ﻟﻄﻔﻲ : ﻭﺍﺵ ﺻﺒﺤﺖ ﺍﻟﻴﻮﻡ ﺩﻛﺘﻮﺭ ؟؟
ﺍﻟﻄﺒﻴﺐ : ﻭﺍﻟﻠﻪ ﻳﺎ ﻭﻟﺪﻱ ﺣﺎﻟﺔ ﺍﻹﻛﺘﺌﺎﺏ ﺍﻟﻲ ﻋﻨﺪﻫﺎ ﺻﻌﻴﺒﺔ ﺑﺰﺍﻑ ﻭ ﻣﻌﺎﻫﺎ ﻣﻴﻮﻝ ﺇﻧﺘﺤﺎﺭﻳﺔ ﻗﺎﺩﺭ ﻓﻲ ﺃﻱ ﻟﺤﻈﺔ ﺗﻨﻬﻲ ﺣﻴﺎﺗﻬﺎ ﺧﺎﺗﺮ ﺗﺸﻮﻑ ﻓﻴﻬﺎ ﺑﻼ ﻗﻴﻤﺔ ﻭ ﻻ ﻣﻌﻨﻰ ﻻﺯﻣﻠﻬﺎ ﺣﻴﺎﺓ ﺟﺪﻳﺪﺓ ﺗﻨﺴﻴﻬﺎ ﻓﻲ ﺍﻟﻲ ﻓﺎﺕ
.ﺍﻟﻴﻮﻡ ﺧﺮﺟﻮﻫﺎ ﺑﺼﺢ ﻻﺯﻣﻠﻬﺎ ﻋﻨﺎﻳﺔ ﺧﺎﺻﺔ ..
ﻟﻄﻔﻲ : ﺧﻠﻴﻬﺎ ﻋﻠﻴﺎ ﺣﻜﻴﻢ ﺑﺮﺑﻲ ﻧﺸﺎﻟﻠﻪ ﻧﻘﺪﺭ ﻧﺨﺮﺟﻬﺎ ﻣﻦ ﺍﻟﻲ ﻫﻲ ﻓﻴﻪ ...
ﺧﺮﺟﻨﻲ ﻟﻄﻔﻲ ﻣﻦ ﺍﻟﺴﺒﻴﻄﺎﺭ ﻭ ﺭﺟﻌﻨﻲ ﻟﻠﺪﺍﺭ ﺑﺪﻟﻲ ﻻﺷﻮﻣﺒﺮ ﺗﺎﻋﻲ ﻛﻞ ﺗﻔﺼﻴﻞ ﻓﻴﻬﺎ ﺑﺪﻟﻮ ﺍﻟﻠﻮﻥ ﺍﻟﺪﻳﻜﻮﺭ ﺣﺘﻰ ﺍﻟﻤﻴﻜﺮﻭ ﻭ ﺍﻟﺘﻠﻴﻔﻴﺰﻳﻮﻥ ﺑﺪﻟﻮ ...
ﻭﺳﺎﻡ ﺭﺍﺣﺖ ﺗﻜﻤﻞ ﺍﻟﺘﺨﺼﺺ ﺗﺎﻋﻬﺎ ﻓﻲ ﺍﻟﺨﺎﺭﺝ ﻭ ﺧﻠﺘﻠﻲ ﺭﺳﺎﻟﺔ ﻗﺎﺗﻠﻲ ﻓﻴﻬﺎ :
" ﺣﺒﻴﺒﺘﻲ ﺣﻨﻴﻦ ﻧﺸﺎﻟﻠﻪ ﺭﺍﻛﻲ ﺑﺨﻴﺮ ﺭﺍﻧﻲ ﺭﺣﺖ ﺑﻌﻴﺪ ﻭ ﺧﻠﻴﺖ ﺍﻟﻤﺎﺿﻲ ﻣﻦ ﻭﺭﺍﻳﺎ ﺧﻠﻴﺖ ﺫﻛﺮﻳﺎﺕ ﺍﻟﻄﻔﻮﻟﺔ ﻭ ﺣﺒﻲ ﻭ ﻛﻞ ﺷﻲﺀ... ﺑﻌﺪ ﺣﻜﺎﻳﺘﻚ ﻋﺮﻓﺖ ﺃﻧﻮ ﺍﻟﺘﻀﺤﻴﺔ ﺳﻌﺎﺕ ﺗﻜﻮﻥ ﻃﻌﻤﺘﻬﺎ ﺃﻓﻀﻞ ﻣﻦ ﺍﻟﺤﺐ ﻓﻲ ﺣﺪ ﺫﺍﺗﻮ ...
