1622

مقدمة

نظر لها بقرف ثم صاح " يا لكِ من زنديقة !! " فتوسعت عينيها بغيظ قبل أن تردف " بقى أنا زنديقة يابتاع آمان يا لالالي !! "

" هل تريدين أن تُقتلي اليوم ؟ " هددها فرفعت إحدى حاجبيها لتجيب " بس ياض بقى خليني أطفح منك لله سممت عليا اللقمة "

ثم مدت يدها لتنتشل أكبر دجاجة موضوعة على الصينية وهي تنظر بأعين متوسعة إلى السفرة المليئة بجميع أصناف الطعام

ضيقت عينيها وهي تهمس من تحت أسنانها " آه يا أتراك ياولاد الحرامية كل ده أكل ! وتلاقيكوا سارقينه من المصريين الغلابة وسايبينهم يسفوا التراب ياولاد الكلب "

سمع همهمات خافتة منها فسأل " معذرة ؟ ما الذي تقولينه ؟ "

" بمدح فيكم ياحبيب قلبي " ثم غمزت إليه وأردفت " أموت أنا في العيون الزرقا والدقن الشقرا دي "

ابتسم باتساع ثم رفع يده ليهذب لحيته بفخر بينما هي تجاهلته وهمت بافتراس الدجاجة.

__________________________________

الرواية خليط ما بين العربية الفصحى والعامية المصرية، لذا فقد تجدون كلمات تُكتَب تمامًا كما تُنطق بالعامية المصرية مثل [ أنتي، بالظبط، عملتي ..] لكن ذلك لا ينفي أنها ستُكتب تارة أخرى بالفصحى ك[ أنتِ، بالضبط، عملتِ. ]

الرواية مُسجلة برقم إيداع في وزارة الثقافة المصرية وغير مسموح بنقلها أو إقتباسها بأي شكل من الأشكال.

وقسمًا بالله أنا قافلة صفحتين و٣ جروبات على الفيسبوك لحد دلوقتي عشان نقلوها بدون إذن، فلو حد مش خايف على صفحته أو الجروب بتاعه يتفضل ينقلها، مجرد بلاغ بانتهاك حقوق الملكية للفيسبوك مش هيمسحوا البوست بس، هيمسحوا الصفحة كلها ونفس الكلام على البلوجرز في جوجل 😃