ဗိုလ်သင်တန်း တက်သည့်တစ်လျှောက် 'ပင်ပန်းတယ်´ ဆိုသည့်ဝေါဟရထပ်ကျော်လွန်ကာ ပို၍ပင်ပန်းခဲ့ပါသည်။ ယခင်က ပင်ပင်ပန်းပန်းဆိုဘာမှမလုပ်တတ်သောကျွန်တော့်အတွက် ယခုမူ ပေါက်တူးပေါက်ရသည်က အသေးအမွှား ကိစ္စလေးတစ်ခုဖြစ်လာ၏။ ယခင်က မနက်အိပ်ရေးပျက်မခံနိုင်သော်လည်း သင်တန်းတွင်တော့ မနက်ငါးနာရီပုံမှန်ထဖြစ်ပါသည်။ အမောမခံနိုင်၍ လမ်းပင် ကျယ်ကျယ်မလှမ်းသော ကျွန်တော်က ၃မိုင် ၅မိုင် မနားတမ်းပြေးနိုင်သည်ဆို အသာရယ်လေမလား။ အရင်ကငါးကိုမစားသော်လည်း ခုတော့ အရိုးနွှင်ပေးသူမရှိလဲ ကြိတ်မှိတ်ကာစားနေရသည်ကိုရော သူသိလေမလား။ (ထမင်းဟင်းကုန်အောင်မစားလျှင် စီနီယာတွေကအပြစ်ပေးတတ်၏)။ အရင်လို လိုအပ်တိုင်း ဆိုးနွဲ့ဂျီကျ၍ရသော အသာဘေးတွင်မရှိသည်မှ အပ ကျွန်တော့်အတွက်အဆင်ပြေပါသည်။ အဆင်ပြေအောင်လည်း နေရပါသည်။
သူနှင့်ကျွန်တော်တို့၏ မနီးစပ်ခြင်းသည် တစ်နေ့တစ်ခြားပို၍ဝေးလာသည်ကိုတော့ သူရောကျွန်တော်ပါသတိပြုမိကြလိမ့်မည်။
အို...သတိရတိုင်း ပြေးတွေ့လို့မရတဲ့ ဒီအခြေအနေကြီးကို ကျွန်တော်သိပ်မုန်းတာပဲ။တစ်ပတ်လုံးပင်ပန်းရသမျှကို တနင်္ဂနွေ အောက်ပတ်စ်(outpass) ထွက်မှ သူ့ဆီဖုန်းဆက်ရင်း စိတ်အနွမ်းဖြေရသည်။ တစ်ခါတစ်လေတော့လည်း အသာ့ဆီမှာ စာလွှာများရရှိတတ်၏။ တစ်ပတ်တစ်ခါဖုန်းနှင့်အဆက်အသွယ်ရှိကြသည်ဆိုသော်လည်း အသာကမူ သူခံစားမှုရှိသည့်အခါတိုင်း စာရေးထားသည်ဟုဆိုသည်။ ထိုစာများကိုလည်း ကျွန်တော့်ဆီသို့ပို့တတ်၏။
အသာ၏ စာများသည် တစ်စောင်နှင့်တစ်စောင် စိတ်ခံစားချက်ခြင်းမတူပေ။ တစ်ခါတစ်ရံ အသာက ပုံမှန်အတိုင်းရှိသော စိတ်အခြေအနေတွင် ရေးတတ်၍ တစ်ခါတစ်ရံကျ သူ့စိတ်မူမမှန်သည့်အခြေအနေတွင်ရေးကြောင်း စာလွှာများတွင်ပေါ်လွင်နေသည်။ ကျွန်တော် ဒေါက်တင်ပြီးနောက် ပထမဆုံး သူ့ဆီကပါးသော စာသည် သူ့ရည်မှန်းချက်ကို ထုတ်ပြောလာခြင်းဖြစ်သည်။
YOU ARE READING
ထို႔ေၾကာင့္...........(based on true story)
Romanceလက္ေတြ႔ဘဝထဲက boys love အခ်စ္ဆိုတာကို ႐ွာေဖြၾကည့္ၾကရေအာင္ #Romance,Bromance,BL,Angst
episode 19 unicode
Start from the beginning