ﻭ ﺃﻧﺎ ﺿﺤﻴﺖ ﺑﺤﺒﻲ ﻋﻠﻰ ﺧﺎﺗﺮ ﻟﻄﻔﻲ ... ﻟﻄﻔﻲ ﻋﻤﺮﻭ ﻣﺎ ﺣﺐ ﻣﻦ ﻗﺒﻞ ﻭ ﻋﻤﺮﻭ ﻣﺎ ﺧﺮﺝ ﻣﻊ ﻃﻔﻠﺔ ﺣﺒﻲ ﻟﻴﻪ ﻛﺎﻥ ﻣﻦ ﻃﺮﻑ ﻭﺍﺣﺪ ﺑﺼﺢ ﻋﺸﻖ ﻓﻴﻚ .
علابالي ﺟﺮﺣﻚ ﻛﺒﻴﺮ ﻭ ﻣﺎﻳﺪﺍﻭﻳﻪ ﻏﻴﺮ ﺍﻟﺰﻣﺎﻥ ﺑﺼﺢ ﻧﺤﺒﻚ ﺗﺒﺪﺍﻱ ﺣﻴﺎﺓ ﺟﺪﻳﺪﺓ ﻭ ﺗﻔﻜﺮﻱ ﺃﻧﻮ ﻛﺎﻳﻦ ﻳﺎﺳﺮ ﻧﺎﺱ ﺗﺤﺒﻚ ﻭ ﻣﺎﺗﺴﺘﺎﻫﻠﺶ ﺗﻌﻴﺶ ﺍﻟﻌﺬﺍﺏ..
ﻟﻜﻦ ﺷﻔﺘﻲ ﺩﻣﻮﻉ ﺟﺪﻱ ﻭ ﺍﻧﺘﻲ ﻓﻲ ﻫﺬﻳﻚ ﺍﻟﺤﺎﻟﺔ ﺟﺪﻱ ﺍﻟﻲ ﻋﻤﺮﻭ ﻣﺎﻧﺰﻟﺘﻠﻮ ﺩﻣﻌﺔ ...
ﻟﻜﻦ ﺷﻔﺘﻲ ﻟﻄﻔﻲ ﻭ ﻫﻮ ﻋﺎﻳﺶ ﻓﻲ ﺍﻟﺴﺒﻴﻄﺎﺭ ﺃﻧﺘﻲ ﺭﺍﻗﺪﺓ ﻭ ﻫﻮ ﻏﻴﺮ ﻳﺸﻮﻑ ﻣﻌﺎﻙ ﻳﺴﺘﻨﺎﻙ ﺗﻨﻮﺿﻲ ﻭ ﺗﻀﺤﻜﻲ ﻣﺮﺓ ﺃﺧﺮﻯ ...
ﺣﻨﻴﻦ ﻳﺎ ﺃﺧﺘﻲ ﻣﺎﺗﻈﻠﻤﻴﺶ ﺍﻟﻨﺎﺱ ﺍﻟﻲ ﺗﺤﺒﻚ ﻭ ﺃﻧﺎ ﺭﺍﻧﻲ ﻧﺘﻤﻨﺎﻟﻚ ﺍﻟﺴﻌﺎﺩﺓ ﻣﻦ ﻛﻞ ﻗﻠﺒﻲ .....
كلام ﻭﺳﺎﻡ ﺃﺛﺮ ﻓﻴﺎ ﺑﺰﺍﻑ ﺑﺼﺢ ﺟﺮﺣﻲ ﻛﺒﻴﺮ ﻧﺨﻠﻴﻪ ﻟﻠﺰﻣﺎﻥ ﻳﺪﺍﻭﻳﻪ ....
