خواطر فتاة مسلمة الجزء الثاني

الـحُـب💜💍

2/افضلي ادعي الدعوات دي👇🏻💜
"يارب متعلقش قلبي غير بيك" ،
"يارب اجعل أول دقة حب فى قلبي تكون لزوجي مش لحد تاني"
"يارب ابعدني عن شر الفتن واحفظني من شيطاني واهديلي نفسي"
"يارب ارزقني بزوج صالح ياخد بإيدي للفردوس ويقربني أكتر منك ويكون أب صالح لأولادي"
"يارب قلبي ميتوجعش أبدا ولا ينكسر"

وزودي بقى دعوات من دي كتير..

وادعي الدعوة دي مرة واحدة كدة من قلبك وخلاص على كدة واستودعيه عند ربنا زي ما قولتلك👇🏻💜
"يارب لو الشخص ده خير ليا اجعله من نصيبي ولو شر ليا ارزقني بالأحسن منه واللي هيكون خير ليا"

ومتفضليش تكرريها فى كل سجدة لانك كدة بتعلقي قلبك به ويمكن لا قدر الله ميبقاش من نصيبك

فانتي بس هتدعي ان ربنا يرزقك بالشخص ده لو خير ليكي واقفلي على كدة يا غالية

احم ولو يعني بتحبيه أوي فانتي ممكن تدعي الدعوة دي😂👇🏻💜
"يارب لو الشخص ده خير ليا اجعله من نصيبي ولو شر ليا اهديهولي واجعله من نصيبي"

وصدقيني يا بنتي والله لو الشخص ده فعلا هيبقى خير ليكي وهتكملوا بعض فبإذن الله فعلا ربنا هيرزقك به

3/الصبر
الصبر ده لوحده أصلا ممكن بإذن الله يغير أي حاجة

وخليكي فاكرة كلامي ده كويس👇🏻💜
"ربنا مش بيساوي اتنين صبروا باتنين مشيوا ورا هواهم ومشاعرهم"

عارفة انتي لما تلاقي عجينة اتعملت على شكل بيتزا وعليها قطع سجق نَي بقى وخلاص اتظبطت وفاضل بس تدخل الفرن بس انتي مش قادرة تصبري لحد اما تستوي فروحتي كلتيها بسرعة ومشيتي ورا جوعك من غير تفكير

فطبعا ايه اللي هيحصل؟!

هتفضلي تصوتي وتقولي بطني وجعتني

طب البنت دي هتتساوي بواحدة فضلت مشتاقة للبيتزا بس صبرت علشان عارفة ومتأكدة انها فى الآخر هتلاقي طعمها أجمل بكتير؟!

أكيد لأ طبعا

طبقي بقى نفس المثال اللي جوَّعنا ده على الحب😂🤦🏻‍♀

_بنت حبت وكتمت عمرها أبدا ما هتتساوى ببنت حبت وكتبت💔_

_بنت حبت وصبرت عمرها أبدا ما هتتساوى ببنت حبت وخرجت💔_

_بنت حبت وصانت عمرها أبدا ما هتتساوى ببنت حبت و...💔💔💔_

نفس النظام برضو على الراجل يا غالية

افضلي كدة فكري فى اللي انتي مرتبطة به

_هو لا اهتم برب ولا بدين ولا بأهل ولا بأي حاجة غير انه عاوز يعمل اللي عاوزه ويوصلك

_مهتمش انه هيفضل يسحب من روحك وعفويتك وجمالك وحيائك وعلمك وأخلاقك لحد اما يخزن كل ده جواه ويشيل أي وحش فيه ويروح للبرنسيسة اللي هيخطبها