روعه بلعت ريقها وقالت : عمو حسين قالي نرجا هنا لعند يعرف ماما وين ؟
رتاج : اها ،، والماما وين لتوا ماجاتك ؟
روعه بحيره : مش عارفه ،،
ورتاج ولعت التلفزيون وحطت علي قناة مسلسلات وقعدت تتفرج وروعه كأنها مقمعزة علي كانون مش قادرة تصبر .
انجو لحسين اللي وصل للكافي الشعبي وقرر يروح من نفس طريق رقيه لانه عارفها كانت بتمشي لمدرسة بنتها وهو يسوق وصل لمفترق الطريق وشاف سيارات شرطه ورجال شرطه وناس واول ماقرب لاحظ ان السيارة سيارة رقيه و حس بقلبه بيوقف علي طول نزل ونشد اذا اللي في السيارة وليه وفعلا اكدوله الشرطه وبعض الشهود والراجل اول ماعطوه عنوان المستشفى القي روحه يسوق بسرعه لعند وصل للمستشفى ونشد علي رقيه قالولا في العمليات وبعد تأكد انها هي والقي شنطتها وبطاقتها واوراقها تثبت هويتها قبل بكا بالدموع وحس بالذنب انه ممكن السبب ،،
حسين : لا حول ولا قوة الا بالله ،، ياربي الطف بحالها الوليه الغريبه يارب ماتفرقها عن بنتها يارب ،
و مسك فونه بيتصل لقاه يضوي شكله كان عالصامت ومش فاطنله ،،
والقي رقم فراس ،
حسين : ايوااا ،، القيتها ي ولدي القيتها ،، مرت عمك ... اللي صار ... الوليه دارت حادث وسعفوها وتوا انا في المستشفى ،، يستر الله هي توا في العمليات ،، تي متأكد انها هي شنطتها فيها بطاقتها واوراقها اهن بين يدي ،، مش عارف والله ماساع شفت حد وحاس روحي حاير شن اندير ،، باه ،، مستشفى ####$$ .. باهي نرجا فيك ،
وقفل من ولد خوه وهو حاير ،
وعند فراس وقبل مايفتح عليه عمه بوقت بسيط وقف وطلع لسور الحوش في الحديقه الحقه خالد ،
خالد : وين ماشي ياراجل ارجا الغدا قريب يجهز ،
فراس : والله ماعندي نيه ،، مش عارف ليش باتك مايردش ،،
وهو يتصل فتح حسين عليه ،،
وطبعا روعه قررت تروح لشقتها هي وامها واول ماوصلت لباب الحوش شافت فراس وخالد وطبعا معاطينها بالظهر ماشافوها ، وسمعت الكلام اللي صار بين فراس وعمه حسين ،،
نرجعو لفراس اللي يحكي مع عمه ،،
فراس : ايوا ي عمي ،، تي شن صار معاك ؟ القيتها والا شنو ؟؟ باهي وين قاعده ؟؟؟كيييف دارت حااادث ؟؟ عليش في العمليات ؟ شن فيها ؟ ارجا شويه متأكد انها مرت عمي هيثم بالك وحدة ثانيه ،، باهي وشنو توا شن صار فيها ؟ ارجا شويه نكلم باتي ونجوك غادي ،، مستشفى شنو ؟ تم .
وهو بيقفل ويسمعو بصيره اخبطت التفتو خالد وفراس يلقوها روعه طايحه عالارض مغمى عليها ،
فراس : رووعه !!
خالد : يستر الله شكلها سمعاتك ،
وفراس شاف لخالد يمشي لروعه بيشيلها سبقه فراس وشالها بين ايديه وقال : جيب مفاتيح السياره وهيا نمشو للمستشفى ،
#جميلة_في_عالم_الذئاب
Start from the beginning
