لامار : هههه ربي خليك فوجتي عليا والله ... وعيطلي عفاك لحياااة تجيبليا الملفات لي مامراجعينش .
سفيان : انا غانراجعهم كملي نتي غي هادوك ...
حدرات راسها على الوراق وخرج مشا لبيرو دحياااة كيدخل بلا دقان بلا سطااش كانت كتخدم شافتو و حولات عينيها لبيسي التجاهل زعما ....
سفيان : اداك الفااارة ... عطيييني دوك لي ضوووسي ..
حياة : اجي خودهم معندكش اليدين ...
سفيان : اري لهنا لي ضوسي ولا غاندرليك كتر من داك نهار لداك الشعر ...
حياة : بععععد مني ..
سفيان : مغاااتعطيهمليش ؟
حياة : لاااا ...
سفيان : واااخااا
جا عنها وهي كتشووووف فيه وشدهااااا من شعرررهااا كيرونو ليها وووهي كتغوووت نتفهااااا
سفيان : غاااتعطيهلي دابا ولاا لا
حياة : لا ا سفياااااان طلللق شعري اااححح ...لااااا طلللق .. اااااي
سفيان : عطني ضوووووسي
حياة : هاااهوووو حداااا يدبيييك طططلق
سفيان : لاااا بغيييتك نتي تعطيييهلي نوريك انا هاد الغناااان كيداير .. يالاه طلقيني ...غاااااانريش مك ( كيزير يزيرر على شعرها جامعو فالقبضة ديالو )
حياة : صااافي صاافي غي طططلق اااااح ففف وااااامي شعععععري ططططلق خسسسسسرتيييسه لياا طلق
ماحدها كتعكس كيزيد يرريشها ويينتف روونوو ليها .. تاااخدات ضوسي عطاتو ليه عاد طلقها بقات شادة على راسها ردها مريشة ومحححمرة جاتها البكية
سفيان ' وهااكاك ..كتمااشاي غي بالدق الله يخليها سلعة.. ( كيشوف معاها مهبطة شفايفها جامعة البكية ومنتوووفة وحمرة وواحد الودن تاهي حمرة ) الفاااااارة ... تعاودي تغاااني ؟؟؟
حياة : بببععد مني خرج عليا
سفيان بقا يشووف فيها بقااات فيه ردها حااالتها حالة ...وحط داك الضوسي وحداب عندها وهي كترمش بعينيها كتحبس البكية
سفيان : وييينو عمووو ديالي رييشتها ... صاافي منعاودش انا نجمعو ليك
حياة : بععد غي مني ماتقييسنيش
سفيان : ( بحدة ) كتغااني عاوتاني
حياة : ( صقلاات ) ب بب بعد
ناض موراها كيجمع ليها شعرها بسييف وهي شادة بيديهاا كيحيدهم ليها وجمعو ليها
سفيان :عيطني داك العجب لي كاتشدو بيه ...
حياة : ( مدات ليه البانضة ) هاك ... وغي بششوووية ضريتيني فين كتتجبد ... غاتخرج ليا الجبهة
سفيان : على نتي عاد غاتخرج جبهتك طروا اكس اييل مكتقشريش
بدا يحاول يجمعو وهو طويل وقوي فيديه كيف مادار ليه وحلة ...ورررطب دغيا كيفلت ليه مع صبعانو وبقاا يشوف فيه وطلقوووو ليهااا على ظهرها كايمشكووو بصبعانو بحركات بطيئين.. وضورها عندو بالككرسي وشعرها مطلوق على كتافها وكيسكدو لييها على وجهها سااهي فيهاا مبتسم ابتاسمة خفيفة متبياناش ... وهي كتترمش ووترها بداك الشوفات خطاار قلبها بغا يسكت ...
حياة : ا ا .. اش كاديررر
سفيان : خليك هاكا حسن ... شعرررك زوين
ولات حممرررة كتر ماهي مزنكة وهبطات راسها كتعض فشفايفها دااير فييها شوفة خطارر مع عينيه الزجاجييين وكيسكد بصبعانو شعرها على كتافهاااا ويقادو لييييهاا وهي غاادوب فحوايجها لمسات صبعانو فشعرهااا برشووها كيسكدو وكيقيس ودنييهااا كتتهز كاملة ... ورجع ووقف وطلهات معاع عينيها غي بشوية ...
