شاركني روايتك

الروايه الخامسه:في قلبي انثي عبريه

روايه في قلبي انثي عبريه للكاتبه خوله حمدي
روايه جميله جدا تونسيه بس مش هتحسوا بالفرق ده خالص و مستوحاه من قصه حقيقه

الاختصار: مبدأيا الروايه عباره عن قصتين منفصلين عن بعض تماما و إذ مره واحده شبكوا في بعض
القصه الاولي ريما المسلمه اللي مامتها كانت بتشتغل عند ناس يهود في تونس و توفت و لكن قبلها كانت موصيه جيكوب رب العائله اليهودي انه ياخد بالوا من البنت دي و يحافظ علي دينتها الا انه بيعتبر انها واحده من عياله و بيحبها جدا لدرجه انه كان بيوديها الدروس الجامع و بجيبها و يخليها تقوله الشيخ قال ايه الا ان مراته مقدرتش تربي ولادها مع المسلمه دي و لا قدرت تتعامل مع تقاليدها الاسلاميه فأضطر انه يتخلي عنها و يودها عند واحده قريبتهم في لبنان

القصه الثانيه هي عيله مخلطه الاديان في لبنان لكن سعيده جدا الام كانت متجوزه من مسلم و خلفت ندا و بنت كمان بطله القصه ندا بعديها الام بتكره حياه الاب الاسلاميه و بتتطلق و بتاخد بنتها و تقابل جورج المسيحي اللي عنده ولاد برضوا الا انه عمره ما فرق بين ولاده و ولاد الام دي لدرجه ان ندا كانت بتقولوا يا بابا و كان في استقرار كبير ما بينهم و كل واحد بيحترم ديانه التاني و بالرغم من ان ندا يهوديه زي امها الا انها كانت بتكره الصهيونيه و بتقاومها كمان بل و يهوديه متدينه بتقابل احمد المصاب و حسان زميلوا شباب المقاومه في لبنان في الوقت اللي كانت بتحارب الصهيونين دلوقتي و حركتهم في لبنان و بتساعدهم و بتعالجهم وسط صدمه حسان ان واحده من اليهود بتساعدهم لتنشأ علاقه بين احمد و ندا في ما بعد و يحاول و يتناقشوا في امور الدين سواء الاسلامي او اليهودي لحد ما تحصل المفاجأءه مع كل واحد فيهم
طبعا هتقولولي طيب وايه علاقه القصتين ببعض ريما و ندا اقولكوا اقروا انتوا القصه بقي بس اللي عرفهم ان ريما لما سافرت لبنان واجهت صعوبات مع العيله اللي كانت معاها لكنها قعدت مع عيله ندا و بقت ندا محاطه بالمسلمين من كل اتجاه سواء احمد او ريما
احمد وريما هيبقي ليهم تأثير جامد علي ندا مع الاحداث لكن الاحداث هتتقلب في ثانيه لعكس المتوقع مليون %

عدد صفحات الروايه ٣٨٦ صفحه
التصنيف:ديني رومانسي درامي

اولا الروايه جميله و طويله بس حلوه اوي
مش بتمس اي دين من الاديان ولا بتظلمهم محترمه لابعد حد
ميزه الروايه كمان انك كل ما تعتقد ان ده اللي هيحصل تلاقيه بيحصل عكسه خالص
يعني مثلا كل ما تتوقع ان ان جيكوب هيرجع ريما مبيرجعهاش
اول ان ندا هتسلم مبتسلمش
او ان ندا هتتجوز احمد مبتتجوزوش عشان تفجأك في حاجات يحصل فيها عكس ما انت متوقع عن كل ده او بعد اللفه دي كلها الايام و ربنا هيديلك كل حاجه انت عاوزها

التقييم:١٠ من ١٠
و اخيرا الروايه حلوه اوي اوي و هتعجبكوا و هتفيدكوا تقدروا تنزلوها او تسمعوها من علي يوتيوب لانها طويله بس شكراا جداا و قولولي رأيكم و شاركوني في الكومنتات رأيكوا و لو تحبوا ترسحوا روايه تفيدوني بيها انا اقرأها اكتبوها في الكومنتات بليزز
انصحوني
عاوزني اكمل ولا لا
احتمال المره الجايه اعمل مجموعه روايات الكترونيه من غير شرح
ولا حابين الورقيه