عشقك عذابي ❤️🔥

البارت 25

بطلت ماعاد أحبك
لكن بگلبي نزيزة عَتب

﮼عشقك،عذابي 🖤
للكاتبة :- كوجـي👑
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
علي :

دخلت الها و ظليت احجي وياها لحد الفجر ما حسيت غير الصبح كعدتني الممرضة كالت يالله اطلع راح يجي الدكتور

طلعت لكيت احمد نايم رحت للحمامات غسلت و اشتريت كهوة و ريوك و رحت كعدت احمد و راح غسل و كعدنا اتريكنا
ورة تقريباً ساعة اجة عمي وعمتي و ظلو لليل هم راحو
وامي وابوي هم وكذلك

💌👑💌👑💌👑💌👑💌👑💌👑💌
بعد مرور شهر
👑💌👑💌👑💌👑💌👑💌👑💌👑
علي :
مر شهر ع حالة نور و بعدها كل شي ماكو
نقلتها لغرفة خاصة احسن الها

الكسور صارت زينة و فتحو الجبس

و حملها صار 3 ونص تقريباً و بطنها بدأت تبين شوي

اني اخذت اجازة بدون راتب وابد ما تركت المستشفى بس كل يوم اروح ساعة اسبح واغسل واجيب هدوم لنور

الدكتورة سمحت الي ادخل الها
و بمساعدة الممرضة ابدل الها وامسح جسمها بقطع مرطبة
وامشط الها شعرها و اخلي الممرضة تحط الها مكياج

عمي و مرته كل يوم يجون من الصبح لليل بالكوة يرحون
واحمد هم راد يسوي اجازة بدون راتب بس ما قبلت لان هو خطية عنده عائلة ولازم يصرف عليهم

فظل من يرجع من الدوام يجي يبقة لليل ويروح

وسامر ما تركني ابداً يروح للجامعة ويرجع و اغلب الايام يبقة ينام بالمستشفى وياي

طبعاً اعلنو النتائج بس قررت ما اشوف نتيجة نور لحد ما هي تكعد ونشوفها سوة و قراري الكل يعرف بيه واختي صفاء جابت 80 و دخلت تحليلات لان هي علمي

اليوم كالعادة كعدت الصبح واني يمها كمت بستها براسها و طلعت لكيت عمي و زوجته و اهلي صبحت عليهم ورحت ركبت سيارتي

رحت للبيت و كالعادة صفاء الكاها محضرة الي غراض لنور واكل الي و ملابسي
و دموعها ما بطلت ابداً
دخلت سبحت وبدلت وكلت

علي : ‎فَفدوهِهٰہ صفاء اريد جاي بسرعة راسي يوجعني

صفاء : تدلل لحضة وحدة

والله راحت اقل الخمس دقايق و جابتلي صينية بيها جاي و اكل وحبوب بندول

علي : ما الحك اكل صفاء بس جاي