ရင်ခွင်လမင်း
အပိုင်း (၁၂)
#ရင်ခွင်လမင်း
"မေမေရေ..."
"အင်း..ပြီးပြီ .."
"မြန်မြန်လုပ်ပါ..မီးမီး ကို သနပ်ခါး လိမ်းပေးရအုံးမယ်လေ..."
"အင်းပါ လာပါပြီ.."
မိသားစု အပြင်လျှောက်လည်မယ်ဆိုတဲ့ အသိနဲ့ သမီး က နေ့တိုင်းနေ့တွေထက် ပိုပျော်ပြီး အရာရာ တက်ကြွနေသည်..။
"မေမေ..ဒီဂါ၀န် ၀တ်ရမှာလား.."
"အင်း.."
"မေမေ က ဒါ ၀တ်မှာလား.."
သမီး ကို ရေသုတ်ပေးရင်း သူ စပ်စုသမျှကိုလည်းဖြေပေးနေရသည်..။
ဒီနေ့ကျမှ စောစော ထလိုက်လို့လား မသိဘူး ခေါင်းတွေ ပိုနောက်နေသလိုပင်..။
"ထိုင် သနပ်ခါးလိမ်းမယ်.."
"ဟုတ်..."
သမီးက သနပ်ခါးလိမ်းဖို့ ထိုင်လိုက်တော့ ဝေ ရေစို အ၀တ်တွေကို အ၀တ်တန်းပေါ် လွှားတင်လှန်းလိုက်သည်..။
"ဖေဖေရေ...မောင်မောင်လေးကို မုန့်ကျွေးနော် ငိုနေပြီ.."
သမီးက သူ့ အဖေကို အခန်း၀ က ခေါင်းထုတ်ပြီး ဆရာလုပ်ခါ ပြောနေပြန်ပြီ...။
"ကဲလာ ဆရာမ ထိုင်.."
မျက်လုံးစုံမှိတ်ပြီး ခေါင်းမော့ပေးနေတော့ ဝေ ပြုံးရင်း သမီးပါးလေးကို သနပ်ခါး တင်ပေးလိုက်သည်..။
မနက်စောစော ကတည်းက ထပြီး သွားဖို့ချည်းပြောနေတာ..အခုတော့ ဆယ်နာရီကျော်လာပြီ ပြင်လို့ ဆင်လို့ မပြီးနိုင်သေး...။
"ဖေဖေ..."
"ဝါး...အင်း ပြောသမီး.."
"ဖေဖေ ပြန်အိပ်နေတာလား.."
"အိပ်ရေးမဝသေးဘူး.."
"မီးမီးတို့ လုပ်ပြီးပြီ ဖေဖေ က အိပ်နေတုန်း ထပါ.."
အိပ်ရေးမ၀လို့ အိမ်ရှေ့ ဧည့်ခန်းက ကြမ်းပြင်မှာ ဒီတိုင်းလှဲ အိပ်နေတဲ့ သူ့ကို သမီးက ပခုံးဆွဲထူပြီး ပြောနေသည်..။
"အမ်းပါ...မေမေ ပြီးမှ လာနိုး...သူ က ပြင်မှာဆင်မှာ တစ်လကြာမယ်..သွားသွား..မီးမီး..ပြောအုံး..."
![](https://img.wattpad.com/cover/208566651-288-k277299.jpg)
YOU ARE READING
ရင်ခွင်လမင်း
Romanceတစ်ချို့ အမှားတွေက လုပ်ခါစမှာ ပျော်ဖို့ ကောင်းတယ် ထင်ရတယ်... ရက်တွေ ကြာလာတော့ ဆုံးဖြတ်ချက်တွေကို သံသယ ဖြစ်လာတယ်... နောက်တော့ ပျော်ရတဲ့ အချိန်တွေ နည်းလာပြီး မှားမှန်းသိလာတယ်... နှစ် အနည်းငယ်ကြာတော့ ငြီးငွေ့လာတယ်.. ဆယ်စုနှစ်ကြာတော့ အဲဒီ့ အမှား တစ်ခုက...