طزالي جا و دق الباب لي ريل ..
فتح ليهو محمد ..
محمد: اوووووي معلم ❤️
و سلمو على بعض ..ريل جات مارقة عشان تسلم عليو ..
ريل : السلام عليكم
كرم: و عليكم السلام ..والله معليش جيتكم في وقت زي دا ..بس ي ريل تسنيم معاك ؟؟ او جاتك قبيل ؟! او قالت ليك اي شي ؟!
ربل : لالا ..بس الصباح جاتني و كامت زعلانة ..م اتكلمت معاي في الموضوع بس ودعتني و مشت ..
كرم: طيب قالت ليك ماشة وين ؟؟
ريل : ابدا ..لي في حاجة ؟! لا سمح الله
كرم: لالا تسلمو
محمد: على وين ي معلم ؟! م نلعب لينا قيم
كرم: مرة تانية ي محمد
و مرق ..
ريل و محمد قفلو الباب و جوني في الاوضة ..كنت لابسة قميص بالابيض فيهو خطوة كبيرة ....و لبست عبايتي بفوق ليهو عشان محمد ..
ريل : حرام عليك والله م شوفتيووشو قلقان كيف ..
جريت ليها نور و عملت رايحة ..
استنيت زي نص ساعة كدة و مشيت البيت ..
اول م سمع صوت الباب جا جاري ..هو كان في الغرفة ...لقاني بقلع في عبايتي ..و انا اصلي م رفعت عيني فيهو ..اول م عاينت ليهو تخدني فحضنو ❤️❤️
كرم: تسنيم😞😞بتبالغي ..كنتي وين ؟! خوفتيني عليك ..كنتي وين و اصلا ال مرقك شنو من دون م تكلميني ؟؟ و لي طلعتي اصلا من العمارة ..
و يتكلم و يتكلم 😂😂والله سامعة دقات قلبو في اضاني ..
و هو يهرج و يهرج و يشاكل فيني 😂😂👋و انا عارفة اصلا دا رد فعل طبيعي لي تصرفي ..
بعد سكت ..جيت ماشة مسكني من يدي و حضني تاني ❤️❤️❤️
كرم: م تعملي كدة تاني ..
و طلعني من حضنو و بعاين لي ..و انا م عاينت ليهو ..
كرم: عايني لي
م رفعت راسي..رفعو لي بي يدو ..و عيونا اتلاقت❤️❤️❤️
كرم: اسف ❤️✨
قلت ليهو: م مشكلة ..بس ح نتناقش لانو دا م حل..انت تبعد و انا ابعد كدة ح نخسر بعض و نحن م مركزين 😔😔و انا م هاوزة يحصل كدة..ال عملتو انت غلط ..و ال انا عملتو غلط 😔❤️بعنذر انا كمان ..
كرم: ❤️❤️❤️بحبك
قلت لييهو(بضحكة خفيفة): يلا ناكل عشان عارفاك م اكلت شي
بعد ختيت ليهو الاكل و بقينا ناكل و هو يشيل و بعاين لي ..انا اللقمة ي الله و ي امين بتنزل من حلقي 😂😂👋..
قلت ليهو: كرم الله م تعاين لي كدة ياخ😄😄
كرم: كنتي وين عليك الله ؟
قلت ليهو: عند ريل 😂😂😂و بضحك ..
كرم(بي استغراب ): بس ...
قاطعتو و انا ميتة من الضحك 😂😂و قلت ليهو: انا خططت لي دا كلو ..عشان نتعلم و نعرف لو م بقينا مع بعض ..او فينا خسر ااتاني ح يحس بي شنو ..و م نعمل كدة تاني
كرم: دا كلو عشان انا زعلتك ❤️❤️اسف لانو انا ضغطت عليك لاني جافيتك ..بس م قدرت اسيطر على نفسي ..بس مهما يحصل م تخوفيني عليك بالشكل دا تاني ..كنت ح اجن ..
قلت ليهو: خلاص نتخطى الموضوع 😂👋❤️❤️❤️
و واصلنا اكلنا و ونسة و مشاغلات ❤️❤️✨و بعداك يعني حصل ال بيحصل 🔥🙈...
ااصباح كرم صحى من النوم ..م لقاني جمبو جا يقوم لقا يدو مربوطة بي خيط..جرا الخيط انا جريتو لي برا ..
جا مارق لقى ورقة معلقة جمب السرير مكتوب عليها ..
"حديثك اليومي معي . سعادة و جنون ابتليت بيهما ❤️"
جا ماشي لقى واحدة في الباب ..