ﻓﺎﺕ ﻋﺎﻡ
ﻛﺎﻥ ﻟﻄﻔﻲ ﻣﺎﻳﺨﻠﻲ ﻋﻠﻴﺎ ﺣﺘﻰ ﺷﻲﺀ ﻛﺎﻥ ﻋﻠﻤﻨﻲ ﻧﺴﻮﻕ ﻭ ﻛﺎﻥ ﻳﺨﺮﺟﻨﻲ ﻳﺤﻮﺱ ﺑﻴﺎ ﻳﻌﺸﻴﻨﻲ ﻭ ﻳﻐﺪﻳﻨﻲ ﻳﺴﻘﺴﻲ ﻋﻠﻴﺎ ﻓﻲ ﻛﻞ ﻭﻗﺖ ﻭ ﻳﺸﺮﻳﻠﻲ ﺍﻟﺤﺎﺟﺔ ﺍﻟﻲ ﺗﻌﺠﺒﻨﻲ ﻭ ﻧﻘﻮﻝ ﻋﻠﻴﻬﺎ ...
ﺣﻨﻴﻦ : ﺃﻟﻮ ﻃﺎﻃﺎ ﻛﺮﻳﻤﺔ ﺩﺑﺮﻱ ﻋﻠﻴﺎ ﻭﺍﺵ ﻧﺰﻳﺪ ﻧﺪﻱ ﻭﺟﺪﺕ ﻟﻴﺒﻮﺍﺕ ﻭ ﻟﻴﺴﺎﺭﻓﻴﺎﺕ ﺗﺎﻉ ﺍﻟﺠﻲ ﻭ ﺍﻟﻘﻬﻮﺓ ﻭ ﻭﺻﻴﺘﻬﻢ ﻳﻮﺟﺪﻭ ﺍﻟﺒﻮﻓﻲ ....
ﻃﺎﻃﺎ ﻛﺮﻳﻤﺔ : ﻗﺘﻠﻚ ﺧﻠﻲ ﻋﻠﻴﻚ ﺍﻟﺸﻲﺀ ﻫﺬﺍ ﻛﻞ ﺍﺗﻬﻼﻱ ﻓﻲ ﻟﺒﺴﺘﻚ ﻭ ﻣﻜﻴﺎﺟﻚ ﻭ ﻻﻣﻴﻤﻮﺍﺭ ﺗﺎﻋﻚ ﻭ خلااااااص ﻭ ﻣﺎﺗﺘﻮﺗﺮﻳﺶ ...
ﺣﻨﻴﻦ : ﻭﺍﻟﻠﻪ ﺧﺎﻳﻔﺔ ﺭﺍﺡ ﻧﻤﻮﺕ ...ﻫﻴﺎ ﺑﺎﻱ ﻣﺎﻃﻮﻟﻴﺶ ﻃﺎﻃﺎ ﺭﺑﻲ ﻳﺨﻠﻴﻚ ﺭﺍﻧﻲ ﻧﺪﻳﺮ ﺑﻴﻚ ﺍﻟﻜﻮﺭﺍﺝ ...
ﺁﻳﺔ ﻫﻴﺎ ﺃﺑﻨﺘﻲ ﺗﺮﻭﺣﻲ ﻟﻠﺤﻔﺎﻓﺔ ﻳﺎ ﺭﺑﻲ ﻧﻜﻤﻠﻮ ....
ﺣﻨﻴﻦ :ﻛﻮﺛﺜﺜﺜﺜﺜﺜﺮ ﺟﻴﺒﻴﻠﻲ ﺍﻟﺼﺒﺎﻁ ﺗﺎﻋﻲ ﺍﻟﺒﻠﻮ ﻧﻮﻱ ﻧﺴﻴﺘﻮ ﻓﻲ ﻻﺷﻮﺑﺮ ....
_ﻃﺎﻃﺎ ﻛﺮﻳﻤﺔ ﺃﻡ ﻟﻄﻔﻲ
_ﺁﻳﺔ ﺃﺧﺖ ﻭﺳﺎﻡ ﻭ ﻗﺪﻱ ﻓﻲ ﺍﻟﻌﻤﺮ
_ﻛﻮﺛﺮ ﺑﻨﺖ ﺧﺎﻟﻨﺎ ﻭﺍﺣﺪ ﺃﻭﺧﺮ ﺍﻟﻌﺎﻡ ﻫﺬﺍ ﺟﻮﺯﺕ ﺍﻟﺒﺎﻙ ...