سفيان : ( لاح داك البانضة ) لوحي عليك هادي .. خليه هاكاك ...( شاف لضوسي على لبيرو ) وعطيييني ضوووسي ( هو راه غا حدا يديه )
حياة : ( مسكرة ) هااا!!!
سفيان : ضووووسي ... مديه ليا
عاد جمعات راسها ومادتو ليه حشمانة ...وابتسم ليها وجا ماشي وهي ضارت بالكرسي متبعاه ... تاكان غايحل لبااب وضار عنظها محمرة وشعرها مطلوق على كتافها طويييييل حريري بقا غي كيرمش شحال جاها زوين بينها مثيييييرة ... فلخخررر رجع عندها بزربة و هز داك البانضة
سفيان : صااافي غاااااجمعييييه مجاكش زوين
حياة : هاء ؟؟؟؟؟
جمعوو ليها تاالفووووق سفنجة وشدو بداك البانضة كيلوي فيه وهي مستغربببية جنعو ليها وضربها لنيفها
سفيان : برهووووشة ...
حياة : حماقيتي ولا مالك
سفيان : لا .. فاول جاك زوين فللخر وليتي تباني خايبة ... ونتي اصلا خاااايبة
حياة : ياااك
سفيان : ومالي كدبت علاش نتي زوينة ههههه ... عمووو الممزنكة ....مالك كتولي كيف ماطيشة ... عمر شي حد طيلق ليك شعرك ولا شنو
حياة : ( ضورات راسها بلا ) معمر شي حد قاااسو
سفيان : اوا ها عمك سفياااان طلقوو ليك كاع ...
حياة : ( خنزرات فيه تااااكيعطيها امل شوية ويفرحها ... ويجي يعورها بداك عمك . و خررج كيضحك زهي ضرباتو بواحد ستيلو موراه جا فلباب ) تفووووووو ... يعماااااو ليك العييينين كنتر ماهوما عمييييين ااالعممممى ... تفوووووو ...
رجعات كتجمع شعرها مزيااان حيت غي رونو ليها ماشي جمعو .. وكلسات تكمل خدمتها وهي كل مرة تفكر دوك النظرات لي كايدير فيها كان غاياكل شعرها بعينيه سهاااااا فيه بزاااااف .. كانو نظرات خطيرين قلبها بقا يضرب بزاااااف ... كتفكرو و وكتبتسم غي هي تفكر داك عمك وكيفاش كيعاملها صغيورة كترجع تخنننززررر وتعاير ...
لامار سالات كولشي تاظلام الحال معاها سفيان فالبيرو كملوو كولشي عاد تكاو على الكرسي كيييطرطقو فعنقهم
لامار : اوووووف اخييييرا....
سفيان : عنقي عواج .... توحشت قسوم
لامار : تانا جنية خلات عليا لقنط ... غايكونو فدار زعما ؟
سفيان : وفين عندو يكون .. واش رديتيه دري صغغير يدير داك الفعايل عنداك تمشي تقوليليه خفتك تديها لي راه غايصلخ مك راه عدوه لي بقا ينوي فيه شي حاجة مكاينش .. غي معزة بنتو وصافي
لامار : عااااارفاه كيداير ..
شوية سمعو لباب تدق
لامار : ياااااربي ماتكونش شي خدمة اخرى .. دخول .. ( دخلات حياة )
حباة : لامااار ختي صافي غاانمشي الى مامحتاجانيش
لامار : لااا لا ..صافي كولشي مشاو ؟؟
حياة : وي راه كيبدلو حوايجهم يخرجو .. داز نهار صعيب
لامار : على كوولشي غي سكتي عواجينا ...
حياة : يالاه بسلامة اختي غدا دابا ندوز نشوفك قبل ماتسافري انا وسارة ...
سفيان : حياااة .. كلسي داابا نوصلك معايا فطريقي تاحنا خارجين دابا ...
حياة : اء ؟ مكاين لاش انشد طاكسي
سفيان : وكلسي كلسي باركا من التبعكيك ..موالفة تقوليلي مكاين لاش ياك نتي لي كديري ليا باراج فلباب نوصلك ولا تروني دنيا ....صواب كينزل عليك غاا مرة مرة ...
لامار : لقيتني غانعيط لشيفوررر انا ..ني ملي كاين نتا نمشي معاك ...
سفيان : .يالاه غااانمشي نجيب لافيست ديالي و نشرب قهووة راسي غايطرطق وننمشيو ..
