اجت ام اسماعيل كتلها اريد ارجع لبيت رجلي
ليش
احسن خاله .جنت تعبانه وهسه ارتاحيت بس لاتحجين لاحد البنات لاتكليلهن
ليش يمه متردين احد يدري
احسن خاله
زين الصبح من اطلع اخذج اوصلج
ان شاء الله
نمت واني حايره وين اروح وين مجان المهم اطلع منا
شاهين.. تعبت ماخليت مكان دورت
والذنب . ياكلني .البيت كرهته حتى جهالي مادري بيهم
دك تلفوني زينه . اني لعبانه نفسي منها كل الصار بسببها ماجاوبتها
هواي اتصلت شويه اجه فريد
وين تلفونك
مادري بي
هاي زينه تريدك .. ماردت فريد يحس جاوبتها
زينه اتصل عليه لو تجاوب مهم زين شغلة تخص يمامه
سديته وخذت تلفوني طلعت
الوو
زينه يمامه دكت عليه
شنوو هي وين
مكالت شكد حاولت وياها بس ماقبلت كل الكدرت اعرفه هي يم هاي ام اسماعيل
زين اني اعرف اتصرف . .. سديته تذكرت من كالت اجت عليه . واستئذنت تسجل رقمها بتلفون امي
دكيت على امي
اكلج يمه رقم هاي المريه بعده يمج
اي يمكن مادري بي
زين وفاء اجتج اليوم
اجت
صيحيها الي
وفاء نعم عمو
شوفي عمو بتلفون بيبي رقم مكتوب ام اسماعيل نسخي ودزي برساله اليه زين
وفاء صار
دزته اليه دكيت عليه محد رد
شويه دكيت رد عليه ولد
نعم تفضل
تلفون ام اسماعيل
اي
اكدر احجي وياها
لحضه
الوو
شلونج ام اسماعيل اني شاهين زوج يمامه
هلا بيك خاله
وبيج . ادري بيمامه يمج واريد اجي اخذها بس تنطيني العنوان وياريت متبلغينها
بس اني وديتها لبيتكم ليوم الصبح
شاهين .. يابيت
بيتك
بيش الساعه هذا الحجي اني هسه متصل بيهم ماكالو
والله خاله بيدي وصلتها للباب كالت اني جنت متضايقه وارتاحيت اريد ارجع لرجلي وابني اشتاقيتله واخذتها
YOU ARE READING
يمامة خلف القضبان
Romance. نساق ..والاقدار من يسوقنا لا نملك خيار فيما نحن فيه ولا ماالنا اليه ولاماسيكون .. الاقدار اختارت ان اكون كطير اليمامه ولدت بقفص وقضيت حياتي انتقل من قفص لااخر .. كثيرون مرو بحياتي . التي امتلئت بالعبر .. والمطبات . التي...