ﺍﻟﻴﻮﻡ ﻻﺳﻮﺗﻨﻮﻧﺲ ﺗﺎﻋﻲ ﻭ ﺭﺍﻧﻲ ﺧﺎﻳﻔﺔ ﺑﺰﺍﻑ ...
ﻟﻄﻔﻲ : ﺧﻠﻲ ﻧﻮﺻﻠﻚ ﺣﻨﻴﻦ ﻛﻴﻔﺎﻩ ﺭﺍﺡ ﺗﺴﻮﻗﻲ ﻭﺃﻧﺘﻲ ﺗﺮﺟﻔﻲ ﻫﻚ ...
ﺣﻨﻴﻦ : ﻟﻄﻔﻲ ﺃﻭﺻﻞ ﻗﺒﻠﻨﺎ ﺗﻌﻴﺶ ﻟﻼﻓﺎﻙ ﻭ vﻳﺮﻳﻔﻲ ﻛﻞ ﺷﻲﺀ ﻓﻲ ﺑﻼﺻﺘﻮ ﻭﻻ ﻻ ﺭﺍﻧﻲ ﻣﺎﻋﻨﺪﻳﺶ ﻻﻛﻮﻧﻔﻴﻮﻧﺲ ﺣﺘﻰ ﻓﻲ ﺣﺪ ﻏﻴﺮ ﻓﻴﻚ ..
ﻟﻄﻔﻲ : ﻣﻦ ﻋﻴﻨﻴﺎ ﻭﺍﺵ ﺗﺰﻳﺪﻱ ﺗﺄﻣﺮﻳﻨﻲ ﻳﺎ ﺍﻟﺒﺎﺗﺮﻭﻧﺎ ...
ﺣﻨﻴﻦ : ﻭﺍﻟﻮ ﻣﺎﺭﺳﻲ ...
ﻭﺻﻠﺖ ﻟﻠﺤﻔﺎﻓﺔ ﺟﺒﺪﺗﻠﻲ ﺷﻌﺮﻱ ﺍﻟﻲ ﻛﺎﻥ ﺩﻳﻤﺎ ﻛﺸﺮﻭﺩ ﻛﻴﻤﺎ ﻳﻘﻮﻝ ﻋﺒﺪﻭ ﻭ ﻟﺒﺴﺖ ﻋﻨﺪﻫﺎ ﻻﺭﻭﺏ ﺍﻟﻲ ﺷﺮﻳﺘﻬﺎ ﻭ ﻛﺎﻧﺖ ﺳﺘﻴﻞ ﻛﻼﺳﻴﻚ ﺗﺤﺖ ﺍﻟﺮﻛﺒﺔ ﺑﺸﻮﻱ ﻭ ﺳﻴﺮﻱ بزااف ﻭ ﻛﺘﺎﻓﻬﺎ ﺗﺮﻭﻧﺴﺒﺎﺭﻭﻥ ﻭ ﻋﻨﺪﻫﺎ ﻛﻮﻝ ﺻﻐﻴﺮ ﻟﻮﻧﻬﺎ ﺑﻠﻮ ﻧﻮﻱ ﺟﻴﺖ ﺗﻮﺏ ﻭ ﺻﺒﺎﻁ ﺗﺎﻟﻮﻥ ﺑﻠﻮ ﻧﻮﻱ ﺧﺮﺟﺖ ﺃﻧﺎ ﻭ ﺁﻳﺔ ﻧﺠﺮﻳﻮ ﺭﻛﺒﻨﺎ ﺭﺍﻳﺤﻴﻦ ﻟﻼﻓﺎﻙ ...
ﺁﻳﺔ : ﻳﺎ ﻋﻤﺮﻱ ﻋﻠﻰ ﺑﻨﺖ ﻋﻤﺘﻲ ﺍﻟﺰﻳﻨﺔ ﻭﺍﺵ ﺟﻴﺘﻴﻴﻲ ﺗﻘﺘﻠﻲ ﻳﺸﻮﻓﻚ ﻟﻄﻔﻲ ﻳﺘﻐﺎﺷﻰ ﻫﻬﻪ ﺃﻭﻝ ﻣﺮﺓ ﻧﺸﻮﻓﻚ ﺃﻧﻴﻘﺔ ﻫﻚ ﻃﻔﻠﺔ ﻭ ﻋﺸﻘﺖ ﻓﻴﻚ .. حﻨﻴﻦ : ﺑﺰﺍﻳﺪ ﻳﺰﻳﻨﻲ ﺭﺍﻧﻲ ﻧﺴﻴﺖ ﻭﺍﺵ ﺭﺍﺡ ﻧﻘﻮﻝ ﻛﻲ ﻧﻮﻗﻒ ﻗﺪﺍﻡ ﺍﻟﻠﺠﻨﺔ ﺃﻭﻭﻭﻭﻑ ﻗﻠﺒﻲ ﺭﺍﺡ ﻳﺴﻮﻃﻲ ﻣﻦ ﺑﻼﺻﺘﻮ ...
