ماتردين ع الرسايل
خاص بس الموضوع ضروري ويخص أهلج
اني هم مارديت فدزت مرة ثانية وگالت نور والله العضيم اني
اعرف أهلج وهية الحالفة من قرأت قصتكم شكيت
بس سألت امي على مرة تعرفها وهم انطت بتها وحجي هواي
اني هم ماصدكت ولارديت اخر شي كال اذا مامصدكة هذا
هذا رقمي ع الواتس اب وحاجيني نور والله اني حبيتج واريد
اساعدج دخلت على حسابها هنا بنت يعني مبينة كلت
خاف شاب ومن هالسوالف فصراحة اني صدكت تقريبا
كلت وين اكو بنت تنطي رقمها فحجيت لخنجر عليها گال
جذب لاصدكين بنات يريدن يلعبن تلكيهن
فرديت عليها وحجينة البنية خوش ابنية مو من النوع التريد
تلعب المهم يومين اني اتوسل لخنجر على مود ياخذ
الرقم ويحجي وياها هية كالت كلت ل امي وكالت خل احجي
وياهم يمن همة خطية وحجييي فقنعتة كوة كتلة بس خلي
نفهم السالفة يجوز صدك طبعا هوة ماصدك بس سايرني
انطيتة الرقم ضافة واتس اب وحجيت وياها گامت ادز بصمات
اخر شي خنجر ضاج وصارت عيونة بكصتة لان كامت تماطل
بالحجي دزلها خيتي اذا اسالتي ومتأكدة دزيلنة العنوان
المنطقة حتى نجي ونسال عليهم
حجت حجت اخر شي كالت اسفة والله بس اني ماعرف شي
بس حبيت اسمع اصواتكم هنا اني بجيت يعني علقتني بوهم
وجنت فرحانة حيل ومااسولفلجن عن خنجر ضرب الموبايل
بالحايط وعاط عيطة كلب الجو مو كتلج جذب هسة ارتاحيتي
ومادري شنو يعني ماعرف شحجي حسبي الله ونعم الوكيل
يلة باي وان شاء الله يقبل ارجع لان بعدة محترگ من الموضوع
ااحبجنننن ❤❤
