__________________
حور:خشت دارها فتحت دولابها ادور علي لبسه ....الحقير التافه قاعد يهدد خلي نمشي ع الاقل نهيج شويه ورحمة امي يا امير الاما نشردك ونستفزك بطريقه تخليك اءء ...اااااااااه ياربي بنموووت منه التافه الزباله هاذاااا
رمزي:فتح الباب وخش...حور
حور:بساته...وين كنت ياقلبي
رمزي:مع انوسي مشينا انا وياه شرينا شكلاته وعصير
حور:به كويس تعالا نبدلك حوايجك هي
رمزي:راهو العروسه متع امير تقول في حجات عليك
حور:شن قالت🤨؟
رمزي:قالت انتي شلافاطي
حور:شنو شلافاطي هاذي
رمزي:نعرفش هيا هكي قالت
حور:قال شلافطيه؟
رمزي:اي هاذي هاذي
حور:وشن تاني 😡
رمزي:وانتي تاكلي زي الخنزير هيا قالت
حور:تلبسله في حوايجه....امممم به
رمزي:قلها امير مدخلكش فيها انتي العي في روحك
حور:😂😂كويس دار ثمره في حياته
رمزي:شنو هيا ثمره؟
حور:حاجه حلوه
رمزي:امير هطاك ثمره وبوسه ولا؟
حور:صبررك يا ربي بس🤦🏻♀️🤦🏻♀️
_______________
اريج:خشت لي حوشها بتعب
مهاب:وتي روحك في الليل امير مداير عزومه برا
اريج:هلبا عليا اليوم عدي وعشي برا 😂
مهاب:قامها في حضنه....مفي شي هلبا عليك يامهبلتيني انتي
اريج:تعلقت في رقبته....مهاب
مهاب:عيونه
اريج:تحبني؟
مهاب:في حد يلقى وحده زيك ميحبهاش؟!
اريج:حضناته ❤️...كأنها خايفه يجي الليل ويتعاود نفس السيناريو !
عثمان:ههههههه لاكن جديات ضحكت من اعماقي لما قريت الخبر يامنصور هلباااا صراحه
منصور:ساكت وبيتفجر
عثمان:طالب انت قريته وغلبك؟😂ومدايرلي روحك عصابات وحكايتك حكايه !....ويلي خطفته جابوه اقسم بالله قعدت مضحكه ياصاحبي 😂😂
منصور:سكرلي السيره يا عثماااااان 😡
عثمان:سكت وهوا بيضحك مش قادر!!
منصور:مزال اللعب في بدايته
عثمان:حتى لو كسبت الف قضيه معاه مستحيل يمتسحلك عار اليوم
منصور:قصتي معش قضايا تو تشوف كيف ندمره ووعد مني
عثمان:اييييي شنو ورانا حني !
_________________
مها:طلعت قفطان طويل مزخرف لونه زيتوني مع وشاح بيج وجاكيت طويل شوي بيج دارت مكياج هاددي مع عدسات ع اللون الرمادي ورموش وروج باهت
لبست القفطان وحطت الجاكيت علي كتافها بدون ماتلبسه مع اكسسوار قوي زي العاده !!وكندره كعب بنفس اللون !
امير:لابس سروال اسود جينز مع تيشرت ابيض وجاكيت جلد اسود لماع🔥...كندره بنفس اللون
وشعره كيف مرتب 🤤...آويلي
مها:انا جاهزه
امير:شبحلها وقعد يفصل فيها
مها:انتبهت عليه....في شي تبيني نغيره؟
امير:لا عادي امورك طيبه
مها:ابتسمت....ننزلو؟
امير:اي خلاص وقت!...خذي دخانه وبخ العطر ❤️
مها:دخلت يدها في يده
امير:شبح لي يدها ورجع شبحلها
مها:هيا☺️
امير:فتح الباب ونزلو مع بعض
__________________
تقوى:طلعت من المطبخ تمسح في يدها من الميه..كانت لابسه عبايه راااقيه مع وشاح وشنطه علي الحني وكندره راقيه❤️ولمسات بسيطه في وجها طالعه كيوت❤️...ماما مع منو بنركبو
امير:معاي ليش منو بيرفعكم يعني !
عائشه:لا ولدي انا وتقوى وحور تو نركبو مع بوك خليك انت ومرتك بروحكم
مها:ابتسمت لي عائشه☺️
تقوى:علي سيرة حور وينها؟
حور:نزلت تنقز من الدروج....جيييت
امير:يتفحص في لبسها !!...كانت لابسه سروال جينز يجنن كيف طالع عليها مع فانيليا صوف لونها موڤ في الابيض وسبيدرو كبير شوي لونه ابيض مع خلخال بسيطه جدا ووشاح شيفون موڤ هااادي
عائشه:هيا اطلعو يا بنات
مها:استني عمتي..قصدي هاذا عشاء ره وفي ناس عازمهم امير برانيه كيف هيا لابسه هكي تقول بتمشي تتمرن لبستها مش مناسبه ابداااا
حور:حطت يدها في نصها...عاجبننننني مش عاجبك انتي وراجلك عادي جدا نرجع غرفتي ونضربها نومه لصبح ساد انتي ياست الحسن لين مش قادره تتحركي من منجم الذهب يلي لابستيه
امير:ارجعي غرفتك البسي حاجه مناسبه وتعالي
حور:انا هاذا لبسي مش رح نغير!
امير:شبحلها بنضرات جديه....حور ارجعي بدلي
حور:لو رجعت غرفتي مش رح نطلع معاكم
امير:هيا كلمممممه ما.....
موسى:خلي البنت في حالها هيا مرتاحه في الشي يلي لابساته محدش يفرض عليها شي
حور:😏😏
امير:شبحلها بحقد
حور:☺️☺️
موسى:هيا وقت عطلنا
تقوى:مسكت في يد حور ...هيا نطلعو
حور:قامت راسها بي استفزاز وطلعت معاها
امير:سيب يد مها وطلع وهوا بيتفجر من حركاتها وكيف متعمده تحرقله دمه!!
الحلقة 10 ❤
ابدأ من البداية