ﻭﺻﻠﻨﺎ ﺟﻴﻨﺎ ﺩﺍﺧﻠﻴﻦ ﺍﻟﻲ ﺷﺎﻓﻮﻧﻲ ﻃﺎﻟﻌﺔ ﻓﻲ ﺍﻟﺪﺭﻭﺝ ﻛﻞ ﺣﺎﻳﺮﻳﻦ ﻓﻴﺎ ﺟﻴﺖ ﻧﻬﺒﻞ ﺣﺘﻰ ﻧﺪﺧﻞ ﻟﻼﺻﺎﻝ ﺩﻭﻛﻮﻧﻔﻴﺮﻭﻧﺲ ﻧﻠﻘﻰ ﻻﻓﺎﻣﻲ ﻛﺎﻣﻞ ﻭ ﺃﺧﻮﺍﻟﻲ ﻭ ﻧﺴﺎﻫﻢ ﻭ ﺃﻭﻻﺩﻫﻢ ﻭ ﺑﻨﺎﺗﻬﻢ ﻭ ﺟﺪﻱ ﻭ ﺟﺪﺍﺗﻲ ﻋﺪﻳﺖ ﺳﻠﻤﺖ ﻋﻠﻰ ﺭﺍﺱ ﻭ ﻳﺪ ﺟﺪﻱ ﻭ ﺟﺪﺓ ﻭ ﻗﻠﺘﻠﻬﻢ ﺃﺩﻋﻮﻟﻲ ﺣﺘﻰ ﻧﻌﺪﻱ ﻗﺪﺍﻡ ﻟﻄﻔﻲ ﻛﺎﻥ ﻏﻴﺮ ﻳﺸﻮﻑ ﻣﻌﺎﻳﺎ ﻭ ﻣﻮﺵ ﻣﺼﺪﻕ ﻋﻴﻨﻴﻪ .... ﺣﺒﺴﺖ ﻋﻨﺪﻭ ..
ﺣﻨﻴﻦ : ﻟﻄﻔﻲ ﻃﻠﻌﻠﻲ ﺍﻟﻤﻮﺭﺍﻝ ﺑﻜﻠﻤﺔ ﺧﻠﻴﻨﻲ ﻧﺮﻭﺡ ...
ﻟﻄﻔﻲ : ﺗﻬﺒﻠﻲ ﺗﻬﺒﻠﻲ ﺑﻮﻥ ﻛﻮﺭﺍﺝ ...
ﺣﻨﻴﻦ ﻃﻠﻌﺖ ﻟﻠﻤﻨﺼﺔ ﺍﻟﻌﻴﻨﻴﻦ ﻛﻞ ﻋﻠﻴﺎ ﺍﻟﻠﺠﻨﺔ ﻗﺎﻋﺪﺓ ﻣﻦ ﺟﻴﻬﺔ ﻭ ﺃﻧﺎ ﻓﻲ ﺍﻟﻮﺳﻂ ﺑﺪﻳﺖ ﻓﻲ ﻻﻣﻴﻤﻮﺍﺭ ﺗﺎﻋﻲ ﻛﺎﻥ ﻣﻮﺿﻮﻋﻬﺎ ﻓﻲ ﺍﻷﺩﺏ ﺍﻟﻤﻌﺎﺻﺮ ﻋﺠﺒﺖ ﺍﻟﻠﺠﻨﺔ ﺧﻼﺍﺍﺍﻩ ﻭ ﻛﻨﺖ ﻣﺘﻤﻜﻨﺔ ﻣﻨﻬﺎ ﻓﻲ ﺍﻷﺧﻴﺮ ﻛﻨﺖ ﻛﻤﻠﺖ ﻗﺼﺔ ﻗﺼﻴﺮﺓ ﺯﺩﺗﻬﺎ ﻓﻲ ﺍﻟﻤﺮﻓﻘﺎﺕ ﺗﺎﻉ ﺍﻟﻤﻴﻤﻮﺍﺭﻱ ﻋﺎﻭﻧﻨﻲ ﺟﺪﻱ ﻃﺒﻌﻮﻟﻲ ﻣﻨﻬﺎ 60ﻧﺴﺨﺔ ﺑﻌﻨﻮﺍﻥ "ﻣﺠﺰﺭﺓ ﺍﻟﻘﻠﻮﺏ " ﻋﺠﺒﺖ ﺍﻟﻨﺎﺱ ﺍﻟﻜﻞ ﻭ ﻣﺪﻭﻟﻲ ﻋﻼﻣﺔ 18ﻓﻴﻬﺎ ﻭ ﺗﻘﺪﻳﺮ ﺇﻣﺘﻴﺎﺯ .
