ليالي ذياب (حقيقه مكتمله)

البارت الثالث

يعيني شبيچ ماتغفين محد يفگد احبابه
الناس من العصر وتنام
والتردينه سد بابه ..!

ذياب : من شفتها باسته تسودنت وفكدت عكلي كمت وصحت ليااااااال
ليال : بسم الله بيك تصيح
الشيخ مرتضى : كال خير ذياب  شنو اصيح
ذياب : لا بس اضن شفت حيه وهي العرمه ولا كامت بس بذيج الساعه ماعرف مين طلعت الحيه وصدك احس روحي نسيت الدنيا واني اشوفه يمه كتله ولج بس كومي وهي عباله جذب كالت ماخاف كول ابوبريص خنسفانه اكوم بس حيه انسه ركضت جريته حضنته وخرته وابوهه كتل الحيه وهي ولا كنما بس من وخرته من حضني كرصت اذنه حيل وشاورته كتله بليل احسابج اطلعين للحديقه لا والله اكلب البيت عزه طلعت بس شفت بعيونه المعه تلمع رجعت الساعه ١٢ ونص لكيته واكفه ب الحديقه متانيتني كتله ها يرويحت ذياب اشوفنج واكفه
ليال : متانيه واحد مخلصه يتحكم ويصيح عليه
ذياب : كتله ابشري اجاج برجله تعاي اجت وهي رافعه خشمه كتله ضايجه
ليال : لا
ذياب : اني متكدر(ضايج)
ليال : من سوالفك
ذياب : كتلها هاا
ليال : اي
ذياب : بسته من شفته وهاي اول مره ابوسه بيه بس كضيت التوبه بيه ماعفته اله حسيت ختنكت وتريد تتنفس شفت شفته حته طاكه دم وهي تريد تبجي
ليال : ليش هيج سويت ومنو سمحلك تبوسني
ذياب : انتي ملكو ل ذياااب وذني ميبووسن ولا يطخن بشر بس انه ومسحت شفته وعفته ورحت بس بيومه نمت وانه احلم بيه وطعم شفتها مراح من شفتي اااخ بويه مو شفه فلك اسود يمممه شسوت بيه بت بغداد

