#حب_عنيف 1 (مقدمه)
حور:كانت مقعمزه ع الارض وراسها علي السرير ..دموعها موقفوش وعيونها تاعبااااات سمعت اصوات داخل الحوش مستغربتش !!لانها خلاص تعودت
قامت راسها ببطئ وكانت تتفحص في الدار يلي مقعمزه فيها ...الدنيا ضلااااام والمكان يخوف !!
ناضت شوي شوي لين وصلت الصاله ...فتحت باب الدار بهدوء شافت خوها راقد وعلامات البرائه عليى وجها 💔نزلت منها دمعه لاكن مسحتها بسرعه لما سمعت الباب يطق !!
انا اسمي حور ❤️عمري في بداية العشرينات ماما توفت لما كان عمري8سنين ومعنديش خوت او خوات بعدها بي فتره بابا تزوج من انسانه اسمها سالمه كانت طيبة الدنيا كلهاااا في قلبها ❤️
رغم اهلها رفضو انها تتزوج بابا وقاطعوها لاكن مع هاذا كملت مع بابا لانها تحبه وتحبني حتى انااا
عاملتني زي بنتها بزبط وجابت ولد اسمه رمزي ❤️
فرحت اخيرااا عندي اخ ...بعد ولادة خوي بي اسبوع بس بابا تعرف علي وحده فلوس هلباا وكبيره في العمر عرضت عليه يتزوجها ويسافر معاها وهوا وافق وبين يوم وليله سيبنا💔
قعدت امي سالمه هيا يلي تصرف علينا وتربي فيا انا وخوي كانت تشتغل في موالح وتكسب في مبلغ بسيط جدا!!!...كانت حالتنا الماديه تاعبه بس مع هاذا ديمه نضحك وتعودت ع الفقر عادي!!!بلعكس احلا ايام عشتهم مع امي وصاحبتي يلي تسكن جنبي بينا سور بس !!
فجآه امي سالمه تعبت 💔وطلع عندها كانسر بكيت هلبااا كنت ضايعه نعرفتش وين نمشي ..بابا كان وحيد يعني معنديش عمام...خوالي من ماما الله يرحمها تخلو عليا لما اخترت نقعد مع بوي ومرته
امي سالمه اهلها قاطعوها لما اختارت تتزوج بوي ..كنت وحيده معنديش حد!!!
شهور معدوده وامي توفت 💔قريب هبلت بككككيت خبطت ذبلت 💔💔...حوشنا زحمه بي ناس اول مره نشوفهم !!
وقتي كله حاضنا خوي وبس منعلم بشي ...من ثالث يوم العزي وعيت علي روحي وحاولت نهتم بي خوي ونصدمت ان في هلبااا حجات في الحوش مخنوبه !!لهدرجه قلوب الناس بدت هكي ؟!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
حور:مسحت دموعها وفتحت الباب...تفضلي؟
عائشه:اهلين بنتي كيف الحال
حور:تتفحص فيها كأنها شافتها في العزي كانت المرا حلوه وكبيره في العمر من لبسها واضح عليها انها من طبقه راقيه شوي ...تمام منو؟
عائشه:انا مدام عائشه نكون مرت اخ المرحومه
حور:تكوني مرت خو امي سالمه الله يرحمها يلي معدلتوش عليها ؟!
عائشه:بلعت ريقها...بنتي جايه بنفهمك شي
حور:شن جايين تبو ترا؟!مرضت وماتت مفيش حد عدل عليهاااا
عائشه:حاولنا نسفروها هيا رفضت
حور:ضحكت بهزوا...هه والله! خلاص هيا مشت مستحيل ترجعلي ...شن يلي تبوه توا؟!
عائشه:امك عندها ورث بمبلغ كبير وكتبت في وصيتها ان يكون بي اسمك!!