ﻓﻀﺖ ﻻﺳﻮﺗﻨﻮﻧﺲ ﺑﻌﺪ ﻣﺎ ﺯﻫﺎﻭ ﺍﻟﻨﺎﺱ ﻛﻞ ﻭ ﺷﻄﺤﻮ ﻭ ﻛﻼﻭ ﻭ ﺷﺮﺑﻮ ..
ﻟﻄﻔﻲ : ﻣﺒﺮﻭﻙ ﻋﻠﻴﻚ ﺣﻨﻴﻦ ﻟﻌﻘﻮﺑﺔ ﻟﻠﺪﻭﻛﺘﻮﺭﺍ ﻫﺬﺍ ﺍﻟﻜﺎﺩﻭ ﺗﺎﻋﻲ ﻧﺸﺎﻟﻠﻪ ﻳﻌﺠﺒﻚ ...
ﺣﻨﻴﻦ : ﻣﺎﺭﺳﻲ ﻟﻄﻔﻲ ﺃﺻﻼ ﻋﺎﻭﻧﺘﻨﻲ ﻓﻲ ﻛﻞ ﺷﻲﺀ ... ﺃﻭﻭﻭﻩ ﻭﺍﺵ ﻣﻠﻴﺤﺔ !!! ﺗﻘﺘﻞ ...ﻫﺎﻳﻠﺔ ﻟﻄﻔﻲ ﻋﻼﻩ ﺷﻘﻴﺘﻲ ﺭﻭﺣﻚ ... ﺑﺼﺢ ﻧﺴﻘﺴﻴﻚ ﻭﻳﻦ ﺭﺍﻩ ﻧﺺ ﺍﻟﻘﻠﺐ ﺍﻟﻲ ﻓﻲ ﺍﻟﺴﻠﺴﻠﺔ ....
ﻟﻄﻔﻲ : ﻧﺘﻤﻨﻰ ﻳﺠﻲ ﺍﻟﻨﻬﺎﺭ ﺍﻟﻲ ﻧﻜﻤﻠﻬﻮﻟﻚ ﺍﻟﻘﻠﺐ.
YOU ARE READING
💋💔 كرو نيك<< دمعة الاغتصاب >>
Romance💋💔 كرو نيك تشويق ومتعة واثارة 💋💋 اغتصاب وظلم ودموع💋😅 بركان من المشاعر❤شهوة💥شغف💥ناااار شاعلة ماتطفاش❌💥❤ > ❌❤❤ كثرووو لجام وتم نحطها ﺑﻜﻴﺖ ﺣﺘﻰ ﺷﺒﻌﺖ ﺣﺘﻰ ﻧﺴﻤﻊ ﻓﻲ ﺻﻮﺕ ﻋﻤﺘﻲ ﺍﻟﺸﺮﻳﺮﺓ ﺩﺧﻠﺖ ﻣﻦ ﺍﻟﺒﺎﺏ ﻭ ﺗﻠﻌﺐ ﻓﻲ ﺭﻭﺣﻬﺎ ﺗﺒﻜﻲ ﻭ ﺗﻌﻴﻂ ﻋﻠﻰ ﻣﺎﻣﺎ ﻭ ﺑﺪﺍﺕ ﺗﻀﺮﺏ ﻓ...
