______________
معتصم:اها وينك انتي؟
حور:فتحت الباب وطلعت ....تعالا من الجيها الخلفيه مفيهاش كميرا
معتصم:تمام
حور:قعدت واقفه تراجي فيه لين نقز من الصور
معتصم:ينفض في حوايجه....حورتي
حور:بدون ما تحس بي روحها حضناته وقعدت تبكي!!
معتصم:يمسح عليها بهدوء....له له له خيرك شن صاير معاك
حور:ولا شي حاسه بنفسي مضايقه واستاحشت امي سالمه
معتصم:اهدي وهدرزيلي شن صاير معاك
حور:بدت تهدرزله شن تحس بس محبتش تجيب سيرة امير ...لان وقتها اكيد معتصم رح يدير شي مستحيل يسكت وامير مش حد ساهل !!
معتصم:انتبه علي الجرح يلي ع فمها وهيا تحكي....حط صبعه علي فمها بهدوء....خيره فمك؟
حور:بلعت ريقها....اءء رمزي رمزي ناش فمي بي اللعبه متعه
معتصم:اهاا..رمزي بدي شطان
حور:اي....انا بكرا بنمشي عند خوالي
معتصم:ولو ماستقبلوكش؟حور انتي عارفه خوالك ناقمين عليك لانك اخترتي تعيشي مع بوك بعد وفاة امك !وزياده فضلتي تقعدي مع مرت بوك
حور:صح بس عمره الدم مايولي اميه يعني في النهايه بنت اختهم اناا !...خالتي حليمه طيبه وكويسه لاكن عندها هلبا صغار وراجلها واعر منقدرش نقعد معاها !!
خالي الوسطي عزابي ومعنداش مكان محدد يقعد فيه يعني معنديش غير خالي الكبير مقعد معاه
معتصم:ليش انتي مخططه تقعدي معاه ديمه؟
حور:اي معش نتحمل نقعد هنايا!
معتصم:حور في شي منعرفاش انا ؟
حور:لا طبعا
معتصم:به ديري بالك ع روحك ...خلي مروح قبل مايشوفني حد وتصيرلك قصه
حور:به
معتصم:متبي شي؟
حور:هزت براسها .....لا سلامتك
معتصم:باسها علي خدها
حور:ضرباته ع كتفه وضحكت
معتصم:طلع من الحوش وحور تشوفله من بعيد متمنيه ياخذها معاه وترجع لي حياتها الاولى !!
_______________
اريج:مصدومه في مهاب!!
مهاب معمرهاش شفاته يدخن وتوا سبسي في جرت سبسي
مهاب يلي يحب يفتح حجات كلاسيك يسمعها توا فاتح راب والصوت عالي !!
اريج :تشوف لي مهاب كأنه بني ادم متبدل تصرفاته متغيره حتى نضرته وحركاته !
مهاب:خيرك تشبحيلي ؟
اريج:ها!!لا لا شي
مهاب:رحع عيونه لي الطريق وجبد نفخة دخان
اريج:مهاب ..اءء ان انت كويس؟
مهاب:علاش شنو تشوفي فيا ندير مثلا!
اريج:بنطمن عليك بس
مهاب:اطمني ...
اريج:طول الطريق تراجع في نفسها!!...كانت هاذي اول مره اريج تطلع مع مهاب بعد الساعه 11في الليل لان ديمه مهناش وطالع بروحه ...بس السؤال ليش هكي تصرفاته؟
____________________
موسى:طالع من المطعم ومعاه امير....وانت حسب رايك رح يرضو بي الشي هاذا؟
امير:خليها عليا قصة يرضو ولا ميرضوش انت شن رايك؟
موسى:انا معاك فكره عجبتني
امير:تمام ...واشر لي مها تركب السياره
وتقوى وعائشه ركبو مع موسى
في الطريق؛-
مها:راقده علي يد امير...حبيبي هيا امتى بنوصلو نحس في روحي تاااااعبه
امير:سارح في عالم تاني يفكر
مها:تمرر في صوابعها علي رقبته...امير
امير:يذكر لي نضرا حور العنيده وصدمتها لما باسها...ضحك ع جنب
مها:ابتسمت...تسلملي الضحكه انااا ❤️
امير:مكانش معاها ابدا كل تفكيره تنجح الخطه متعه وبس 🔥
الحلقة 11 ❤
ابدأ من البداية