" العالم ملئ بالخوف ،،كنت انت الامان لي ❤️✨"
تاني فتح الباب لقى زاحدة في الحيطة
"لم اعد اشعر بقلبي انه معك ❤️"
مشى لي قدام لقى واحدة في الكنبة ..
" تعلقت بك و انا لا ادري ❤️"
تاني لقى واحدة في الارض ..
" م عاد يلفتني احد ..كل انتباهي معك❤️✨"
دخل المطبخ لقى واحدة تاني في الحيطة..
" الللف مبروك💕💕"
جا داخل و ماشي ورا الخيط ..لقاني محشورة ورا التلاجة 😂😂😂👋حضنتو طوالي ❤️❤️..
كرم: ظا شنو دا؟! و اله مبروك على شنو ؟! فشنو؟!
همست ليهو في اضانو: ح تبقى بابا 😂❤️❤️❤️انا حامل ..
كرم طبعا اتجمد 😂😂و فاتح خشمو عشرين متر تحتو 😂😂😂🔥👋..
كرم: لا انتي جادة ؟! 😳😳
قلت ليهو: اي والله ..
...........
نرجع يخوانا ..اصبح الصباح و اتوجهنا على البلد الحنين ❤️❤️✨..
رجعنا عشان عرس نوفة و متوكل ..
و حبستها زي م حبستني و كرهتها في عيشتها زي م عملت لي 😂😂🔥بالجد كانت احلا ايام ..و امي تشاكلني اقعدي و م تتحاومي و اي زول يشوفني اعملي كدة و م تعملي كدة و شنو 😂😂👋🔥و انا ال في راسي بعملو ..
المهم جا اليوم الموعود و نوفة دي بالجد كانت قمر ..
و قبال م نطلع 😂😂انا و كرم اتشاكلنا شكلة لي رب السما 🔥🔥عشان م البس كعب عالي ..و انا مصصرة البسو 😂😂👋
في النهاية رشاني بي شوكلاتة ..والله تاني ولا شوفت الكعب بعيوني 😂😂😂..
مشينا الحفلة و برضو م خلاني ارقص ..لكن جبجبت ليهو بي اكتافي 😂😂و هو كل شوية يمشي و يجي راجع ..
حيوان خلاص 😂😂👋❤️❤️..
بعد مرور كم شهر ..جبنا بنوتة كلبوظة سميناها يمنى ❤️❤️
بعد سنة ..
واقفة بغسل في عدة الفطور ..و بغني ..فجاة حسيت كرم حضني من ورا ❤️..
قلت ليهو: مشتاقين ياخ❤️✨وين يمنى؟!
كرم: هو شنو هو ؟! كل مرة يمنى يمنى كرم ماف اصلو😒😒و كرفس لي وشو ..
و مشى قعد في الكرسي
غسلت يديني و مشيت قعدت ليهز في رجولو ..
قلت ليهو: اها ي سي السيد كرم عايز شنو؟!
بالله ولا هظر 😂😂الشي مسكني باسني 💋🔥..
فكيتو و قلت ليهو : يمنى م ناقصين فضايح ..
و جيت اقوم ..رجعني تاني و قعدني ..
كرم: يمنى و نزلتها عند حبوبتها تاني في حاجة ..والليلة م بحلك مني شي ..
تمو الباقي انتو 😂😂😂👋
بالنسبة لي ريل بقينا متواصلين معاها بالتلفون ..لانو استقرينا في السودان . و اساسا هي قريبات جاية لانو عندها بيبي ..
و نوفة كمان جاتنا حامل 😂😂❤️❤️❤️❤️و عرفتها هي و ريل على بعض..كرم بقى ينادينا ااثلاثي المرح 😂❤️❤️..
و في النهاية بقول ليكم ..
وقعت في حب ..
البديل ❤️😍✨
" معندي نصايح كتيرة بس يبنات ركزو بالجد في حياتكم غير قرايتكم مافي شي بوديك قدام ولا عريس ولا غيرو ..غير قرايتك و شهادتك ماف شي بوديك قدام ..
ولو حبيتي زول م تبني عليهو حياتك ..او توقفي حياتك عشانو خالص ح تندمي و ح تسفي التراب و تقزلي ي ريت ..
و ماف شي احرر من الندم ..
و اخيرا لمن تحبي حبي زول عليهو القيمة و معتبر و بحترمك بي اي نقص فيك ..يعني يحب عيوبك قبل محاسنك ..
و اخيرا بشكركم شديد على دعمكم لي ❤️❤️❤️❤️✨🔥نتلاقى في رواية جديدة قريبات ان شاء الله ❤️❤️❤️..
الكاتبة يمنى منجد ..
