The Rain in España (University Series #1)

28

"Eat," sambit niya.

Gutom na 'ko kaya hindi na rin ako tumanggi. Nagtaka 'ko dahil tatlong take-out ang nasa loob ng paper bag na 'yon! "Ang dami naman! Ano 'to? Hanggang bukas?!" Reklamo ko sa kaniya. 

"You didn't eat lunch," he reasoned out. 

Umirap ako at binuksan 'yon isa-isa para makapili kung ano ang gusto ko. 'Yung isa, puro kanin lang at 'yung isa, wings. 'Yung isa naman pasta. Mukhang pinapataba ako nitong si Kalix. Hindi ko naman mauubos lahat 'to!

"Si Sevi? Nabigyan mo ba ng pagkain?" Tanong ko.

Tumingin siya sa labas bago binalik ang tingin sa 'kin. Nakita ko pa ang dumaang inis sa mata niya bago tumikhim. 

"No, he's... busy." He shrugged and looked outside again. 

"Chismoso," pag-aakusa ko kaagad. Curious siguro 'to kung sino ang babaeng kasama ni Sevi dahil kanina pa tumitingin sa labas. 

"I didn't even go near." 

Tinapos ko na lang ang pag-kain ko. Nang hindi ko na kinayang ubusin, binigay ko sa kanya at sinabing siya ang umubos noon dahil siya naman ang pala-desisyong binilhan ako ng pagkarami-rami! Sumimangot pa siya pero kinain niya lang din. 

Lumabas na ulit ako para i-check kung nagtatrabaho na sila ulit. "O, nasaan na si Engineer?" Tanong ko sa isang worker nang mapansing wala na sa paligid si Sev. 

"Ah, umalis po, Architect," sagot niya. 

Tumango ako at naisipan kaagad na asarin si Sevi bukas kung magkikita kami. Kaya pala mukhang inspired na palagi, ha... May girlfriend na pala si kumag. 

Nagtagal pa ako roon habang si Kalix ay nakatambay sa labas at may ginagawa sa laptop niya. Nang mapagdesisyunan ko nang umuwi, lumapit ako sa kanya at sinilip 'yung ginagawa niya sa screen. 

"Ano 'yan?" Tanong ko.

Nanlaki ang mata ko nang lumingon siya bigla sa 'kin at naramdaman ko ang sobrang pagkalapit ng mukha niya sa gilid ko. Agad akong umayos ng tayo at umatras palayo. 

"It's a criminal case," sinara ni Kalix ang laptop niya at tumayo na. 

"You're taking a criminal case?" Gulat na tanong ko.

Umiling naman siya kaaagad. "No, I'm helping Adonis with his."

"What is it about?" Curious na tanong ko habang naglalakad kami papunta sa sasakyan. 

"Homicide. Still interested?" Tumaas ang kilay niya at binuksan ang pintuan ng SUV niya.

"You guys are defending a murderer?" Hindi makapaniwalang sumbat ko. "Isn't that wrong?"