لامار : واااخاا
ناض ماشي هو يخربق فشعرر حيااة عاد مشااا
حياة : ففففففف مممرض
لامار : ههههه شي نهار غايطرطق فيك شي عرق
حياة : مكيتهنا تااكيعصبني ...
لامار: مشاغب ههه
حياة بقات شحال ساااكتة
حياة : ف .. فخبارك ولفت الشغب ديالو
لامار : كااااملين ولفناه .. عساك نتي لي مقربة منو ..وهانتي شكون بحالك دغيا لقيتي صديييق و صديييقة هههه
حياة : ههههه بصح .... ولاكن .. سفيان مكنعتبروووش غير صديق اختي
لامار : نعام !!!!
حياة : معرفتش .... زعما .... ففففف.... غي نقول ؟
لامار : شنو عندك ؟ هضري مالك
حياة ناضت شدات لباب ورجعات كلسات
حياة : ختي .... كنبغييييييه بزااااف
لامار : اويلي وحدي ؟؟؟؟؟.
حياة : والله تاااااكنبغيه .. منهار اول مرة شفتووو .. قلبي كيييتحرق فاش كالقاه مامسوقش ليا ...
لامار : ويلي على مامسوقش ليك هو وقتو كامل معاك
حياة : اه ححقا .. بصح كيف كيعاملني كيعامل كاع لبنات عادي معندي تاشي تمييزز ...ولاكن فشكل . كيعانلني بااااارد وكيحسبني باقااا صغييييرة .. كيف شي صاااحبو وصافي .. كيتعرف على بنات حدايا ويبدا يقولي نختار معاه شكون حسن ... و يهضر معاهم حداايا .. ويجاوب فتيليفون ويبدا يتعنب عليهم مكيدرليش قيمة ... هو مامعتابرنيش كيف انا معتبراااه اختي
للمار : نااااااري عليك احياااة حبك طاح على حجرة ....مالقيتي فيمن طيحيي غي فيه .. هو راه كيبام ساهل وضريف ولاكن صعييييييب تشديه ... سفيان من النوع لي كيبغي لبنات كاملين وفنفس الوقت ماعينو فحتى وحدة .... كاع لبنات ديالو لي شافها بغا منهاااا ... واش عاارفة شحال من وحدة عندو ؟؟؟
حياة : عاارفة عاارفة ... لدرجة حافضة سمياتهم كاملين كتر منو ... بقوة مكيهضر معاهم حدايا .. ويبدا يوريهم ليا ويقوليا تفكري معايا سمية هادي نيييستها .... وديما مغالط فيهم .. عااارفة عندو بزاف ولاكن تاني عارفاه ماكيبغي تاشي وحدة .... عمرو هضرليا على شي وحدة ...كلهم كيضحك معاهم ويبدا يعاير فيهم فاش يقطعو ...
لامار : ديلمو عاطي لعين كولشي لاسقين فيه .. موحال واش كايبغي شي وحدة .. وهو عاااايش حيااتو عارفاه كيداير ... ولاكن ياااا حياااة سفيااان نهار يبغي دبصح .... غاايكرهها فجد الحب ومايجي منو ... هذاااا تشوفيه داير هاكا وضحوووكي وبااااسل وضريف .. رااه عندو نيشااان نيشان .... كلمة جوج يسلقها مع الحيط
حياة : وراه هادشي كامل عاارفاه .. كنت معاه نهار وحدة جات عندوو يمكن كاان معاها شي نهار ومابقاش عااقل عليها وبدات تعلي فيديها هو يلتخها مع الحيط خلاها غي دمايات خوووفني طريق كاملة ونا كنرجف ورجع كيضحك عاااادي بحالا مدار والو .. كيخدم يديه بزاف ديما مضااارب تاوليت كنخاف منو بعد مرات ...كيكون ضاحك غي يتزايد معاه شي واحد فالهضرة ينفخلو الحنك .. كيخدع ناس بداك الضحك و الضرافة تاكيعطبهم ... عارفا سلبياااتو كاااملين وحاضرة لمدابزات ديالو وعارفاه لادرت معاه هاه ولا هاه تصفا ليا ... ولاكن واخا هاكاك كنبغيييييه اختي ....
