عند رتاج
وصلات لدارها وطلعات لبيت دارت تيل ديالها يتشارجا شعلاتو فرحانة امتى دغيا تشوف اش كاتب ليها عدنان وترد عليه بلي لقات ليه الحل خصو دابا غير يسربي يتصالح مع خوه ... مقالت تاتشعل تيل ...داك دقيقة دازت عليها بعام ..ومشات بزربة لميساجو ومامكترثاش لكاع لميساجات لتما كيبانلها غير هو .... غير فتحاتو كتقراه وهي تجمع داك الضحكة كااااااملة من فمها
عدنان : ماديريش شي غلط تندمي عليه ... مامحتاج منك والو ارتاج ... ماتقسحيش راسك ورجججعي ... وماديري والو ورا ضهري اطونسيون
بقات كترمش بعينيها مافهماش.. ومشات حلات واحد اخور تسيفط ليها نص ساعة ورا هاد المسج
عدنان : حالتي مضعيفاش لهاد درجة ارتاج لي تقلبي ليا نتي لحل .. ماتندمينيش حيت عاودت ليك .. وماتقحميش راسك فحياتي لخاصة ..عطيتك وعد انني غاندير لعملية مكيعنيش تكلفي بيها نتي ... ماباغيش نغامر بحياتي فيد دكتورة مبتدئة بحالك ...هادشي علاش فين مااااكنتي بغيتك ترجعي .... راه مغاتقبلش وحدة يلاه بدات لبارح ديرليا لعملية .....
بقات كتقرااا وتعاود واش كيضحك معاها ؟ كيفاش دكتورة مبتدئة ! لا لا اكيد هدا كيضحك ...على شكون نقدو لمرة لولا ؟؟؟؟؟ شكون كيغامر على قبلو ؟ رجعات كتقرا فهاد الميساج وتعاود تأكد .. واش لهاد درجة هاد خيناااا مامفهومش ؟ واش مرة يكون بوجه مرة يرجع بوجه ... بالاعصاب لاحت داك تيليفون وكلسات كتفرك فصبعاااانها ودموع حابسين فعينيها هي لي تلتيام ماشافت نعاس كتجري وطلع تنزل وشحال دصعوبات باش تلاقات بداك لبروفيسور وشحال رغباااااات .. شحال بقات شموش كتسنا .. بهادشي باش كيييجازيها ؟ مراضيش بيها ؟
عند عدنان
كات فطموبيل وتيل فيدو غير شاف بلي طلعات ل vu وقرات ميساجو طلع راسو لفووق كيتمنى عالله بهاد الهضرة تقسح قلبها ومادير والو ... لانو منهار قالها ليها وواعدتاو وسافرات .. عارفها راه غاتأصر دير ليه العنملية ... ويلا مات فيها غاتنهار وضييييع.. كيفضل يقولوها ليهاا دكاترة اخرين على ديرهالو هي ويموت فيديها ... حيت عمرها غاتسامح راسها واتتبقا تلوم فراسها هي طول حياتها وتحمل راسها دنب ماباغيهاش تعدب من موراه ..و كيف قاتلو تقدر تحط طابلية ديال الطب لابد ... عالله هاد الكلام لي تعصر باش بكتبو .....يأثر فيها ويخدعها وتراجع .... وتقول هذااا مايساتهلش .....
ناضت رتاج لدوش كتغسل وجهها بجججهد وتججججنن هرسات كاع اش تما ... وكلسات على لاشاس كتبكي
رتتاج : بغييييييت منك غير كلمة زوييينة مابغيت وللو ...وااااش مريييييض هذااا والا مالو .... واش مرة يعطني امل مرة يحيدو ليا ..... اش هاد ززببببيل هادا طحت فيه تالرااااااسي .. مالي على هاد المرض انا كااااااع ... البنات بحاااالي عاييشين حياتهم ونا كنمرض على واحد اصلا مرييييض فعقلوووو قبل قلبووو ... هذل بااش تجاااازيني .. مابغيت منك والو بغيت غي كلمة زوينة ولا سكت فخطرة مادويش حسن من هضرتك هادي لي كتجرح بحال السيييييف ... مرة نحس ان مكاينش ليكيبغيني قدك .. ومرة تحسسني انك مكتبغينيش وعمرك غاتبغيني .. عطني غير طريق وحدة نمش عليها .. غير طريق وحدة .... ( هبطات راسها بين يديها كتبكي منهارة )
الجزء 84
Start from the beginning
