دخلت بشهر السادس .وزينه تحدد عرسها مرات بلبوكه نسولف بعدها تبجي وتخاف من فريد ومامتقبلته تلفون قبل عرسها بيومين اطو الها بس بخط جديد ومسحو منه كل البرامج .
حنتها .. راحت صالون .هي والبنات كلهن خواتها ونهاد ولمياء وفاء اني ماحجيت ولاطلبت . لان اصلا ميحجي ويايه .
بس امي فاتت شمرت عليه فستان حوامل
ازرك مشجر بفضي . وطلعت قسته طلع حلو عليه . خطيه زينه طبت يمي وقفلت الباب حفتلي ورتبت شعري ومشتريتلي صبغ . بني فاتح . بجيت بجي هي تشتغل واني اشهك وهي وياي حضنه بعض من يوم فتت جنتي الي اخت وسند فراكج صعب
زينه واني شكول اكثر شخص راح افتقده انتي لو يقبل يحجي وياي اكله بكلشي
كملت وكالت اليوم انام يمجن لو تنكلب الدنيا ويموتني
شاهين .التفكير موتني مادري الصار منو المسؤول عنه
كلما اشغل الفديو اضوج منها اكثر .لامانعتها لاناصحتها لاتكلها روحي ولاتظلين جبانه ولج يمامه منين تعلمتي
مو جبتج بزونه عميه مادري جنتي تمثلين عليه اخ لوما حلفت يم كبر ابوج مامد ايدي عليج ولااسويلج شي جان طلكتج وطلعتج من الييت بس ادري ماعندج مكان
فاتت امي .انت لشوكت تظل هيج ويا مرتك
شكو يمه
سلامتك .بس اريد افتهم . غلطت وعاقبتها كافي .
لا مو كافي يمه ولاتفكرين مخليها محبه بيها لا عايفها لخاطر الي بطنها و لان ماكو احد يلفيها
ميخالف جهال اثنينهن وغلطن اختك هم باجر تروح لغير بيت لاتخليها تطلع وانت زعلان عليها
تدرين يمه امي مااكسرلج حجايه بس تعذريني هاي المره
عفتها وطلعت
يمامه . مشتاقتله واتحسر عليه شكد اتنمه يرجع مثل قبل من يجي من الدوام متلهف عليه .
هسه يروح ويرجع ابد ميباوع بوجهي صدك هو فاهم غلط بس هم حقه اني جنت ادري ومامنعتها صح جنت انصحها وكل خوفي عليه وعليها بس ماجنت متخيله هيج يصير
بيوم الحنه البيت انترس الكرايب والجوارين . خليت محمد بغرفتنا صار كومه اطب بس انظفها . واغسل ملابسه واكويهن و اعلكهن واطلع حمودي متنحس ويستغرب من الناس بس يبجي حطيته على الجربايه تمددت يمه وغفيت من التعب ..
شاهين . جيت اخذ جنطتي واطلع للدوام قدمته بيوم حنة زينه ماردت ابقه . طبيت لغرفتي لكيت يمامه نايمه هي ومحمد . صدك كلبي رف واشتاقيت لاايام اطب الكاهم بيها ..باوعتلها متغيره . بس بطن وجهة ضعفان . وجسمها . ذيج الفتره قبل المشكله سمنت حيل حتى مرات اكلها بطه .
BẠN ĐANG ĐỌC
يمامة خلف القضبان
Lãng mạn. نساق ..والاقدار من يسوقنا لا نملك خيار فيما نحن فيه ولا ماالنا اليه ولاماسيكون .. الاقدار اختارت ان اكون كطير اليمامه ولدت بقفص وقضيت حياتي انتقل من قفص لااخر .. كثيرون مرو بحياتي . التي امتلئت بالعبر .. والمطبات . التي...
ال٢٣
Bắt đầu từ đầu