لامار : والله تابقيتي فيا هههههه ... راه خنا لعيالات عزيز علينا هاد نوع هه كامونيات .. لي ولفانهم واحد كالم يجينا بلا شخصية ههههه غاصبر وصافي ...و انا راه وصيييتك زعماا وماديتيش على وصيتي واجي تججربي دابا ...واجي اختي اجي تجربي الحب ديال هادو .. راه قالها بفمو عاض فيهم كلب مجعور .. مكيديو الوحدة تاكيسخسخوها ..مالك اختي حايا لتمارة بيديك ههه هربي هربي فللتي شوفيلك شي دكتور صاحب عمران ولا من دوك لي كوتش كيكونو كااالم وكيعرفو يتصرفو ماشي بحال هاد المساعير
حياة : واااالو منو نخلاق .. انا كيبانلي غاهو كولشي كيبانو ليا غي خبيش ..المشكل هادشي من طرف واحد.. هو معارفينيش تاواش كاينة كنموت غي بووحدي ..مانسوقش ليا كاع .. وفنفس الوقت ديما كيهتم بيا وهضرتو زوييييينة وكضحكني كيقابليني .. كيسول فيا لامريضة .. كيوصني ديما نمشي عند ماما.. فاش كنمشي كيسيفط معايا لي كادو لخواتاتي ...كجيني حنيييييين بزاف تا كنطييييح فهاد الايجابيات كيبانو تاني سلبيااات لي كيقتلووني .. قووة البناااات و انا كيحسبني صغيرة ديما كيقول ليا عمو ويعنكش فيا بحال كي كيظير قسك كتجيه يمكن غي قدها ... وعمرو بين ليا شي نهار بلي معحب بيااا والووو ديما كيقولي غي الخايبة لفاارة لبقرة لقزمة سنااافر
لامار : ههههه .. سمعني احياة ... جبدتي ليا للموضوع فواحد الوقت لي ختك زيرو خاطر وفواحد زمان لي اعتزلت تحرمايات هه كون جيتني عام قبل كون عاونتك ههه مي دابا درت عقلي شوية زعما حيت واحد الراجل عندي ديما كيقولي ندخل سوق راسي ومانبقاش نلاسق فعباد الله ويلا عرفني دخلت تاني بيناتكم نوجد فخيضاتي لقريص والعضان وختك باغا تمشي لعمرة باغا نتوب زعما .. .. ولاكن غانقولك واحد الهضرة .. من حقك اختي قلبك وماعشق و سفيان وخا هاكاك راه سعدات البنت لي طيح فيه.. لانو من نوع لي شاابع تسركيل و البنات وتعناب..نهار غايبغي .. غايبغي شي وحدة نيشان والله لاشاف لغيرها لانو صافي كيقتنع بيها ... لانها هي لي ميزها عليهم كاملين وكيكون شابع تكهم فالبنات.. عمرها لاشافت منو حس الخيانة وهاد نوع نهار كيبغيو كيبغيو بكل صدق ووفاء .. حيت مدام ختاااارك فوقت لي كل لبناااااات ضايرين بيه فابور ومشا اقتنع بوحدا ويجيبها بالغلا الا وراه صافي طااح فيها ديال بصح ... سفيان ربماا كيشوفك ديما ولفك كتحجه صغييورة عزيزة عليه .. عمرو شي نهار طاح فبالو انو يقدر يبغيك ... مافكرش فيها باش يولي يشوف لعنك بنظرة اخرى ... خصو شي طريقة لي يقول : زعما نكون مع حياة؟ خصو تباني ليه فعلاقة ماشي صحبة وصافي ... دابا نتوما بحالي انا و اسبرو .. نفكرو فبعضياتنا لاا .... هاكاك هو .. وتيقيييني نتي من النوع المثاالي لي يصلاح ليه وغانكون فرحانة لا كنتي من نصيبوو ..ومزغرتة عليه مو .. ياك هو باغيها محترمة وماناتفاش حجباتها وا راه نتي .. غي خصو يفتح عينيه
حياة : وكييغاندير اختي نفتحهوم ليه راه لاماشا تزوج بشي وحدة والله تالوح راسي
لامار : اربي سلامة .. هادشي كون كان هنا اسبرو كان غايفيديك دومااج لقيتيه سافر ... مااعرفتش حاولي تبيني ليه
حياه : نعترف ليه زعما
لامار : لا ماشي لداك درجة ... مي بيني ليه شوية .. بعد مرات غبري عليييه خليه يحس ببلاصتك خاوية ... بعد مرات اهتمي بيه ... فاش يكون مقلق ضحكيه .. حاولي تانتي تقربي منو وماتبقايش لاعبة دور غي د صديقة .. ماتخليهش يدوي مع لبنات قدامك ديري راسك معجبكش المنظر ماشي نتي كيضحك معاهم ونتي معاااااوناه لااا
حياة : واالو والله ماكيفففهم ...
