الاخوات السته

مشهد

السلام عليكم  حبايبي

رجعناكم بروايه جديده

الاخوات السته
الكاتبه اختكم امونه
مشهد

....

صَفنه صَفنه..
وتهت ويِ روحيِ بجزيرة
ماكو بيها أنِسان..
بس وجه السمآ ومآي وحَصيرة
وتعب روحي..
وغِربه ودموعُ وسوالفٌ
وذكرى ذكرى...
تجمعن چنهن ضَفيرة..
ورجعت لسنين طفلةَ
تركُض بحر الظَهيرة..
تدِور ومالگت ناس ألي تحبهآ
وتآهت بين ألوجوه
الچنهآ ليل..مثل نَجمه..
والتعب مِنجل..
حصد شكو بلروح حيل..🌱

....

جانت مجموعه صور مبعثرة لاخواتي سحبت صوره اختي
گلبت الصوره ولكيت الرقم مكتوب بيها

غمضت عيني واني اسمع صوت اختي وهي تكول :-

_ يلا خابري فدوه خل نرتاح هوه منقذنه الوحيده

ضربت رجلي بالكاع بقوه
متردده وخايفه اخاف الحظ يعكس ويانه وبدل ماينقذنه يدفنه
ايدي وجسمي كله يرعش مثل السعفه !

كمت وسجلت الرقم ردت اضغط ع زر الاتصال
بس چنت خايفه کُلش بين الاريد اتصل وبين لا ؟

ضغطت ع راسي بقوه وغمضت عيوني  من الألم والتفكير !
مو هين القهر الشفته ؟

فتحت عيوني واني اسمع صوت جنه
_ شنو راح تسوين ؟

_ ما ادري خايفه ما اكدر اعرض حياه اخواتي ومن ثم حياتي للخطر !

جاوبته واني أشر ع نفسي بحيره وقهر

_ ملك كومي خابري عسئ ولعل الحظ يكعد ويانا وينقذنا هو أملنا الوحيد البقه
فكري باخواتج يجوز هو راح ينقذنا ملك يلا !

اتباوعت بعيونها واني اشوف عيونها مقرقره بالدموع والخوف ماليهن !

_ ما اكدر اشوف دم  اختي كدامي ما اكدر اتصل افهميني !

_ بس شنو ذنبي اني ما اريد هاي الحياه  شلون اعيش وي قاتل اختي وانتي كليلي شلون راح تعيشين وي واحد يكد ابوج واخواتج منو الهن   فكري بينا ملك لج ملينا فدوه بلكت يكدر يساعدنه ؟

كالت كلامها وهي تهز بيه ودموعها تنزل بغزاره ع وجها

ما اتحملت اشوف دموعها المتوسله واني اشوفهن كل وحده منهن منتظره مني احميها من وحوش وذئاب هاي الدنيا !

كمت واتجهت للجهاز بعد اصرار اخواتي

شلت الجهاز وضغطت ع الاتصال واني اشوف اخواتي يتباوعلي
وكلهن متأملات ان يساعدنا

قربت جهاز ع اذني ودكات قلبي تقرا الف
ثوان معدوه واجاني صوت شاب وهو يجاوب بخشونه وثكل

_ الو

سكتت ما جاوبته ترددت احچي
رجع كرر كلامه بعصبيه

_ اذا ما تحجون ليش تتصلون منوو وياي ؟

چان بس صوت انفاسي مسموع
فورا سحبت جهاز وغلقته
التفت وشفت وجوه اخواتي سادها الحزن وفقدن الامل بلحضه
بعدما چانن متأملات !

رفعت ايدي لفوگ وغمضت عيني واني ادعي ربي

_ يارب دخيلك ساعدني يارب !

يتبع ..

اهلا احبتي
مقتطف صغير من قصه الاخوات السته

تابعوا حسابي وضيفوا القصه للمكتبة

القصه راح انشرها وابدي بارت الاول بعطله نصف السنه نشاء الله

لا تنسون التصويت والتعليقات التحفزني .

وشكرآ اختي الغالي Shahnaz_55 ع مساعدتي تصميم الغلاف الروايه .

الى اللقاء التقيكم بارت جاي نشاء الله ...