ليال : سديت التلفون بوجه ذياب  واني ابجي ومقهوره بيومه بابا كال تره باجر نطلع من الصبح تفاجئة لان بابا كال العمامه بعد يومين سالته كال لا غير الموعد علمود نرجع من وكت حضرت اغراضي واني ميته قهر لان مودعت حبيبي ولان ضوجني بحجيه وضليت كاعده اصلا مانمت وكعد بابا هو ماما واجه السايق اخذنه وصلنه لبغداد ورحنه للمطار سافرت بس عفت روحي وكلبي يم ذياب وقررت انساهه مدام ميثق بيه وصلنه الاردن شفت الناس شلون عايشين وكلت خلص من اليوم انساهه بس صار العكس بكلشي اذكره اسمع ابو يخابر بابا واتمنه اسمع صوته لو صوت نفسه بس امنع روحي علمود انسه بس العكس دائماً يصير يومين احنه هنا واني ميته شوق اله ورابع يوم خابر ماما اؤيلي من سمعت صوته احس روحي رجعت واحس هسه اني من صدوك عايشه راد يحجي وياي ويه اختي اني كلت الماما كوليله ماهيه وره يومين خابر نصدمت مين جاب رقمي سالت ماما واختي كالت اني لان سالني عليج كتله ماشي ضل يومين يخابر واني مارد لحد مضجت ورديت بس ويه ماكال الو نزلن دموعي من سمعت صوته والله واحد عطشان وذبو بير مثل الميت ورجعت الروح بي من بجيت مو لان زعلانه لا لان مشتاقه الصوته واله احس روحي ضايعه وهسه لكيته شلون الواحد فاكد امه ولكه ريحته هيج شعوري جان صوته بالنسبه الي دنيا بحالها ومن سمعته احسيت روحي طايره بين النجوم ياربي الدنيا موسعتني ضل يوميه يخابرني بس منطول خمس دقايق ويسده لحد مايوم كال فاض الشوك بيه يبت كلبي ارحميني وكافي عاد لجن لاليلي ليل ولا نهاري نهار وعكلي فاكده شلون انه وياج سكتت ماحجيت بس اني حاسه بكل كلمه يكولها مثل واكثر مشتاقه العصبيته والغيرته والتحكمه والكل شي بي بس رحت يم ماما وكمت ابجي وكتله اشتاقيت الجدو والخوالي وضليت ابجي شافني بابا هيج راسن راح حجز ورجعنه بدون ماكوله وصلنه الضهر ارتاحيت ونمت ساعه وكعدت رحت اتمشه يم اهله صادفته يم بابهم اؤيلي حبيب روحي شلون صاير ضعفان ولحيته طولانه واحسه هلكان بس مانسه منضر عيونه شلون لمعن وبتسم لمعة حب وعشق لمعه مراح انساها بعمري كلها حسيت وره هل المعه لهفه مو طبيعيه حسيت نضرته حضنتني وشمتني وصلت يمه اشو راسن انكلب الولد احمر من العصبيه
ذياب : حجيت وانه صاك على سنوني شلون خاله كحله وطالعه وجن جنوني
ليال : شفت اوردته برزت من العصبيه كتله والله مخاله بس الكحله كال امسحيه هن بدون كحل موتاتني شلون ب الكحل خايبه يجتلن وخلاني امسحه كدامه بس صدوك هضمني وبرطمت باسني من خدي وكال لا تبرطمين تره حبيبج روحه تفرفح من سوين هيج كتله واني ومدنكه ذياااااااب شبيك لاتحجي هيج والله اخجل ( اني اكتب وهمه يتناكرون ع الشعر اوف ربي يصبرني عليكم ) كوتله صدوك حبيبي لتنسيني كال خايبه لتكولين صدوك كولي صديك ولتنعوصين كوتله اوي ذياب  والله ممتنعوصه بس متعوده كال لتوكلين اوي تره انسمط جدي على هيج اؤي كتله راح انسه والله كال كولي شنو تريدين كتله اجيت اسلم على اهلللك وكال اذا ناويه على شي يتفكه ثوريهن(ضربيهن) يمي كتله لا بس اسلم وغمزتله وطبيت ( سوده عليه والله الولد مشلوع كلبه ) وجان اشوف اخته كبالي دخلته للغرفه وبدون سلام و كلام كتله باعي اني لا يمج ولا كرابتلج  عوفيني بحالي اني اتحمل كولشي بس اله واحد يجذب عليه ما تحمله  اذا بالج اعوف ذياب ف ذياب مالتي انسي تلوين ذراعي بي مما ابدله  بكنوز الدنيا كوله جان ترد عليه  تكول هدي تره وذياب اني الخليته يحبج اله هو يحب اخت مرت اخويه واني كتله متفيدك عوفه وخليته يمشي وراج بس هينه اله اخلي يكسر خشمج اني صدك احس الدنيا طلعت من عيني بس سمعت صوت ذياب وهو يكول ذياب : منااااال بس رج البيت رج وكاله مامرجيه  منج بس همزين عرفت ناسي عدل وكال يله حبيبه البيتكم حته مخلاني اسلم على اهله وبعدين نتحاسب على تخوصرج ولبسج وكحلتج كتله فدوه الله حس بيه  ماقابله كال جنج مارضيه يرويحتي ضحكت وكتله رايحه التفكه (الرشاشه)ارتاح هههه عفته ورحت البيتنا بس حسيته نار من العصبيه كولش احب اعصبه واغيضه طبعاً بس ضليت معصبه منه رحت لكيت بيت عمتي واصلين وابن عمتي الي اكثر من اخويه واصل سلمت عليهم عادي ودخلنه تعشينه سوالف وضحك كاعدين ب الصاله وجان يدخل ذياب سلم واني بقيت كاعده بعدني ضايجه واسولف وضحك ويه احمد ابن عمتي اسمع تلفوني اجته رساله كاتب كومي لا اجي اسويج نصين انتي والكاعد يمج رديت كتله اشبيك ذياب تره والله اخويه ولتنسه راضعين سويه رد خايبه لو ابوج هم تكومين عوزج ماتبوسي اني بعناده واريد اضوجه ومادري بروحي راح اجنب على نفسي بهاي عملتي راسن كوتله احمد كال ها بسته بخده يمه يمه بذيج الساعه اسمع صوت اسد ويصيح باسمي عبالي يجذب كتله كول خنسفانه صرصر ابو بريص اكوم بس مالت حيه ماكوم ضل يصيح وماحس اله جرني الحضنه واشوف بابا يكتل ب الحيه والله يمكن طول الحيه فوك المتر بس اني مخايفه بس خفت من ذياب  من كرص اذني وكال اطلعيلي بليل ب الحديقه لا اسوي البيت عززه عرفت مراح يعديه على خير وضليت افر لحد مصارت ب ١٢ طلعت اتاني بره ضليت اروح وارجع اروح وارجع اشويه واجه بس هادي ازياده عن الزوم حسيته هدوء ما قبل العاصفه اني كولش اخاف من هدوئه وكف بعيد عليه ويحجي بهدوء كال ها يرويحت ذياب  اشوفنج واكفه كتله متانيه واحد مصخم حياتي ومخلصه يتحكن ويصيح عليه كال ابشري اجاج برجله تعاي رحت واني رافعه خشمي علمود ميحجي وياي بس شنو اني ميته من الخوف كال ضايجه كتله لا كال اني متكدر كتله من اسوالفك الماتخلص كال هاا كتله ايي كوله بعدني ممكمله اخذ شفتي احس رجليه نتخن وماعرف شنو كلبي صار بي نتهيت بيده بس متت اريد اتنفس ماكدر وحس شفتي موتتني ذبت بيده وحتى رجلي مااحس بيها فقدا السيطره على روحي مبعد عني اله والدم يصب من شفتي والنفس بالكوه اجره واحس روحي ذبلانه مكدرت ارفع عيني وباوع بوجه كتله واني مدنكه راسي انته منو سمحلك هيج تسوي ذياب شبيك تخبلت شنو هل التصرف دفعته حيل واشوف عيونه حمر مااعرف شبيهن وهو ذايب وخدران كولته مااسمحلك اسوي هيج بعد لا تتعده حدودك كال وهو مخلي راسه يم اذني انتي ملك ذياب وذني وهو يكمش شفتي بيده ويعصرها وهذني ميبوسن غيري مسح الدم لي بشفتي وراح وعافني بحيرتي بس شنو اني اخذتلي ب النص ساعه افكر واني بره شنو الصار وكامشه شفتي احس روحي طايره و مو بالكاع دخلت للبيت ورحت لفراشي واحس نفسي بردانه وممستوعبه الصار اول مره ذياب يجرء ويسوي هيج شي بس بهاي سوايته اخذت كلبي وعقلي وروحي حسيت ملكني .......

طبعاً الاغنيه الفوك توصف حال ذياب وليال

ليلة بردّ والنجمات نوّمهن حچي عيوني
وغفه حتى الضوه السهران

واحنا اسرارنه مفرعات
لاشيلة ولاچلّاب

فشلة من الجرح ياروح
مابينه بعد وگفة اعلى عتبة باب

-

1297 لا تنسون التصويت والتعليقات الحلوه مثلكم كلش فرحت البطل والبطله كوووولووووش حبكم

سروش ❤️