خواطر فتاة مسلمة الجزء الثاني

رسائل ... الى كل بنت تكلم شاب

أنتِ مالك متقلة كلامك كده ليه ..
أنا علاقتي بيه بريئة ومفيش حاجة تغضب ربنا ..
زنا ايه وبتاع ايه أنتِ بتخرفي؟

لا يا أختي مش بخرف؟
الأخت اللي وقعت في الزنا دي .. هي مراحتش زنت كده على طول ..
ده الشيطان مشي بيها خطوة خطوة إلى أن وصلت للزنا ..
عارفة كانت أول خطوة إيه؟
*اطلاقها للبصر*  👌🏻✋🏻

اه ..
اطلاقها للبصر وصلها للزنا ..
وهو كمان اطلاقه للبصر وصله للزنا ..
لما هو اكلق بصره وعي كمان وبدأوا يتأملوا في بعض !
ما هو ده اسمه زنا النظر 💔
*لأن الرسول صلى الله عليه وسلم قال كتب على ابن آدم نصيبه من الزنااا مدرك ذلك لا محالة فالعين تزني وزناها النظر 💔*
الرسول عليه الصلاة والسلام لما قال الحديث وصف الخطوات في الفاحشة وصف دقيق جدًا جدًا جدًا صلى الله عليه وسلم
قبل ما اقولك على الحديث اقولك قزل الله عز وجل " *قُل لِّلْمُؤْمِنِينَ يَغُضُّواْ مِنْ أَبْصَٰرِهِمْ وَيَحْفَظُواْ فُرُوجَهُمْ* "
و قال سبحانه وتعالى " *وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ* "
ركزي في الآيات ..
الله عز وجل قال بعد الأمر بغض البصر حفظ الفرج ✋🏻
كأن ربنا بيقولك لو عاوز تحافظ على نفسك من الزقوع في الزنا غض بصرك .. والله عز وجل قال "ولا تقربوا الزنا" 
يعني الزنا له خطوات ..
يعني اللي بيقع في الفاحشة دي مش بيقع فيها مرة واحدة كده وخلاص لا ..
الله عز وجل قال "لا تقربوا"  لأن له أسباب وخطوات .. مستحيل الشيطان يقولك ازني ..
بس هيبدأها معاك بـ "بصي عليه" 
هيبدأها معاكِ بالاختلاط
هيبدأها معاكِ بـ "ابتسامة"  ودي بتكون بعد النظرة وبعد استطالة النظر وكثرته بل واعتياده ..
نيجي بقى للحديث الرسول عليه الصلاة والسلام قال بعد خطوة النظر قال عليه الصلاة والسلام الكلام  !!
" *واللسان يزني وزنااه الكلاام* "💔
بعد النظرات والإبتسامات والاطالة والاعتياد تجرأ وكلمها وكلمته وكلام في كلام..
" *والأذنان زناهما الإستماع*"
مكالمات وسهر وكلام فاحش بذيء وكلام يخدش الحياء  !
هما دول الجواسيس ..
*واليد زناها البطش* سلام ولمسات وبتوصل لقبلات💔
*والرجل زناها الخُطى* ✋🏻
كل خطوة بتخطيها علشان الشاب ده بـ زانية💔✋🏻
*والقلب يهوى ويتمنّى ويصدق ذلك الفرج ويكذبه* 💔
بتبدأ بنظرة ثم كلمة وسماع ثم لمسة وخطوات .. 💔
وقال الله عز وجل *يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ۚ*
الخطااب للمؤمنين💔
الله عز وجل قال خطوات لأنه سبحانه وتعالى العليم يعلم ما هي خطط إبليس واخبرنا وقالنا أنه اللي هيتبع الخطوات اللي بيحطها له فإنه يأمر بالفحشاء والمنكر ✋🏻
عرفتي أن النظرة والكلمة مش هينة ومش سهلة ولا بسيطة ولا هي علاقة بريئة زي ما أنتِ مفكرة  !؟
الشيخ المنجد في شرح له في عقاب الزناة في البرزخ أن الله عز وجل يجمعهم في فرن أعلاه ضيق وأسفله واسع ويأتيهم اللهب من الأسفل فيىتفعوا لأعلى و قال الرسول صلى الله عليه وسلم *أعلاه ضيق* 💔
متتهاونيش ..
متتهاونيش ..
وتوبي والله عز وجل تواب رحيم حليم لا يعاجل بالعقوبة ..
متسوفيش ..

طيب هو أنا لو تُبت هيقبلني ..  !؟

اه .. مش بس هيقبلك ده هيحبك ..
لأنه سبحانه وتعالى يحب التوابين ..
يحب المتطهرين ..
طهري نفسك من الذنوب دي كلها وتوبي وارجعي لربك واتركِ المعاصي والذنوب ..
لأن دي دنيا فانية ..
وأنا وأنتِ بكرة هنكون في التراب ..
مش هينفعنا غير عملنا ..
عملك اللي بتعمليه يُرضي الله عنك ؟!
طيب عملك هينفعك هيكون في أنهي ميزان !؟
حسنات ولا سيئات !؟ 
التوبة دي عبادة لا تفارق العبد طوال حياته .. التوبة دي اللي بتغسلك من ذنوبك وبتطهرك ..
توبي لله ..
واهجري المعاصي دي لله ..
واستعيني بالله ..
ولا تيأسي من الله ..
*فهو الغفور الرحيم*
هيغفرلك وهيرحمك وهيحبك 🌸

#رسائل