القاصرة ــ وذو الشعر الابيض

البارت الثامن والعشرون

السلام عليكم احبتي
قبل كلشي للمره المليون اول مبديت انزل القصه المعروف يومين بيوم استراحه وملتزمه واذا صار عندي ظرف اعوض شنو هالكلام يعيوني عيب وبعدين الي يكولون متجاوبين ويتجاوزون بالكلام عيب حبايبي وبعدين اجاوب على كم تعليق كومه تعليقات ومن انزل توضيح هم تحجون وتكولون هواي تنزلين توضيحات وعبالنه بارت اما الي بغير حسابي يتابعون حبايب التأخير مو يمي اني كاعد انزل يومين بيوم استراحه الساعه ١٠واذا كملت من وقت انزله قبل الوقت المحدد

القاصرة وذو الشعر الابيض
بقلمي ام غايب

غني يا وجع بالروح غن
واطرب جروحي اليوجعني
هذن يا ليل ساعاتي ذني
من المغربـيه يعـلـعـلـني

احجي خاله هاي تدرس طب باعتبار دكتوره بلكت تساعدج

اي خطيه وجهه اصفر وقبل شويه تبجي حيل شبيج
زمزم شوفيهه بلكت تساعديهه

زمزم/شدتحسين وجهج اصفر حيل ماكو احد وياج

جسمي كله يرجف والنسوان كلهه انتبهت عليه كتلهه بطني توجعني حيل

زمزم/خاف مستبرده

بلاسم/دشوفيهه انتي غير دكتوره

عمه اني ادرس اسنان الاسنان شجابهه عل بطن
رجعت دارت عليه أكلتي شي خاف متسممه

كتلهه بطني راح تموتني اني حامل والطفل يمكن مات

ياااا حبيبتي اووووف ودارت على عمتهه
ورجعت دارت عليه بس كليلي اهلج وين

ميتين ماعندي اهل
....ابن زوجي انطاني حبايه وكلي علمود يوكع الطفل
لان ميريدو

بلاسم/يااااااا وانتي ليش شربتيهه ورجلج وين

حرت شحجيلهه اي شي احجي اني متأكده راح تعوفني متساعدني تخاف مني ....كتلهه زوجي مسافر وطردوني من البيت

بلاسم/يعني هسه عندج نزيف يا يمه شلون تدخلين للامام لعد ميجوز

محت اتلوى من بطني ....وبجيت النسوان الي بصفي هم يباوعن عليه ملتمات ويسولفن واسمعهن

وحده تكول رجلهه مسافر وولده طارديهه
ووحده تكول خاف جذابه
واني اباوع على هاي البنيه وعيوني تترجاهه تساعدني
بقت تباوعلي بحيره وبحزن وخوف بنفس الوقت

كالتلي ...كومي خل ناخذج للمستشفى

/من كل عقلج انتي

رقيه شبيج متشوفين وضعهه

رقيه/عمه احجي وياهه ....هاي تريد تورطنه

دارت عليهه وخزرتهه ....وكالتلي كومي تكدرين تكومين

هزيت راسي بمعنى اي ....البنيه الي وياهه تخبلت
وهجمت عليهه لج بابا يجوز جذابه عمه شبيج احجي
بلله من ذني الي متفقات ويه العصابات