يلااه غاتهضر هو يحل لباب طل عليهم
سفيان : واجدات
لامار : اااه صاافي ... يالاه احياة
ناضت هزات صاكها و لبسات كوستييمها .. وخرجو و هو شاد قهوتو فيدو وتيليفون فيدو لاخوور .. ولامار كتشوف فيهم .. حياة غارقة فيه بنظراااتها وصلو لباركينغ ولامار بالعاني ركبات لور خلانها حداه ... وانطلقو .. هو صايك وصونا ليه تيليفون دار الكيييت
سفيان : وي اسد
اسد : مال تيليفون لامار طافي فيناهي ...
سفيان : هاهي معايا .. لامار تيليفونك طافي ؟؟
لامار شافت لصاكها جبداتو : وي طفا مارديتلوش لبال
سفيان : قااااتلك طفا ليها مارداتش ليه لبال
اسد : على هي كترد لبال لشي حااااجة .. فينكم ساليتو !
سفيان : اه سالينا راه لقيتينا غاديين لداار ...
اسد : دوزها ليا للشركة
سفيان : واخا صاااافي ...
قطع عليه ..
لامار : اش قالك
سفيان : قالي نجيبك لعندو لشركة
لامار : مااابغاش نمشي عندو
سفيان : هااء .؟ واماتشوفيش بنتك
لامار : اوا يجيبها هو للدار ..
سفيان : وباركا من العكس سيري عند راجلك الله يهديك ....
ضورات راسها لزاااج ... وسفيان صايك وحياة كتشوف معاه سااااهية فيه ... وهو يضور عنها وبدا يضحك وكيضور فراسو ... ولامار بقالها غي تقققرصها تجمع راسها ..
سفيان : اسبحااان الله ازين
حياة : اء!!!! ( جنعات رايها وقادات الكلسة )
لامار : هههههههههه
سفيان : واضحكي نتي هههه الاخت يمكن شبهات فيا شي حد
حياة : ااااه .. غي واحد الجرو كان عندنا فدوار محطوووط منسووط كان كيخلني بلا نعاااااس
لامار : ههههه عطاتك اوليدي
سفيان : ههه ( قرب عنها براسو ببغمزة ) هي راني مخليك بلا نعااااس
حياة بقات ترمش فيه حدهم ليهم ولامار بدا تتصفق
لامار : معلم هههه
حياة : ناااري شحال عاجبك راسك
سفيان : وبسيف يعجبني ونتي كنتي غاتاكليني بعينيك هههههه
حياة : وراااه غي شبهت فيييك جروووو
يد شاد بيها الفلووون ولوخرا كمممش بيها على وجهها جامعو كامل فككفوو كيزعزعها
سفيان : اناا غاااانوري لممممك جرووو كيداير اجرااااانة العررررجة انا جرووو ياك املكة النمل
لامار: اولي طلق من لبنت شوف اطريق لاتصدق قالبنا
وصلو لشركة طريق كولها هيوياه شد ليا نقطع ليك ... وهبط لاكااف لباااركينغ .. باانليه متكي على طموبيتلو مربع يديه مزيررر دوك الكتاف وحاجبو طااالع ... ومشاا بااركا حداه ولامار مابغاتش تشوف عندو ...
سفيان : الاخ ... ها أمانتك وصلات على خير ... فالحفظ والصون ...
اسد كيشوف ليها لور تنزل ...
سفيان : واانزلي عند راااجلك كيتسنا ...
حياة : لامار صاافي نعسي شيطاان نزلي عندو
اسد مربع يدو كيشوف ليها كيتسناها تنزل
لامار : ماابغيتش ... يعطيني غي بنتي
سفيان : ههههه عاالااااام نتوما... قاليك عيطيها بنتها ..
اسد : نزلي
لامار : بغييت بنتي ..
سفيان : واانزلي عند راجلك
لامار : يعطني بنتي هي لولا
سفيان :واش منقل انا الكووكايين ندير تبااادل هنا ... قالك اسيدي عطيها بنتها عاد تنزل
اسد : نزلي هزيها ...
الجزء 56
Start from the beginning