حور :ورث!!!؟
عائشه:بوها قبل ما يموت قسم الورث هوا ورغم انه كان غاضب عليها بس عطلها حقها وهيا رفضت تاخذه!وعرفت الشي هاذا في بداية مرضها
كتبت وصيه ان كل شي تبيه بي اسمك لان خوك مزال صغير
حور:تشوفلها مصدومه بعيون تاعبه..يعني؟
عائشه:يعني منقدروش نخلوك بروحك انتي وخوك مع ورث ومبلغ كبير اول ماتسمع الناس مش رح يخلوك في حالك...جيت اليوم عشان ناخذك انتي وخوك عندنا لين ترتبي امورك وخوك يكبر شوي ع الاقل يفوت السن القانوني
حور:خلوهم عندكم الفلوس منبي منكم شي...وسكرت الباب
__________________
عائشه:رجعت لي السياره وسكرت الباب
امير:لوح الدخان وبصوت هادي...وينها؟
عائشه:رفضت !..مكنتش متخيله ترفض في حد يرفس النعمه برجليه؟شن بنقول لي بوك افففف
امير:نزل من السياره بطم جاكيته واتجه لعند الباب
حور:رجعت فتحت الباب وهيا تقول...خلاااااص عاد قلت م....😨
امير:قام عاجبه وهوا ساكت
حور:كانت متوقعه نفس المرا بس تفاجأت بوجود شاب طويل وعريض !عيونه ونقرة حواجبه متبشرش بخير ابداا!!
امير:بصوت خلى حور تفيق ع روحها...نعطيك15الدقيقه يسدوك عشان تطلعي
حور:تمالكت روحها..هه كل موضوعكم الورث؟خوذوه منبي شي خلوني نقدر نعيش روحي انا وخوي وهي برا الحق امك ..وجت بتسكر الباب لاكن حست ان يدها رح تنفصل بين زوز 💔
امير:ماسك يدها ويتكلم بهدوء وغل...تعلمي كيف تحكي مع الاكبر منك !!وخشي جيبي بضاعتك واطلعي
حور:بنبرة تحدي وقفت قدامه...ولو قلت لا!
امير:شاف ورا حور وابتسم بخبث...ناخذ الحلو هاذا و معش تشوفيه
حور:شافت وراها بسرعه..رر رمزي 😨نضت حبيبي
رمزي:يحك في عيونه ...من هاذا حور
حور:ااه يكفي بعد يدك
امير:بعد يده ورجعها لجيبه وعاود تكلم بثقه...15الدقيق تكوني برا انتي وخوك
حور:مش طالعه وقرب عليا والله لما نلم عليك الناس
امير:قرب عليها وحور نزلت عيونها يلي كانو مرهقات من التعب!!
امير:وراس يلي تعبدي فيه جربي متطلعيش واطيحي كلمتي خوك كان مزال ريتيه خودي يلي تبيه وانتي رح تنجابي غصب عنك ...وبعد من عليها وطلع وكان في داخله واااثق كل الثقه انها رح تلحقه
_________________
حور:سكرت الباب بسرعه ورجعت حضنت خوها
رمزي:وين نمشو حور
حور:مرتبكه..اءء اه اي اي بنمشو
رمزي:نمشو ماما ؟نبيها انا وينها
حور:شدت دموعها وحضناته بقوه...ان شاء الله حبيبي حاضر
عائشه:شن صار معاك
امير:سكر الباب واذكر كيف وقفت في وجها وكيف تحاول انها تكون قويه بس في الحقيقه هيا اضعف شخص في العالم بي حالتها هاذي ...ضحك بهزوه..اهي طالعه
عائشه:تنهدت براحه ....اااه اخيرا
___________________
شخصية حور ...كانت عنيده هلبااا وتحب المشاكل ومستحيل تسكت لحد ..عمرها كله قضاته هيا وصاحبتها في الشارع الفقير والبسيط يلي عايشيين فيه ورح نتعرفو علي صاحبتها مع الحلقات !!
كانت حور لسانها طويل هلبااا و بمجرد ما تصير مشكله تهرب من الحوش كله وتمشي لي مكان تعودت تقعمز فيه وكان عندها صديق مقرب رح نعرفو قصته حتى هواا....مواصفات حور حنطية البشره عيونها عسليات مسحوبات شوي بس محلاهم ❤️وفمها كرزي 🥺
شخصية امير...وراه قصه طووووووويله مش رح نعرفوها تواا ..بس امير يعاني من جنون العضمه ممكن لانه اشهر محامي في البلاد وولا مره خسر قضيه في حياته الشي هاذا خلاه يزيد غرور ومقتنع ان مفيش حد يقدر يكسره او يرفضله طلب وغيرها من هلبا حجات رح نعرفوها ...مواصفاته حنطي ونقشه كله علي العسلي ❤️واحلا شي فيه عيونه ورموشه !!!
هاذي مقدمه بسيطه عشان تعرفو الشخصيات الاساسيه ومتلخبطوش ومزال فيه شخصيات جديده كوميديه وهلبا حجات حلوه ...نوقف ولا نكمل؟!
وروني التفاعل
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
