هدية في حي الرجال

البارت١٣

كلشي بيها بيها حيوانات وخيل وطيور واحواض السمج وانواع الزرع والساكيه الله ياالساكيه تخبل  حيل تعب عليها ابو عذاب وصارت  هيج اغلب خيرنه وعيشتنه من هل مزرعه احنه عدنه غيرها ثنين بعد بس هاي اكبرهن واحسنهن واردها علينه مثل المطر ماشاء الله

-يااااي حلفتج بغب يسوع خل انغوحح لج حاموت واشوفها عفيه عفيه عفيه عفيه

-خايبه ماتنجبين كلي لبو عذاب وهو يوديج ليها

-عفيه والغب من بعيد وبسغعه نرجع وبدون محد يشوفنه

-خايبه شبيج انتي ولي من يمي ولج ليل شيطلعنه نوب حتى ماتشوفين شي ليل وظلمه

-عفيه دغى باالليل احسن محد راح يشوفنه عفيه نلبس عبايات ونغطي وجوهنا ونغوح محد ح يعغفنه(يعرفنه) عفيه عفيه عفيه

-خايبه كالو عنج شقيه وخبله وماتكعدين بس موش هيج ولج ليل اخاف بعلي لو صادنه ابو عذاب وعلي يعلكنه باالبنكه ويصلخ جلودنه انوب باالليل يمه لالا ماروح لو توذنين

كمزت على كنتورها طلعت عبايتين وجريتها كلتلها

بس دليني وغجعي عفيه صاغ هواي ممغامغه (ممغامره) قبل جنه اني والشله مالتي يوميه سالفه مسويين عفيه والله حنيت لهذه السوالف يلللله

وسحلتها وهي تصيح علي والج هديني ماروح وعلي اخاف خايبه اخاف ما اروح

بس ماكو حطيت العبايه على راسها واني هم وطلعت

هي ضلت باالباب وماتتحرك

بس اني ضليت امشي اعرف بيها ح تتبعني لان تخاف علي واني ما اندل شي هنا

اتبعدت هواي سمعتها تصيح علي بهمس وهي تمشي وراي وعاضه على اصبعها

خايبه المهلوكه صخم الله وجهج ودهر فرج وعلي لو صار شي شيفكج مني

واني اضحك عليها

غطينه وجوهنا ونمشي باالظلمه حتى محد يشوفنه

مشينه باالظلمه وطول الطريق ودره ماسكتت تمشي وتدردم وتهدد وخايفه

وشوي وكالت وصلنه ها شفتي يله امشي نولي نرد

-لا شنو السالفه دغه بس خلي نتفغج(نتفرج) شوي وبعدين نغجع(نرجع)

-(سحبتني من ايدي)خايبه تعاي هو كيفج

-(فلتت ايدي من يمها)غوحي انتي اني اجي وغاج

-ياالمفلوكه وين تندلين انتي ثور الله بكاع الله هنا

-اني ثوغ يابقغه(يابقره) تعالي تعالي شوي ولعذغاء (والعذراء)شوي ونغوح

استسلمت دره وتنهدت امشي عساها ابخت شياطينج

اتمشينه لكدام شوي واحنه نتختل

جانت المزرعه امسيجه بسور شائك والباب مسدود